醬缸韓國料理 (已搬遷) 新店位置

早兩年韓風盛行，食醬油蟹係蟹迷必做嘅事！而當中傳聞最好味嘅係醬缸嘅醬油蟹啦！！但因為佢要預訂，而book枱嘅電話永遠都係打唔通(當時)!身為蟹妹嘅我，其實係未食過醬缸嘅醬油蟹(其他店嘅就有食過!)。對上一次食醬缸因為係walk in，所以只食到醬油蝦，一樣咁好味!今晚我終於可以一嘗個個讚到天上有地下無最好味嘅醬油蟹!四小碟前菜未叫嘢食之前，已經嚟咗四小碟嘅前菜。醬缸係一間完完全全由韓國人打理嘅餐廳，佢哋前菜明顯比尖咀果d好dd，起碼四款都唔同味道。而且佢d前菜係可以refill，不過當我問可唔可以refill嘅時候，個阿珠媽其實係黑黑地面!唉!可能醬缸之前太出味，而家人氣回落，未免有d悔氣。講返d前菜先……有泡菜、鮮冬菇片、薯絲同青瓜~但對於我食開重口味嘅人嚟講，除咗泡菜之後，其他都比較淡口！醬油蟹韓國五大名菜之一，將未經烹調嘅生蟹放喺醬油中醃製而成，韓國國民鍾意直接將白飯加喺蟹蓋入面同蟹黃撈埋一齊食，所以又叫白飯神偷!基本上食親醬油蟹都會跟一碗紫菜飯。阿珠媽送上肥美醬油蟹之後，佢就好快咁會想幫你開蟹，我要hold 咗佢一陣先影到相！阿珠媽又黑面~哈哈哈！醬缸隻蟹係比起我喺其他韓店食到

佐敦這間醬缸地方雖然細，但也有不少韓國特色菜。一開始四小碟韓式前菜，其中泡菜都幾辣，有料到，和其他前菜一同吃就中和了。醬油蟹最受歡迎，不過唔係好岩小朋友吃，所以點了幾味傳統韓菜。石碢拌飯：熱辣辣的白飯跟豬肉丶韓式辣醬和拌菜撈，在冬天吃特別滋味，豬肉更香甜野味。這個韓式辣醬，不可小看，第一口食落去不太辣，原來越食越入味，是持久的辣味。海鮮芝士炒年糕：年糕份量不多，反而魷魚和青口最多。原來年糕沾了辣醬更加香口野味。海鮮蔥餅：又係海鮮，這個蔥餅最好趁熱食。軟硬適中，剛剛好。韓式烤肉：這一鍋分量十足，很多很多牛肉和菜，菜和牛肉汁都很香甜，最野味又是點韓式辣醬來吃。這一餐好像去了韓國街邊店一般，辣得滋味。其實我很少吃辣，今次例外。

為醬油蟹而來，蟹身不算大隻但尚算多肉，入口不咸有點清淡，沒有想像中的鮮味，蟹蓋加柴菜飯有點點蟹糕蛋黃味，伴菜辣椒味道不錯。整體上沒有驚喜。另點了芝士海鮮年糕，熱騰騰的拉絲芝士加上菜同年糕味道有點甜甜的，芝士味淡淡的有點靭，整體味道不錯，可以一試。佐敦店環境較細，兩人枱細得多點個菜都放不下。

突然見到冇人排又人齊就入座得所以去左試啦當然要試個醬油蟹啦甜嘅但唔知點解突然驚左食生野咁唔太享受不過其實味道唔錯，只係突然唔識欣賞這種鮮味姐姐仲幫我地剪晒辣椒同洋蔥可能佢見外子食過條辣椒以為佢識欣賞所以主動幫我地剪但其實佢咬完一啖就放棄左伴蟹的紫菜飯伴著蟹膏其實不錯可能放耐左少少紫菜就唔算好脆這個海鮮餅不得了我可能唔食得多香港嘅韓國餐廳我是第一次係香港食到咁脆身嘅海鮮餅海鮮料都好足整體都好食嘅只係我唔太識欣賞生蟹食完之後仲好有心理壓力咁覺得會肚痛呀要快d番屋企但最終係冇肚痛任何問題都冇

想食左有成年，之前打極電話都無人聽，慢慢開始忘記左想食🙊最近又有人講起醬油蟹，就再試下打，可能熱潮過左，一打就通了～之後打去改人數都輕鬆打到。講食物先～朋友未到齊，就食住前菜先～食食下就食曬全部了之後問佢可唔可以添加，佢話唔得，下？未試過唔添得！（但之後到齊佢又自動添加一次，可能係語言障礙）重點我第一次食，好期待！初初怕會腥，但佢一d都唔腥，仲好新鮮！加埋個紫菜飯真係lam lam脷$25x本人係食肉獸，最鐘意食牛，佢就一般般啦～有牛味既，但肉質好lum,好似落左太多生粉咁，$2xx,有d唔抵～牛肉豆腐湯～配一飯白飯，熱騰騰，少少辣，幾惹味。但料唔多。Er.......好普通，自己整仲好食為左醬油蟹係值得一食既，其他野食就好普通了

呢間係好抵食的韓國餐廳，我幫襯左好多次，他們的醬油蟹同蝦我都食好，我首推他們的蝦，好食，醬汁撈飯加紫菜，很好吃。他們的燒肉同樣惹味，而牛肉骨鍋我都覺得好濃好好食。肉淋，醬料夠，配飯好滿足，夜晚要等位

打電話去留咗醬油蟹俾我地 去到就話 以為我地同隔離枱一齊就俾咗隔離枱😧😧👍🏻 咁我打電話來做乜嘢？個電話仲要打左成日 山長水遠食佢嘅醬油蝦 我覺得食普通嘅生蝦都好食過佢 中伏 其實嘢都正常

天呀．點解食十次都仲係咁好食。要食醬油蟹既朋友記得要BOOK 枱，記得要訂蟹，唔係無得你食呀，不過其實我試過食蝦，都好好食。首先係韓式主家配菜，任添！真係好好食呀！我個人好中意食右下角戈個薯絲。之後主角就黎啦， 佢配埋個紫菜飯真係好好好食。我仲加埋佢戈洋蔥呀，辣椒，一啖爬入口，間直覺得入左仙境呀。P．S 未食蟹就已經好高興因為大家都雙手用左黎食蟹， 所以係無影到入面既膏係幾咁多！真！係！好！出！色！其實我真係一個不折不扣既中國人，食完凍野真係會想食番小小熱野。辣左D，真都好夠味，好好食發哥都讚好呀

一行七人慶生飯，只係叫左五道菜已經飽晒，十分滿足。四小碟真係唔好睇少佢地以為係普通野，冬菇好滑，麻油好香；醃白菜仔少少辣好好味。仲可以refill 添。醬油蟹 $298 兩隻 連麻油紫菜飯肉質嫩滑好鮮甜，用蟹膏加淡味醬油拌紫菜飯真係好食到停唔到。唔好錯過個洋蔥，浸過醬油一d 都唔辣，仲好甜好脆！紫菜飯追加$20 淨撈醬油都清哂成碗飯韓式豬手 $228正！上枱時係溫暖嘅，夾埋超辣醃菜、蒜頭同麵豉醬一齊包喺生菜裡面，令人食欲大增。炒粉絲 $88麻油味好香，好多洋蔥同椰菜，牛肉唔韌夠入味！海鮮芝士年糕 $128睇落好似好辣，其實唔辣架。芝士有拉絲令人好興奮。盤子很大但份量唔係好多。年糕口感煙韌，仲有一塊塊韓式魚旦。不過食左隻蝦，死實實又冇蝦味，劣質雪藏貨。石煱拌飯 豬肉 $78普通野冇特別可以不食。飲埋米酒，埋單一千三百幾，每人二百有找，係韓迷的好選擇！

貪新鮮叫辣牛肉湯，結果有尐後悔，其實韓湯得兩種我覺得好飲，係辣豆腐湯同大醬湯。先講番呢個辣牛肉湯，有三小碟前菜，仲有碗韓國米飯，其實已經好好。不過個湯好似唔係好夠味，同唔夠辣！叫得做辣牛肉湯，可能我貪心以為係神仙濃牛湯嗰隻有淡淡的牛香，結果係無。而應該有小小辣都唔過份嘅湯，呢碗就真係唔夠辣，結果我要用上前菜嘅辣泡菜加埋入湯先搵到韓國湯嘅感覺。

為醬油蟹慕名而來！因為下午有食下午茶 不是很餓，所以和朋友只點了醬油蟹2隻（一定要兩隻起）。7點半左右去到，已經有人在排隊，幸好不是很太多人，等了大概20-30分鐘就可以進場。店面比較小，坐得比較逼。不過醬油蟹味道確實不錯，醬油味濃，不會太咸，肉質也不會太散，雖然蟹不大隻，但是肉也不少。配上紫菜麻油飯食，很滋味！另外也有泡菜之類小食送上。如果當正常晚飯食，兩個人單點醬油蟹是不夠的。看到隔離台的湯年糕和芝士排骨也不錯。下次再去試👍👍

此間食醬油蟹非常之出名，所以一諗到要食醬油蟹就必要黎呢間，預早已訂枱訂蟹蝦，早了半小時到，知道我地已訂枱雖然人未齊，都俾我地入坐醬油蟹鮮甜，不過個人覺得醬油蝦仲好味，夠彈牙，配料全部都好食，辣椒見雖大，不過唔辣，配埋麻油紫菜飯，真係絕配另外一讚係燉牛骨真係好食到停唔到口，牛骨全部肉離骨，入味，又夠稔，雖叫了辣的，不過個人都覺得係唔辣，豬手個人覺得此終都係泰式的好食不過店長好好人，幫忙加添生菜俾我地包，所以都值得一讚，另外米酒價錢相比真係貴了好幾倍，真係唔值用餐個半小時，因為出面有人等位，雖然我們未食完都要我們結賬走人

今日一早打電話黎book位book蟹。可能係平日既關係，即日都可以留到位同蟹。第一次食醬油蟹，起初會以為係好咸。點知食落係勁鮮甜，蟹肉口感好似海膽咁，撈埋佢比既紫菜飯食無敵！一咬全部肉就出曬黎，好正！另外試左人參雞湯，入面有糯米飯，好香口。湯好好飲，雞味好重，人參味接受到。仲有試左芝士排骨年糕，個汁偏甜左小小，可能係最尾一道菜，我地食到好飽，覺得有d流。

幾隻為食豬又gathering，今次又韓國風有隻為食豬之前食過極力推薦這間醬油蟹之前已經book左枱，所以可以直接入去唔洗等位✌一行五人點左4隻蟹，一碟醬油蝦，豆腐湯，韓式豬手，芝士年糕肋骨，海鮮煎餅，同石鍋飯※誠意超級推薦 - 醬油蟹會配個麻油飲，隻隻蟹都有好多糕，伴上麻油飯食超正，蟹肉的質感似帶子刺身，而且唔會太咸麻油飯超香麻油味，食麻油飯都食飽※醬油蝦都有配麻油飯，肉質都彈牙，上菜時他們可以幫你剪開一粒粒，但你食左隻蟹再食蝦，會覺得蝦麻麻地※豆腐湯有點超辣，有少量海鮮同一些茹茹，味道尚可以※芝士年糕肋骨，芝士超多，肋骨好淋同超入味，重有紅蘿白同白蘿白都超入味※海鮮煎餅，煎到條邊脆卜卜※豬手，份量好多，應該有一隻豬手，但味道普普通通，有d似"魯"水豬手食時要配上青瓜，紅蘿白，蒜頭等，其中有個汁有d虾皮但超咸重有佢地泡菜雖然係可以任食(有茹，土豆c，泡菜)當你食完叫佢地fill時候，他們好似唔太願意比你

呢間韓菜館一直都好想試，不過夜晚都勁多人，又要排餐飽，星期日又唔開門，咁岩今日星期六出開佐敦，即刻襯機去試試先！12點開門一陣入內，已經坐了大半位子，打開餐牌都係$40-$60價位，見慣中環餐牌既我真係變左心心眼。點菜後先來3碟小菜，辣辣泡菜特別多，另外兩道就份量出奇地小，顯得有點小家。朋友點了豬肉伴飯，將好幾道菜搞一搞，每一口都勁有口感，又有芽菜蘿蔔絲，好似好健康。我就點了香辣海鮮豆腐湯，一上菜時滾下滾下。先輕嚐一口，有蝦有蛽好鬼鮮甜，不過真係每一口都好香辣，學下韓國人將飯倒落湯汁中，每粒飯粒都吸滿湯汁，正正不過又熱又辣，只能慢慢品嚐。P.S. 見d評論話打極電話都無人聽，我就聽到職員有聽了好幾個電話，不過都係話當晚full晒，睇黎想食呢間就要預早安排，唔可以臨時決定