金凱鮮庭 (已結業)

大家不約而同到了北角大家對這間店都好奇了大家於是都坐下來吃飯了今晚特別, 我們點了 加拿大蟹: 好多雪白雪白的蟹肉, 味道鮮甜, 蟹膏甘香! 雖然佢唔及麵包蟹咁多膏, 但對我來說已經好足夠了! 同時又會有白酒醋奉上for點蟹, 是香的但太濃同甜, 會好搶蟹味, 建議搵隻淡少少會好啲! 蒜蓉包: 未送出黎已經好香啦! 囉黎送蟹膏簡宜係一流 翡翠螺: 見到好多食評都極力推介, 小女子也是翡翠螺既fans, 當然抱好大其望啦! 食滿 $300蚊又用hsbc埋單就會送4隻! 見到隻螺好大隻又綠, 真係好開心架, 但一食落就好失望, 肉是結實不梅, 是新鮮但係唔甜又無味~感覺係煲湯完既渣! 唔知係咪呢log既問題呢?? 但係我就無以上食評既味道焗蠔: 好好味! 因為佢地打既薯蓉好滑好cream, 又有少少火腿同煙肉味, 面頭焗到金黃色, 好吸引! 蠔是鮮蠔~有少少咁味同埋海水味, 裏面又是結實既蠔肉! 掂~豉汁蒸班頭腩: 豉汁味好香但唔太咸! 好有魚味, 但係厭佢斬得太細件, 食起黎唔夠爽! 服務係ok的~我地拆蟹時都不停為我地清碟, 我地問得多又唔厭我地煩, 有時間又會同我地傾兩句! 環境

看食評認識了此餐廳，又想食面包蟹，所以星期日下午去了買外賣。兩個人要了一只面包蟹、半打翡翠螺、同一只加拿大蟹。面包蟹 - 蟹膏美味，配上附上的vinegar，一流。估不到蟹箝的肉都不錯。加拿大蟹 - 肉多而且較甜，其實比面包蟹更好食，當然如果只愛吃膏的就另話了。翡翠螺 - 鮮甜，令我對翡翠螺完全改觀。而且$48有6只，真的抵食又好味。一定會再來~~下次要試一下瀨尿蝦~

本來諗住去阿X小吃，但有朋友最近先食完潮州菜所以試友人推介呢間海鮮店。呢間位唔多，重要幾逼下。好在有訂枱坐室內。點了麵包蟹，我吔要最大size, 蟹膏多到呀...滿瀉，翡翠螺，肥大、鮮甜，爽。加拿大蟹，雖然個殼好硬，但我吔覺得好食過麵包蟹蒜茸包，真係好香好好食！芝士薯蓉焗蠔，肉小但幾好食豉汁蒸蟶子，好鮮甜好可口。瀨尿蝦，有牛油香草汁，但唔夠味呀。白洒，冰涼，正。

今日考完final張paper,一早已決定好好食餐正的，上次同同事嚟，食了加拿大蟹，超好食又多膏。今次去到負責廚的姐姐話麵包蟹多膏D，一於聽佢介紹。點了：麵包蟹 蒜茸粉絲蒸聖子伊麵底 翡翠螺 蒸扇貝 花膠燉雞湯 蒜茸包老公食完都話正，下次再來過。

Live close enough to here and despite having walked into the shop a few times to see what kind of frozen or non-frozen Tourteau or Scottish Crabs, Lobsters or other Shellfish or seafood products they sell - I never really noticed that half of its menu is actually cooked as Chinese style! Anyway, one day wanted to eat some seafood noodles so ordered a LOBSTER MEAT WITH BRAISED E-FU NOODLES! For around $48 from memory, this came with a bit of lobster meat, the quality resembling pre-frozen bosto

　　年近歲晚，眾人提議去炮台山金凱鮮庭吃年夜飯，喜其可以食海鮮，一來不用加一，二來省去茶芥，同樣又有鮑魚海參，比起去酒樓實惠得多。　　一行七人來到，店內已坐滿三兩枱客人，反正天氣不冷不熱，又沒有下雨，倒不如坐在街外，說話大聲點也不會騷擾別人，吃得飽時又可以站起來運動運動，手袋背包可以全放進車內不用看管，吃起來舒服得多。　　開始時點了攋尿蝦及龍蝦作冷盆，攋尿蝦一隻七十八元，龍蝦一隻一百二十八元。自從試過以龍蝦做早餐、又試過龍蝦作宵夜這些過分奢華的日子之後，不敢再吃太多龍蝦，但驟聽攋尿蝦要七十八元一隻又似乎很貴，一於要四隻攋尿蝦三隻龍蝦來個併盆，看看怎麼攋尿蝦的價錢拍得住龍蝦。　　攋尿蝦吃法多以椒鹽，但這樣會被搶去了原有味道，這次凍食另有一番滋味，只要從邊緣剪開，便可拆出整條蝦肉，可能極為新鮮，放入口中除了爽脆、鮮甜中帶海水味，咀嚼時使肉質與肉汁混和，再喝一口白酒結合蝦香，回味無窮。龍蝦保持水準，但味覺已被攋尿蝦蓋過，怪不得要七十八元一隻，確是物有所值。　　張老闆見我們吃得開心，特別送來一客翡翠螺。但都唔知佢搞乜，明明我哋七個人，只得六隻螺，幸好翡翠螺新鮮又大個，比起五星級酒店不知好味多少

1. 豉汁蒸斑頭腩$78 ~ 份量唔太多,不過都幾好味,唯豉汁唔夠香.2. 蒜蓉蒸元貝飯$58 ~ 3隻元貝得一個殼,元貝細細件,都新鮮好味.3. 龍蝦燴伊麵$58 ~ 汁醬好難食,龍蝦起了肉,都OK,但伊麵唔掂,水汪汪死撻撻.

沒有吃凍海鮮,只吃蒸蟶子,焗龍蝦及魚腩.可能全部都是雪藏海鮮關係,所以熱煮後始終都沒有新鮮海鮮那樣鮮味

法國麫包蟹 -- 天氣熱, 比天冷當造時少了蟹黃, 但都算多膏, 蟹膏呈蛋白狀, 幾有海水味, 肉質本身都好鮮甜. 翡翠螺 -- 大隻鮮甜. 豉汁蒸蟶子皇跟飯 -- 蟶子都好大隻, 幾新鮮爽口, 豉汁撈飯... 好味. 蒜茸蒸元貝跟伊麫 -- 元貝同伊麫都ok..... 幾十蚊一碟, 夫復何求?店子小, 10點閂 門, 但價錢平, 食物又ok, 不失為食海鮮好地方.....

其實都已幫襯咗幾次啦, 次次都十分OK, 以前D瞓覺蟹真係爆晒羔, 好好味, 但今日去, 都已經叫咗最貴(HK$248)嗰隻瞓覺蟹, 但隻蟹好少羔, 而且羔下面仲有好多粉紅色的物體(唔記得影相), 問侍應佢話係D紅色羔融咗喎, D肉仲有D"壓壓"地, 其實我覺得係隻蟹唔新鮮囉!跟住叫了一碟斑球伊麵, 斑球只有四小簿片, 但D伊麵好食, 斑球亦唔錯叫了一枝白酒, 百多元, 冰冻好飲今日在這裏坐了個多小時, 只有我們一枱客, 及兩個外賣客, 原因是食物變差了吧!

香從小漁港發展成國際大都會，唯一不變的是海鮮馳名海外。各種燴灸人口的海鮮熱炒都不用西打再介紹。大概是一兩年前在港式海鮮之外，冒起了一眾的西式海鮮小店。在賣的太多是一般大路海鮮店吃不到，從外國進口的古怪海鮮。雖不致遍地開花，但遠至大埔也開了一家這種西式海鮮店。金凱鮮庭算是開荒牛的幾家店，而且從開業到現在，還是好評不絕。金凱鮮庭藏身在炮台山一條後街，店裏不夠十個位置，不訂位的話會有點麻煩。麵包蟹HK$248，想吃蟹膏必定要點麵包蟹。價有由HK$198-248不等，要吃便吃最好，西打二話不說點了最貴的。翡翠螺，HK$48/6隻，很多酒店的自助餐冷盤都有供應翡翠螺，但吃過金凱鮮庭的才知甚麼是真味！新鮮程度是自助餐的貨色完全沒法相比。每口肉都爽脆又鮮甜，不會吃到又乾又硬的貨色。差不多每桌都點這個！真的像吃冰淇淋一樣，用湯匙一匙一匙的舀來吃。入口豐腴甘香的蟹膏，讓西打整個人感動起來。大叫怎麼會這麼好吃！還可以一點都不小氣的大匙大匙的舀來吃！雖然價位有點高，但真的沒任何蟹可媲美麵包蟹的美味！絕對不是普通很小隻的蟶子！肥美的蟶子不多加調味，只下了一點點豆豉去蒸。雖然不難煮，但要弄得好吃也不容易。蟶子這

雖然已經唔係第一次黎食,但間中海鮮癮起都會諗起呢度.不過會覺得舖內有小小迫,如果外賣返屋企食會食得舒服D.自在D當晚點左長腳蟹,翡翠螺,花膠湯,象拔蚌,扇貝伊麵,青斑伊麵,食得滿足,仲外賣左一隻加拿大蟹返去同屋企人食,唔計隻加拿大蟹,三個人食左大約一千蚊,

　　上次到此店已是大半年前的事，雖常常經過，但都是匆忙路過，鮮有閒情能夠坐低嘆番隻蟹。今天晚上約了友人聚舊，回家時間又太緊迫，正在閒蕩之際路過此店，見店內正放滿一盤盤剛蒸熟的蟹，甚為壯觀，很難抵擋那種澎拜的吸引力呢！　　此店細已是聞名，五張枱有兩張較大的已放滿剛蒸熟的海鮮，和另一半只好坐在雪櫃旁的一張二人枱，店子雖小，但風味卻極好，可能因為彷彿被海鮮包圍着，很有外國魚市場食海鮮那種feel，未食已經令人半醉。　　今天有外型奇特的嘉菲蟹（$188），上次錯過了，今次無論如何也要嚐嚐，也叫了琵琶蝦（$88），匯豐信用咭送四隻翡翠螺。　　嘉菲蟹雖然細細隻（店員說平時有些較大隻的），但內裏的肉也很豐滿，但最令人意外的，竟然是它的味道是如此的甜，真的有點驚為天人的感覺，它的味道鮮甜，但肉質就比較稔，有點似魚肉，和另一半簡直唔駛十分鐘就把它消滅。　　琵琶蝦又是另一種味道，肉質彈牙，它的鮮味有點似味精的味道，竟然有食物似味精？可想而知幾咁好味了！　　我對翡翠螺無甚興趣，但另一半亦說味道濃郁。跟着上場的有蒜蓉包（$18），一客豉汁蒸蟶子皇（$88）。蒜蓉包外脆內軟，好味。蟶子皇亦很鮮甜，肉質亦很爽脆，

鸚鵡，come on, baby! 打風前夕心情特別好，今晚約左蟹痴朋友食蟹。去左位於北角既"金凱鮮庭"，2個人各自懷住興奮既心情8點幾到達! 首先叫左一隻麵包蟹，要左個medium size，佢分大中細，大$238，中$208，細$168。本身一心唸住食加菲蟹，因為肉質鮮甜d，而麵包蟹就蟹味濃d，可惜加菲蟹已經賣晒，不過麵包蟹都唔錯既，因為體質問題，如果我食d唔系禁乾淨既蟹，第二日一定敏感發作，平時屋企既炒蟹同泰國餐廳既咖哩蟹都會，所以食親蟹都系一夠起二夠止。不過依到既蟹就冇事啦，可想而知，系幾禁鮮味! 尤其是d蟹膏滿到成個蟹殼都系，再點d醋汁真系正到暈! 另外，仲有翡翠螺4隻 - 食滿300蚊用HSBC卡送既(or 可以選擇全單九折)，食完之後忍唔住再encore半打，因為實在太好食，d肉超級鮮甜，個人覺得仲鮮甜過d蟹肉。朋友拍板點左個象拔蚌配伊麵，超彈牙，不過個人喜歡食刺身多d，另加蒜茸包3片，又系冇得頂，不過實在太飽要有d取捨啦，禁好食既蒜茸包都食剩左一片，可惜.........! 食物質素好過好多大酒店，海鮮最緊要系新鮮，埋單340，算系好抵食! 不過如果體質唔系禁好, 就唔

我一家都不大喜歡吃蟹, 所以這兒開了這麼久我都未有機會來吃蟹, 今次硬拉了老爸來吃晚飯, 因為只得兩個人, 他又不吃蟹, 所以即使全店的食客都在吃, 我都係冇得食。6 時半入座, 時候還早還未滿座, 可以直入無阻。跟老爸吃飯惟有點些熱食啦, 我點了蒜茸蒸元貝配伊麵 ($58), 老爸就要豆豉東星斑球配白飯 ($58)。上菜都無快, 幾分鐘有得食。我的蒜茸蒸元貝是兩隻放在半個殼內 (!), 鮮味夠不過略韌, 蒜茸希望沒有師傅幫手啦, 因為食完都有點口渴的, 伊麵頗為水汪汪, 可能吃飯好一點吧。吃了少許老爸的斑球, 正確來說應是斑片, OK 嫩滑, 係邊位有些骨。埋單 $116, 不算便宜, 以它的盛名來說有點小失望, 可能真是吃蟹會好些。不過年前來買過翡翠螺, 不錯的, 不知現在的怎樣了。