金加利餐廳 (已結業)

食完第一次後,送了一張九折咭,間中都有去再食餐湯一般餐包好味魚焗飯就算好食珈厘都ok,不過唔夠香

昨晚平安夜同曚豬蓮到此餐廳食聖誕餐, 因為是平安夜, 餐牌上只有幾款套餐, 我點了兩款:餐包- 有翻熱過, 幾好, 但牛油其中一盒是用過循環再用。俄羅斯雜菜湯- 雜菜很多, 曚豬蓮話好飲。南瓜魚翅湯- 好濃味, 魚翅當然是假翅, 但口感不錯, 好合口味。葡汁海鮮焗飯- 用小鑊仔上, 店員細心叮囑燙手, 海鮮料好足, 有青口、扇貝、魚柳、中蝦, 葡汁好豐富, 曚豬蓮好鍾意。黑椒汁扇貝豬扒意粉- 黑椒汁不過辣, 辣度適中, 扇貝和曚豬蓮的扇貝一樣不靭, 而且雪味不濃, 豬扒好鬆軟及入味, 配菜是用鹽水烚過, 不會淡而無味, 意粉不是凍冰冰。甜品- 黑加侖子味雜果啫喱。餐茶- 熱檸水及熱咖啡。飯後和曚豬蓮傾起往事, 小時候曚豬蓮為了帶我和肥仔去睇燈飾, 返夜班的她不惜睡小4個鐘帶著兩隻小肥豬行中環看燈飾, 還在中環恒生隔鄰的百佳買了一隻香檳, 這些事曚豬蓮也記著, 她還說那時的她仍未有白髮, 但現在的我早一個月前已有第一根白髮.....餐後活動就係帶曚豬蓮行工展會。

開頭係諗住去雲興隆食煲仔飯架點知佢24,25放假,各位想去既朋友注意講番正題冇泥4個月入面冇乜點變,變既係多左一個伙記5點半前,仲有下午茶餐wor26蚊個我叫左個石頭曼魚飯冇得食中式煲仔,叫番個韓式補補數啦!阿媽叫左石頭牛肉飯茶飲我問佢奶茶紅豆冰得唔得,佢話咁奇怪,茶兩就聽過問我有冇飲過因為我睇食評見到其他店係有e樣野飲既,所以我就答見有人飲過囉佢拎出泥果陣同我講你怕唔怕撞?心諗...兩樣都係奶...點撞...不過e個可能係服務之一http://i7.photobucket.com/albums/y270/ekoeko/DSC01223.jpghttp://i7.photobucket.com/albums/y270/ekoeko/DSC01222.jpg石頭牛肉,牛肉多石頭曼魚,手指尾咁長囉不過60蚊total 都抵啦ps:夜晚逼人食聖誕餐好似唔係咁好

數數手指，光顧此店已經踏入十個年頭了。由當時只有一店，到開幾間分店，再到關閉幾兩間分店，不得不感嘆︰時間不留人。有一排冇黎食飯，阿婆黎食飯，順便同表姐慶祝生日。見到初時黎呢間餐廳就開始做既老伙記，坐低後隨即奉上熱茶，記性真強!還記得婆婆要熱茶。這樣一來，促使我的起心干寫金加利餐廳的食評。沒意慾据扒，結果想了很久，最後要了巴辣咖哩羊腩飯(中辣)，跟羅宋湯。其他人叫砵仔葡國雞飯、扒王雙拼等。餐湯上木台，羅宋湯略淡，水準已下降，材料也是普普通通。餐包有蒜蓉包同普通餐包。蒜蓉包幾出色，多士烘後加蒜蓉，幾香，而餐包都夠熱，微波爐功不可沒。十多分鐘後巴辣咖哩羊腩飯率先到達，同白飯分開。試試咖哩汁，比較辣。再試試羊腩，瘦中帶肥，肉質夠稔，但羶味被濃烈的咖哩味蓋過一部份，喜歡嚐羊的我當然不滿足，但勝在咖哩汁香濃，一啖過一啖，白飯已經被消滅，見木台上有蒜蓉包剩，唔好晒，拎埋黎沾上咖哩汁食，惹味非常。砵仔葡國雞飯，試左少少，用雞脾同雞翼，肉質滑；但椰味不夠，太辣之作。凍檸蜜，收貨啦!甜品都係一般，七個人食左五個餐，埋單310。鐘意佢夠人情味，老伙記好少o係呢邊幫手。同老伙記傾談後，原來大老闆已經退休，o係

是日午膳於九龍灣，每間餐廳都坐滿了人，獨呢間有大量座位，最憎等位下決定入來吃個午飯﹗呢度最出名係焗飯，都有兩年沒有來過，還記得下午茶的焗飯很抵食很大件﹗估不到lunch時間呢度竟然無咩人，唔通差了？點了雞翼豬扒上海麵，湯底比較普通，全憑內裡的冬菜放入口才有點點辣味，麵身尚算彈牙，雞翼豬扒亦入味，肚餓的二人組合清哂成碗﹗友人嗜辣，點了酸辣麵，但完全無辣味，係咁加辣椒油也無補於事吧﹗

家住附近亦常常行淘大,行完通常都係選擇這裡,因為有九折卡亦有時同晚飯時候走去食但近排(都唔近)加了價,個餐小了我既最愛係白汁雞"手八"田螺焗飯餐但田螺小了不過作為熟客仔,間唔中都會再嘗試

Curry 其實不是好多人所說好正.椰味太濃了.再加上牛肉太油,食完個口怪怪的.另外,環境不太好.同剛剛開店無分別.

某日同FD去食dinner，order個西冷牛+豬仔骨...發覺個西冷牛都ok唔錯，但係個豬仔骨...就好"un"，不過個羅宋湯同個蒜多都ok唔錯...但係真係略嫌貴左少許(因為太唔值)!!另外...服務態度好似好左，不過唔知係唔係因為少客既關係...所以先好+_+"!!

今天去吃dinner，叫了1. 芝士焗豬扒飯$60：味道一般，無乜特別，唔係好值咁貴2. 鐵板西冷扒$76：牛扒好厚好大件，唔'un'，黑椒汁好味，very good，物有所值

今日去左金加利食飯...order左個咖哩牛肉飯+凍O水，送例湯...所以揀左羅宋!!發覺佢\D咖哩好夠辣...不過就冇咩咖哩味，而杯凍O水...就太過甜=3=\"，但係整體都OK...不過如果佢\D服務態度好D，咁就GOOD啦!!

之前上黎openrice search過淘大有咩好食,之後同男朋友入左呢間食~入面都幾光猛,而且坐得都好舒服.好多張餐牌...搞到我地都唔知食咩好.本來想食常餐,但男朋友話俾三十幾蚊食常餐唔抵...so..最後決定食少辣咖哩雞扒飯,而男朋友叫左西冷扒飯配蒜蓉汁.首先黎既係餐湯,我地要左羅宋湯,都幾好飲,不過唔算有咩驚喜.我既咖哩係同飯分開上,兜咖哩都算大size,試一試味,真係辣架喎!好彩叫小辣o者,我食得辣既都覺得ok~至於個西冷扒切都好薄,而且有3-4塊,都幾抵食,食落仲要一D都唔un,好好食!!個蒜蓉汁真係勁蒜,正!呢間野仲要唔駛加一,有淘大住戶證有9折,真係唔錯呢(雖然我冇..)

呢幾日都係考完試即刻黎食tea set..呢度既焗飯都幾好食,不過兜飯既邊邊,就硬左d~食親都係焗曼魚飯,下次試下其他先~冷氣其實開得大左少少..不時滴水..建議唔同時段既冷氣既溫度該有所調教..

上星期六又係要行展覽，只不過轉o左係九展，所以係呢度食個Tea，好開心呀，好快就搵到。下午時段，餐牌有好多o野食，仲要係好對胃口的。焗o野真係唔係太多份量，作為tea，剛好。見好多人叫好大碗的麵。我叫的肉醬意好味過暖暖的鰻魚飯。

昨晚7:00pm 左右黎左金加利食飯, 第一次黎, 見到個餐牌都好多選擇. 我同女友分別叫左:1.雞扒沙律(雞扒煎得香口, 個汁亦好味, 沙律夠凍, 正!)2.雙拼鐵版餐(揀左1.豬肋骨, 夠肉味又嫩口2.牛肉漢堡扒, 比較一般. 個餐仲有三塊薯餅, 一細舊粟米)之前既麵包同餐湯都ok, 而且仲有細細地的甜品, 我地揀左涼粉, 估唔到餐廳都有涼粉食! 另外餐飲我地分別加左$4, 要檸檬利賓納同話梅可樂, 幾過癮幾好飲!價錢方面, 呢餐共$134, 唔洗加一服務費, 食物又好食, 計落都幾底食!講多樣野, 個男洗手間好大陣煙味, 好難頂!

又到左下午茶時間去左金加行唸住食焗飯但係一見到佢有巴辣咖哩牛腩飯就忍唔住叫左而且加一個凍檸七飲品行先e...................得個一舊檸檬桔桔下咁林既加左雪碧佢地係會比成罐係自己倒嫁oh~~~~~飲落先知係鹹擰七雖然佢落錯單又貴多2蚊不過好飲就得了黎左個飯size 唔係好大份剛剛好食落又真係幾辛辣下不過又好好食law今次真係食到我連s飯都食曬咁濟好食呀d汁又好食個牛腩都唔錯要翻兜啦~~~~