金坊泰國美食

营业中

休息中

服務差：1. 追單追幾次。兩點落單，大部分食物都快到（呢點讚既），唯獨一杯凍檸茶遲遲未到，兩點半開始前後追左三次，有一位侍應竟然回覆：“係咪落左架啦？你等下啊，宜家好多單啊！”，當時遲過我地到既隔離檯杯凍檸茶到左。最後（追第四次）向一位疑似最高負責人講漏單情況，一分鐘就即刻有，當時兩點搭十一。2. 好難得全店職員都冇笑容，而且惜字如金，亦只有顧客單向對職員講野（唯一雙向就係上面話翻我轉頭既侍應）。追單唔覆“好，我睇睇啊”“唔好意思”之外，埋單問收唔收卡，只講三個字“收現金”，唔作解釋。不衛生：有位侍應一次過攞四杯滿載既熱飲經過細佬身後既走廊，不斷滴濕滴污穢地下，好彩冇掛衫係椅背。之後一直冇人拖過地。離開餐廳既時候，冇行過滴污穢個條走廊，不過鞋底都痴笠笠。味精重：冬瓜湯好重味精，根本就係胡椒湯，程度不亞於其他微辣菜式。想清淡啲都唔得。抵食：午餐$55，碟頭飯，飯夠多，set跟小食、湯同埋港式熱飲。

又係寶林lunch嘅時間,呢間泰國菜我轉工之後第二日就有同事介紹,食過一次 今日有frd黎陪我又諗起呢間性價比高嘅泰式lunchLunch menu好多選擇 岩晒我呢啲眼闊肚窄嘅人，仲要免加一，我上次黎食過白咖喱豬扒配蝦丸呢度最開心係平時飲冬蔭功要專登叫一煲，但呢度係例湯咁包埋，仲要水準唔係求其，好多草菇，味偏酸，好開胃蝦膏炒飯配料都唔姑寒，啲蝦大大隻有五六隻，但炒得偏濕，同埋蝦膏味唔算好出，但味道都有中上，份量夠一個男仔食飽下次會繼續回頭試埋其他

已經多次來到這泰國食店，因為味道不錯，而且一般不用等太耐就可以入坐，所以大約一個月也會來光顧一次或以上。小愛人最愛芝士，所以每次也會點這個芝士蝦球，愛吃芝士的不能錯過，但我真的最多只能吃下2件，因為芝士加大大蝦球，再吃只會吃不下其他東西了。海南雞，入味嫩滑，特別是雞髀位，滑溜又沒有血，讚！十分推介！今次新嘗試點了這個鐵板蠔，味道不錯，而大蠔也有7丶8隻，伴菜也很好吃，而且價錢不貴，大約只是$100。愛人每次來到也會點這個咖哩膏蟹及蒜蓉包，咖喱汁不會太辣，是香濃甜口的咖哩，連小愛人也很喜愛把蒜蓉包沾上咖哩汁，今次唯一不滿意的就是膏蟹尺寸十分細，比起上次細了了3丶4成，這個尺寸丶這個價錢，有點失望！整體而言，這餐廳是值得再去，只是這個咖喱蟹可能不再點了。

之前有見過呢間泰拳國菜餐廳一路都無機會去試，終於尋晚可以試到，叫咗個炒通菜食落無咩味到，個波羅炒飯 d 飯淋到好難食，表面太落炒得好靚，食落就知係點，只係個蝦餅及冬蔭功湯都 ok. 串燒係豬肉及雞肉 ok, 牛肉串燒 d 肉硬到好難食. 夜晚菜式價錢唔算平，碟碟都九十幾至百幾蚊，但最重要係個服務唔得，成間餐廳你會留意到幾個侍應主力係做緊傳菜員，真係要落單只係個矮矮哋嘅男人無著制服落單多，唔知佢係間嘢老闆定經理，但佢個態度真係麻麻，叫佢落單時扮睇唔到或認人，仲要對主佢哋員工爆晒粗口，講真如果真係老闆，佢對客人唔係應該會好招呼d? 如果咁嘅態度食過一次你估會唔會再有下次呢？ 見個食評話呢間唔錯覺得都講係會嘅午餐或下午茶抵食，但晚餐食過可能又唔同，會唔會再返食？答案係”唔會”，其他評價等 d 人自己去評。

見到媽咪呢排為左新年辦年貨又整蘿蔔糕,芋頭糕和年糕,忙到無得休息,所以星期日約媽咪出街行下,趁呢個機會讓佢放鬆下!媽咪一直都話想食泰國菜,所以帶佢來呢度食!餐廳位於地鐵站上蓋的新都城商場,步行3分鐘便可到達,十分方便!雖然要等位,但唔洗等好耐就可以入內!餐廳佈置得很地道,放滿了好多泰國的裝飾,光線都算充足,唔會太暗,坐位之間都不太濟迫,卡位比我想像中還要多,真的不錯!!打開餐牌放滿好多食物圖片,每味餸都影得十分吸引,除了一本的餐牌外,還有一張紙的餐牌,因為一本餐牌的字比較大,所以讓比媽咪睇,而我就睇一張紙的,其實一張紙睇得更方便,一眼已經睇哂有咩好野食!!最後我們選擇了一個炒飯,一個炒粉絲,一個鐵板,一支啤酒和龍眼冰!!<菠蘿海鮮炒飯> 未食已經流哂口水,大大隻蝦放在飯上好搶眼,飯裡有帶子,魷魚,提子乾和青豆等,炒飯側邊放滿肉鬆,腰果,青瓜和番茄!十分足料!加上炒得粒粒分明的炒飯,好味到不得了!<馬拉盞海鮮炒粉絲> 海鮮一樣有大蝦,帶子和魷魚蓋滿在粉絲上,馬拉盞味道香濃,粉絲炒得好乾身,唔會有黏口的感覺,口感不錯!<鐵板蠔仔煎蛋> 蠔仔煎

金坊泰既午餐不嬲大件夾抵食，55蚊一個飯，加小食，加湯，仲要再送杯熱飲，真係每次食完都超級飽肚，十分滿足。今日禮拜日，原來都仲有依個抵食lunch set，一點過d去到已經唔洗等位，直接入座。平時叫開海南雞飯餐，今次想搞搞新意思，叫左個鮮蝦炒金邊粉，50蚊，送湯同熱飲。湯同熱飲好快就上，因為佢應該係大量咁整，冬瓜湯淡淡地，有陣陣蒜味。金邊粉十分鐘左右先到，比平時叫海南雞耐，可能係即炒既緣故，金邊粉超級大份，好足料，唯一挑剔既係炒得唔夠乾，有d油。今次依舊係食到好飽飽、好滿足咁離開

一入去都好有泰國風味幾舒服☺️一去到見到個55蚊套餐實在覺得超抵👍🏽有湯有嘢飲有主菜有小食😋不得了直得一試。就係依個套餐真係正👍🏽冬蔭公湯同冬瓜湯海南雞飯，個汁都好正小小辣炸春捲都一流，好脆炒通菜，係有小小凍姐但都不錯的

同媽咪係新都城行街，行到夜開始肚餓，就入左去尼間thai菜到食，門口望入去裝修都幾唔錯入到去坐低後，即刻落單，叫左個冬蔭公，豬頸肉同木瓜沙律。首先講下冬蔭公湯先，入面都幾足料，有大蝦，青口同頗多菌類，因為多海鮮既關係，個湯好甜，而且都似傳統冬蔭公既味，係辣左少少姐豬頸肉就燒得好香，配埋佢俾既汁料，酸酸甜甜，同豬頸肉超夾，而且個皮都脆口到木瓜沙律，木瓜都好食，不過不失啦食其間仲叫左兩個椰青飲，好清甜呀下次一定再尼食

好朋友推介這間泰國餐廳的午餐好抵食，反正要找地方吃飯，不用多想了，就在這和朋友飯聚吧！我們大約下午一時半到達，現場所見坐滿九成人，好在不用等位，可以立即就座，兩人可坐四人位沒有搭位，非常舒適寬濶。午市套餐 : 主食 + 小食 + 餐湯 + 飲品 $55泰式無骨豬手飯 + 泰式炒通菜 + 熱檸茶 + 冬瓜湯豬手夠冧，不算很肥，合我口味。配菜是我喜歡吃的芥蘭，醬汁微辣很惹味。海南雞飯 + 金坊柚子沙律 + 珍多冰 + 冬瓜湯朋友說每次都選這款飯，味道不錯，雞的份量很多，飯的份量又多，真的很大碟啊！冬瓜湯，味道OK，有加薑，少少辣。金坊柚子沙律有蝦米和花生，味道OK。另外，泰式炒通菜就略嫌味道過辣。兩款餐飲都是合格之上。珍多冰還很大杯呢！

下午時間一條冷， 食乜都可以 ，新都城二期，各式各樣美味都有 ，泰國餐平靚正，60蚊有找，有飯有湯有小菜，重有嘢飲， 都算好抵食，係咁等一等，入去坐低 ，叫咗個無骨豬手泰式飯， 加個泰式炒通菜，一個冬陰公湯加杯咖啡。都係咁嘅價錢 ，今時今日都算抵食， 各位有機會到行到呢度，都不妨入嚟望一望，坐低睇一睇，食番個餐泰抵食嘅餐。午餐套餐餐三款有得揀 金坊海南雞飯泰式冇骨豬手飯泰式燒雞髀飯六款小食任得揀 呢樣唔啱都咁有一樣啦加埋杯咖啡飲完第一餐55蚊

最近先見到呢間餐廳，我諗應該唔係開左好耐？行到攰左，於是入黎試下新野！裝修真係有泰國feel，老闆有供奉泰國神像tea既份量都唔細，問過侍應同lunch一樣，只不過係冇左個小食同湯叫左個正宗泰國船河，有豬肉丸，豬紅，肉碎，蘿白，豬潤同通菜。幾豐富，寬河粉都幾好食，不過我就麻麻個湯底，對我黎講咸左少少仲跟一個小食同野飲，揀左印度薄餅加青咖哩估唔到一塊餅跟咁大碗青咖哩另外仲叫左海南雞飯，都唔錯既飯好多，雞油飯幾香

與中學同學聚會，想食泰國野，先發現將軍澳沒有太多泰菜的選擇。在openrice search 見到新都城開了一間泰國菜，決定一齊去搵食 。我們一行六人，見到餐牌很多美味的選擇，便毫不顧忌地點了想點的，最後食到捧著肚子走 。整體而言，菜式選擇多，味道算是不錯 ，但我們叫了多款食物都是一次過上菜的 ，未知是否預先整好，或待所有菜色齊備後才送給我們，所以吃了一會兒，有些菜色已經冷掉了。店員人數不多，但差不多滿座，他們在忙碌的工作中，有時需要等待多一會兒，才能幫忙斟水，點餐，結帳。

今晚媽媽冇煮飯，一家人去左新都城既金坊泰食晚飯，我地當日叫左蒜蓉包條，蟹肉炒飯，冬陰公海鮮濕炒河，酸辣鳳爪，泰式串燒同泰式炒芥蘭＼(^o^)／準備開飯蒜蓉包條，呢個好好食，好香蒜蓉味蟹肉炒飯，食到d蟹肉仲有d蟹殼癡住，炒飯就麻麻，冇想像中咁好食冬陰公海鮮濕炒河平時出面係海鮮濕炒河，見佢呢間有得揀冬陰公味都幾特別，就揀冬陰公濕炒河，點知一試難忘，味道好怪。。酸酸地，食唔慣呢種味，都係正常濕沙河好食好多，冬陰公同濕炒河都是分開好d,唔好撈埋一齊，味道極怪酸辣鳳爪這個味道正常，酸酸辣辣咁串燒唔會整得太乾，點埋花生醬食，都ok~泰式炒芥蘭呢個普普通通，味道一般，不過不失~

hello Saturday lunch☀️🍴so thai so good🥘🌾🌾🌾 🇹🇭🇹🇭🇹🇭🇹🇭..難得假日跟家人在一起 就來個地道風味泰國菜，餐廳亦用上紅木雕刻畫，裝修都真的幾有泰國風情呢。跟我們下單既侍應也是泰國人，也感覺這裡應該泰正宗`野食應該泰地道`價錢也是泰親民。泰式遊船湯米(肥牛)🇹🇭🐮🍜一碗遊船河材料豐富 份量也不少，湯底也真的有泰國風味。吃著吃著 真的會讓人勾起點點回憶，到泰國時 每天朝早吃個遊船湯河既情景呢。另外，還吃了以下菜式供參考：..食物不只是吃的味道，也可以勾起人的各種回憶。而你有沒有一種食物，能勾起思念或是想念的味道呢？

朋友生日，為方便大家，選擇係將軍澳覓食。首試呢間泰菜，睇餐牌有好多選擇，樣樣都想食😍不過可以啲相映得好靚，攪到我地期望太高？食物味道好似未如理想🤔🤔必食生蝦，夠凍夠厚肉，唔錯👍🏻👍🏻海南雞，無特別，差啲唔記得自己食過😅馬拉盞椰菜苗，最濃味應該係呢個菜，其實都徧淺睇圖啲蠔好大粒家，但唔知點解嚟到塭唔到啲蠔😅😅😅 不過，佢有個醬。。。係okay ge....唔凍家，可以天氣轉涼驚我冷親？😂朋友杯牛油果沙冰，朋友表示好似飲水咁龍眼冰，同上，都係無味。。。個醬有啲失望，平時一定會追住食家嗎，今次竟然無唔知係咪叫左雞肉同小辣嘅關係。。。。都係無味軟腳蟹咖哩，甜甜地，幾好加埋呢個，一流最後呢個非常一盤，唔鮮甜仲有啲腥🙈總結係。。。。。如果有其他選擇，未必會選，但將軍澳小泰菜。。。。無辦法😭