金坊泰國美食

营业中

休息中

鍾意食泰國菜，發現一間幾抵食嘅泰國餐廳，全日免加一，每枱仲送免費甜品椰汁糕😋❤️。外賣仲抵，有八折，所以勁多人排隊買外賣😜下次買返屋企歎先。海南雞飯 68元份量多，雞肉滑溜，油飯香✨👍清炒雜菜84元炒得夠香，雜菜清甜。蒜蓉炒椰菜苗 92元椰菜爽口，蒜蓉味好入味。蟹肉濕炒金邊粉86元除咗蟹肉之外，仲有好多蔬菜配料，健康嘅一主食。芒果黑白糯米飯66元芒果超甜，糯米煙煙韌韌好好味，最緊要椰汁夠多。😋😋

金坊泰國美食，裝潢泰式好有泰風味，店擺設了很多富有泰國特色的雕像同神像。餐廳又寬敞，同其他食客有足夠既距離，感覺泰安心。我叫左幾個食，一餐泰式家常便飯，幾抵客，又唔需要加一。柚子沙律，柚子甜，啲木瓜絲爽口而且索哂啲汁，甜甜酸酸，少少辣，係一個好開胃既前菜，好味到連墊底塊生菜都食埋。香茅蠔仔煲，裏面既蠔，菇，菜都香茅味，好惹味。豬手飯 ，豬手肉連皮，好腍滿滿膠質，入口即溶，味道濃郁得來唔油膩！豬頸肉，煮得剛剛好，唔會太韌， 又唔會太肥，豬勁肉上仲淋左酸酸辣辣既汁，好味。

餐廳裝修、佈置、擺設極具泰國特色🇹🇭，到處都放著四面佛和神像🗽，兩邊牆都裝上了立體的壁畫和鯉魚，又播著舒情的純音樂，感覺好像去了旅行，置身在曼谷🥺(FF)。🍳鐵板蠔仔煎蛋💲98份量多到成座山咁高😳，估計用左7, 8隻雞蛋去整🥚🤩，雖然係鐵板上，但雞蛋口感仍然keep到滑溜溜😋，蠔仔數量都好多，下面用左芽菜墊底吸油🥰。🍲泰式黃咖哩雞💲94咖哩辣油係後期加上去，好彩啫，我唔係咁食得辣🤣，咖哩好香好濃郁，食落甜甜地，大碗入面既雞同薯仔份量超多，多到食唔哂😲，雞件幾有彈性又唔鞋😋，薯仔煲到好林好入味👍🏼。.🍞蒜蓉包條💲50上菜既時候已經聞到勁香既蒜蓉味😍，蒜蓉包脆卜卜，每寸都沾滿了蒜蓉和牛油😋，用佢黎點咖哩一齊食真係冇得輸💯。.🍜鴨肉湯金邊粉💲66鴨肉湯底好惹味好濃郁🤩，好食到完全停唔到口，鴨肉片既份量多到好似有成隻鴨脾咁多😳👍🏼， 金邊粉煮到入哂味變左深啡色，超正。————————————————價錢：💲308 / 2ppl味道：😋😋😋😋😋環境：✨✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸等待：0 mins (6:30pm)回頭率：95％📌 無加一服務費，但水收$3

Thai Food💛💛💛 Thai Yummy🥢💫..有冇人同我一樣，呢段疫情期間封晒關 都會心思思想離港行開下。但無論出差`旅遊`探親，畢竟而家都唔係一個合適既時候，咁點算好❓唯有食住其他國家既正菜，一解思愁吧。自實施左一系列政策，出街食飯 其實都算好安心。入餐廳店員💁🏻‍♀️ 會先幫你量體溫，餐桌枱與食客之間亦保持合適既距離，人流少左 空間多左 餐枱亦大左，食飯當然舒服左👻 哈哈。ll Grilled Lamb Rack $95ll Grilled Fan Scallop $26ll Grilled Razor Clams $36泰菜都有燒烤吃呢。先來肥美既燒羊架🐏 有3大件，羶味不算重；海鮮類既扇貝🐚`聖子一皇🐚，可以一解海鮮之癮呢。ll $105Baby Oyster w/ Lemongrass Pot選用新鮮肥美既本地生蠔，輕輕作泡油處理 保持嫩滑。加上泰式香料頭：金不換、香茅、蔥頭、辣椒🌶 等煮成既醬汁，充分滲進每隻蠔肉當中，令蠔煲香氣撲鼻，蠔肉鮮嫩肥美。ll $78Stir Fried Bean Sprout in Thai Style芽菜平時餐廳很少吃，而泰國芽菜🇹🇭相較

忽然很想食泰菜，而且咖哩引發作🤓，於是就係屋企附近搵野食，見到金坊，門面菜單都好多選擇，於是便去食lu。到了餐廳見人流不太多，但之前經過都見人龍，可能現在疫情關係，都難免的了。內部環境裝飾得簡單得來又不失風格，而且得都舒服.- 咖哩炒蟹做特價$148/隻，超抵食囉🤩咖哩汁好正，撈咩都好食😋膏蟹新鮮而且啖啖滋味🥳滿足🤗- 泰式粉絲雜菜煲喜歡粉絲煲到淋入味，入面有各式各樣的菜，配上魚露十分之惹味。- 臭草蠔仔煎蛋份量大而且蠔仔都算大粒，簡單調味已好食！- 配上啤酒🍻 讓自己腦袋休息一下🥳見佢有2人套餐都好抵食下，一定會食過番尋味

最近好多地方都無乜人，由於男朋友住附近，所以近近就去咗附近呢個泰國菜去食Dinner無令人失望，水準都好好，碟碟都好大碟，食到好飽！呢到嘅擺設都好有泰國嘅風味，就算坐係到嘅感覺都唔會唔舒服！出街食飯嘅人真係唔係好多，所以坐嘅地方都好寬落！MENU方面選擇都好多，其實佢個精選２人套餐都好吸引，不過最後我地都單叫咗我地最中意食嘅菜式今次我地叫咗３款野食，啲餸菜好快就黎到！1. 馬拉盞炒通菜 $86 一黎到果陣我同男朋友都覺得好大份好抵食！炒得岩岩好，唔會炒到好油，又帶有小小辣味，又唔會好咸！好食！咁大碟岩晒我呢個中意食菜嘅人～2. 紅咖哩豬頸肉炒飯 $83 好多時出去食咖哩炒飯都會無乜咖哩味，但呢到嘅紅咖哩炒飯炒得好入味，而且份量好夠，豬頸肉唔會話切到好大粒，又幾好咬口，食到我同男朋友兩個都好飽！3. 碎肉生菜包(豬肉) $86 成日都覺得食泰國菜一定要叫碎肉生菜包！咁先有泰國嘅風味！肉碎同生菜嘅比例同份量係岩岩好，肉碎唔太多，又唔咸，包生菜真係一流！３樣野已經食到好飽！整體黎講都好好味！下次會再黎試埋個2人套餐先

位於新都城二期的金坊泰國美食，午餐下午茶都食過好幾次，印象中就是大件抵食，味道還可以，經常需要等位。今晚是疫情新措施實施的第一晚，行經好幾間餐廳，都是以隔枱坐形式滿足座位減半及枱與枱之間相距1.5米的要求。行經金坊，見到全日免加一，眼見亦差不多半滿，既然此餐廳未曾嘗過晚餐，何況一試。座位減少後，人聲細了，隱約間聽到餐廳播著純音樂，霎眼間彷彿到了高級餐廳一樣，格調一下子提升了。香辣海鮮炒粉絲叫了幾個菜式，最先到的是炒粉絲。炒粉絲上面有大量配菜，爽脆清甜，海鮮不算太多，粉絲炒得不乾不濕，非常入味，此碟很快被KO掉。馬拉盞炒椰菜苗馬拉盞醬帶有發酵蝦仔味，加上辣椒蒜頭，非常濃香惹味，配爽口清甜的椰菜苗，味道很合拍。香茅蠔仔煲蠔仔裹上生粉輕輕煎過，再放入煲內就不易煮爛。蠔仔體型不算少，與生蠔差不多。蠔內蠔汁豐富，香茅味輕輕的不太重。配菜與之前的炒粉絲很相似，很美味但有點重複。燒鰂魚鰂魚肉多骨少，用了鹽粒輕醃，撕開外皮內裡魚肉鹹鮮嫩滑，魚肚放入香葉、南薑與香茅同燒，點上泰式辣醬非常美味。

餐廳環境寬敞舒適，用上泰式裝修，有置身於泰國嘅感覺！另外，顧客需要量度體溫和消毒雙手，才可進入餐廳，令人更安心！豬頸肉湯河$63足料又大碗！豬頸肉和河粉的份量非常多！湯底鮮甜，配上多汁彈牙嘅豬頸肉、滑溜嘅河粉、少許泰式調味料，真係一流呀！蒜蓉炒通菜$86分量同樣非常多，大大碟！炒通菜炒至剛剛好，夠鑊氣，夠惹味！燒魷魚 $96魷魚燒得剛剛好，爽口彈牙，加少許泰式辣汁，不錯！芒果沙冰$36沙冰打至幼細，充滿芒果香味，清甜解渴！泰式鹹檸七$33餐聽好細心，將鹹檸預先打成鹹檸蓉，再加上青檸和七喜，甜味中帶鹹鹹酸酸味，好醒神！芒果黑糯米飯$66甜美嘅芒果肉，煙靱軟糯嘅黑糯米，加上少許椰漿，好美味！

媽媽話吾想煮飯，一於同她出街食啦。難得媽媽出街食飯，叫多了點野食。免加一，夠難得蒜蓉飽條長方形體，夠型格，咬起來外脆內鬆軟，先響後靜，淡淡蒜蓉味香。燒聖子皇配料豐富，有點亁，肉嫩厚。蒜蓉炒芥蘭鍋氣和份量足，翠綠含汁。榴槤炸彈併芒果椰汁糯米黑糯米比白的比較香,而口感也比較佳，這裡的白糯米用斑蘭汁染成綠色，視覺效果更靚。榴槤炸彈渣得脆博博，系流心架～椰青好久沒喝了,天氣暖左好多, 涼涼地，清甜可口，甚解渴。欣賞餐廳會餐前提供消毒紙巾比食客。

今日來到寶琳港鐵站的新都城商場食晚飯😋呢個商場有好多食肆，我哋㨂咗呢間✨金坊泰國美食✨好多選擇眼花撩亂，座位寬敞舒適。泰式炒什菜$84用魚露來調味，魚露夠咸鮮😋😋香茅蠔仔煲$105選用本地新鮮生蠔加上多種配料和泰式香料煮成的醬汁充份滲入蠔肉中。呢個我最鍾意👍👍包蛋海鮮炒飯$88勁大碟，好多海鮮🦑🍤🦀夠惹味乾身👍泰式咖哩蟹（做緊優惠價）$148非常香，我們㨂咗羔蟹，好新鮮啲填滿整個蟹殼😋最後還有免費飯後甜品送✨✨

今日經過見到這間泰國菜 從未食過 在門口見到有卡位 環境都可以 打算試下 但店員帶我們坐在很迫的中間位 左右都有人 右邊的2公婆見我們坐在隔離 立即拉開張枱 可能受疫情影響 怕我地太近有菌啩 之後我都拉開 唔想同佢地咁近 但店員見到我咁拉 走過黎將我將枱推返近呢2公婆 仲好笑既 果2公婆囉左我地壺水自己倒 倒完放回我地張好迫既枱 咁既待遇 真係食唔落 決定走 明明咁多位 點解店員要咁安排 坐得咁迫 食得都唔舒服 何必呢 加上睇完食評後 永不幫襯 食店除左食物水準之外 服務態度 環境都好重要 仲有唔關店員事 但另一枱果2公婆都令我唔想同枱食飯

🍙等待時間：平日下午兩點，直入不用等呢。🍔室內環境：睇得出落重本，放左幾多心思，亦確實帶有泰國風味🤤🍰服務質素：上菜速度好快，叫左3mins，份海南雞雞同野飲已經上枱👍🔺用餐簡評：以前自己去開皇埔、土瓜灣嗰頭已經好鐘意去呢間食泰國野，好開心將軍澳既朋友宜加都可以近近地有得食啦講返正題，我今次叫左下午餐海南雞飯加$8配流心蛋泰北腸再加$6配椰汁沙冰，總共都係$56！！ 想講雞肉肉質香濃重雞味，即使唔點醬都好好食，但就唔算嫩滑，飯配上雞油，香而可口🤤我個人習慣用醬撈埋飯同配雞，所以醬都極重要！呢個醬我絕對收貨，非常惹味醒胃，又夾海南雞👏🏻🔹總括來講：將軍澳top海南雞飯

因屋企人想食泰國菜，所以就再來試呢間泰國餐廳，屋企人食唔到太辣所以今次盡量叫無咁辣嘅菜式。今次叫咗個炸蝦餅，屋企人都覺得好食，我亦覺得唔錯，見有個套餐可揀三個菜式就叫咗個泰式鳳爪沙律，一條魚及青咖哩羊腩煲，個沙律就 ok 味道夠辣，條魚就差咗 d, 係無味，要點海鮮醬先好一些，個咖哩羊腩煲就好酥，青咖哩味入唔到羊肉，佢啱又做緊個泰式咖哩蟹，呢味就唔錯，蟹肉好足及有蟹膏，另一叫咗半打沙嗲串燒，豬同雞肉就幾好食，牛串燒肉質好硬，再叫個海鮮炒飯及冬蔭功湯，炒飯味道都唔錯，有帶子，蝦同魷魚，但個冬蔭功湯味道就唔正宗，湯比較酸，味道唔似真正冬蔭功，佢個湯唔見有落 d 香矛及淡奶。總結都叫做有些進步，勝在唔收加一服務費，但奇怪係每位要收水費錢 $3. 如果要收加一未必會再食。

星期六一家人去食晚飯，叫咗個椰青，飲咗一啖，覺得怪怪地，係樽裝椰青水嗰隻味，唔係新鮮椰青水嘅味。再打開一睇，完全冇椰青肉😨😨😨😨😨😨! 舉手問職員「點解個椰青冇椰青肉？」佢一句解釋都冇，就咁話「換俾你」🤬咁即係點？心虛？諗住搏大霧？我唔出聲就俾呢重用嘅椰青我？好嘔心！🤢🤮🤮🤮🤮🤮🤮🤮🤮 太過份！點解可以咁缺德！？重用菠蘿殼我聽過，重用椰青我真係睇一次見！太嘔心啦！！！！！！

食個tea行下街，呢間泰菜係度好多年，今日下午就入泥食個茶餐啦。。。入面環境好大，暗暗地。。tea都坐到好full好多人食，我地都坐低好耐先問到員工拎餐牌。。餐牌以麵食為主👇🏻正宗遊船湯河:好大碗，個湯底好濃味。配料好多好入味。河粉係好大條一片片好滑好食，不過有點碎，但個味好正。泰式燒豬頸肉：豬頸肉有好多片，爽口又好食😋雞軟骨餃子🥟好油，皮煎到好硬青咖哩薄餅好好食！個青咖哩汁好濃味，好想點碗飯🤣🤣龍眼冰：好多龍眼肉，好香好好食。叫左少甜個味岩岩好，好潤丫❤️呢度吾收加一，坐得舒服。不過服務一般啦，可以因爲餐廳有落場時間，所以下午茶一開始就去食啦！