金坊泰國美食

营业中

休息中

新都城內泰國菜應該係得呢間😆食物有質素 而且價錢合理 抵讚啦-疫情下嘅晚餐尤其抵食我地一行4人叫左下面個二人套餐4個餸仲有兩碗湯同兩碗白飯再加$148泰式咖喱蟹 好抵食呀！-套餐4款野食 碟碟都好多份量二人餐夠我地4個人食啦😆馬拉盞炒通菜好正宗 好夠味份量都唔錯海南雞半隻真係拆晒骨 啖啖肉肉質鮮嫩 唔柴 而且配上醬汁半隻切開出黎都唔少 係好味道啦😋炭燒豬頸肉一樣份量多！而且燒得好食 外皮少少脆 肉質食落好味燒得剛好炒粉絲同樣份量唔少👏🏻我地叫左少辣 控制得好好 夠味之餘大家都食到粉絲炒得岩岩好 唔太濕唔少乾 而係好入味加上啲雞肉 洋蔥 紅椒青椒 絕對出色☺️-呢個唔係套餐嘅咖喱蟹只係$148超抵有咖喱味 不過可以話係無辣味入面隻蟹中規中矩 有肉食 正常質素👌🏻咖喱撈飯一流真係超開胃-估佢唔到仲送甜品椰汁糕正常水準-餐廳冇收加一只係水錢每人三蚊食完呢餐夠晒飽啦😊

外賣送甜品，問完收銀是否兩款甜品有得選擇，對方答是可以的，到取外賣時，另一職員話沒有選擇是他們隨機送的，而且用的語氣及態度也很差。既然我已經問了才付錢，他們也無需要用這麼差的態度。雖然有啲車食物的味道也好吃，但是服務態度也是十分重要的。雖然甜品是免費的，如果不能有選擇一開始就應該說出來，不應該付費完畢到取食物時才用這麼差的語氣跟客人說不一樣的答案。如果不計較沒有服務的客人，歡迎去一試。祝君好運，謝謝　

忽然想食泰國嘢，所以就去咗呢間食午餐。我哋兩個人每人叫咗碗泰式自選湯粉。之前喺荃灣食過呢一間泰國餐廳都覺得幾好食，所以嚟到新都城都想試吓。-扎肉豬頸肉冬陰功金邊粉首先個冬陰功湯底好好飲，酸辣適中。扎肉幾彈口仲有加咗啲黑椒上去，令到個扎肉更加好食。豬頸肉分量多而且好大片，啲豬頸肉好彈口好好食。不過最差就係啲金邊粉，啲金邊粉好似放咗喺度好耐，嚟到嘅時候啲金邊粉仲係一個麵餅，全部都黐埋一齊，仲有就係啲金邊粉都給唔到冬陰公湯嘅味入去，真係好差。 所以呢度扣左好多分。-豬手豬頸肉冬陰功金邊粉豬手嘅肉質好嫩滑唔會好鞋，但就食唔到豬手嘅滷水味。最後都係金邊粉嘅問題真係好難食。

原址係韓燒，鋪位好大，依家轉手做泰國菜，入面真係大到仲有兩間坐12人以上嘅大房，而咁岩限聚令＋1.5米，所以我地獲安排坐大房。午餐都已經好爆好多客，裝修亦都好有泰國風情，而且價錢唔算貴，午市統一$52個餐添，抵呢個椰子雞湯唔錯，好椰好香，帶酸，似似地冬陰公底，另一個冇影嘅冬瓜雞湯就麻麻，建議唔好揀細佬食個豬手飯，除左汁醬幾好外，其餘都差。。。豬手肉質差過超市熟食，竟然可以做到煲湯瘦肉一樣，師傅唔識處理豬肉類！？海南雞飯就掂肉質新鮮嫩滑，熟度岩岩好，而且有雞味，唔會有雪藏味，而且去左骨，配埋油飯同個泰式酸酸辣辣嘅汁，認真一流！泰式海鮮炒河都好得，碟頭大，連大食嘅老豆都話好飽，差啲食唔晒呀海鮮量都多，有蝦蜆魷魚等等，味道都好出色我叫嘅青咖哩可以揀豬牛雞，當然揀牛，我最怕咖喱雞鞋口，豬又怕瘦肉一樣，果然牛肉真係夠淋而有咬口，至於青咖喱個汁就差少少，鹹左少少，唔夠椰香，但香料味都爭少少，但可以一試午餐選擇多，價錢實惠，上菜速度ok快，地點就腳，食泰菜可以黎呢度

外賣自取一個豬手飯 有8折 50幾蚊好大份量 有湯仲有甜品食都幾抵食 食哂好飽係個湯鹹左啲咁 飲完要飲番多啲水 個湯啲冬瓜都大粒好食豬手又淋又入味 好正等嘅時間就耐少少 但都可以接受 無8折就有啲貴

呢間舖即使係而家冇咩人出街食飯既時候仍然要排隊入，所以睇黎係應該幾好食，今日試完果然係會令人下次再去食! 首先佢既套餐都有好多，好岩有選擇困難症既人，我今次就散叫以下幾款。沙爹串燒豬、牛同雞各兩串，誇張既地方係每一串都係好厚肉而且juicy，配埋佢特別調配既沙爹醬其實真係一流，特別要講雞肉串真係好好食，彈牙又有肉汁!鐵板蠔仔煎蛋份量多到嚇親，起碼用左6-7隻蛋，因為食極都仲有好似食唔完咁，蛋味好濃郁而且蠔仔既數量都係好多，所以夾埋一齊唔會只食到蛋，而係蠔既味道都好強烈，加埋辣椒醬再令蠔仔既味道更突出!泰式黃咖哩牛咁多款唔同咖哩我地最後揀咗黃咖哩牛，色水好靚而且有好香既椰汁味，加上有唔少既薯仔、洋蔥同埋牛肉，送飯一齊食係一流!牛肉本身都炒得好香，所以加上咁濃味既咖哩令層次更豐富!蒜蓉包條有咖哩一定要叫返個蒜蓉包啦，平時食得多普通蒜蓉包，今次可以揀下呢款包條，入口更加脆而且四邊都有好香既蒜蓉!冬蔭公金邊粉冬蔭公湯底好濃而且蝦肉真係超彈牙，好新鮮而且好食! 不過建議要盡快食如果唔係索哂湯汁就會變到好漏架啦!最後仲有甜品送!!!!!!!!

以前經常與朋友們光顧位於荃灣的金坊，一直以為只有荃灣才有，沒想到它們也有分店，現在在其他地方也吃到金坊了😃。•1⃣ 酸辣豬頸肉生菜包🥬$88 本來以為是普通生菜包🥬加上豬頸肉，沒想到是肉碎變了豬頸肉。用生菜包裹著豬頸肉來吃，是很新鮮的食法😀。-2⃣ 蒜蓉包條 $50 — 蒜蓉包🧄🧈外脆內軟，金黃色的，賣樣吸引😁。-3⃣ 糯米雞翼 $98 酥炸雞翼中包著軟綿綿的糯米飯🍚。-4️⃣ 馬拉盞炒粉絲（豬）$90 馬拉盞通菜便吃過不少，但馬拉盞炒粉絲真是第一次😯。粉絲份量多，炒得很乾爽。-5️⃣ 椰汁🥥西米糕 $42 甜品是不可或缺的，沒想到這道西米糕有六件這麼多😱。軟滑的椰漿下是西米、芋頭粒和粟米🌽。椰汁🥥和芋頭味香👍🏻。

這天下班過後我朋友一同前往了將軍澳， 朋友安排了我們一同共進泰國美食。 餐廳位於大型商場之內，鄰近附近地鐵站，路程只需五分鐘左右，十分方便快捷。餐廳環境方面，還算簡潔，加上座位十分舒適，冷氣十分充足，值得一坐再坐。食物方面我點選了最喜愛的生菜包，沒想到份量絕對是超水準， 味道方面，酸辣比例剛剛好， 三分辣三分酸。 最重要的事 完全不油膩 ，瘦肉比例絕對比肥肉多，已經是令我意料之外，配搭爽脆可口的生菜， 絕對是美味的選擇。

泰式咖喱蟹($148)，哩個價錢係堂食優惠價，非常之抵，仲有得揀肉蟹或者膏蟹，今次我揀左膏蟹，上菜時見到黃黃紅紅既咖喱已經流晒口水，成隻蟹蓋都係膏，好滿足，至於個咖喱汁味濃，唔會太辣，迎合返香港人口味。芝士大蝦伊麵($168)，哩個菜式都係值得推介，份量大到可以夠3至4人食，而且有6隻大蝦，伊麵掛滿晒個芝士汁好惹味。炸蝦餅($88)，有8件，平均$11一件，價錢不過不失，咁就講下味道，蝦餅夠彈牙食得出冇溝過其他肉類，外層鬆脆而且仲帶有少少餘溫，即係即叫即炸，必須配埋個泰式醬先最夾。甜品係送，每件都有彈性震震下，一邊係椰汁，另一邊係大菜糕，好滑，而且一件一口岩岩好。

📍金坊泰國美食（將軍澳）聽講廚師係泰國人,菜式都好正宗 有水準!. 🔻柏靚咖喱雞$94+蒜蓉包條$50（推介）好香好鐘意柏靚咖喱汁呀！正宗泰國入口香料 味道有椰子 冬陰公 點上外脆內軟既蒜蓉包一流.🔻雜錦拼盤$112荷葉包雞 用香料粉醃制雞肉 再用荷葉包焗 雞肉十分入味 肉質又嫩滑炸蝦餅 魚餅 等小食都好好味 份量十足 .🔻沙嗲串燒$96不過不失，如串燒不是即燒的，乾乾哋 .🔻馬拉盞炒海鮮河粉$84（推介）馬拉盞醬十分惹味 食落去唔會油膩 師傅水準好好.推介指數：7.5/10人均消費：120地址：將軍澳貿業路8號新都城中心2期2樓2016號舖

🐷🐷🐷🐷▪️金坊精選二人套餐($268)👉🏻 酸辣粉絲肉碎沙律泰國菜入面既沙津通常都好少令人失望，因為佢地選用既醬汁基本上係無得輸，依道沙律一樣，酸辣醒胃，而且因為加左肉碎既關係食落一啲都唔寡，不過佢既粉絲份量比我想像中多，有啲似主食多過沙律🤭👉🏻 炸蝦餅啱啱炸起熱辣辣既蝦餅真係滿分🤤 外皮金黃香脆，入面嘅肉爽口彈牙，蝦香亦幾夠濃郁，而且份量十足，二人餐黎講抵食到傻！👉🏻 香辣辣椒膏炒豬肉男朋友之前係讀書嘅時候，曾經喺泰國餐廳打過工，佢話依味菜係選用左泰國人好鍾意食嘅香料炒，味道平時好少會食到，香味獨特。佢話呢款香料就好似中國人既芫茜咁，所以我的確唔係好食得慣，不過我男朋友就一路食一路讚lol👉🏻 馬拉盞炒通菜勁鐘意食既泰菜🥴 食落勁重口味，每次通菜都索曬啲汁，可以食曬成碟🥴👉🏻 白飯及冬瓜湯勁impressive既係佢既湯唔係hea㗎😶 首先飲落唔係味精湯味，而且入面仲有煮到爛曬嘅雞爪！▪️ 海南雞半隻($110)份量十足，質素中上，雞肉夠嫩，但醬汁方面如果選擇更多就更好！▪️ 珍多冰 ($30)〰️〰️〰️〰️〰️〰️〰️4/5🐷〰️〰️〰️〰️〰️〰️〰️🔸Overall ($408+1)📍 金坊泰國美食 (將

泰國菜是其中一樣最喜歡吃的菜式，所以不時也會到泰國餐廳吃正宗泰國菜。幾年前，曾經在荃灣吃過這家店，印象不錯，沒想到原來將軍澳也開了分店。面積大，位置闊落。燒烏頭泰式鹽燒烏頭，大大條魚，外皮脆脆，魚肉豐厚，不多細骨。魚肚位置有檸檬葉、香茅等香料，以去掉魚腥味。香葉肉碎炒飯香葉肉碎生菜包常常吃，這次試試炒飯吧。飯粒乾身實實的，放入肉碎、青豆角、香茅、泰國檸檬葉一起炒，香口開胃，如果可以增加辣度更好。馬拉盞雞肉炒粉絲 粉絲當成麵食，可選肉類或是雜菜。這次點的則以雞肉、雜菜，拌上馬拉盞醬一起炒。粉絲吸盡鹹香的醬汁及精華，很入味。而且因粉絲容易糊掉，所以火候要控制得好，粉絲炒至乾身，爽口彈牙。

泰國餐廳在香港都算多，之前自己都食過好多間，泰國菜基本上都冇話有邊間會難食，間間既質素都至少有一般既水平，有d甚至會系高質素既。金坊泰國餐廳系香港有數間分店，分別系荃灣、將軍澳同埋紅磡，好耐之前住荃灣，就成日同媽咪去荃灣戈間，呢家多數系港島，所以就去近d既將軍澳，重拾呢份美味。餐廳既門口好易認，兩個泰式既人像擺設系門口。裡面既環境都幾有泰式氣氛，牆身有吾少泰國風情既擺設，令人更加有置身於泰國既feel。泰國的餐牌不離都系戈d食物，不過有食物都系特別既，例如小食有芝心蝦丸，又有炸皮蛋球。海鮮的款式都有吾少，比較特別既有香辣炸鱸魚、魚露炸比目魚等等，跟平時既泰國餐廳系有少少不一樣既感覺。炸蝦餅系我每次到泰國餐廳都必點既一道菜，一向都覺得炸蝦餅吾會難食得去邊，不過好食既就真系會令人印象深刻。呢份炸蝦餅本身應該有4件，一件開2份就變左8件，所以睇落份量都幾多蝦餅都算大件，中意食蝦餅系因為佢入面有好多蝦肉，又做到結實既口感，感覺非常新鮮。跟住叫左一份香芒蟹肉炒飯，雖然都系經典既泰國菜式，不過都吾系間間泰國餐廳都有，系度竟然有真系太好喇一黎到已經o左咀，通常有親呢度菜既泰國餐廳，都淨系會比好少蟹肉

新都城好多餐廳已經食過晒，唯獨是呢一間未試過，因為我開咗唔係好耐，咁啱今日想食泰國嘢所以就入嚟試試。環境好好，疏落有致坐得好舒服，佈置亦都好有泰國嘅特色。《馬拉盞炒粉絲》$82粉絲炒得乾乾的，唔會好油，口感幾好，而且配料方面都好多，份量都好大。《椰汁雞湯》$100呢個湯偏甜，如果酸辣味可以重返少少就更好，不過椰香十足，而且雞件嘅份量都好多。《泰式燒雞》$138燒得好香，而且外皮好香脆，雞肉亦都好嫩滑，入味，似乎吃不到雞胸肉👍🏻《明爐烏頭》$158魚肉好厚實，唔會好老，汁底酸度適中，仲有大量海鮮菇，整體好美味！最後仲贈送甜品添，爽口椰汁糕。總括嚟講，價錢唔貴，而且味道都幾好，一定有下次！

位於新都城二期嘅一間叫做金坊泰國美食嘅餐廳，次次都經過幾次要大排長龍於是今日就嚟朝聖一下。由於最近疫情嚴重，所以喺新措施實施之後堂食，都係要座位減半同埋枱同枱之間嘅距離1.5米嘅要求咁進食。其實原本餐廳之間嘅座位都非常歡堂再加上佢有別樹一格嘅泰式裝修感覺真係好似去咗泰國嘅一樣另外顧客需要量體溫同埋消毒雙手先可以進入餐廳進食令我感覺比較安心而且餐廳喺枱同枱中間都會用一啲版去隔住，衛生意識好好餐廳仲會免加一，外賣嘅朋友仲可以享有八折嘅優惠呢度嘅食物選擇非常之多令到三心兩意嘅我都唔知揀食咩好到最後我同朋友都叫咗幾個唔同嘅菜式首先係清炒椰菜苗同海南雞我哋叫嘅係半隻海南雞份量都好多啖啖肉非常正雞肉非常鮮嫩，配上一個泰式酸辣汁，開胃得很，用嚟送飯簡直一流椰菜苗都炒得好淋甜呢一份係豪蛋餅，又係大大份！最難得嘅係啲豪仔非常之新鮮脹卜卜咁樣串燒係豬牛雞各兩串，醃肉醃得非常之惹味，但係絕對冇搶咗肉質原本嘅鮮味，只係略嫌啲牛有少少un朋友仲叫咗杯芒果沙冰唔算好甜最後餐廳仲送咗一個泰式甜品俾我哋為我哋今次嘅晚餐畫上一個完美嘅句號