金坊泰國美食

营业中

休息中

尋日同4位朋友四點幾入去，呢個鐘數冇乜人。坐低後冇人理唯有主動舉手請侍應寫嘢，近距離扮睇唔到，行咗去兼用背脊背住你。跟住索性舉起餐牌示意寫嘢，另一個望咗一眼又扮望唔到。啲員工好似唔肯做多咁，自己唔做就留其他人做，到最後冇人做。最後，我同朋友起身離開轉場，臨走時專登經過其中一位扮盲扮聾嘅侍應，並講有冇攪錯，咁對客人。果位侍應當然繼續扮唔知啦。最終我哋轉咗去亞金食下午茶，海南雞飯都係五十幾，份量仲大碟抵食，真係錯有錯著。以後轉場，唔駛受氣。

晚餐時間見到幾多人食緊，自己好想食芒果糯米飯就揀左同男朋友食金坊，店員姐姐個個都好有禮貌，一叫就黎反應快服務好，真係食都食到開心啲，先叫左個海南雞飯同海南雞湯河填飽肚先，海南雞份量多，全部都啖啖肉，而且無血，真係雞肉，唔係啲奇怪部位，佢個醬汁係泰式酸辣汁，係另類既海南雞風味，黃薑飯好食，佢地既河粉係好寬，似布河粉，自己從未試過但發現都幾好食，比普通河粉有咬口，蒜蓉炒通菜大大碟，炒得好香惹味，食唔哂我地仲打包做餸添，最後就係我最期待既芒果黑白糯米飯啦，煙煙韌韌好好食，芒果有2大舊切埋粒粒，將椰汁淋上去，3種味道既配合簡直完美哈哈，芒果又新鮮又甜，椰汁唔夠仲可以無限添，都只係68蚊咋，個人認為真係抵食，而且佢地餐牌選擇好多，我相信總有一款啱你地食👍

跟家人食晚飯，近近地同佢去了#金坊泰國餐廳，這間的泰國料理正宗又惹味，價格很實惠，是不錯的選擇！叫了海南雞船河（加$轉了髀位），雞皮薄薄的，雞肉非常嫩滑，點埋附上的泰式辣醬，帶少許辣味，十分滋味。香茅蠔仔煲，蠔雖然不是很大隻， 但勝在飽滿肥嘟嘟，內裡有很多材料，香茅、秀珍菇、三色椒、洋蔥等，口感豐富，色香味全。鐵板比目魚，呢個好惹味，魚身口感好滑溜，配料有磨菇、三色椒、洋蔥等，呢味餸比較濃味，若配碗飯食感相當唔錯。飯後送上甜品是椰汁糕，各人一件，我太飽沒有食，但家人就食晒佢哋。

咁耐無去過泰國旅行 心思思想食泰菜止一止癮 經過見到佢門口同鋪面都幾有泰國風味 就立即入左去試一試佢入到去個menu都好豐富 我就費事要諗直接揀左個二人餐 只係$288 我真係估唔到佢係勁豐富我諗3-4個人食都夠冬瓜湯: 大大舊冬瓜 足哂料 仲有比較重胡椒味 好好飲泰式豬手: 忟到夠哂淋滑 份量亦係好多 食果時配搭埋酸菜同埋佢附上醬汁 十分好食燒豬頸肉: 呢個真係我推介大家要食 份量多(有17-20塊左右）燒得好惹味 咬落去好爽滑 仲有肉汁 馬拉盞炒通菜: 我每次食泰菜都會嗌 呢度既都無令我失望 味道好岩我唔會太咸 好大碟 香辣炒粉絲: 份量都係極多 粉絲比較濕身 但夾起黎都唔會痴埋一舊舊 辣辣地都好惹味最後仲有個綠豆糕做結尾 今次真係食到捧住個肚走 $288呢個價錢 佢俾到呢個質素同份量我 我真係覺得超值 下次想食泰國菜我一定揀佢

一點幾成個商場既食店門口幾乎都有條龍，見到呢間有人出黎有位即刻入去啦，好餓呀～坐低見再斜對面有一家三口肥嘟嘟佢地三碟都食剩大半碟我仲同男朋友仔講唔通真係食少少都肥🤪男朋友仔叫左個白咖哩香茅豬扒飯配咸檸7加小食鳳爪～我就想食個重口味蝦醬炒公仔麵配龍眼冰飲品有水準咸檸打碎左成杯好濃味龍眼冰多龍眼，色又正，味夠濃前菜鳳爪足料正常味冬蔭公得咸味，不過佢送既就算啦白咖喱香茅豬扒以為會好似沙X王嗰個咁好食，點知原來係椰汁炸豬扒⋯⋯暖既椰汁入邊有啲豆卜同洋蔥，成兜嘢冇味又唔咸，再加埋個豬扒好韌，飯又好泰國飯（好正宗咁好鞋口）自稱垃圾口嘅男朋友仔都頂唔順食咗一半都冇碟頭相當大嘅蝦醬牛肉炒公仔麵見到賣相都幾吸引幾足料，但係佢呢隻櫻花蝦醬其實係唔鹹嘅⋯⋯佢應該用泰或蝦膏炒牛肉都幾多但係冇味嘅以為食緊豬肉公仔麵彈牙係無味囉預期嘅重口味完全成碟都可以無味好犀利公平D講個水吧同小食係冇問題，淨係個主廚好有問題🤨係咪今日唔記得落鹽忽然明白點解一家三口肥嘟嘟會食唔晒，平時好堅持食晒啲嘢唔浪費既我都搞唔掂⋯⋯

新都城改頭換面，二期多咗好多新餐廳金坊開咗耐，好少過嚟食入到去個裝修同環境麻麻地，以為會好難食點知有驚喜🙀晏晝有餐包飲品，又可以$8/$20加小食Ps. 一定係濃味，淡就唔岩味㗎喇冬陰功湯，我鍾意佢夠酸👍🏻😊每個餐都有湯揀，另一款係冬瓜湯，都幾好飲三份飯粉都超大碟，特別係海鮮濕炒河😆味道唔會過咸，仲好有鑊氣😋大碟到媽咪未食已經要打包白咖喱豬扒飯，裏面啲洋蔥生得濟，無食下次想試黃咖喱😌小食魚皮辣辣地

終於等到可以4人同桌, 趁住周六同朋友一行3人食番下午茶先‧新都城金坊泰國菜之前都食過幾次，最愛船湯河下午茶套餐!超值下午茶正宗遊船湯河 $45送一款小食包熱飲 (凍飲+$3)金坊遊船湯河湯底呈深啡色，見餐牌介紹用左傳統泰式香料同花椒、八角、桂皮、南乳及豬筒骨等煮3,4小時，湯底味道非常濃郁帶香甜。河粉是平時食濕炒河大大塊那種，掛湯力強外又唔會甘易變軟爛。海南雞幾夠味，肉質算嫩滑，但雞量較以前來說變少左。牛肉同雞絲扎肉都算正常水準。炸物 (咖哩角、雞軟骨豬肉棒餃子)一般正常發揮。青芒果絲沙律酸酸甜甜，調味很好。以下午茶價錢就唔算特別抵食，不過絕對是一個午餐的份量。男士們都會夠飽。

第一次去嘅時候係ok嘅，叫左個冬陰功粉同菠蘿炒飯。好濃味嘅，第一啖幾冶味，但越食越口乾。咸到之後超超超口乾，乾足全日，乾到喉嚨有少少痛個隻。到第二次去嘅時候，就完全自助咁樣，冇人理，叫住啲呀姐手，明明有眼神接觸嘅但都係被無視嘅。都等左陣，最終有人理喇，但要同人坐到勁近囉。之前又由頭黎過喇，叫極都冇人理嘅，恭喜佢生意好好。咁好唔憂做我地生意啦，所以冇食到就走左。都唔係話要咩服務，但冇人理嘅話就唔會有下次喇。

這間店一向都幫襯開，以前食物OK，因疫情沒去大半年，昨天特地去幫襯，食物質量變差，叫了下午茶海南雞湯河，份量不同以往改了用細碗盛載，雞肉「鞋」又有渣，個湯超勁味精，吃後狂飲水也不能止喝，口腔被味精失感覺大半天，包一杯熱飲卻細杯到只有200ml！服務員態度也不好，發誓以後也不再去！

呢間泰國舖頭算正宗，泰籍廚師泰籍侍應，裝修環境都好有泰國feel，在店內彷如置身於泰國一樣。😊晚餐適合一大班朋友或家人一齊分享，因為食物選擇多，大大碟，非常適合一齊分享。至於下午茶就適合自私食，一人份量剛剛好夠飽，同樣地選擇都非常多，其中船河套餐平靚正，包一款小食及一杯熱飲，盛惠$42，無加一👍船河份量屬於正常份量，非下午茶迷你Size 。當日試咗海南雞船河，海南雞無乜雞味，普通貨無乜特別，仲有兩嚿豬紅送添， 河粉屬於大塊無切嘅河粉，唔太滑，不過索曬d湯，幾入味👍😋小食方面就叫咗青木瓜沙律，青木瓜唔夠爽脆，炸餃子就熱辣辣上枱，炸得好香口， 鹹檸梳打夠氣，鹹檸檬味道夠出。非常抵食既正宗泰菜。

下午茶時間除左Tea Menu仍然可以叫午餐Menu亦有每日幾款嘅炒粉麵飯、午餐就包埋餐湯同埋嘢飲，另外可以加$8有小食或者$20有碟炒菜或者炸魚皮。⬇️因為想食海鮮濕炒河所以叫午餐$52、餐湯可以揀椰汁雞湯或者冬瓜湯，叫咗凍檸茶加$2、另外加左小食生菜碎肉包$8 ⋯ 啱啱好$62。⬇️轉個頭餐湯小食嘢飲一齊到、今日肉碎生菜包熱辣辣少少酸但好開胃。椰汁雞湯可以揀唔辣不過冇乜料，但係免費就冇乜所謂、杯凍檸茶大大杯可以飲到走都未飲完。⬇️海鮮濕炒河一上枱大過我個頭、晏晝三點見到真係呆一呆。其實我覺得佢好食過九龍城而且價錢平、海鮮濕炒河有蝦青口同埋勁un魷魚加大量蔬菜！講真我食完真係飽到夜晚！六十幾蚊係超級飽肚！

下午茶時段真係好多人等位，因為下午茶嘅價錢唔算貴，而且選擇都多，飯、麵同小食一應俱全。 🍴 冬陰功豬頸肉扎肉河+ 炸雞翼+熱飲 ($42+$8) ⭐️⭐️⭐️ 冬陰功湯唔辣，比較酸，豬頸肉唔會切得好厚，所以唔會好韌。扎肉就厚切，都算有口感，整體最可惜嘅係河粉好碎，而且好多條黐埋一齊，食落一般。雞翼比較細隻，冇乜肉食，而且食落似翻炸。 🍴 泰式海南雞遊船湯河+黃咖喱汁蒜蓉包條+熱飲 ($42) ⭐️⭐️⭐️💫 海南雞嘅雞肉尚算嫩滑，湯底都幾香，咁嘅價錢可接受。蒜蓉包就得一片，但咖哩汁就比左好多，多到可以食幾塊包，咖哩汁唔辣，適合一般大眾食。 .............................. 金坊泰國美食 地址📍: 將軍澳貿業路8號新都城中心2期2樓2016號舖 總評分: 6.4/10 .............................. 味道😋: ⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️⭐️ 衛生🧹: ⭐️⭐️⭐️ 抵食💰: ⭐️⭐️⭐️💫

香港人真係好麻煩，又鍾意試多d 野，又鍾意飲特色野。假日又想要有下午茶。估唔到呢間響商場入面既泰菜就有齊以上三樣野。不過我既心情就好似過山車咁。望到剩係得下午茶（其實響星期日有下午茶食係咪應該好開心呢？）但係我想食好啲喎，所以問佢哋攞個主餐牌。見到有生蝦，見到獅魽，見到有牛脷，不知幾咁開心。點知落單嗰陣全部海鮮都冇貨，生蝦要晚市先有！心情即刻跌返落谷底咁就唯有響下午茶餐嗰度搵嘢食啦。見到有呢個大蝦粉絲沙律，鍾意食辣嘅呢個都真係有啲辣架。但係好有refresh嘅感覺。臭草蠔仔煎蛋，臭草話對女人好喎，咁咪試吓囉。臭草就好多啦、蛋都唔少、但就好似冇乜蠔囉。而且好多油冬陰功豬頸肉扎肉河粉，冬陰功湯偏酸冇乜辣味，豬頸肉正常，扎肉林啤啤冇乜咬口。河粉係粗嘅河粉，但就好似切碎晒咁樣。燒魷魚響主餐牌嘅，一嚟到就聞到好香嗰陣燒烤味，乾身！基本上凈食都好好味，當然墊埋嗰個泰式酸汁就更好啦！泰式炒通菜抵食呀，係下午茶餐嗰度加$23就有一碟，仲要份量唔細。芒果糯米飯都有下午茶餐大家聽過味， $40左右就有啦，芒果你唔好睇佢好似好淡黃色咁，佢已經好甜㗎啦。糯米飯方面，綠色嘅係斑斕味，但係硬逛逛咁樣好難食，紫糯米

夏日炎炎，除了乖乖留在家中外，最好就是逛商場。行行吓想吃泰國菜，看見這間泰國餐廳定價不貴，又難得不是千篇一律的大型連鎖食店，於是便進去試試。《冬蔭公豬扒河》由於己到下午茶時間，不太餓的我點了一碗《冬蔭公豬扒河-下午茶》。那碗子雖然不大，但份量絕對能當午餐吃，河粉十分滑，不會太軟身和一夾便散。冬蔭公湯底非常惹味，酸酸辣辣，十分開胃。豬扒方面，香茅味醃得非常入味，入口鬆軟多汁，整體表現不錯。《鮮蝦炒金邊粉》我的朋友說泰國菜不能沒有泰式炒金邊粉，於是她二話不說便選定了。《鮮蝦炒金邊粉》一上菜便香氣撲鼻，一看便知夠鑊氣！金邊粉不會炒得太乾身，酸甜比例適中，加上青檸汁，吃起來更加開胃。美中不足的是花生碎太濕，影響了口感和外觀。總括而言，這家泰國餐廳食物質素真的不錯，不論是下午茶還是午餐的份量都超多，上菜又夠效率。三個字：「快、靚、正！」

已經唔係第一次去幫襯每次去食 個份量都係大大碟 好抵食 又好味唔會係狂落味精果種 食完唔會好口乾 要狂飲水果種呢點真係好值得讚今日又帶埋d小朋友去食lunch na入門前都會量好體溫間隔板做得好足 即使係卡位前後枱都會間開 亦都有bb櫈提供見到我地有3個小朋友 都會主動問我地要唔要碗仔水杯需唔需要咁多 唔需要就幫我地收走唔洗阻住我地呢方面都比較貼心講返食物先係佢今日既午餐 揀左菠蘿炒飯同豬頸肉炒金邊粉 午餐會有埋湯 可以揀冬陰公湯或者冬瓜湯我地就揀左冬陰公湯 味道夠濃 唔辣 都算大碗 仲有好多料菠蘿炒飯 有好多肉鬆同腰果 份量都好大碟豬頸肉炒金邊粉份量都好大碟配料都好多乾身得來唔會炒到d粉爛晒 好入味另外仲叫咗個香茅豬扒湯河一樣係大大碗 好惹味