金寶冰廳

营业中

休息中

下午茶嘅時間黎到呢間傳統冰廳叫左一份沙嗲牛肉麵同熱奶茶杯奶茶都算滑但茶味略嫌唔夠沙嗲牛肉都夠味，而且唔un 但係湯就唔濃郁，冇個種成口沙嗲味嘅爆炸感另外跟餐仲有好一般嘅牛油方包同腸仔煎蛋

金寶奶茶的知名度非常高，一度被評為全港最正宗奶茶，今次終於有機會親身感受一下。懷舊冰廳在香港買少見少，香港人一定要多加支持它們方可承傳下來。奶茶必須喝熱的方可品嚐師傅的功夫。光看奶茶的光滑表面，已經深深吸引著我。加少許沙糖，更能突顯奶茶我香淳。茶味相當香濃，奶味細滑，比例平均，可以說是我喝過最正宗的熱奶茶，不枉我老遠過來拜訪。西多士也十分有水準，新鮮炸起，配上糖膠牛油，十分鬆軟可口，配上懷舊冰室味道，值得一試。

話說本身諗住去轉個彎嘅另一間”陳X傅點心”度撐黃，誰不知不愉快經歷令我地轉戰嚟金寶(想了解更多詳情可到前一篇食評)，錯有錯著入到去坐低本身個位有啲迫，但落晒單之後隔離卡位吉咗出嚟，有個男店員主動問我地想唔想調過去，好貼心啊食物方面其實都係基本懷舊冰室食到嘅常餐茶餐，沙嗲牛啊、叉燒意啊、多士餐包菠蘿油之類(重點⚠️麵包類就算揀菠蘿油、腿治都唔使加錢🤫)其實味道係正常中等嘅，一定唔係話wow好驚喜嗰種㗎喇，畢竟兩個餐食飽飽埋單都只係$84！我好鐘意佢啲麵包出到嚟係熱辣辣，唔係微溫咁簡單留意返hahahahaha菠蘿油同餐包好鬆軟，雖然都係交貨過嚟，但出餐唔求其嗰下加分！熱奶茶少奶好香濃，Like！凍咖啡少奶少甜肥仔就話淡口咗啲總括，會有下次但要等多啲quota之時哈哈

今日蘋果嘅頭版，或者你今日打開社交平台，人人都討論五一黃金周。當然唔同立場嘅人，今日有唔同嘅支持活動，自己今日沒有安排什麼節目，於是就找間在家附近嘅茶餐廳支持下。新蒲崗的金寶冰廳，前排在小儀的節目先介紹過，今日都有唔少支持者來撐下場，排隊都排左大約十分鐘。呢間茶餐廳都有唔少歷史，而且本身都係區內名店。去年年尾，因為區內連儂牆被人貼上「撐警」的文宣，此店被誤認為藍店，90幾歲嘅老闆更加因為呢件事而表態，於是有不少媒體報道呢一件事，老闆嘅家人更加回巢幫手，發揮一家人的精神，於是呢間金寶冰廳更為人所共知。我來的原因，除咗因為黃金周，另外一個原因就係呢間係來自70年代嘅茶餐廳，店內的確令人有時光倒流嘅感覺，我最鍾意呢啲餐廳，賣少見少，特別愛地上四十年前的階磚。店内的選擇，大都係一般茶餐廳有嘅嘢，傳統到不能再傳統。叫了一個特餐，火腿奄列，熱奶茶，沙嗲牛肉麵，經典港仔午餐。一如之前聽過，呢度嘅奄烈做得不錯蛋味濃郁。餐包雖然賣相不太友善，但吃下去還可以接受，唔似係放左好耐乾晒柴晒皮嗰隻餐包。沙嗲牛肉麵第一口其實感覺普通，但吃落去後，又會漸漸改觀，沙嗲味都唔算係太濃烈，清新得來又有獨特的沙嗲香，配上煮

對於酷愛港式冰室嘅香港人嚟講，面對金寶冰室應該係完全無還擊之力。除咗懷舊特色嘅特餐常餐之外，金寶冰廳亦都嘗試將韓式辛辣麵放入Set Menu之中，希望吸引一眾年輕人注意力。特餐 － 腿蛋奄列、沙嗲牛肉麵、奶茶食開懷舊冰室甚至係茶記嘅朋友對呢個組合應該絕對唔陌生，但知易行難，其實要做出懷舊風味嘅十分之難。腿蛋奄列用猛火滾油煎完係十分香口，唔係一般家用煮食爐可以煮出嘅味道，可惜賣相亦非常「港式」，可以叫做完全無賣相可言。而沙嗲牛肉麵嘅沙嗲味其實並唔足夠，以至未能撈勻整碗湯底。如果重口味嘅朋友可以試下呢度嘅辣椒油，相信係自家製同埋味道亦好香同埋唔會太辣。反而值得一提嘅就係每一間冰室嘅靈魂 － 凍奶茶。呢度嘅茶底好夠滑同埋茶味濃郁，唔會感覺有任何澀口或者太稀，難怪能夠屹立新蒲崗咁多年！特色小食 － 菠蘿油、紅豆冰肥仔至愛嘅菠蘿油當然要配上紅豆冰先夠合拍。雖然菠蘿包無咩特別之處，但入面舊鮮牛油永遠都係重點所在。整體不過不失。而紅豆冰反而令人眼前一亮，首先係淡奶底夠足料，而紅豆冰除咗有蓉之外亦可以食到粒粒嘅感覺，唯獨係支飲管實在太過幼，基本上係啜唔到任何紅豆，只能用鐵匙羹去𢳂起。味道 ⭐️⭐️⭐️服務

黃店 💛 金寶冰廳今日星期六，落街食個早餐開展新一日先☺️ 我揀咗呢間黃店：金寶冰廳。🟡餐廳上下都係黃🟡店內外都好多文宣同抗爭公仔🟡捐過錢比星火☀️ 早餐 （$32）✨早餐包含煎雙蛋（或一蛋一肉）、一碗麵、牛油多、熱飲（或加兩蚊轉凍飲）。🍳 煎雙蛋兩隻蛋嘅蛋白部分完美結合埋一齊☺️ 然後兩隻蛋黃係分開嘅，而且係完美嘅流心太陽蛋☺️ 自己喺屋企絕對做唔到嘅效果，幸福嘅味道☺️🥪 牛油多士牛油多士就係普通去邊三文治包搽牛油，早餐必備🤪🍜 沙嗲牛肉麵好似中學之後都冇食過沙嗲牛麵啦，好懷念呀🤤 牛肉份量比想像中少，但味道估唔到咁好。而且肉質軟熟，食過番尋味😋🍋 熱檸水熱檸水入面有田片厚檸檬，算係貨真價實啦🤣

一早走到新蒲崗找港式早餐，進入店就知道是家有練歷的店家人先點最愛的沙嗲牛肉麵，煎蛋腸仔多，配熱奶茶。沙嗲牛肉麵非常港式，是他喜歡的味道。奶茶果然是招牌奶茶，非常滑身，茶底香濃我點的是火腿通粉，煎蛋香腸多，配熱咖啡，是港式早餐的味道。吃飽飽再看看餐牌時發覺原來煎蛋腸仔多可改為我最愛的奶醬多士下，次務必一試

食完早餐，直接來吃中午，來到才知原來是黃店😃特大紅豆冰不是好大杯啦，豆多，但有些較硬，好香甜，口味佳。菠蘿油在邊打食評時，香味飛散出來，可惜一打開時，有條腋毛在内，曲短的。我朋友本能反應竟掉其毛，我呆了？為什麼不留証物給店員看呢？難道你打算照吃可也？我說後，朋友反思完，就叫侍應換，好彩他有換。換來新的扁些，已check清楚入面無毛今次。酥皮多，味正常，但我不會試。友人說溶後有懷舊味道。奶油豬大個又脆，牛油香，煉奶夠，包可更鬆軟，大到好頂肚。凍奶茶好濃茶香，奶味正，濃縮少冰。因為我特意叫了少冰呢！食後感：今日吃的都是網文所介紹，食物不錯，但不會來了。

個人鐘情港式奶茶，咁岩奶茶癮起，就上網search下邊度有正宗港式奶茶，見到有唔少人推薦呢度既熱奶茶 ：《金寶茶》，所以weekend經開新蒲崗就專程黎拜訪試一試！正宗港式冰室，仍然keep住冰室既懷舊裝修，感覺好地道😍 價錢都係街坊價，合理過d新式”扮”懷舊冰室好多！叫左個下午茶餐，鮮牛治 + 熱奶茶，盛惠$27。熱奶茶果然不負所望，茶香奶滑，厚身口感一流，極力推廌 ！😋👍🏻 鮮牛治足料，不過牛肉有少少韌，不過不失啦👌🏻

順利投票之後係時候醫肚, 就跟住App黎到新蒲崗li間老牌冰廳lunch, 冰廳wor....咁阿婆阿伯canteen feel, 都儘管食個quick lunch先. 估唔到坐無虛席! 從門口嘅小海報小寫生就知道, 相信係Daddy交左俾阿仔阿女打理嘅冰廳. >兩餸麵🍜沙嗲牛肉x叉燒x米粉 (HKD37)成牆成枱都係menu係花多眼亂嘅, 見到隔離左右嘅碟頭飯咁大碟嗌黎盞嘥野. 叫完個米粉等到隔離左右都有得食🥺但我張枱連餐具都無🥺可見佢地旺場到一個點. 講返米粉, 以HKD37黎講都算抵食, 叉燒份量勁豐富, 差唔多蓋左半碗之餘仲塊塊厚切, 厚切得黎肥膏比例夠少(好怕嗰啲半舊肥膏丁點肉); 而沙嗲牛肉就好易咬, 沙嗲醬OK濃好好味, 湯夠熱辣辣. 可能個set 係HKD37一碗粉一杯飲品, 麵碗好大. >金寶奶茶 以黑白淡奶沖成嘅奶茶係香濃好飲啲架, 充滿港式奶茶拉茶嘅味道.

懷舊冰廳買少見少，入到嚟就好似返咗去細個時嘅感覺。呢種要喺舊區才食到嘅味道，今日就一於嚟喚起自己兒時嘅記憶。Lunch都好多人喺出面等，還好一個人來就即入，叫咗個五香肉丁一丁拼奶醬多，熱奶茶($40)。奶醬多好香脆好好味，出前一丁拼五香肉丁都無得輸，奶茶都好香滑，連帶身處嘅環境，成件事感覺好良好🤩下次可以再來👍🏻不過順帶一提，店員落單比較舊式，無枱號可跟，只靠店員記住，好易漏單or送錯，記得要自己mon實。同場有客人等好耐，催咗兩次都仲問要咩...最後忍唔住走咗😅

金寶係真正既香港舊式茶餐廳，燈光明亮卻略帶點泛黃，啡色皮靠背的卡位，在木檯面蓋上玻璃，底下放著菜單。地上是舊式併花地磚，牆身則鋪上仿雲石紋瓷磚，門口收銀檯坐著一位不知年歲的老伯。沒有豪華裝潢、高貴食材；沒有嘩眾取寵的噱頭，沒有堆砌甚麼舊物，一切看來平淡，但處處透露著淡淡舊香港情懷，仿如處身於平衡時空一樣。午飯時人客漸多，侍者只淡淡地招呼入座，靜候客人下單。卡位不用迫坐兩檯客，餐牌亦可以慢慢睇完再落單。今天點了一個麵餐，煎雞扒蛋佐辛辣湯麵，併奶油多，凍奶茶。麵餐51元，凍飲加2元，合共53元。煎雞扒蛋佐辛辣湯麵，雞扒香煎充份上色，皮香肉嫩，煎蛋流黃，辛辣湯麵落單時已要求唔好淥太耐，亦有照做。奶油多，牛油香滑，多士金黃香脆，是港式多士，麵包沒有台式厚。凍奶茶水準卻是一般，茶不夠算濃厚，茶香味不足。

這兒是我最愛的飯堂，除了食物物超所值外，也受惠於濃濃的人情味。環境方面在這兒，你可以見證時代的變遷；在這兒，你也可以吃到傳統冰室的味道。能夠屹立在新蒲崗多年，經歷三代人，這就是人情味。三代人一起打理的心意，分外温馨。一人負責收銀，一人負責樓面，一人負責茶水間，共同合作，務求將最好的送給大家。食物方面選擇不多，但是高質素。37元，一碗沙爹牛肉麵，煎太陽蛋，大大的餐包，一杯馳名的金寶奶茶，好好吃💪🏻今天只有10分鐘午飯時間，但在這兒，可以忘憂，安心吃飯。

出得黎呢頭, 就自自然地好想搵d舊式茶記, 本身想食隻炸雞比, 不過呢度係冇炸雞比賣, 最後同男朋友一人食返個下午茶西多士+凍奶茶, 西多士有d覺得花生醬唔夠多, 不過炸得都幾香口幾有獲氣凍奶茶茶底都幾香幾順, 真係唔錯!而我自己就叫左個沙爹牛肉包配紅豆冰, 宜家好少地方有得食沙爹牛肉包喇! 沙爹牛肉包都唔細個嫁, 對於我黎講做個下午茶真係會食到飽!! 沙爹牛肉配上餐包, 牛肉都有點咬口唔係好林果種, 食落幾有風味~ 配埋呢杯令人難捨難離既紅豆冰, 好有舊式感覺, 因為以前就係會用幼飲管飲紅豆冰, 飲管吸唔到大大粒既紅豆, 呢種要用匙不起紅豆呢個情形令我回想以前都係咁,.. 奶香原自練奶, 真係又白又好飲, 今次肥仔喇雖然係舊區, 不過果日都keep住有人入黎食下午茶嫁! 呢d風味始終係舊式茶記最好味, 不過呢d茶記已經開始少la, 希望可以繼續做落去la!

SUNDAY中午時間, 呢度都幾多人, 叫左個芙蓉蛋飯, 我仲以為係滑蛋, 點知係叉燒火眼煎蛋, 蛋有部分煎得熟得滯, 濃左, 有少部分呈半熟狀態, 滑D, 果D 就OK D LAW。叉燒無乜肥, 是瘦叉, 岩我,火腿都唔少。仲雜夾左D 牙菜, 幾爽口。質素就一般LA。BTW, 呢度上菜幾慢下