金寶冰廳

营业中

休息中

話說上回試咗雜誌上所推選嘅全港Top 9 奶茶其中一間食店，今次就嚟到新蒲崗試試第二間。呢間開業43年嘅老舊茶餐廳，望望門口已經感到歷史悠久，內裡裝修更是有點老化…望望餐牌選擇都多，同一般茶記無異，點了個特餐▶️沙嗲牛肉麵 - 牛肉尚算嫩滑，麵嘅淋度恰好，但湯底沙嗲味唔夠濃▶️牛油餐包，火腿奄列 (跟餐) - 不過不失▶️熱奶茶 - 茶奶味都平均嘅，口感順滑嘅，不過再熱少少就好啲▶️菠蘿油 - 呢個就真係不似預期啦！賣相唔掂，都知道個菠蘿包唔係自己做嘅，但可唔可以叮翻熱少少先上枱奉客呢！總結：食物質素勉強合格，奶茶有水準，始終係老舊茶餐廳，唔會有太大期望！

有一日look 社交平台係奶茶關注組發現👀原來新蒲崗有間茶餐廳既神秘memu，有阿華田/好立克奶茶，作為奶茶控既我即刻放假去朝聖！店舖睇落係間普通既茶記，Memu上都冇阿華田／好立克奶茶既選項，但係落單同伙記order 佢地就識做嫁啦🤣🤣(果然係神秘Memu，知訂先有得叫😋) 我地order左個常餐沙嗲牛肉麵，有麵包煎蛋煎腸跟餐，仲有個西炒飯！當然仲有2位主角 - 阿華田奶茶&好立克奶茶啦～沙嗲牛肉麵高出正常水平發揮，沙嗲汁非常濃郁，麵基本係公仔麵水平，牛肉唔韌撈埋d沙嗲汁食，食到男朋友舔舔脷😋麵包口感軟熟，普通麵包冇乜特別！煎腸煎蛋偏咸，夾落麵包到食岩岩好😋中和左d咸麵 又可以昇華個麵包既味道👍沙嗲牛肉麵餐值得推薦！👍👍👍👍👍西炒飯炒得太濕 唔夠乾身粒粒分明，但係味道唔錯，係唔酸帶甜既味道！可惜既係得火腿片冇腸仔粒😫蛋絲普通唔太特出蛋味！整體上個西炒飯普通！推薦指數👍👍最後既主角黎到啦😋😋阿華田奶茶＆好立克奶茶既感覺好特別😋好似飲緊阿華田咁，但係口腔又傳出陣陣既茶香味😋兩者非常配合，而且阿華田同好立克本身都有甜味，奶茶唔駛額外加糖都已經好好味道啦😋👍不枉我遠道而來!極力推薦👍👍👍👍👍

以前既冰室/ 冰廳其實係唔會賣主食多數只係提供凍飲啦雪糕同冰類等等既冷凍食品香港既冰室以前係拎小食牌, 都係會得飲品三文治同西餅蛋糕咁同而家既茶餐廳絕對係兩樣野黎不過時移世易而家既冰室/ 冰廳已經同茶餐廳無咩分別都會提供小菜粉麵等等等等仲保留到真係咁懷舊裝修既冰室其實唔多收銀係伯伯黎 =)呢度奶茶好飲，有茶味之餘仲係好香滑茶味唔會比花奶搶左去不過沙嗲牛肉麵就一般唔算太特別聽人講佢既菠蘿油都係好好食下次就再黎嘆下先~~

金寶冰廳嘅奶茶喺區內非常出名，從佢哋將杯奶茶以舖頭名命名，就知道對呢杯自家出品有幾大信心。一場嚟到，主要係想試下杯金寶奶茶，食咩其實冇乜所謂，於是貪方便叫個下午茶餐，揀咗我嘅 comfort food 沙嗲牛肉麵，配餐肉炒蛋同牛油麵包。食物正常普普通通，唔特別介紹，至於杯奶茶呢，單睇面頭塊奶膜就知有啲料到，證明茶膽撞落淡奶時，熱力同勁道十足，因而分離出一層奶脂，凍咗就形成奶膜。呷一口，奶茶非常厚身，奶味亦好濃，相對地茶味就冇咁強，所以雖然水準高，但係並非我最喜歡嘅味道，不過如果鍾意飲奶嘅話，呢杯金寶奶茶肯定係你嘅心頭好。

之前聽同事介紹呢間新蒲崗良心懷舊港式茶餐廳，話佢啲奶茶同埋沙嗲牛好正，就一直都想試吓，於是趁放假今日特登慕名而來到新蒲崗懲罰一下佢😛.就咁睇個店面就知道佢歷史悠久，好彩我都事先都上網做咗啲功課，原來佢係70年代已經開咗，真正係一間懷舊老字號嘅港式茶餐廳，而且係三代同堂嘅家族生意，第一代老闆已經係90幾歲高齡嘅爺爺👴🏼而且之前曾經俾人貼街招屈過佢係藍冇良心，後來經一班孫仔澄清返原來係有良知嘅良心店💛.除咗格局懷舊經典，食物都係典型港式茶記可以食到嘅，我見價錢都好合理同抵食，我叫咗個全日特餐$38， 有沙嗲牛肉麵，火腿奄列，牛油方包，我仲叫咗杯嘅金寶熱奶茶☕️某程度上我都係為呢杯熱奶茶同佢嘅沙嗲牛肉麵冒名而來。.我見網上啲人話佢嘅菠蘿油都好正，本身我諗住另外加多一個菠蘿油我嘅食量當然食到啦，但係個侍應哥哥超好人，佢話幫我將個牛油方包轉做菠蘿包加多$5加舊牛油就得，咁樣埋單都係$43抵d，就唔使我另外買多個菠蘿油加$13咁貴，仲幫我諗埋會唔會太窩心？！☺️另外我想講佢無論係侍應定係幫我執碗嘅姐姐，禮貌都超好，唔該前唔該後，又叫我慢慢食，真係好耐冇感受到啲傳統嘅茶記都有咁好嘅服務態度👍，講堅，服務

金利多人又逼，所以3月頭開始試呢個冰廳，只食過早餐，試過沙爹牛麵，及雪菜麵，有人大讚沙爹牛麵，試過d牛肉係好軟腍既，不過自己本身不太好沙爹，所以唔覺得有咩特別，反而覺得佢d雪菜幾好食，有炒香既味道，炒蛋係即炒既，至於奶茶，我一向覺得茶餐廳d奶茶放耐左會變酸，但呢間好似無，但都係覺得無咩特別。環境方面，燈光唔算光猛但感覺算係干淨，唔似前面個間金利，一入去有種污糟既感覺。匙羹叉用牛油紙包住，心理上會覺得干淨d，唔使怕個個都摸過晒。服務方面，通常落單既都係個位太子(佢應該係收銀伯伯個仔？) 佢例牌木口本面，不過茶餐廳服務我都無咩期望了，態度唔太差都接受了。不過最令我頂唔順既係門口收銀既伯伯唔帶口罩(呃..正確應該係口罩係下巴度，但咁同無帶有咩分別) ，仲要係咁咳。厨房師傅又係唔帶口罩係度大大聲吹水，OK，眼不見為干淨，不過現在疫情下，我不能再接受了，所以唔會再去。

💭懷舊冰室之選..想食到以前香港嘅味道😋▫️▪️🍞西多士$2️⃣9️⃣ 包飲品即叫即炸..鬆軟可口..配上糖膠同埋大大嚿牛油🧈..內裏仲有夾左花生醬添🥜▪️🥪鹹牛肉蛋治 $2️⃣8️⃣ 包飲品味道正常，傳統方包厚度，依家出面好多食到嘅三文治都係用咗厚方包食落會比較滯，都係傳統嘅好味啲。

步入餐廳感覺時光倒流左20年是間小有的懷舊茶餐廳叫咗個菠蘿油配熱奶茶相信呢個配搭 係港式茶餐廳嘅經典熱奶茶係出色嘅茶味好濃 ！ 好香同滑！但係菠蘿油就...有微溫... 本身幾好既 但個皮唔夠脆皮...下次再試第二樣嘢食😋

奶茶係茶餐廳嘅靈魂之一☕無咗佢根本唔成事～香港有咁多茶餐廳/冰室，有幾多真係會令人一飲就上癮呢😹👇🏻呢間金寶就做得到啦！佢喺新蒲崗開咗四十幾年，見證住啟德機場嘅繁華同搬遷🛩👆🏻門面甚至係成間餐廳都係七、八十年代嘅裝修，有啲時光倒流嘅感覺～👇🏻靠牆啲位都係舊式嘅窄身卡位👍🏻雖然唔係話特別舒服，但夠晒地道風味😹👆🏻門口同👇🏻餐廳入面仲有食客送比舖頭嘅繪畫👇🏻早餐不外乎湯粉麵通🥣或者麵包🍞，呢啲下午茶時間都可以揀～👆🏻仲有特餐、午餐、麵餐等等👇🏻而呢度嘅招牌就係奶茶☕仲有每日朝早即炒嘅鮮牛肉！👇🏻再唔係，單點都得😹👇🏻叫咗個特餐，有齊晒金寶兩個招牌👍🏻啲牛肉係用新鮮嘅牛肉，仲要每朝即炒，包保新鮮😹所以食落去無其他餐廳嘅咁un，亦唔會好梅👍🏻鮮香易咬亦有口感～而且佢地嘅沙嗲醬仲有啲洋蔥，所以特別香～👇🏻火腿奄列正正常常，不過份量比出面多～夾喺麵包度食，啖啖都係餡！😆👇🏻金寶奶茶☕講真佢暫時係我飲過最好嘅奶茶😹當然各人口味唔同，每個人對奶同茶比例嘅要求都唔一樣～不過客觀嚟講，可以話係色、香、味俱全～👍🏻顏色夠金黃，聞落都好香茶味🌱上網睇過佢地用三款茶葉去溝👍🏻最緊要係師傅手勢好，撞茶撞得夠出味～

對奶茶控來說，每朝如果缺少了一杯奶茶，是若有所失；如果有幸遇上一杯茶香奶滑的奶茶，則絕對是點亮一整天於新蒲崗工作這麼久，居然一直不識金寶熱奶茶的盛名，失敬失敬，因此是日決定慕名一訪我的茶餐廳式早餐必點熱奶茶 +沙嗲牛肉麵+ 腸仔蛋先講杯熱奶茶，熱金寶奶茶絕對配得上 茶 香 奶 滑 四個字 👍🏻茶香撲鼻，有英式紅茶的香氣，但飲落入口醇厚，不帶澀味；茶奶比例適中，飲落唔鞋口😋😋介乎於 英式紅茶的醇滑 與 傳統茶餐廳的濃厚之間但若是喜歡茶味較濃的，則可能覺得會稍為淡了點，正所謂 鹹魚青菜，各有所愛啦⋯⋯沙嗲牛肉麵不像是坊間的倒模式沙牛，有加洋葱來煮，帶點清甜味腸仔煎蛋🍳煎蛋係有焦邊，近十年都冇食過，正！細個時 媽媽用鑊煎先有呢條邊

上網見有人推介呢間既奶茶，甘啱要去黃大仙就野，就行埋過黎新蒲崗呢邊試一試佢既奶茶。正值下午茶時間，叫左一個沙嗲牛肉包和一杯熱奶茶。熱奶茶果然好飲，茶香濃，同奶好平衡，飲落口好順滑，絕對值得推介下午茶餐選擇都唔少，沙嗲牛肉都滑身味夠，包焗得啱啱好，整體好食。價錢都親民，$30。朋友叫左一個鮮茄豬扒飯，豬扒得一塊，味道普通一般。總括黎講，呢度水吧絕對出色，食物通常係叫常餐，或者下午餐既三文治、西多、面包類為主，其他茶餐廳既飯意粉類水準唔需要抱太大期望。

天寒地凍的早上，和Honey來到他偶爾幫襯的小店。這「小」店，確實很細小，兩邊是單座式卡座，很舊式的茶餐廳。我叫叉燒公仔麵、煎蛋午餐肉、熱奶茶。食物一般，但奶茶好飲，奶不會太濃，茶香濃。而Honey就叫煎雙蛋、火腿通粉。這個通粉就……總之不新鮮的味道。他吃了幾口就不吃了。以舊式茶餐廳而言，這價錢算中等。論環境和食物……我覺得，區內競爭會好大。

今日又同朋友食下野啦。試左呢間冰室。首先想提下，其實我個fd 叫左個菠蘿油，但我就無影到相。佢就話係非常有驚喜同好好味。個菠蘿油咬落鬆軟，吾會太乾，食完吾會膩。個包底望落似餐包，然後頂端會有菠蘿包既奶酥皮咁。而我叫既呢碗麵其實一般般，咖喱汁吾算香、濃。麵條（應該係公仔面）吾掛個咖喱汁。其實似咖喱水居多。🙈🙈🙈個麵食落比較腍，而個牛肉吾算嫩，同有少少癡牙。而個煎蛋中間係半熟，所以會有少少流心。而個奶油多反而吾錯，成嚿多士有我塊面咁大。上面既牛油、煉奶都吾算少。食落非常脆，咔咔聲咁。有一個邊位會焗到有少少焦，但反而個焦香味會令我覺得更好食。而多士類既通病，四個邊位因為無醬無奶油，會偏乾身。食左一兩啖邊邊位之後，唯有飲下奶茶幫助吞落肚咁。另外，想講下個熱奶茶，叫左多奶但飲落吾覺多左奶，普通熱奶茶咁。🙈

最開心就係搵好嘢食，搵咗好多，放係想吃嘅list內，到真係達陣去到係開心嘅，無論個餐飯係好定唔好。本來都無諗住再食啲咩，bookmark呢間只因想飲奶茶。除咗咖啡，其實我都好鍾意奶茶，呢個係港式嘅味道，要戒都有啲難度。肚真係無辦法再食嘢，但一杯奶茶還可以。奶茶，16元，夠哂滑，茶夠香，飲落係舒服，熱度都剛剛好，難怪咁多人話奶茶係唔錯。疫情都做足，有哂啲罩隔離。雖然係平日下午，但都幾乎每個位都有人，無辦法影到餐廳嘅座位同環境嘅。門口伯伯大概係店主吧，隔住口罩都感受到佢嘅笑容，佢叫我入黎，我就入左黎啦，幾時都話服務態度都係好重要。

我被消息誤導....金寶奶茶王..名不如實...我今日食了全日餐，沙嗲牛肉米配火腿炒蛋，加菠蘿包。菠蘿包係叮返熱，唔係新鮮整奶茶冇茶味....於是沙嗲米同埋火腿炒蛋，我都冇影相，沙嗲米冇味....火腿炒蛋份量極單薄...