金山海鮮酒家

营业中

休息中

今日屋企有人生日,所以就揀地方食飯,而有人提出不如去金山,佢地話係米芝蓮酒家,講到咁,唔係唔試呀😂去到叫左個湯,煲得好融,好出味,之後再叫左幾個餸浸菜心,西蘭花炒魚,生炒骨,乳鴿,蟶子同小棠菜,菜心十分清淡,健康,乳鴿好有口感,同鎖住肉既汁,西蘭花炒魚,生炒骨亦調味適中,個蟶子就十分新鮮,又有口感,相信用其他方式烹調,定更有鮮味,小棠菜就係我既最愛,外脆內蝦肉扎實,配菜就更有口感,食實ㄧ嚿接住ㄧ嚿,真的唔錯,下次叫多D人泥😍

朋友咁岩由外國返嚟梗係要帶佢哋試吓香港地道海鮮好多人都知金山海鮮酒家好抵食，local得嚟又夠代表性！今日我哋就叫左最出名嘅賴尿蝦，呢隻賴尿蝦好巴閉七點鐘就已經沽清，$88 1隻隻隻都勁大隻，呢個價錢真係非常之抵！椒鹽味十足,食到朋友舔舔脷！跟住仲嗌左避風塘炒羔蟹，omg，爆哂羔呀！太正了！爆油亦無令蟹失去鮮味，火喉啱啱好！仲嗌咗焗蠔,d蠔焗得啱啱好，好惹味！朋友忍唔住食完一隻又一隻仲有出名嘅酥炸小棠菜🤤好酥好好味

印象中好像已經有兩年沒有來這兒吃晚飯了。以往就算 book 左枱都可能要再等位。今晚來到已經沒有往昔人山人海的場面了。可能係平日晚上的關係, 不用等已經可以直入, 而且四個人都比左一張八人枱我地, 坐得非常鬆動。先上雲英雞半隻, 皮爽肉滑, 一直都是這兒的招牌菜。窩貼小棠菜, 外皮炸得十分香脆, 墨魚很彈牙!紅燒豆腐份量十足, 豆腐很滑。炒菜是送的, 我地揀左菜心。西蘭花炒班球, 班球大大塊又新鮮, D 皮有 2 mm 厚, 充滿豐富的骨膠原。陳皮蒸鮑魚 6 隻, 蒸得剛好, 不老也不韌。飯後還有每人一碗喳喳糖水, 很滿足了。這個炒班球真係啖啖肉, 落單時先要告訴伙記你要幾多両, 因為大部份海鮮都是以重量計, 及以 "両" 作為單位。今晚呢碟 12 両重, 所以端上枱已覺得份量十足。還有, 這店只做晚市, 每晚六時才開門的。吃了這麼多都是 $72x, 四個人吃到很飽了。我們還會再來的。

去完海洋公園，book好位7pm 同屋企人一齊慶祝我生日。我一年都嚟呢間舊店兩三次，多數都等人多d先嚟，可以叫多幾款唔同既小菜。今日有十個人，叫左九款餸。椒鹽瀨尿蝦 - 好夠椒鹽味，蝦肉新鮮多肉，好味！我至愛😍豉椒炒花甲 - 花甲脹卜卜的，偏辣，夠野味。鹽焗奄仔蟹 - 唔算大隻，但多膏!砵酒焗蠔 - 好入味，蠔又大大隻，叫左兩碟！全枱人都好喜歡！😋雲英雞 - 唔係好大隻，但隻雞係勁滑勁嫩口吖！😍蒜燒牛仔骨 - 份量多，牛仔又淋，阿女勁鍾意食！窩貼鮮蝦小棠菜 - 呢款真心值得推介，外脆，裡面勁彈牙，又好有鮮蝦味，超！炸大腸 - 相比之下呢道菜就比較一般，大腸都好脆但肥左小小。雞油豆苗 - 新鮮嫩口！最後，每人送上一個咋咋糖水，阿女唔食中式糖水，我食左兩碗，好味！一家十口食左二千蚊，既好味又豐富既生日晚餐，好開心又滿足！

由11年開始來,差不多每兩-三年來一次, 最初係又要訂枱來到還要等位,到這陣子差不多是WALK IN NO WAIT, 睇住佢經歷爆場至回歸平淡的現在, 自己亦由開始時唔太接受這裡的味道至現在變得可以接受, 有時真的是盲婚啞嫁都可以產生感情來?! 這晚係四個人, 吃的都是家常便飯,羊腩煲 份量足, 羊腩炆得剛夠身, 汁亦沒有過份的濃, 不超過三百來說是划算的一煲, 田雞炸得色較深不過肉還是嫩口的, 炸油用得久了點吧! 尤魚肉餅不太出色但同米飯一起吃可以了吧,另一個西蘭花石班柳都係中規中舉吧, 生炒骨比一星期前在太子某潮州菜館吃到的好味得多亦平易得多, 在香港做粵菜館連生炒骨都不達標的話其他的也會被扣分吧, 而這店的咖哩味金不換湯花甲亦可算係佢自己的自創菜式, 味較咸皆因佢加入了蔥菜片, 此湯最好不要飲, 價位保持中間, 份量亦不算太細, 所以自己還是會再來吧!

年尾又到一大班人約食飯嘅日子，金山呢到都好適合人多圍埋食飯，我地一行14人可以將兩張大圓枱泊埋一齊食。相對而家連鎖酒樓就難d，呢個一圍以上又未到兩圍，最多叫你坐逼d。食物都係叫家常菜為主，但鑊氣好夠，能夠將食物嘅味道都散發出黎，整體都好食

八年前就已經食金山樓，今次隔咗好耐終於有機會再過嚟食，我記得當時佢嘅椒鹽賴尿蝦好大隻，佢嘅招牌菜蟶子皇丶椒鹽賴尿蝦丶雲英雞、都係我最愛吃的。今次當然要點椒賴尿蝦啦！好大隻好好味呀！價錢我覺得係可以接受！因為真係好新鮮，店員服務又好。

今晚又去舊店食，椒鹽瀨尿蝦差左，吾知係咪轉左師傅.講番單勞氣野先， 今晚帶客去食飯， 佢趕飛機，甘我羅洛去埋單啦，點知一路落樓梯一路係甘話我地吾岩，一定要經果個大支野侍應伯伯，好啦，到我落到收銀俾錢，我問收銀我吾係第一次親手俾，點解一定要經佢手，我吾想客爭俾錢，甘都有錯。甘我咪同伯伯講，收銀話無問題，點解一定係要經你手，如果我未試過，我可能覺得佢係跟公司手續做，但我一個月食幾次，自己朋友或家人或帶客，都係我去收銀俾錢，你甘皇帝，話一定要聽你講.到出門口，我話甘以後你係度我吾黎幫襯啦，佢話好啦，你地以後吾好黎幫襯呀xyzxyzxyx, 依個伯伯仲惡過個老闆，老闆今晚吾係度，吾係一定拉佢傾。希望老闆知道，你成間既人做得幾出色都好，我以後吾會再幫襯。

一行13人假期約食晚飯，唔想次次打邊爐，朋友提議食小菜，人多可以叫多幾款餸試多啲。最後決定提早一星期book定金山，一齊試下呢間老飯店中菜😋今次我地坐2樓，房內都係大圓枱，當晚入座率都有8成，好彩唔係好嘈，可以慢慢食慢慢傾計。環境係一般老飯店格局，房內夠光乾乾淨淨，空間足夠，唔洗背貼背坐。侍應笑容親切，落單速度快。就算喺2樓都長期有侍應喺到睇住，唔怕搵唔到人。小菜夠鑊氣，整體唔錯，只係部份菜式偏咸。食飽飽仲有一人一碗中式糖水送。今餐平均每人200蚊。

話說N年前喺佐敦返工嘅時候，最鍾意跟老細去呢度食飯！難得今次有朋友喺外國返嚟竟然主動話想試呢間，因為好多朋友推薦喎🤣所以順便當再次重溫返當日嘅味道啦以前黎襯必食佢哋嘅貴妃雞，因為真係做得好滑！而今次朋友話事，點咗炸子雞.....個人覺得真係普通咗啲，好多大酒樓都做得好食過佢！椒鹽白飯魚每一條魚嘅size都好大😍皮脆肉嫩，加上炸蒜同淮鹽，非常惹味！ 薑蔥生蠔煲5隻中至細蠔......其他全部係薑蔥😓我最愛嘅黃金蝦以前做得非常之鹹香惹味，炸過嘅大蝦鋪滿鹹蛋黃汁，但係今次食嘅就明顯同以往嘅有分別....好彩蝦嘅質素都算彈牙新鮮，得一隻係霉既！油鹽水花甲粉絲煲花甲大隻，內質新鮮彈牙，湯底好鮮甜，仲有菇菌類同埋粉絲，讚👍🏻

一路都知油麻地多食市，就約班fd去尋食，行行吓見到呢間好似幾多，當商議緊入唔入去，侍應就出來叫我哋入去試吓，好即管入去試一次店內都幾多人冇乜位剩，侍應忙到唔得閒等你想食乜，叫你想好先過來既然大家想飲啤酒吹吓水，就叫d送酒菜，另外叫侍應介紹d特式菜首先就試吓侍應介紹既雲英雞和上湯中蝦煎米粉底雲英雞，比平時食既雞更嫩滑，雞腎好爽上湯中蝦煎米粉底，平時上湯龍蝦伊麵就食得多，呢個餸都係第一次食，需然中蝦冇龍蝦噤啖啖肉，但中蝦都幾大隻，肉都好新鮮彈牙，米粉就冇伊麵噤滑，但煎過既米粉再索左過汁，食入囗有雙重感覺，脆得來又稔稔地，好跟住就到我哋選既送酒菜，豉椒炒花甲，豉椒好嘢味，辣辣地，花甲食落冇沙黃金墨魚餅，好厚好大件，墨魚餅超彈牙炸大腸拼京都骨，炸大腸炸得乾身左d，京都骨用半肥瘦肉排，入口唔覺鞋幾軟滑窩貼鮮蝦小棠菜，未見真身以為係窩貼，見到真身就覺得似春卷，食落囗先知係用蝦溝埋切碎小棠菜打成蝦膠再沾脆漿炸成，口感外脆，內裏蝦肉彈牙而又食到小棠菜，幾重口感馬拉盞通菜，熱辣辣超嘢味最後就係砵酒焗蠔，一開錫紙散發出陣陣砵酒香味，咬落口蠔味濃而帶微微既酒香今餐真係冇得頂

呢間店出名多人, 不過我地差唔多7點左右就去到, 所以唔洗等雞好野味...不過份量好少, 每人食得1,2 舊呢個好食..個面好脆!身為粉絲控, 當然一定要食呢個, 個湯好飲, 食到停唔到口得6塊, 我地7個人唔夠分...好普通又係得幾件....好食....好香口呢個菜炒得剛好, 唔會過老, 由於我地唔夠飽, 所以再叫個炒飯.炒飯多料, 好食總結來講, 呢間店其實好食, 不過份量好少, 我地剛好坐係廁所旁邊, 所以有好大陣味...

朋友約食飯選址佐敦區，方便擺抵亞仔上興趣班就閃過嚟食飯，而揀餐廳既難題就交俾我佐敦食肆林立，不過想食海鮮小菜就會諗起金山呢間老牌街坊酒樓，就算2個人叫海鮮，都唔洗擔心食唔晒而令到款式少咗，因為就酒樓會幫你安排適當既份量!放工時間6點半未現人潮，嚟到就有位，今日坐係二樓樓底較低既一層，環境比較嘈雜。砵酒焗桶蠔（$138）平時街市買桶蠔都要100蚊喇，呢度有6隻蠔仲要煮埋俾你，如果人多仲可以人頭計加大份量，桶蠔炸過再焗都唔會老，砵酒去除蠔腥味卻能保持香濃蠔味豉椒蟶子皇原本見餐牌4隻（$138），不過侍應見2個女仔就話食例牌都得，估唔到2隻都照煮，聖子皇肉厚又大隻，乾淨又冇沙，豉椒味道唔會蓋過鮮甜肉質椒鹽中尿蝦王（$68/隻）每人一隻，如果冇講酒樓就會幫你分開兩段，賴尿蝦唔算大隻但肉質彈牙，椒鹽惹味帶出鮮甜味記得第一次聽到酥炸小棠菜以為成棵菜拎去炸，上枱先知可以咁好味，外層炸到鬆脆，包住墨魚滑、小棠菜同蝦肉，唔同層次既彈牙口感，愛炸物既一定唔可以錯過!本身想食啫啫香蝦通菜煲，侍應話通菜唔啱時候，於是轉做芥蘭煲，味道似馬拉盞炒，高溫過後芥蘭保持翠綠清爽，鍾意大油大醬人士之選埋單$625有五個餸

呢間餐廳係朋友推介的，講到好有鑊氣，好好味道，難得今日出到黎，點都要試一次啦。一入到門口，覺得間餐廳好舊式。人客好多，有九成滿坐，今次我地兩個人，好彩吾洗等位。侍應態度十分有禮，好親切，可能有一個係老細。不可不提既係佢既上菜速度，10分驚人，由點菜至上菜都吾洗十分鐘，好有效率紅燒乳鴿乳鴿好大隻，好好肉，而且好嫩滑，我男朋友連個頭都食塭。錫紙焗鱔肉質爽脆，有淡淡蒜頭味，可惜食唔晒，因為好流。煎釀三寶有茄子、紅椒同青椒，用靚魚肉做。不過青椒較淋身，本人比較鐘意食爽口野多啲。整體味道都幾好。食完仲有紅豆糖水送

依家好多舊式酒樓買少見少今晚走來吳松街好多人排隊我都book咗七點半仲要起碼等左九個字先有得入去食以我目察有三層層層都滿人座無虛席我終年明白點解要等咁耐帶子炒西蘭花普普通通啦我又覺得唔係話好高水準但係又唔係話好差椒鹽白飯魚送飯一流完全停唔到口我哋都叫左兩碟咕嚕肉色香味俱全諗住應該幾好食啦，可惜甜得滯椒鹽魷魚好好味好有大排檔嘅風味百花蒸豆腐一碟餸呢真係好適合冇話牙既老人家通菜煲新鮮滾熱辣原汁原味上正沙拉骨驚喜之作我自己就唔係好鍾意食架神來之筆好好食