金峰靚靚粥麵

营业中

休息中

我由細到大都好憎食粥 基本上我嗅到粥既味一定會嘔...無論 鮮甜潮州粥 or 煲得好綿既白粥 我都唔會放入口自從有次腸胃炎 比同事迫食左一次之後 我就愛上左食粥 開始會去品嘗粥既真味其實我怕食粥既主要原因係討厭佢陣 "粥水" 味... 但係我入到呢間粥店 一d 舊式粥店的"粥水"都沒有 反而係好香既瑤柱味 原來佢個粥底係用瑤柱煲 所以d"粥水"味都去左我叫左個豬潤滑牛粥 (始終都是怕食白粥) 唔知點講 但我食曬成碗... 好驚訝...我竟然食緊粥...自此之後我經常食粥 (但係香港真係唔係間間都好食)白粥/皮蛋瘦肉粥/牛肉粥都食過了... 粥底正 材料新鮮 無論咩料都係好食要試...要試...要試..要試...唔試會後悔架

Often heard rave reviews over establishments serving good food and extremely unagreeable staff service. Some people ignore it, some people leave a short tip, and some people slam at their table and take off (and write about it). At this congee joint, it's all so simple. If you can't handle the attitude, don't come in. If you have an attitude before you even sit down, don't come in. And if you really want to come in and eat, you're just going to have to suck it up and go with the flow, however wa

我是這間的老食客，暫時是第二間我吃過最好的粥店，第一間已經執掉了 /.\第一次試吃牛腩麵，不過經濟慘淡，不太合我的口味，之後就只吃粥品。粥 - 基本上每一款都很好吃，重點是粥底正炸兩 - 買回家要熱吃，鼓油先叫分開，又脆又滑腸粉 - 叉燒腸粉是我的最愛，滑滑的，比得上大酒樓的腸粉我看很多人都被老闆娘兇到，其實是很多食客不守規矩，不排隊聲大夾惡，等久一點又發脾氣(好像不用時間煮的)，他們鋪面細又想幫人霸位，所以被罵是該死的，老闆娘對老人家很好，行動不便的又幫他們推門，安排好近出口的座位。他們鋪面細，我習慣買外賣的，避開繁忙時間，基本上不用排隊就買到回家，怕迫或等位的，我建議就是買外賣

今日去左行太古城，之後過左吉之岛諗住去food court食tea，點知裝修無得食。於是出番黎向鰂魚涌方向行，行行下見到呢間野，決定入去試一試。叫左一個皮蛋牛肉粥，一個鯪魚球粥皮蛋牛肉粥，一碟炸兩。盛惠四十六個大洋。先講個皮蛋牛肉粥，皮蛋無咩特別，反而牛肉佢係比滑牛，淹得好好味，滾得好滑，剛剛熟，粥底好滑好綿，一絶。(18蚊)鯪魚球粥，鯪魚夠新鮮，可以唔落胡椒粉都無問題，仲伴有生菜絲，不過不失。(18蚊)最正都係個炸兩，腸粉夠滑夠熱，油炸鬼夠脆，真係想再叫多碟。(10蚊)總括黎講，值得一試。

今日瞓到差唔多中午12:00, 爸爸剛好買粥回來.我是不食粥的人, 即使病我都拒絕食粥. 我就是不喜歡.但今日我決定勇敢嘗試. 爸爸買了3碗粥, 3碟腸粉, 油炸鬼, 炒麫碗要即刻食, 否則太久會出水. 爸爸說因為米是磨, 縮短煮的時間.腸粉都幾滑, 但我不喜歡蝦米. 炸兩是脆的.油炸鬼應該是番炸的, 脆但實.炒麫普普通通.外賣在在外面等, 不可以自己加醬, 佢哋會另外俾一包包的汁醬給你.最後.......我的豬紅粥.......變了豬潤粥. ~ M A G I C ~

開業初期的確很好食，但現在已走下坡！食完瘦肉粥都要飲大量既水，因為食完好口乾！真係好失望！我阿妹較早前食過這裡的牛腩河話好難食，食完想作嘔都勸我唔好食，我都唔係好信．．點知碗瘦肉粥真係超失望！

同枱的婆婆取出一包藥，老闆娘一見便上前問婆婆要唔要清水，好快就送來一杯熱水，重叫婆婆小心熱，真細心。炸兩好脆，次次都會叫，個豬潤肉片粥好足料，水準保持。

最鐘意食皮蛋瘦肉粥($18)，D皮蛋好好食，唔會好似平時咁有D怪味，D粥質感幾好，同埋好多料，不吝嗇。外賣腸粉會有獨立包裝的醬料，而唔係就咁jit 晒D醬落D腸粉度.服務方面，樓面非常充足，佢只有5張枱，但就有4個樓面，另加一個人專做外賣,故反應都幾快。不過廚房就差D啦，都有5條友，但得一個負責煮粥，其它分別係腸粉，炒面，傳遞等。煮粥果個就係度狂煮，其它人就棟晒係度，因為唔係個個都要腸粉既.如果整多幾個煲有多個人煮粥就可以快D啦.我今日去時係十二點半，果時都仲有位，但到佢整好我D外賣(前後十分鐘到)，已經迫爆，要開始等位啦。總括來說，這間是一間好味的食店，不過同好多其它同類一樣，如果順路經過或者係附近住就好囉，如果山長水遠特登來就無謂啦，因為食既時間可能只得十五分鐘，一食完就要起身走人，比個位下一個。

這店，是昨晚同女友午膳之地！見多人，應該係幾好食，所以就入去！嘩，老闆好ｃｏｏｌ，做唔哂咁多客咁，有時鬧吓ｄ客叫唔好吹，但係都一樣咁旺．．我食皮旦魚片滑牛粥，女友食豬手麵，豬手麵唔知什麼味，因為我無食，但我碗粥又幾好食，粥味道好，唔會淡而無味，有點米香！配料份量夠多，牛肉同魚片都好食，特別魚片，無骨！或者，有時食飯要受吓氣先正常？？？！

to my surprise, the attitude problem i encountered before has disappeared.same lady boss, same middle-age woman, but lot more polite now. i have revisited the shop especially after the other congee restaurant in the area has closed.still many customers, still have to wait even for take away orders, but the attitude towards customers are much much nicer, and they even offer vacant seat for customers to place their coats or bags. how nice.food quality remain good. although prices raised, still wor

愛人暴食會友棄冬波，高清台播低清版賭神，省港同胞盃變鬼佬騷，國際賽後例跑無厘頭。悶極的下午，老毋親見狀帶冬波食粥粥。辰時午時關門時，靚靚門外均守候一批為偶像而瘋狂的擁躉，齊心高呼要吃靚粥！真的，要在東區區議會管轄的範圍內找碗好粥下肚實在有點難度。從來沒有議員正視這問題，間接亦令冬波在剛過去的區會選舉中廢了神聖的一票。食家不會推介皮蛋瘦肉粥。冬波不是食家，照食，照寫。靚靚銀蛋臉跟那柔柔情哥兒纏綿在雲霧裡，凡人只有夢裡尋! 這碗粥，以皮蛋瘦肉粥稱呼之實有貶其美。皮蛋一貫水準，不多花筆墨形容。鮮肉片才是靈魂，用刀功逐塊片出再以祕料醃制。肉鮮、肉香、肉滑，絕非一般梳多肉鹹瘦肉之流。配以棉棉白粥，冬波失控了!老毋親選頂好牛腩麵，夠肥。

昨晚去了此間粥店，以為自己去了18層地獄，叫了一碗粥及油炸鬼，油炸鬼絕對真的如其名稱，浸滿豬油，吃一條必定肥50磅，到準備埋單時，問伙計取紙袋盛載油炸鬼，怎知突然該店之老闆娘用極不友善及窮兇極惡態度回答：『點會比紙袋你，你唔係唔知紙袋係貴過膠袋呀』----------今時今日咁嘅服務態度，係絕對唔得

由於係鰂魚涌番工，我差唔多每星期食一次。其實本人唔係咁鍾意食粥，這店已算是本人幫襯最多，其粥底無味精，食完唔會有口渴感，食得出用料係新鮮o既，試下佢d皮蛋同魚片就知。佢炸兩是一絕，外皮軟而油炸鬼好脆。店子的確係細，坐位好少，所以見到老板人多時會安排座位，但佢算好有禮貌，有次要我調位都再三唔好意思，所以我Ok無問題。其實批評當出於善意，而唔係小氣攻心的惡意批評，我相信禮貌修養亦是雙向的。

放假數天，在家翻閱舊雜誌時看到介紹此粥店，便專程來試試看。星期四早上10時，門口已擠滿了人要攞籌等位(食粥都要派籌都係第一次見!)，不過亦很快便被安排入座。店內只有5張枱，擠迫情況毋用多說。叫了及第牛肉粥($22)+炸兩($10)，碗粥都幾足料，腰、潤、粉腸、肉片、豬心、牛肉每樣都好新鮮，應爽口的爽口，該嫩滑的嫩滑，食得出是無化學添加，而粥底十分香甜綿滑，細心留意會見到粥裡掺著不少瑤柱絲(粥的味是濃，是因各樣配料都有調味，食完會想飲水，但我唔覺得係味精)；腸粉是即拉的又薄又滑，難得的是油炸鬼非常香脆兼且鬆化，所以我一人幹掉一整碟都毫無難度! 回家上OR時才讀到網友對此店的服務的意見，本人感到訝異，因為除了覺得食物質素好之外，最impress我的其實就是他們的服務態度。門口派籌的女士(該就是老闆娘吧!)係大大聲不過唔係冇禮貌；當我拿起樽豉油想加落炸兩時，佢一眼關七見到即刻問我要豉油係咪加落炸兩度，我話係佢就好熱心介紹“呢樽豉油係咸架，不如加我哋d甜豉油啦!”(抵讚!) 店內人多擠迫，但所有店員都一絲不亂極有默契，聽到最多的並不是向廚房高聲呼叫落order之聲，而是多謝、唔好意思請等等et

間粥舖個事頭婆真係晚娘口面，就算唔係繁忙時間，都要人對號入座。有次見到個中年男人想揀位坐，點知畀事頭婆鬧。嘩！成間舖都冇咩人，竟然咁對D客，真係唔憂做咩，可惜附近都冇粥舖同佢競爭，所以就算服務態度奇劣，都有大把人日日排隊去食，我之前食過幾次，次次都見個事頭婆鬧客。就算D野食點平，點好食，我以後都唔會再幫趁。