金峰靚靚粥麵

营业中

休息中

服務質數-劣非常認同之前嘅食評. 老闆娘好似吾休做, 當顧客吾係人. 有次排隊等外賣, 等左成25分鐘都未有, 睇住有個食客想換位, 老闆娘話冇得換, 吾好食囉. 伙計都有点學老闆, 寸寸咁同等外賣嘅人講嘢. 果次之後我都吾想再幫襯. 食物方面,本人至愛係艇仔粥, 根本無得買. 又至愛牛脷穌, 又係冇得賣. 試過魚片粥, 牛肉粥, 皮蛋瘦肉粥, 第一次食就好似幾好, 食食下覺得味濃得過份, 好重味精, 食完勁口渴. 有次病左去幫襯碗牛肉粥, 食完仲吾舒服.好難受提議有病千萬吾好食呢間D粥, 因為太重味精, 油條則過脆過油膩, 吾似食油條. 比較好嘅係炒麵, 不過為左個炒麵我就吾想受氣. 至於價錢則好平.

服務態度.... 極度惡劣, 那位女士完全藐視人客, 家中老人家領教過。粥...水和渣油條...確是一條灌了油的東西, 是滴油的, 而且炸得過趣。傳媒所得的宣傳, 千企不要盡信, 要親身試。

食物的質素及味道本應有90分，但店內那位珠光寶氣老闆娘，服務態度極度差，我相信因為呢間店生意不錯，老闆娘認為都唔擔心做唔做到你生意，有點不可一世，連帶員工狐假虎威....因此扣了50分

舊屋同金鋒o既距離只有兩分鐘路程﹐所以周不時都會去買外賣。要數我o係金鋒堂食o既次數﹐其實就係得搬屋o個日同媽媽落樓食早餐o個一次o甘大把。因為眼見呢度鋪位細細﹐但係就又開鋪到收鋪都可以有人等位同等外賣﹐實在怕怕。金鋒有兩款齋粥:- 瑤柱白粥($10)同埋白果粥($6)。個人比較鍾意食前者﹐因為實在太怕白果粥o個仲寡o既味道。金鋒o既粥出名味濃﹐尤其係瑤柱白粥。食落有唔少瑤柱絲﹐保證真才實料。不過食完就一定勁口渴。以前食都無o甘覺﹐而家就開始覺得好重味精!!如果係志在食碗綿而有味o既粥﹐不妨試o下瑤柱白粥。想清o下腸胃同調整返味覺o既就請揀白果粥喇。

傍晚時分，人在北角，處理完煩惱事。想吃碗白粥，記起不知從何處聽過這裡的白粥不錯，就老遠的來了幫襯。五時許，午茶已過，飯市未到，正值尷尬時間。小小一間粥店，也可以全店客滿，兼要派籌，相當巴閉，可幸是等了不到幾分鐘已經有位。人未坐下，爭取時間，已叫了碗瑤柱白粥。見油條是即炸的，當然也不放過，要埋。油條很快到來，新鮮熱辣，立即搣半條來吃。炸得很脆，內裡略欠油條應有的煙韌口感，初進口就覺已很不錯。再吃，就覺得這條油條是油膩非常，明顯的是油也未瀝乾的~「頸涸」，全因這個殘留油跡而起；油條來了良久，白粥卻遲遲未來。追，得來的答覆是原來白粥也要滾一滾的。瑤柱白粥粥底綿滑，亦有零星的瑤柱在內，賣相對辦。一吃之下，已立即可以確定是有下味精的，而份量也不是少數，食趣頓然大減~「喉乾」，全因這個味精瑤柱粥底而起。埋單15蚊，是便宜，但之後整晚都喉乾頸涸，實不好受。題外話：本想比「喊面」，但又聽食友說這裡原來也有另一味銀杏白粥的，只在早上供應，而應沒有味精云云....那就暫且「OK面」一個，是笑是喊，還待下回分解。

年前，這一帶可以用水靜鵝飛來形容，托雜誌的福，將清靜的小街帶旺。拿籌等位的粥店，少見亦難得，尤其是五點左右的時間，又看看傳媒效應可持續幾耐。一碗瑤柱白粥、一碟炸油條，後者即炸即上，又脆又薄，壞習慣是喜歡將炸油條浸在粥內，做成半軟半脆的口感，有腳欠膽，又等了十多分鐘．．．．．．以為漏單，試一啖帶肉味的瑤柱白粥，原來煮生滾粥的小鍋有兩個在滾著白粥，雖然粥加了師傅，但夠火候與誠意的「生滾白粥」搭救，未算出色，但也值「一笑」。後話：心想，若四位食來試白粥，可能分別吃出雞、豬、牛、魚四味，如羅生門的味道想起也有趣。

星期日去鍘漁涌做face so,之前睇書見咁多人食,日就同肥b走去試下,日唔係好多人,排大約15分鐘,但見買外買就好多,入面d好細,一張小圓坐4個人,大約有幾張,我叫炒麵,時好香,要即食,凍無哂香味,味道ok,鐘意佢細心有炒芝麻任加,又叫炸兩,皮好薄又夠滑,油炸鬼夠"趣"好味,另我同肥b每人叫一碗粥,我叫皮蛋瘦肉粥,肥b食魚片豬潤粥, 粥底好棉,d料都新鮮, 起碼食完唔係好頸渴!

上個星期睇完”飲食男女”, 講到呢間鋪咁受歡迎”粥”, 雖然本人絕對唔鍾意食碗粥都要排隊, 但都忍唔住去試. 星期二上午10:45am左右到達, 明明間鋪內有位, 但都比職員叫在門口籌. 不過只是等了1-2分鐘. 第一次去我食魚片粥同炸倆, 粥底是瑤柱粥底, 食完都覺得幾好味, 而炸倆仍然是脆, 不過食完我飲成杯水, 應該有味精. 第二次去是星期日下午14:30pm, 同樣地明明有位, 都要籌, 又因為得我一個人, 等了1-2分鐘左右. 今次食瘦肉粥同炸倆, 水準同上次差不多. 由落order到有食大約等了15分鐘. 整體上都可以接受, 只是貴小小咁囉.

睇“飲食男女”介紹巳為真係咁正點知食落全部都係"味精”食到口乾......食過時係真好有口感但之後就大鑊可能凈粥始終都係無味要靠材料出味平心言論如果可以都係個"炸倆“其他樣樣有口感

同傻鬼2人行完水族館後在此店食中午飯, 2個人叫左個魚片粥/皮旦魚片粥/炸麵及油菜.粥底都算綿及多料....炸麵就最正夠脆又唔會一pat pat淋左, 加上佢地既粉皮唔算太厚, 微暖唔錯...唯一最唔好就係佢地既油菜,可能菜本身唔靚, 所以有渣又唔甜...十幾元一碟真係唔抵食啦..服務就好一般...環境都縛迫下..

尋日早上十一點幾同男友黎食粥，嘩！好多人等外賣啊，梗係喇，裡面咁迫，二十個位都唔知有無，一張四人枱就當六人坐，唉．．．又唔係咩咁好食姐，附近都有第二間粥鋪喇．服務態度一般，幾咁”寸”啊！+ 男友食牛肉豬紅粥（HK$20）－個湯底就唔差，數埋都無五舊既牛肉粒，豬紅就多過乜．+ 我食魚球豬潤粥（HK$20）－多骨既鯪魚肉球，簿簿既豬潤片都幾好食．+ 一條油炸鬼（HK$5）－雖則係炸得脆，but就油到死，＊＾＊．+ 齋腸粉（HK$8）－好滑滑，值得下次再食．最後想講講油炸鬼，大家值得慎防望一望ｄ字眼：－一條－HK$5，一碟－HK$6，有咩唔同呢？碟上係幫你剪到一粒粒，服務費HK$1；一條就成條上，你自己諗方法食咗佢喇！有個食客話：碟上可能無一條，雖然係方便，蝕咗一蚊添．咁都得喎！！！

i live in the area and there is truly not many choices when it comes to congee.the congee served here is good and cheap, as well as other traditional deep fried food that goes with congee. the food deserves a star.but people working here do have an attitude problem. i also saw the lady boss yelling at customers once, but it was not an old lady though.my personal experience recently was an unhappy encounter with the middle age woman who takes to-go orders, who usually was a younger girl. although

同日本朋友去試香港地道野，但係唔算好肚餓，所以冇叫到粥食。叫左油炸鬼，叉燒腸，一杯凍奶茶，一杯凍好立克。油炸鬼o岩o岩炸好，好脆~~叉燒腸我就覺得個皮太厚同埋落得太多豉油，不過朋友就大讚好味，反而杯奶茶沖得唔錯wow~~老闆娘都幾好態度呀，又叫我地小心d油炸鬼熱，不過好可能佢見我朋友係日本人先係咁……p.s 唔係好明點解周圍既人(無論係食野既地方or買野都好)對日本既遊客都特別好……>0< 唔係應該對我地呢d日日都會幫襯既顧客好d先o岩架咩…?!

I have been this congee shop several times. The food is ok. However the service is very poor, especially the lady boss. She often yells at customers. She is never patient to take order. If you wants to think for a while, she immediately shows "bad face". I saw her treating an old lady very bad. The old lady ordered a bowl of beef congee which was a discounted item that day. She later reminded the lady boss not to put spring onions in her beef congee with thousand eggs (she just mistook the name)

7-1-2006 0936一大朝早要去I記攞番部notebook，記得經過這裡成日有人排隊，睇下係唔係真係咁正先。得我1個人也要等了5分鐘，不斷有人出入及外賣，睇黎差極都有限。入閘後，睇下有乜好食先，其中一款的銀杏白粥只有朝早供應，當然我唔會放過佢，不消一分鐘已有，還附送一細包鹽作調味，食落去夠味就唔駛落，銀杏係預先整碎及煲溶，還落了少少腐竹，粥底當然唔會好綿及開花，夠料係事實，不過我食落去時點解好似白果腐竹糖水冇糖版呢？食咁少唔會飽，再叫一碟銀芽炒麵，turnover都好大，新鮮食都還可，一擺得耐及凍，會比較鞋，建議可以叫粉腸或粽，唔好意思，應該係腸粉先岩。有機會的話一定會再黎試其他。