金源至尊炸醬麵 (已搬遷) 新店位置

個人好喜歡，一進門口便看見年紀不輕的老闆娘拿著外賣正要送貨。一眼關七提醒我們掃安心，吩咐同事帶我到卡位。還沒坐下來已經感受到上一，二輩那份勤快努力態度。炸醬麵lifts up to the standard, 醬汁味道是個人喜好，但豬肉的質素卻不能挑剔了。幼麵彈爽

屯馬綫開通之後，去土瓜灣快咗好多，搵食都容易咗😋 哩區除左多𝘊𝘢𝘧𝘦之外，仲有好多好有來歷嘅小店🍴就好似今次嚟到嘅「金源」原來早於80年代開業，黎到下一代，承傳落黎嘅廣東炸醬麵又能唔能夠保留傳統滋味呢？《 金源至尊炸醬麵撈麵 》 $47 4.5 / 5從小就認為炸醬麵應該要配「撈粗」，爽彈嘅粗麵雖然蛋香未算重，但絕對發揮到佢掛汁嘅角色🤤 炸醬用上著名老牌「余均益辣椒醬」調配而成，所以醬汁顏色偏紅，微辛有層次，甜甜辣辣好醒胃😋 用腩肉做肉絲，更添幾分油脂香👍🏻 整體好惹味，絕對擔當得起餐廳嘅招牌菜😎《 咖喱牛筋腩撈麵 》 $53 4 / 5見到餐牌有一隻辣椒仔嘅咖喱牛筋腩，食落比預期淡味，加上水汪汪嘅質地無咁易掛汁，所以幾乎感受唔到辣度🤨 不過牛筋腩質地炆到綿密細嫩，咖喱汁底下更有腩汁，配料仲有取替咖喱薯仔嘅清甜蘿蔔😋👍🏻 份量大件抵食👍🏻 總括依然，對比五花八門嘅新派菜式，平實嘅傳統味道反而更歷久常新👍🏻

睇完介意特登慕名而來🤪為左嘅係一碗炸醬麵！！！！😳😳😳的確無失望既！同平時其他麵鋪啲炸醬麵都幾唔同🤔呢度既汁係比較水既，完全唔杰但唔好以為佢會無味，可能因為用左余均益辣醬既關係佢既味道係相對帶辣一點的🌶而且都幾惹味唔係平時普遍太甜或太咸既味道係特別既～不過個人還是中意杰身一點，但呢度都係值得試既！鮮蝦雲吞用好多料，蝦夠彈牙，而且仲有蝦籽湯底忍不住令人飲晒～最後仲有豬潤麵，有芫茜或蕃茄湯底，芫茜湯底真係好勁芫茜味，好正最正都係啲豬潤粉嫩爽滑，處理得又好，唔會有怪味！

呢一間餐廳好似都好多年歷史啦，簡簡單單嘅裝修，最重點嘅係呢度嘅食物質素非常之高！今次就叫咗一個菜丸鮮牛肉湯麵，呢一度嘅湯麵size正正常常，唔算特別大份，不過鮮牛肉嘅份量就好多，而且呢一度嘅湯底比較清！飲落去嘅時候係淡淡的魚骨味道，飲得出係非常之用心烹調的！

呢間野門面比較低調，完全唔起眼，有一次好奇上網查下，先知原來係好出名食炸醬麵嘅一間小店。今日終於有時間去試吓！雖然佢係炸醬麵出名，但係今日唔係好想食辣野，跟住叫咗一個雞翼河粉試吓，再加一個川味牛肚半分。個雞翼河粉$37 ，但係就得三隻雞翼，其實就有少少唔算抵食。雞翼就醃得都好入味嘅，係用滷水汁醃，都OK嘅。最驚喜係川味牛肚，真係好入味，好香!牛肚算淋，但係仲有少少彈牙，唔會難咬，唔會煙靭。汁係超級啱我食，有少少香辣，但係唔會太辣到出汗嘅感覺。佢下面加咗幾舊白蘿蔔，白蘿蔔係分開加上去嘅，所以冇完全入晒所有汁，但係佢本身算淋，咬一啖再撈少少牛肚汁，非常非常之惹味，好好食，呢個我十分之喜歡！整體來講都幾好食，令我好期待會試佢嘅炸醬麵，下次再下試吓先！

我係因為佢個招牌以吸引到， 佢以炸醬麵為招牌即係證明佢對炸醬麵嘅一種執著。 相信不會特別難食。 同普通茶餐廳沒有什麼分別， 先來一碗清湯。 很清甜的感覺， 然後叫咗個炸醬撈粗。 比較鹹但係面質較彈牙，也十分好吃。

記憶中炸醬麵呢樣野，衹在少年時代在好旺角麵家食過一次咁大把，覺得吾係幾啱口味，所以呢幾拾年都無再食過呢款麵，最近在飲食平台，有很多食評家都對此間麵店的炸醬麵有高度評價，所以在8月29日和靚媽到此店一試，是日我倆合共柯打了三款食品，包括炸醬麵，鮮茄豬潤米線，及水餃河粉，因有生以來衹食過一次炸醬麵，自問對呢樣嘢認識不深，所以不敢妄下評語，感覺上呢問麵店嘅炸醬麵係比好旺角好食，麵質爽彈，炸醬料嘅酸甜度亦攞到個平衡，D肉絲亦好食，而跟麵個大地魚湯都0K，呢個炸醬我給B+評分，另外個鮮茄豬潤米線就強差人意，個湯頭淡而無味，豬潤就過熟有D硬，是C一之作，最後一提個水餃河，呢碗野要分開來講，單論個水餃真係無得彈，皮簿，料靚有A級水準，但D河粉就過厚，吾講得嚡亦吾算滑，如果將呢兩樣食物撈埋來評分，呢碗水餃河就值B一級，總結呢間麵店係oK嘅，食佢嘅招牌炸醬麵吾會令人失望，如果食水餃湯麵更會令你喜出望外。

其實已經幫襯了數次，只是今次記得影相，點都要介紹一下，港式炸醬麵實在好味，好在不只做法正宗，而是麵質超爽。正宗做法是將肉絲切絲及醃肉後，燒熱鑊大火煎肉絲約30秒，再反轉再煎30秒，上碟備用；加乾蔥、蒜容及京都汁醬料炒至「杰身」，再加入肉絲，最後淋在麵上。金源的做法，完全符合。另外要了水餃撈麵，麵質彈牙，但水餃就失色些，與我想像中的不同。我本身喜歡《蘇記》的水餃雲吞，因為結實，口感佳，但金源的水餃有點散， 一口咬開便鬆散了，不似如期般好味。另外一提，不建議點菜遠蠔油撈麵，性價比太低，我寧願多付$4要大碗炸醬麵。

土瓜灣一帶比較多粉麵店舖隨便經過依間炸醬撈麵專門店 好似幾正宗咁 原來係彼有歷史嘅餐牌有多款撈麵 湯麵 飯類 亦有芫荽湯底系列同蕃茄湯底系列雖然佢個炸醬撈麵非常吸引 但係因為我唔食辣 所以最後叫咗個菜遠鮮牛肉湯麵($37)碗麵size 正常 唔算大份鮮牛肉都幾多片 每片大大片 另外有幾條菜芯🥬湯底比較清 但係遍油少少 本店指明用上等大地魚熬湯 非味精湯底 所以唔鹹🐂牛肉片有啲好韌 咬都咬唔到 有啲就腍嘅 不過我覺得唔好食 完全冇牛肉味 唔似肉🍜麵可以揀幼麵粗麵 我揀粗麵麵就好食嘅 有微微鹼水味口感ok 少少爽口另外試咗爸爸碗麵嘅一隻鳳城水餃🥟都幾大隻吓 皮係雲吞皮嚟 遍薄身餡料主要係蝦仁雲耳豬肉 蝦仁好爽口味道夠 少少鹹鹹地 好好食！-味道ok嘅 麵唔錯 餃子好食環境就差少少 因為有寵物坐外面 有烏蠅同埋旁邊就扔垃圾…我見入面都窄少少服務唔錯 啲姐姐幾好傾CP值高 一碗麵$40有找 食完都飽嘅

位於土瓜灣既呢間金源至尊炸醬麵位置係住宅樓下，店鋪既位置都唔算十分易搵，如果唔熟土瓜灣果頭都未必識去，而佢地比較出名既炸醬麵咁岩今日唔太想食，而佢地亦有其他粉麵試下，咁就一於入去睇睇啦～店鋪入邊既座位都算多，而今次係下午時間去食既，而佢地係無套餐果啲揀既，而今次就叫左一碗蕃茄牛肉米粉，加左杯凍檸茶～蕃茄牛肉米粉（$37）佢既蕃茄湯底並唔係好濃果款，佢既做法係用佢既大地魚湯底，加上蕃茄同牛肉係面，呢種做法就未必可以將蕃茄既酸味融入個湯度，但係佢既蕃茄都夠新鮮，加埋佢地既大地魚湯底標榜係無味精既，飲落都覺得十分清甜，比較喜歡既係佢地湯底真係有種淡淡既大地魚味，感覺似係煲左好耐果款，呢個湯底係我鍾意飲果款～而牛肉既份量都正常，對比返個價錢都係合理既～總結呢間餐廳係可以再黎食既，有機會都會想試一試佢既炸醬麵😋😋😋

同朋友喺傲雲峰會所打完波出黎見到有間食港式炸醬麵嘅小舖，見有啲肚餓於是就走咗入去整返個炸醬麵食下～估唔到係出乎意料地幾高質！嗌咗個金源至尊炸醬麵，加多杯凍檸茶走甜！凍飲跟餐要加$10熱飲就$8；打完波熱辣辣就梗係要凍飲啦～呢個炸醬麵好好味😋！首先個炸醬入邊嘅肉絲唔會係好嚡嗰隻， 而係有啲半肥瘦識落都會有啲肥膏好淋滑嘅～ 至於個炸醬汁酸酸甜甜仲有少少辣味添非常開胃，而且炸醬夠多唔會食到最尾幾啖麵唔夠炸醬嘅尷尬情況😝至於個面底亦都幾出色， 爽口彈牙，完全冇鹼水味！撈麵會跟一碗湯嘅，呢碗湯唔好睇佢咁清澈以為冇咩味，一飲落原來係好香濃，但有唔會濃到漏嗰隻！睇返餐廳場上面嘅介紹，原來係用上等大地魚淆製上湯嘅！除咗大地魚嘅香味， 其實我仲食到有少少蝦籽味，唔知有冇落到呢？！整體來講呢個港式炸醬麵係好食嘅，不過價錢我就覺得貴咗少少🤏啦！如果凍飲係+$2/3 嘅話就抵啦😜!

昨日經過, 見門面都乾淨企理, 外面天氣又熱, 唔想周圍行, 所以入去試吓.兩個人叫左兩碗炸醬麵同牛腩麵, 我地兩個食量不大, 覺得份量剛好. 麵不錯, 咬落有彈力, 炸醬面比較油, 我就用左碗上湯浸吓先食, 微辣, 味道就幾好. 牛腩炆得夠時間, 醬汁也夠味, 個人覺得比招牌炸醬面更好. 油菜(菜心)也中規中矩, 食品的水準算是不錯. 略有驚喜的是店內有細枝樽裝汽水, 比罐裝的好飲好多！都算滿意, OK 的街坊麵店, 隨便食一餐的話是可以的.

揸車經過附近， 晚上九點幾晚餐都未吃， 求其走入金源至尊炸醬麵醫肚。 地點位於土瓜灣， 對於我嚟講唔算方便。 我好鍾意吃炸醬麵， 尤其是港版🤩， 所以當然要點返碗嚟試下，金源至尊炸醬撈麵， 然後仲有牛肚牛筋腩麵、腐乳通菜、 凍檸茶。⭕凍檸茶～ 一杯茶餐廳正常的凍檸茶。⭕金源至尊炸醬撈麵～ 最喜歡港式炸醬麵的鮮紅顏色， 酸酸甜甜帶辣， 食落非常開胃又惹味， 但我覺得酸度不夠所以我自己加了醋， 令到味道更加提升， 至於肉絲方面， 軟滑有嚼口，幼麵的質感好， 加埋幾好味嘅湯，整體感覺唔錯。⭕牛肚牛筋腩麵～ 牛肚牛筋腩很軟腍， 不過原先想吃水餃， 但因為太夜所以冇貨， 下次有機會再嚟試下。⭕腐乳通菜～ 等了好耐的腐乳通菜， 成碗麵食曬先到， 份量少但通菜的口感好幼嫩。整體食物質素可以， 價錢相比不算抵。

今日簡簡單單行紅登山，然後去土瓜灣覓食，因為帶住毛小朋友，要找一間Dog friendly 餐廳不易，行行行到傲雲峰看到一間茶餐廳可以坐室外，所以二話不說就坐下來🤣才發現這間原來是之前在新蒲崗的金源，炸醬麵很好食👍🏻金至尊炸醬撈麵，帶小小辣，但是開胃的辣👍🏻麵很爽口！鹵水雞亦撈麵，4大隻雞亦，鹵水很入味而且不會太咸！這間一定要記住，因為可以接納毛小朋友而又好食價錢又平民是很少有的啊！！🤗🤗

去開土瓜灣搵個朋友lunch，佢介紹呢間💣醬麵，橫掂都好耐冇食，就試下啦🤗。一間主打🧨醬麵既茶餐廳，都有🍚類既但好似麵食馳名啲，我當然係試佢個招牌啦。金源至尊💣醬NO麵，可以揀一碗或者一碟，通常有得揀我都會要🥣，因為經驗話我知一般🥣既份量都唔少。果然⋯雖然炸醬🍜唔係大菜，但絕對係民間😋，呢間茶餐廳可以食出舊式麵檔既🧨醬麵，確實有啲驚喜，難怪叫自己做至尊🤣。唔敢講佢係最好，但的確係唔錯，真值得一試。👍🏻