金牛苑法式越南菜(香港)

营业中

休息中

金牛苑已經屹立係香港好多年，以前係海港城都有分店，可惜已經結業了。呢到食物價格一向都唔係平，夜晚食飯都比較貴，但係lunch 就比較相宜（雖然都貴）😶，但係用一個較平既價錢就可以食到夜晚更貴既嘢又算唔錯。呢個set就$198，但有燒虎蝦又有生牛河已經非法吸引。燒虎蝦帶不小蝦膏非常正，同埋蝦肉燒得夠彈牙，兩者撈埋一齊食的確係妙🤤 當然生牛河絕對係中上水平，係差啲芽菜咁。lunch時間飲品中有買一送一，還算不錯。整體係正，抵唔抵食就見仁見智。以食物質素來講係推薦此店。

昨天星期六去，午餐時間無乜人，不用等位。叫左個二人午餐有5樣野：春卷丶炒飯、腐乳生菜、紅菜頭羊肉、甜品。上菜快、侍應有禮貌、餐具環境乾淨整潔。食物比較濃味，但味道不錯，離開餐廳時覺得整頓飯很高分。但之後不斷飲水食水果仍覺口乾同有食物的味道，平時出街食都會食到咪精但好快會散，但呢次到第朝早個口仲有味，應該落左好多味精，難怪咁好味。如果鐘意食濃味野呢度好啱你，我唔介意食味精但唔預計會食左咁多落肚，應該唔會再黎。

已經愛上了這地方，那種有經歷，歷念的菜式，氣氛和團隊。老實說，一開始我進去餐廳，心想這裡的食物應該就還好吧。海皇龍蝦湯，濃郁料多，咸度剛好。蜜汁燒鱔，驚喜的好吃，燒得微脆，內裡的魚油一咬爆出，魚肉保持嫩鮮大菇配帶子，半熟的帶子，黏糯甜滑。大菇多汁，就賣相可以再美一點就更好另一道驚喜，是老闆娘推薦的。本以為是蝦跟香蕉同煮，原來是分開的。但這沙律醬大蝦淨食已經很好，但配上炸香蕉，我就沒出聲了，就默默一直吃比清碟，你吃過就知道那個配是怎樣回事這雞烤得香口，南乳汁也香，只是雞肉一點點的乾。另外很喜歡墊底的金針菜，是越南的做法嗎？最後加的蟹肉炒米粉也是出色的一道，炒得乾身，味道剛好，好吃。油小一點點更好送的甜點我就還好

今日同屋企人去左一間之前在海港城LCX 對出而家搬左出黎漆咸道南的越菜, 新年後第一次見都要食好D. 呢個老字號的高質越南菜令到我知道越菜不是係食PHO~MENU 選擇好多, 令到我地都花多眼亂. 樣樣都想食... 不過食唔到太多! 所以我地就叫左佢地幾樣SIGNATURE DISHES 黎試一試. 呢個沙嗲墨魚丸雖然樣子唔係吸引, 不過我一定要放佢入不能錯過的系統. 一食就知道係手打彈牙, 成粒丸好爽好明顯食得出同出面好唔同, 仲食到馬蹄粒粒添呀! 只係食原味唔落醬已經好好食, 加埋醬就更有另一番風味. 蔗蝦都可以叫做必食, 包住個D 蝦膠好夠味好爽口食到最後有D唔夠喉, 因為蝦肉都真係好正. 唔夠喉就啖埋支蔗啦, 嘩嘩嘩... 平時個D 都係淡而無味既呢一支一咬落去係清甜嫁, 一陣好清甜的甘蔗汁浸晒入口. 真係好滿足呀...椒鹽軟殼蟹非常香脆, 啖啖都係蟹肉炸得好乾身唔會話油淋淋. 椒鹽又唔會太咸又唔會太辣, 唔會話食完要狂飲水個種. 反而係愈食愈想食.呢兩個樣子一樣但內涵不一樣的就係豬肉同埋素菜的春卷. 呢個就比較普通, 唯一可以讚既就係春卷旁邊跟左好多新鮮翠綠既菜. 我試過只食

年近大節多聚餐，諗食什麼也煩惱。 搜集了各人意見 ，大家覺得去吃越南菜也不錯。有人提議金牛苑，這是—間老店。想當年80年代的時候，越南菜曾經大熱。尤其是南乳吊燒雞，當年是用新鮮雞😋。店裝修很優雅，分三層，地方寬敞，人多聚餐或少形party也不成問題。燒鱔: 鱔片燒得外脆内軟，加上的醬汁，令鱔更惹味。炸豆腐: 炸到金黄色，外脆滑溜，多吃幾件都不會覺膩。炸蝦丸和墨魚丸: 蝦丸蝦味濃郁，配上紅酒出奇合拍。黑松露帶子: 帶子略煎鮮甜美味。大啡磨菇肉厚味香！黑椒牛柳粒: 惹味的黑椒配上濃郁牛脂香的牛柳粒，佐酒一流。炸軟殻蟹: 這是我最喜歡的一道菜之一。炸不油膩又香口。好滋味啊👍！炒芥蘭: 炒得幼嫩，加上酒香，口蕾增添層次！香草燒羊扒: 羊扒燒得嫩滑，完全没有羊的騷味。蒜蓉大蝦: 蝦膏多蝦肉彈牙，配上蒜蓉味道很合襯。一口飯: 炒得功夫到家，飯粒分明乾身，飯香味濃。拉椰榚 : 香椰汁味香, 口感煙韌彈牙。大家風花雪月，酒醉飯飽，滿足的一餐！

因為細妹去外國啦所以揀揀高級餐廳食飯金牛苑係我哋屋企嘅飯堂最鍾意食蒜蓉蒸大頭蝦同埋帶子蒸大啡菇大頭蝦勁大隻！而大啡菇就勁厚肉最欣賞金牛苑所有餸都用了好足因為飲湯好明顯，所有味道都好足就好似2份湯料煲一份湯一樣。見微之著，欣賞人地既心機

對自己好啲，有咩所謂，一班人齊齊整整最緊要(老套都咁話，日子耐咗更珍惜同家人朋友相處嘅日子)。入邊都算大，環境好，可以放心傾計。我地一行七個叫六人餐，都夠飽。呢個係拼盤，有墨丸春卷札肉，唔算油，味道ok。飲碗蝦球酸湯，初初睇名以為好酸，又唔會喎，蝦大大粒，同碗湯嘅味道係match，開胃。南乳烤雞，重點係南乳醬度，可能好耐無食啦，個人覺得好食，雞都夠嫩。呢個我自己好鍾意，黑松露焗帶子，帶子稍為煎過，咬落去都夠味，黑松露唔會搶左帶子嘅鮮味，好味。

回憶起還是黃毛丫頭嘅時候，遇到一位好老闆。當其時跟著老闆衫尾走遍全香港數一數二嘅名牌或老字號餐廳酒樓，金牛苑算是其中之一。無論金牛苑經歴多次搬遷也追捧到那裡。今日久別重逢二十多年前的舊同事，要回想當時的點滴，一於懷舊一番。金牛苑己搬到了漆咸道，裝潢依舊平實有氣派。 伙記員工熟口熟面，依然服務殷勤。前奏曲是一籃脆蝦片，鬆脆無比。既然難得聚會，開支紅酒慶祝一下，產自西班牙地區的Ribera Del Duero質素也不錯。果味算重容易入口，有獨特和平衡性。美酒配佳餚少不了。店員推介了幾款小吃。炸豆腐黃金色澤，外衣脆口內裡滑溜，多吃幾件都不會覺膩。燒鱔控制火喉了得，鱔片燒得還保持肉汁不乾枯，醬汁的配搭不會過份搶魚本身的鮮味。黑松露帶子帶子嫩滑鮮美帶有通透感。大啡菇肉厚，啖啖有質感。這道菜大滿足啊！烤大蝦末食過烤大蝦末算來過，鎮店之寶其中一個。蝦肉爽彈不在話下，精心挑選蝦膏爆栅。蝦肉蝦膏混在一起，那幸福感源源湧入口腔內。美食一浪接一浪不要停！黑椒牛柳粒惹味的牛柳粒，有濃郁的牛脂香，肉質軟腍，佐酒一流。軟殻蟹蟹控的我不會放過任何蟹種，任何烹煮方式。炸得香口的軟殻蟹，不油不膩。咪以為細細隻，其實好有

一班同事十幾人，想找一間環境舒適，食物有水準的地方晚餐，偶然揾到這裡！一入去餐廳，感到這裏環境寬敞，沒有侷促的感覺，餐廳內還有很多裝飾掛畫， 猶如入了 藝術館， 氣氛舒服！由於第一次嚟呢度食，菜式又太多選擇，起初唔知選乜好，好彩這裏的職員很細心， 先問我哋有啲乜唔食，再用心推介，最後推介的菜式都好合我地口味，一流！

今日同由細玩到大嘅同學到金牛苑食飯，衣為消失左原來一直係到好耐無食嘅春卷，蒜茸大虾D膏好正，南瓜海皇，燒蟮超正由於大家同學都巳有家庭好小機會約齋食飯，我會經常去因為食落有回到過去嘅感覺好

The worst Vietnamese food I ever had. I chose this restaurant as there was another one next to it because the name (brand). We ordered spring roll, bowl of noodle in soup for mom and I had the cold noodle with pork. We also order 2 cold drinks. The spring roll was ok. The portion is small.The cold noodle was oily, only few strip of veggie, the pork was greasy and fatty. Overall experience was bad. I would not recommend anyone to come here. Not the price you paid for deserve the food quality like

金牛苑是小時經常跟爸媽去開飯既地方, 由佢最初係海港城現在M&S原店, 到後期搬到海港城LCX, 幾十年來我地一家也會定期光顧。LCX店閉店時真係萬分失落, 因為金牛苑好多菜式都係我覺得是全香港數一數二做得好。幾年後既今日, 金牛苑在漆咸道南重開, 相信不少粉絲都好開心。 某日一家人再到金牛苑試下佢水準係咪同當年一樣.先來一個拼盤 (春捲, 扎肉, 丸) ,   春捲香脆, 上枱時仲熱辣辣, 入面有肉碎同粉絲, 包埋生菜同九層塔一齊食超配. 墨魚丸聽說是自家打, 好彈牙香口! 扎肉跟外面的沒大分別, 味道尚可. ----------<脆炸豆腐>  同樣是即叫即炸, 熱到會燙口. 外層炸得好薄, 乾身沒有多餘油份, 內是超滑的豆腐, 加埋面層有少少唐辛子粉, 真係好好食. <南乳炸子雞> 係金牛苑招牌菜, 我地每次去都必叫. 炸子雞外皮香脆, 皮下沒有太多油脂, 雞肉嫩滑有肉汁, 是新鮮雞沒有雪藏味. 建議點一點佢特製南乳汁, 南乳味香濃加上玫瑰露酒香, 跟炸子雞是超配! 雞下有一埋金針鋪底, 唔好以為佢只係伴碟, 金針係炒香過, 吸埋雞肉汁, 好味程度同

今日個friend話想食越南野，喺openrice一search，見到金牛苑，以前細個記得成日去，所以就決定book位去到叫左幾樣野，第一就係蔗蝦，一上到黎同個friend互望左兩秒，結論係可唔可以唔好再掠水啲！138蚊兩隻蝦，味道一般，極度overpriced第二黎嘅係串燒雞同牛，6串盛惠150蚊，味道唔錯，沙嗲汁夠惹味之後黎嘅係咖喱雞加包，加埋應該要200幾蚊，一開始對哩個餸滿心期待，因為細個成日食咖喱牛腩點面包，但今日嘅質素真係極度一般，咖喱超稀，味道偏淡，雞件分量都唔多仲要埋到咁貴走個陣每人比左300幾（嗌左酒），以後唔會再去，又貴又唔好食，極度失望

老細請食飯，一大班人浩浩蕩蕩走過去一人一個 set lunch※前菜有雞絲沙律， 雞絲有雪味，沙律菜新鮮，伴上一次酸醋※南瓜海皇湯 嘩。。。這個不得了南瓜打蓉，配上蝦蟹肉魚，超甜，超滑口感，真是想再來一碗※煎羊架，煎熟了一點，就算熟了一點羊架都好淋，好在都有羊肉味※扎肉湯河，河粉幼細滑膩，扎肉厚厚切粒帶有一些黑椒老闆知道我地大食，再叫多兩個4人餐，大家share食小食拼盤春卷※燒雞，皮燒到脆卜卜，再配埋個南乳汁，一流，而且唔會太咸※香芽豬扒，普普通通，無咩特別※咖哩牛腩煲配牛油法包，法包香脆拌上香濃咖喱正正正牛腩而且煮得好淋※鰻魚炒飯，飯粒粒分明煙煙um um，唔會炒得太油，鰻魚爽口肥美不過這裡一個lunch set都要百幾蚊一個，如果要自己比錢食，真係有d唔舍得，好在是老闆萬歲的

好貴既甜品呀,第一次食咁貴既拉椰糕,仲要咁細件,唔好去搶錢,真心講句,五星級酒店都無咁細件同咁貴啦！大拿拿38蚊件呀,咁我不如食x公既千層蛋糕好過啦！你地認為值唔值這個價錢呢？