金田家 (已結業)

九州第一拉麵金田家終於在將軍澳插旗，拉麵的選擇可謂有不少，既有豚肉叉燒拉麵、雞白湯拉麵、黑豚拉麵，最近更新加了三款，其中一款是番茄海鮮拉麵。平日晚上餐廳客人不太多，可以好好欣賞一下內在裝修，十分憇靜雅緻。柚子辛口拉麵金田家來自九州，以濃郁豬骨湯底聞名，既然是第一次食還是叫回傳統款式較好。直麵可以揀選硬度，老公選了柚子辛口拉麵。湯底辛辣中又帶有清新柚子味道，與豬骨湯底相比，又有另一番味道，麵條直身有咬口，黑豚叉燒大片薄切，瘦身不硬，肉味香濃。追加的溏心蛋蛋白凝結而蛋黃呈半流心狀，蛋黃黏口濃杰。黑豚拉麵黑豚拉麵與柚子辛口拉麵近似，除了湯底不同。豬骨湯底奶白色的充滿膠質，香滑醇厚，每一口都能嘗盡豬骨香味。追加了豚肉叉燒，與黑豚叉燒不同，豚肉叉燒更見肥美，肉質入口即溶，甘香鬆化。海老餃子餃子皮十分之薄，煎得香脆不硬，蝦肉餡鮮甜美味。薑汁柚子梳打 草莓乳酸梳打兩種梳打味道輕輕的，冰凍不太甜，很適用食過豬骨湯拉麵後享用。

喺將軍澳商場見到呢一間拉麵，醒起之前喺銅鑼灣見過佢嘅分店已經有啲想試，就入去試一試佢。餐廳格局好四正好舒服，有現代感嘅設計。餐廳係用環保嘅膠片餐牌嚟落單，方便又環保。濃豚骨拉麵: 同其他博多拉麵一樣，湯面有一層油，咁樣可以保持濃湯熱辣辣，湯底好濃嘅豬骨濃湯味，係久違嘅博多拉麵味呀~豚肉肥瘦均勻，表層好似有燒過咁，豬味濃郁。追加咗隻溏心蛋，熟到啱啱好，正！朋友嗌嘅黑豚拉麵，朋友話個黑豚口感唔錯，配埋個湯好夾。後來我地追加左肉，朋友仲加左麵。好滿足！海老餃子: 足料大蝦，好像食緊餃子同蝦餃Crossover咁，口感好得意!

喺將軍澳商場見到呢一間拉麵，醒起之前喺銅鑼灣見過佢嘅分店已經有啲想試，就入去試一試佢。餐廳格局好四正好舒服，有現代感嘅設計。餐廳係用環保嘅膠片餐牌嚟落單，方便又環保。濃豚骨拉麵: 同其他博多拉麵一樣，湯面有一層油，咁樣可以保持濃湯熱辣辣，湯底好濃嘅豬骨濃湯味，係久違嘅博多拉麵味呀~豚骨肥瘦均勻，表層好似有燒過咁，豬味濃郁。追加咗隻溏心蛋，熟到啱啱好，正！朋友嗌嘅黑豚拉麵，朋友話個黑豚口感唔錯，配埋個湯好夾。後來我地追加左肉，朋友仲加左麵。好滿足！海老餃子: 足料大蝦，好像食緊餃子同蝦餃Crossover咁，口感好得意!

作為一個拉麵愛好者，一定要食晒全港嘅拉麵。今日就嚟咗呢間你知日本嘅過江龍。呢間金田家係博多拉麵，去過日本嘅人都食過博多拉麵，係我自己最愛嘅一款拉麵。餐廳裝修得好靚。點嘢食先！我揀咗黑蒜拉麵，朋友就揀咗黑豚拉麵。由於我哋兩個都好肚餓，每人再加份追加肉同替玉，再叫多兩杯野飲，再嚟多份小食餃子，今次一定夠皮啦！橙汁係鮮榨既，朋友嘅提子特飲都唔錯。左邊係黑豚肉右邊係燒豚肉。黑豚拉麵。你睇，啲肉多到呢～到我嘅黑蒜拉麵。個湯底幾濃，黑蒜嘅味道配埋博多嘅幼麵，可以話係恰到好處，match。我唔使2分鐘就食鬼曬，拿拿林上埋個替玉。替玉既份量好足，而且我覺得替玉本身嘅味道仲重味左，再加上熱辣辣，正！蝦餃子。食落真係同酒樓嘅蝦餃好似，不過層皮係脆既，幾特別。

今日同家人放工後行行商場☺️經過見到這間裝修別緻的拉麵店，就決定試試😋店內座位唔算多，但都算闊落嘅。天花有波波燈，仲有牆壁有日本燈籠😍都算特別😌餐點方面以拉麵為主☺️值得一讚👍🏻係餐廳好環保，我地用白板筆劃在膠餐牌上點餐😆同出面果d 畫紙仔嘅拉麵店唔同☺️我同屋企人點左以下幾樣：黑豚拉麵湯底豬骨味好濃好滑係幼果款拉麵，食落口感岩岩好，軟硬適中👍🏻黑豚食落唔會太老同d 湯一齊食岩岩好😌家人仲追加左腩肉😆腩肉唔算肥，吸埋湯汁更入味。我就叫左辛子黑蒜拉麵，追加左黑豚，流心蛋。湯底唔似普通黑蒜嘅湯底，因為飲落會帶少少辣。比黑豚湯底更濃味。流心蛋好正，蛋汁同湯汁加埋麵一齊食，真係好好味😋小食有海老餃子，餃子煎得香香脆脆的，入面真係有嫩嫩的蝦仁。仲有蘋果汁，薑味柚子梳打。本身以為薑味嘅柚子會怪怪，但飲落又出乎預料覺得幾好飲。

依間拉麵主打係豚骨湯底叉燒有腩肉叉燒或者黑豚叉燒朋友o個個就係黑豚拉麵豚骨湯底味道幾好, 不過唔係走極濃厚路線黑豚叉燒擺到好似綻放 ge 花瓣呢成個賣相好養眼配菜有紫菜, 木耳同青蔥拉麵同木耳口感幾彈牙加左個溫泉蛋, 好滑溜蛋黃係深橙黃色, 蛋味好濃郁我 ge 係柚子辛口拉麵同樣係豚骨湯配黑豚叉燒但係就有柚子清香同微微辣味, 好開胃呢配料都有 d 唔同 ga木耳變成芽菜, 仲有紅洋蔥整體係清爽 d ge 口味我 o地另外追加 o左配菜全部都好精緻一碟碟 gummenu 上 ge 特飲影得好靚實物都好似樣呢叫 o左草莓乳酸梳打同薑汁柚子梳打兩杯都好好飲, 非常解渴 ar!同朋友 share o左份海老餃子用蝦做餡 ge 日式餃子, 感覺好得意因為通常都係豬肉餡依個餃子好多汁呢

之前金田家係銅鑼灣本店已經略有所聞， 今次竟然開到將軍澳附近， 住係附近既我一定要幫襯下 以完全冇宣傳開張既情況， 一個平日大概7點半， 已經有客人來來往往。將軍澳中心分店十分光猛， 店內好闊落， 仲有bar 枱或者卡位選擇， 坐係bar 枱你可以望住師傅煮麵食 以一間拉麵店黎講， 金田家算多選擇， 有豚骨湯， 雞白湯， 魚介湯再加埋mix 湯底， 唔會獨沽一味。麵度亦可以揀淋至硬， 亦有其他小食。濃（日文字）豚骨拉麵本人揀左硬麵， 再追加左隻蛋。湯底對我黎講岩岩好， 咸味適中， 有豚骨鮮味， 有時候係其他拉麵店會覺得湯底太咸太味精， 呢度完全唔覺， 湯底像真材實料淆出黎， 飲左大半碗唔覺口渴。麵底都好岩我口味， 果然係硬先有質感， 彈牙有咬口。腩肉份量都夠哂皮， 肥瘦適中， 炆得夠淋。溏心蛋都好入味， 下次再黎都係必選！男朋友就叫左黑豚拉麵， 比我既豚骨拉麵稍後時間才送上， 黑豚豚肉比平常版更濃豚肉味，份量都多幾塊。湯底就一樣係豚骨湯底。我地仲叫左山葵蛋黃醬餃子， 食落去即煎起超級熱辣辣有淡淡wasabi 味， 煎得又脆又香口， 加埋沙律醬有d 似食章魚小丸子。比十個like 再有追

金田家喺日本九州好出名的拉麵店，年頭喺銅鑼灣試過登龍街分店食拉麵，有好印象的。今日係將軍澳做嘢，竟然又見到金田家，我先知道原來呢間係一間連鎖拉麵店😂印象好似上次係食豬骨湯拉麵的，今次試吓比較特別的：柚子辛口拉麵本身碗麵就只有叉燒，我追加左紫菜同埋糖心蛋，拉麵冇咗糖心蛋感覺總是差一點。而家我成碗面睇落去豐富左好多，即時激起我的食慾。麵條粗幼適中，咬落去煙韌有嚼勁。湯底我諗應該都係豬骨湯底，但因為係柚子口味，所以會有小小的酸味，但都算夾嘅。另外我再叫多咗一個男爵薯餅配日式蛋沙律薯餅幾香脆可口。整體來講，餐廳環境乾淨舒適，食物質素中上，可以再黎。

去年在紅磡分店的金田家有過用餐體驗，印象最深刻的是它的雞湯底拉麵🍜知道將軍澳開了分店後，馬上帶著家人去吃吃看。店舖位置很寬闊，坐的也舒服，店員非常貼心，詢問我們是否需要熱水。🥰我們分別點了一個雞白湯拉麵，特濃豚骨拉麵，配菜必加糖心蛋同紫菜。😋😋兩款拉麵的麵底不一樣，一款是較粗的金黃曲麵，另一款是比較常見的幼長細麵。曲麵比較有硬度，口感彈牙，而直幼麵則是韌中帶點順滑。🤤你們可以根據個人喜好選擇，對拉麵熱愛的朋友就很難選啦哈哈😄湯底方面，雞白湯鮮甜而濃郁，喝起來不會太稠，非常順口。而豚骨湯底則比較濃稠，帶有豚肉的油香，卻不會太膩，個人非常喜歡。配菜方面豚肉有四大片，份量十足，瘦肉不柴，吃到肥肉的部分很滿足。糖心蛋是我的最愛，金田家的流心做的很好👍👍無可挑剔另外加了海老餃子，很少見到有蝦肉的餃子，吃起來有點像蝦餃，但皮卻是薄脆的餃子皮😆😆好特別🥰最後享用完熱茶，我們都讚不絕口，下次會再來幫襯🥰

夜晚嚟到呢間新開張過江龍食飯，有卡位坐，鋪頭裝修仲幾靚幾光猛乳酸梳打飲品味道幾真，食落仲有果醬果肉每人有一張餐牌自己寫，因為個人口味唔同，有啲人鍾意拉麵硬啲，有啲又鍾意淋啲叫咗一個濃つてり豚骨拉麵，顧名思義即係又濃厚又結實乳白色嘅湯底飲落幾濃稠，豬骨味清甜嚟嚟又帶香，加上極幼細嘅麵條，整個感覺好match，唔怪之得係招牌辛子黑蒜拉麵食落有少少辣，湯底黑蒜油好濃厚，加上隻好靚嘅溏心蛋，蔥，木耳，芽菜黑豚肉叉燒片好大塊，都係薄身，食落有炙熱過嘅焦香，口感結實追加嘅芽菜好好食，煮得爽口清脆，加上味醂同少許胡椒粉，食落味道清新唔膩山葵同蛋黃醬嘅配搭好新鮮，同鋪滿紫菜嘅和風日式餃子，餃子汁都唔需要點，已經夠味因為個湯底幾好食，所以加咗麵兩個人share，啲麵淥起熱到冒煙！而且好大份好滿足

今次去左呢間金田家食拉麵甘環境相當唔錯 幾舒服甘我地叫左個豚骨拉麵拉麵可以揀硬度 亦可以揀蔥既多少湯底好濃郁似得出係用豬骨熬左好耐 麵得我叫左普通硬度 岩岩好豚肉似係豬五花 我仲額外追加左一碟豚肉同黑豚叉燒同埋加蔥豬肉都好林 我覺得豚肉好食過黑豚叉燒 朋友就叫左個辛子黑豚拉麵個湯底係黑色 飲落有啲似黑蒜油再加左少少辣甘 比起豚骨湯冇甘濃既豬骨湯味 不過就多左份黑蒜油既香味 各有千秋啦朋友都話麵底好食 另外就叫左個唐揚炸雞 真係好喜出望外外皮好脆 雞肉就好嫩滑 仲要爆晒啲雞肉汁出黎 重點係熱辣辣佢有三種粉放旁邊比你點我諗係bbq粉 綠茶粉 另外個款就食唔出係咩啦都幾得意 好少食炸雞係比呢啲粉你點 幾新穎 但要點多少少先食到啲粉係咩味整體上質素唔錯 呢個價錢既拉麵亦都抵食

大半年前喺登龍街食過一次金田家覺得唔錯。前兩晚喺將軍澳見到有分店，當然要再encore！將軍澳分店嘅座位好闊落，甚至比銅鑼灣店更闊落，絕對唔會同一般嘅拉麵店咁擠逼！我食嘅係濃豚骨拉麵。呢度嘅湯底係乳白色仲有少少泡，未食已經覺得好香濃，果然飲完一啖湯就知有料到，係香濃豬骨湯！配上比較軟同幼身嘅拉麵都幾夾。豚肉肥瘦比例啱啱好，食得出小小脂肪香味又食到軟腍嘅肉質，真係好唔錯。另外值得一提嘅係追加嘅溏心蛋！醬油入味又食到流心嘅蛋香！大家一定要追加一隻溏心蛋！男朋友叫咗雞白湯豚骨拉麵。佢個湯飲落甜少少，雞味十足，都好唔錯。個麵係曲麵，較為粗身，食落口感又唔一樣。男朋友仲追加咗黑豚叉燒，呢個黑豚肉味都幾重，不過瘦咗少少，係健康啲，不過食落會有少少乾，所以要配埋拉麵一齊食。小食方面，我哋食咗山葵蛋黃醬餃子，餃子煎得香脆，配埋個山葵蛋黃醬好清新。呢個組合估唔到咁夾，四隻完全唔夠我哋兩個分！其實一開始我哋好渴，叫咗兩杯飲品。我杯橙汁正常，雖然唔係鮮榨，不過都見到果肉。男朋友嘅草莓乳酸梳打唔錯，草莓甜甜配上酸酸嘅乳酸，好清新同開胃。以連鎖拉麵店嚟講，金田家係我暫時食過品質最有保證嘅一家！

今晚屋企人想食拉麵, 做細嘅當然負責search有得泊車而又唔太遠嘅拉麵店, 黎到位於將軍澳中心嘅金田家, 地方OK大, 枱櫈整齊坐得舒服, 咁啱有好幾枱bb原來有高櫈提供👍🏻.>雞白湯豚骨拉麵 (HKD88)我同老公坐底嗌定野食先, 店家使用”曲麵”麵底配雞白湯, 每一口粗身啲嘅拉麵自然沾多點雞白湯, 湯底味道夠濃, 三片日式叉燒脂肪比例較多, 切得薄薄的.>辛子黑蒜拉麵 (HKD93)黑蒜油湯底特別香, 而且黑蒜仲非常健康, li個拉麵係日本滑𠽌𠽌嗰款勁好味, 除左大量黑木耳絲加強嚼嚼口感仲有勁多京葱青葱粒令到湯底味道更突出, 叉燒雖然肉質嫩滑但個人感覺可以再厚切一點點😛.>海老餃子🥟 (HKD40)一碟有六件嘅蝦餃子🥟, 皮超薄, 煎得金黃外皮, 蝦肉夾脆, 啱哂share. >溏心蛋🥚 (HKD14)連蛋白部分都有微甜味道嘅溏心蛋, 溏心蛋黃做到半熟帶點剔透, 配拉麵🍜perfect.>男爵薯餅配日式蛋沙律 (HKD42)日本男爵薯餅勁鬆軟外皮又鬆化, 另一塊係紫薯薯餅中間有粒粒粟子🌰好正!! 又係happy sharing ! >

之前午餐時段見唔洗等位加上之前儲夠印花可以食免費拉麵就入左去食，我食左個豚骨mix拉麵。我揀左個麵嘅硬度做硬，所以有少少太硬。首先值得一讚嘅係佢個湯底，因為之前已經試過佢個濃豚骨湯嘅拉麵，所以今次反而覺得豚骨mix嘅湯底更好食，更適合我。因爲佢溝左少少雞湯，所以無咁濃同無咁鹹，而同時仍然有幾重嘅豚骨湯味，即使係就咁飲佢個湯都好好飲。而另外一樣好食嘅嘢就係塊肉，雖然唔係好多塊，但係好軟，好容易咬，而且味道亦幾鮮甜，整體而言碗拉麵如果正價食雖然係將軍澳區內算係幾貴嘅嘢食，但係絕對好食，值得一試。

第一次食，環境幾靚。新店開張，比較清雅。本身都有分店，但這間味道比較同為將軍澳區的另一間好。叫左個豚骨拉麵，幼身麵，爽口，湯底望落去似Creamy，但一般，正常湯一個。豚肉，肉同肥各佔一半，配料份量剛好，蔥既香味無乜，食完後感清淡飽肚拉麵一個，最後配上紫菜。不油膩不Cremy，純清新爽口拉麵。下次，可以試埋小食同另款拉麵，同行有人食左黑蒜拉麵，比豚骨拉麵味道香而濃，惹味。雖然店鋪位置於商場末端，不過水準不錯！會翻吃。