金田家 (已結業)

濃つてリ豚骨拉麵🍜.金田家係荃灣插旗啦🚩小編點左濃つてリ豚骨拉麵，豬骨湯底好濃厚，稍為稠身，偏油膩所以未有飲好多湯🍜麵條軟硬度可以選擇，唯覺得幼麵質感一般般，做唔到掛湯效果。🐖叉燒有四塊，都燒得頗香，肥瘦比例適中👍🏻加左$14一隻溏心蛋🥚.至於家人點左黑豚拉麵，呢隻豚肉就較高級，入口即溶，數量都較多！仲有辛子黑蒜拉麵&柚子辛辣拉麵🌶，後者湯底幾特別，辣味會辣入喉嚨，有陣陣柚子酸味都好開胃😋

今晚和朋友仔去荃灣行街，突然拉麵癮發作，就搵下邊間拉麵好食，點知原來銅鑼灣金田家喺荃灣開左分店，我就二話不說揀左呢間😝，因為有我鐘意食嘅男爵薯餅🥔去到門口，有好多紅燈籠裝飾🏮而裡面比銅鑼灣分店多位 & 光猛，有吧檯、卡位選擇，我地等左10分鐘就有位了☺️前菜 🥒叫完野食，侍應俾左前菜我地，有：青瓜、凍豆腐、蘿白牛腩青瓜：一般，沒有什麼特別凍豆腐：滑，如果有少少芝麻醬襯托就更加好了蘿白牛腩：蘿白和牛腩夠淋 & 入味😊濃湯豚骨拉面🐷 + 溏心蛋🥚這個是我的，有三塊半肥的豚肉，咬落去啖啖肥油😆，好膩.... 但湯底好濃、好黏口，我喜歡這個😍。溏心蛋不用多說，一看就很漏心了😆黑豚拉面🐷🐷我的重量級朋友叫了這個，有4大塊黑豚肉，初時以為會很韌，但原來一啲都唔韌，啖啖肉，好味過我嗰碗😆😆😆炸軟殻蟹🦀侍應一拎上嚟，哇！實物靚過張相😝原來呢隻軟殼蟹係天婦羅蟹，側邊有綠茶鹽、柚子鹽、咖哩鹽，好特別！🤩蟹雖然唔算太油，但一人半隻蟹已經好足夠🙈男爵薯餅🥔之前嘅男爵薯餅係(黃)蕃薯甘栗薯餅 & 紫薯甘栗薯餅，而家改左牛肉薯餅 & 紫薯甘粟薯餅😛兩款薯餅完全唔油膩，炸得好鬆脆😋 ，而且夠熱！配上沙律醬，更好味😝

我們一行三人八點半去到，等了十分鐘就有位了我們共點了兩麵一飯，還加了兩份味蛋，但唔記得影相味道不過不失，因為近都應該會再食既服務員工親切友善坐位空間濶落，清潔乾淨而且有bb櫈提供食物：黑蒜-味道以為好濃，點不知食落似淡味出前一丁同加左點蒜味，比較普通柚子-味道複雜，幾得意，帶點酸帶點辣再加埋有子味一起來襲鰻魚飯-普通鰻魚飯一個，但係咁既價錢我覺得抵食，因為我食過地獄呃秤既鰻魚飯，成百蚊得塊迷你八達通咁細既鰻魚，真係諗起果間野都嬲呀！

下午四點，鋪新開，八成滿叫了豚骨拉麵($78)，义燒飯($62)，炸雞塊($25)拉麵最先黎，三片近乎透光的义燒，一推木耳絲幾粒䓤加大半碗麵，豬骨湯底一般但唔明點解會唔熱，食完勁唔滿足過左七八分鐘炸雞到，五塊大過五蚊銀少少，神奇地只係微温但炸到過龍乾晒义燒飯等最少十五分鐘(其它野食晒，追過單)四五片同樣紙咁薄，有少少燒過嘅味，飯得細半碗仲要係凍嘅，除咗一細堆䓤絲無其它配菜一句講晒，貴夾唔飽，以後一定唔再幫襯

📍荃灣📍潮聖九州第一拉麵🍜登陸荃灣🆕‼️最近係荃灣開咗間新舖😍之前都係cwb食過一次，今日特登入嚟試試佢😽舖頭都算幾大，係走日式小清新風格，仲有窗口卡位☘️舖頭可以望到出面，又坐得舒服😎😎首先叫咗黑豚拉麵同激辛拉麵🍜黑豚拉麵有成五塊叉燒😍仲塊塊都好瘦唔肥👌🏻激辛拉麵真係幾辣，如果有啲人唔食得辣就唔好叫啦，我就覺得幾好食嘅，份量都好足😽小食就叫咗炸生蠔，呢個我覺得一定要叫😎😎因為真係成舊生蠔，唔係得啲炸醬，好好味😹炸軟殻蟹又幾脆卜卜😍沙律同餃子都不過不失，炒雜菜就有啲偏咸，但整體係幾唔錯，值得再去❤️

小朋友喜歡食拉麵，所以黎尼間最近新開的拉麵店,因為早到，所以即刻就有位了，好開心睇到餐牌上有兒童豚骨拉麵，即刻叫左巨卑小朋友食因為不太喜歡食木耳，所以要求走木耳，而拉麵選擇是軟身的，小朋友食的非常開心，須然份量望上去比較少，但都足夠兒童餐都有前菜的，不過中華沙律卻有點辣 ,小朋友不愛吃尼兩碗拉麵都系走左木耳,實在太簡單所以追加左粟米和溏心疍，而麵的口感度就分別選擇左一般和軟身，食入口卻發覺軟身的拉麵有湯汁包含所以比較好味，而湯底味道也香濃，豚肉也美味

💓拉麵控🍜金田家係荃灣開左第四間分店呢間店除左拉麵仲多左好多小食，飯同甜品叫😋.黑豚拉麵 ($98) 八片黑豚叉燒成碗放到成碗花咁靚叉燒好嫩又唔會太肥最喜歡幼身的拉麵.濃豚骨拉麵 ($78)另加左$14溏心蛋😍拉麵配溏心蛋簡直係絕配係腩肉叉燒黎一層肥一層瘦.唐揚雞塊 ($35) 一客有六件炸雞即叫即炸，小心熱親🙈唔會炸到好乾好juicy.炸軟殼蟹 ($46)好有心思咁配有三款味嘅鹽有抹茶鹽，柚子鹽同咖喱味唔鍾意嘅話又可以點番蛋黃醬.築前煮 ($42)是健康的有唔同種類嘅日本蔬菜.仲有波子汽水叫放小食一流👍🏻.想再完滿d可以叫埋甜品試下柚子芝士蛋糕($32)不錯，柚子味好清新唔會太流綠茶年輪蛋糕($32)就比較甜最後叫埋杯玄米茶($15)中和番🤤🎏🎏🎏🎏🎏🎏🎏🎏🎏🎏🎏🎏金田家 (荃灣)荃灣楊屋道1號荃新天地1期UG層28及30號舖#金田家 #荃灣金田家

之前上網見到呢間拉麵係荃灣開左新分店，頭三日仲有買一送一優惠，一於就去試下。可惜到問店員既時候，原來買一送一優惠已經完結，依家做緊第二碗半價，其實冇呢個budget就唔好寫做三日買一送一優惠啦，提早完結好樣衰。既然都黎到就試下啦，門口寫住係九州冠軍拉麵好似好吸引咁。星期四晚排左一個鐘左右先有得入，可能好多人同我一樣見有優惠就黎試下。柚子辣味拉麵$98拉麵有濃郁既柚子味，再配上少少辣味，有層次得黎又好清新，唔錯既。不過塊叉燒就有d dry，而且冇流心蛋送，要額外叫，原價黎講完全不值。黑豚肉拉麵$98睇個名都知係主打塊叉燒，一碗有好多塊，可惜呢個叉燒偏瘦，口感雖軟但係我都係鍾意入口即溶果d叉燒。呢個湯底好普通，比較寡，食多幾口好悶。炒雜菜$38只是因為想食菜叫，份量算多，味道ok，但唔會有驚喜雞肉角煮$48呢個份量大概有一碗飯咁，都係好普通既味道總結黎講，同我心中既拉麵冠軍有好大分別，可能以後都唔會再食啦

終於試倒金田家了荃灣新分店仲有第二碗半價小食減十蚊叫左個黑豚拉麵同蒜子拉麵有前菜送埋架黑豚拉麵湯底較清不過黑豚的獨特味道不是人人能接受蒜子拉麵蒜味十足 可惜好似蓋左豬骨湯的味道 腩片薄 不過好肥好guilty 🙈🤣唐揚炸雞 都炸得幾香脆

好耐之前，喺銅鑼灣分店度食依間念念不忘，由於銅鑼灣對我來講太遠嘅關係，難得新界有，就要再食喇拉麵方面都有幾種嘅，我自己上次食咗柚子嗰個好食，所以今次都再叫，另外再叫左個炸薯餅，炸雞同雞白湯拉麵間嘢如果可以搭枱底下，可以坐到60個人度，不過又要新開張嘅關係，我諗唔搭枱底下個廚房已經做到好辛苦，所以暫時未見店舖安排有搭枱，不過都好嘅坐得舒服😌首先嚟咗個薯餅先，炸得好香脆，個炸漿整得好好唔會好厚，個紫薯同栗子味好味，2個都勁足料，咬落去有薯仔同栗子咬，好食炸雞個粉做得好好，5會好厚，好脆身，雞都嫩滑既，but如要揀一個嘅話我會建議食薯餅今次再次食嗰個柚子拉麵，佢係有辣辣地嘅感覺， 如果唔食得辣嘅人，千祈唔好mix紅色嗰個，會辣死你，個湯底係濃郁既， 依度啲叉燒係薄切的，叉燒個質感同好食到一般，不過我鍾意佢個湯底，麵會跟住你自己揀嘅硬度而調整，我揀咗硬既，師傅都整得好好自己再另外追加左蛋，如圖，好食另外嗰個，相對上冇咁啱我地既口味，上一次食嗰個黑蒜正d maybe we have heavy taste好似由於新開張嘅關係，第二碗拉麵半價，不過佢一碗拉麵嘅價格其實都差唔多$100到，耐5使食1

新店開張，本來係值得慶祝，專程來到想試下。新店做緊優惠買一送一，限量每日400碗，但自知晏左應該冇架喇。晚上8點半左右，門口只有幾個人排隊，10個都冇，但店家就唔比排隊，我只係想試到一碗姐。。。這意思是還有一個半小時都做不到10個人嗎？

福岡tabelog最佳拉麵榜首冠軍拉麵店#金田家平時食開銅鑼灣店都成日排長龍 第四分店開到黎荃灣啦#荃灣金田家 開係西鐵站旁的荃新天地 行過去勁方便啱啱開幕 門口人龍不絕 等左20分鐘就有得入座一人一碗拉麵加多三個小食🤤🤤黑豚拉麵 ($98) 加$14要隻溏心蛋是食拉麵的基本尊重🤗有成八片黑豚叉燒 好稔好入味！辛子黑蒜拉麵 ($88) 三片腩肉叉燒唔會太肥 同樣好入味！個人比較中意豚骨湯頭 濃郁香醇 又唔會太油黑蒜湯頭就相對重口味同油膩少少 不過都相當惹味拉麵係幼身麵 浸極唔淋 影相影左咁耐都唔會好吸湯小食就叫左唐揚雞塊 ($35) 吉列蠔 ($58) 炸軟殼蟹 ($46)一客有六件炸雞 食得出浸左酒令肉更嫩但酒味略微太突出 調味可更重手😂吉列蠔有四大隻 好厚身 炸粉唔會厚 點埋沙律醬食好味！軟殻蟹本身就唔係話好特別 但個人幾欣賞配的三款鹽特別係抹茶鹽 帶苦甘 幾特別整體黎講 荃灣新店都keep到水準 小食同拉麵的選擇都好多仲有多款飯同甜品好吸引 下次再試！