金田家 (已結業)

成日行Citywalk既我，見到有新餐廳開緊係試下啦。金田家係其他地方我都食過，不過呢間特別之處就係佢有飯食，今次叫左黑豚拉麵($98),鰻魚飯($72),波子氣水($25)同埋追加左溏心蛋($14),腩肉叉燒($20)。黑豚拉麵岩晒食肉獸，成碗拉麵都俾黑豚圍住，湯底飲落好有豬骨味，相信店家真係有放大量豬骨去煮個湯底。 但呢個拉麵美中不足之處就係佢冇跟隻蛋，唯有自己追加， 呢到溏心蛋中間流心而且出面係用醬油煮過，十分好食。腩肉叉燒肥油夠多，食落去雖然罪惡感滿滿，但十分爽快。鰻魚飯就比想像中好很多，因為我根本沒估到以麵為主的餐廳都能煮出高性價比的鰻魚飯。鰻魚夠肥美，汁夠濃，而且米係珍珠米。食落去與坊間過百的鰻魚飯有得比。食呢D野配埋支日本波子氣水十分滿足，就好似去左轉日本咁。

夜晚7點左右到達，完全唔使等位被安排坐張二人枱，張枱五臟俱全，有齊晒水、餐具、調味同紙巾嗰啲，不過已經霸佔張枱嘅四分一點菜時間到，每人叫左一碗拉麵，多蔥少蔥同麵嘅軟硬度自己決定，想嘅話都可以加自選配料！叫左一碗柚子辛口拉麵同激辛拉麵，未上拉麵，就上左前菜，三小格三小樣！柚子辛口拉麵湯底濃郁，有少柚子味，唔算辣，有三塊超薄叉燒(薄到入口即溶，但相信厚嘅可能有口感啲)，配芽菜、紅蔥頭特別清新，整體不錯！而激辛拉麵堅激辛，無啲辛辣底子都唔好亂試！但湯底濃郁，都係好味嘅！佢有個印花制度，$50一個印花，5個印花有一份薯餅，7個印花有碗豚肉拉麵，而10個就任何拉麵一碗！儲齊喇，下次就免費任揀拉麵，期待

去左荃新天地，見到開左間金田家拉面店,然後就去試食個蓄茄沾面完全係罐頭野,完全冇新鮮蕃茄又酸又難食到一個點!!!!同埋D湯一D都唔熱,D面又硬~豬骨湯拉面D湯超油,又超級濟,飲左2啖就唔想飲D叉燒仲鞋過我對鞋底,差評,腩肉又煮得唔好,食落一陣肥油味仲話拎個九州第一??食豚王/一蘭好過佢一百倍!D小食又貴又細份,野飲更加唔洗講,普通得黎又呃錢~食過一次, 一定絕對唔會再食第二次建議唔好去食,食左一定會後悔!

雖然日本人發明同創作嘅理念飲食習慣係有一些差別香港人常常吃日本菜/拉麵店皆因食材精緻手工精巧師傅巧手習慣是一種尊敬 !品嚐高質材料要求很高選擇嘅食材配料小食亦豐富不多調味料 天然味道才能倉出所追求帶出價值 金田家開業短短以擁有數間分店菜單與價格在門口清晰可見以大眾化百多元便可以食到一碗合心水的拉麵而且本店引用中文字繁體字配合格仔頭像招牌策略突顯當眼標記 進入店裡裝潢纯樸踏實，服務員紛紛呼呼非常親切開放式廚房設計而且大廳面積亦可大搖大擺進入，間隔非常闊落香味味道濃厚撲鼻出於商場外，舖面人群超旺尤其剛剛開幕後盛況放難怪這麼多顧客來一下吧(鰻魚飯)(親子丼)(吉列蠔)(黑豚叉燒3片)店舖用餐不限時間兼可容納三十多人座位位置舒適合理寬闊 客人可輕鬆剔紙點訂或追加，既可獨創本店湯料/麵料/而麵碼嘅軟硬程度可視乎自己偏愛不管何種拉麵種類繁多一般以清澈見底嘅湯料及湯頭味道為原料，不油膩亦可趁熱食入口心動暖胃又飽肚，表現真的很不錯有溶化的感覺!可以說是跳脫日本龍濃郁湯頭概念大家不妨前來試試吧

約咗好耐冇見嘅朋友J去老地方荃灣見面😂行到肚餓發現荃新天地呢間「金田家」裝修幾別緻，於是決定去試吓！先黎飲品同埋前菜，有蜜糖腰豆、中華沙律同埋涼拌野菌，朋友揀咗波子汽水，而我就揀咗佢好好奇嘅「可爾必思」🤣其實就類似乳酸菌類嘅飲品，對一向少甜嘅我嚟講......甜咗啲。🤡個蜜糖腰豆都真係幾大粒！XXL SIZE😂都幾入味同淋身既！其實平時去食拉麵我多數都會去一蘭或者豚王，所以對呢間拉麵店都係抱住「是但」既心態，但估唔到當拉麵上場嘅時候真係充滿驚喜😍黑豚拉麵 $98 （再加糖心雞蛋$14）可以揀腩肉或者肩肉，我當然係揀肩😏雖然瘦但係佢既口感一樣咁香同滑，而且仲有成5片咁多😍麵係幼身既，質地我揀咗硬，因為我鐘意食到最後一口，個麵都仲係彈牙唔會淋晒！紫菜爽脆，湯底夠熱而且非常濃郁豬骨香味！完全超乎我心目中嘅想像！出奇地有水準👍🏻朋友J揀咗有柚子辛口拉麵 $98（追加白飯$12 /紫菜$10）朋友J除咗拉麵，最鍾意就係食日本米飯，呢個湯底酸酸辣辣幾開胃，食完個拉麵之後可以撈埋啲飯落去當湯飯咁樣食！炸軟殼蟹$46口痕叫咗啲小食試吓😆呢個炸軟殼蟹粉漿唔會好厚身，炸得外脆內軟，一口咬下，啲肉汁非常豐富

今晚陪媽媽到荃灣採購中藥，之後我們便去了最愛拉麵店之一金田家吃晚飯。不過今次我們都不吃拉麵，因為荃灣店有更吸引我們的主食，沾麵和飯，這些都是其他店沒有供應的。想不到我們點好餐後，店員給我們一人一份前菜小食，是免費的，又一和別的金田家大不同。前菜有三款，雜菌腐竹，中華沙律和黑豆，好不清新開胃。我滿心期望的和風番茄沾麵上桌了，媽媽看見我的沾麵不禁說了一句沾麵太豐富吧，並猜想我是否能吃完這沾麵，最後我都把它吃得乾乾淨淨，這樣好吃的沾麵，怎會有「活口」存在?熱騰騰的和風番茄沾湯光看便知它多濃郁，裡面有不少微微香煎的瘦叉燒，已吸飽番茄濃濃的精髓。湯頭以濃厚的鏗魚為基調，再以新鮮番茄的酸香調出味兒，比一般沾湯更為鮮美讓我胃口大開。沾麵選用了粗麵條，掛湯能力持久，麵條勁有彈勁。當冰涼的沾麵遇上極端熱呼呼的番茄湯，瞬間一拍即合，爽口涼快的沾麵回魂成了溫暖我心的好麵，一道沾麵嚐盡冷暖。淨吃番茄沾湯的叉燒絕不足夠我這個嘴饞的，儘管湯裡的叉燒蠻多片的，我都忍不住多點數份配料，滿足自己的食慾，人家肚餓嘛。我多添一份粟米和木耳，即使自己多愛吃東西，健康飲食也不可以忘記。粟米顆顆渾圓，水份充足，鮮甜味美，與番茄沾

金田家最近喺荃灣開咗新鋪，一直都未試過，難得有朋友嚟荃灣接我放工，一於帶佢去金田家試一試啦！一入去就見到好多位置宣傳自己係九州拉麵， 而且仲有半開放式廚房可以畀客人親自睇到師父點樣去製作拉麵，果然係九州第一拉麵！雖然見到金田家最近feature蕃茄湯拉麵，但係我同朋友都唔係好鍾情於蕃茄湯，所以決定都係揀返豬骨湯~餐前小食點完嘢食之後試完即刻送上一人一份嘅餐前小食，好有韓燒嘅感覺！小食總共有三格，一格係平時見到嘅中華沙律，一格係 應該係傳統嘅九州醃菜，有腐皮、菇菌同蘿蔔等等。第三個係應該係日本嘅傳統小食，係大粒嘅類似蠶豆嘅漬醃豆，咬落去好似食緊大粒紅豆，甜甜地幾好食🔎柚子辛口拉麵 $98我就要做個柚子辛拉麵，試一試佢呢個咁特別嘅口味。上菜後第一件事當然要試下湯底，果然不出所料係好香好濃縮嘅豬骨湯味，但一啲都唔油膩！加上仲有輕微嘅 辣喺入面，感覺好夾！除此之外比較驚喜嘅係佢啲粒粒配菜，冇食錯應該係醃過嘅調味洋蔥碎，一啲都唔辣，反而甜甜地。拉麵麵質都好爽口，不過叉燒就略嫌有少少過火。我仲追加咗白飯同埋黑豚叉燒，黑豚叉燒就比較嫩口，而且豬肉味十足，值得一食！🔎濃味豚骨拉麵

今日一早番完教會就同老公囝囝番咗荃灣食午餐,本身有諗過去新天地嘅唐宮小聚飲餐茶。不過又好想試吓新嘢囉，見到間裝修幾靚嘅拉麵店有親子丼，望望入面又有BB high chair，就安心帶埋囝囝入去試試。坐低即刻叫咗個親子丼，即刻叫爸爸試吓味睇吓會唔會好鹹，爸爸話個未OK喎唔會好鹹啱晒仔仔食。😍之後嗱嗱臨叫咗兩個拉麵食，黑豚拉麵個湯底幾好味，啲肉都幾多，我都瞓咗幾件肉俾老公食。老公另外叫咗個柚子湯拉麵，湯底真係有d甜甜嘅柚子味，不過老公話甜嘅湯底有啲怪，佢都係覺得黑豚拉麵個湯底正啲。

好鐘意食拉麵，隔一陣子走會去食，午餐去食又得，晚餐去食都得，食極都唔厭。今日，在如心廣場見完客，收工諗住行去荃灣站搭地鐵，沿途經過荃新天地，發現以前開咗好耐的米線餐廳唔見咗，換來的是金田家的新店。問同事有無興趣一齊食，佢say yes，咁就一齊排隊。呢間拉麵店跟其他的拉麵店最大分別係超大間，光猛又闊落，唔似得一啲好出名兼攞埋車軚人獎嗰啲，又細間，坐到逼一逼，幾乎連行都行唔到，食完碗麵想坐多一陣都唔好意思嗰種。呢度店員好nice，問我哋介唔介意坐吧檯位，仲好啦，可以睇住啲師父煮麵，等食時都唔怕悶，好過篤手機等。有樣新發現，原來呢間分店有鰻魚飯食，印象中，只此一家。雖然係咁，我都係專心一意食拉麵。都話啲店員好nice，佢哋送咗啲前菜俾我哋食住等。我同事食黑豚拉麵，啲黑豚叉燒砌到成朵花咁，其實我係睇住個師父砌的，佢砌完，原來係會用火鎗燒下啲叉燒，加熱，我明白晒喇。啲黑豚叉燒又腍又香，忍唔住要追加多一份。而我就想食辣，所以揀咗柚子辛口拉麵。湯底加了柚子和辣醬，令到啲湯味道更出色，拉麵嗦了湯就非常好食。雖然不是黑豚肉，但我覺得呢塊叉燒亦沒有輸蝕到俾黑豚叉燒，入口之後，就可以化開。除咗拉麵，仲食咗

荃灣呢間金田家平日都無太起眼，可能因為位置都比較入。因為比較早入去，所以都唔算好多人。一入到去就有對住街景的卡位，都算寬闊舒服。睇一睇餐牌，發現有限定的番茄沾麵，二話不說就點了呢個黎試下，友人就選擇了激辣辣麵，再加一個炸軟殼蟹。沾麵最緊要係湯底好熱，而且夠濃稠，凍的沾麵線可以係沾d汁暖左嘅同時，都可以保持彈牙。金田家的番茄沾麵的湯底番茄黎講都濃稠，而且酸味夠，有一顆顆的番茄籽係入面，加左少少香草，令味道無咁寡。而佢個麵本身有溏心蛋，開心！份量很足夠，食唔曬。加上都有叫追加，所以係勁滿足。我追加左黑豚肉和燒肉，真係超滿足。朋友嗰個激辣拉麵，真係超辣，佢本身係食開某麵家嘅中辣，但都發現超出自己嘅能力範圍，所以真係食得超辣嘅朋友先叫。

呢間店由銅鑼灣起家，到元朗，今日終於嚟到荃灣啦！剛剛新開真係日日都大排長龍。襯放假就同朋友二人撐枱腳啦餐廳裝演簡單又舒適，都幾適合放工後簡約的一餐飯。點了日式炸蠔小食，一隻蠔炸得好唔好，一咬落去就知道了。炸蠔非常新鮮，一咬落去，外脆內鮮，而且唔會炸到乾硬化，好多汁，係正正子！主菜來了，點了激辛拉麵，見到上面有堆紅紅秘製辣肉醬就知道唔惹少啦！配合埋湯底真係無得頂呀！拉麵麵質適中，唔會浸太耐而過軟，而且因為湯底夠味，令拉麵食落好有味道。朋友是食肉獸，所以額外為佢點多份豚肉叉燒，睇到叉燒的肉與膏的比例均等，而且每片厚薄程度都一樣。而身為飯桶嘅我就梗係要試下鰻魚炒飯啦！用的是珍珠米，所以特別細，而且炒飯唔會好乾身，油份比例適中。平時食鰻魚炒飯都會搵唔到鰻魚粒，但今次竟然有好厚身嘅鰻魚粒呀！真心好正，而且鰻魚雖然係粒，但都食到鮮味，好正！當然唔少得童年回憶嘅波子汽水啦！呢度竟然有呀！其實整間餐廳的食物及服務都好好，絕對值得再來

今日來到荃灣金田家，看到門面有日本風格的擺設，所以便進去享用晚餐🥣 荃灣的金田家與其他的金田家分店不同，因為有期間限定的沾麵和飯類！今次我們當然選擇了特色的鰻魚飯和蕃茄沾麵😋😋再追加了，溏心蛋，栗米，和兩款不同的叉燒，小食方面，加了炸雞塊！鰻魚飯的鰻魚好大塊，差不多是一隻手掌✋的大，魚身是厚切的，只需$72就可以食到，果然是平民價錢，有高級食物的享受！而且，整個飯都充滿鰻魚汁，令人感覺很滿意。連米飯都是日本米，真的是誠意可加😋蕃茄沾麵是本店期間限定，沾麵在外就食得多，但蕃茄沾麵真是第一次食，這個沾麵蕃茄味勁濃，師傅用了很多新鮮的蕃茄去製造，再加入少量茄膏，令每淡麵都沾上了蕃茄的味道和香味，這個湯不用怕肥，只會覺得，食完後，面色都紅潤了！麵質是粗粗的，份量還很多，在每條麵都可以看得岀，是師傅親自手打的！至於追加的小食方面， 不得不讚，溏心蛋，流心之餘，還可以保存到雞蛋🥚的温度👍🏻用法是跟日本的一樣，在香港都食到日本🇯🇵雞蛋🥚再加入日本做法，真是享受😋兩種不同的叉燒，都有不同的味道和厚度，大家不妨一試👍🏻小食方面，炸雞塊，油而不膩，而且還炸得濕濕的， 再加上檸檬汁的配搭，令雞肉的肉質更帶岀

之前係元朗行街，食過依間拉麵都幾好食，見荃灣開左，就即刻去試食‼️入到去環境都算坐得舒服，唔會坐得太逼。今日試食辛子黑蒜拉麵，但黑蒜味唔濃，湯底都麻麻，唔算係好入味。叉燒都麻麻地，所以成個拉麵味道都一般，有啲失望。另外朋友就叫左一碗柚子辛口拉麵，佢話個味道都好淡，食唔到柚子味，得個辣字，都唔係太出色。成餐飯最好味都係碟餃子，煎得好香，餡料都好足，但係得四隻，份量偏細。食物價錢都有啲偏貴，埋單兩人平均$100消費。

第一次試金田家. 失望呀. 本人唔係咁鍾意唔熱嘅麵.... 點左黑豚拉麵. 湯底偏油點, 湯唔太熱. 拉麵麵質似出前一丁棒丁麵? 叉燒是凍嘅圍在碗邊, 令湯更加唔夠熱. 點左唐揚雞件, 一般, 無咩味.... 不過夠熱同脆.點左新出嘅蕃茄沾麵, 麵點凍到黏住, 好難夾開... 蕃茄湯又係唔係好熱.... 夾麵去點湯, D麵食落口係微暖. 到底想點.... 麵質偏硬. 蕃茄湯味濃, 夠酸. 湯入面有烚過嘅豬肉片, 無咩味, 唔吸引.食過一次, 應該唔會再食第二次

經過荃新天地，見到開左間金田家既拉麵店，見仲早六點幾冇人排隊就入去試一試佢。環境幾闊，光線好充足，拉麵店來講呢間都算頗大，因為食開果啲拉麵店都係細間既，呢間應該大過晒銅鑼灣「拉麵街」咁多間（感覺上）。由於早，唔係好肚餓，所以叫左一個正常餐同一個兒童餐（本人第一次喺拉麵店叫兒童餐🤣).因為想食既拉麵都賣晒，咁早就賣晒😓。所以叫左兩個一樣湯底既拉麵。味道方面一般般，份量方面真的好少，但加左$7既芽菜就好大份😅，白烚芽菜，比我碗拉麵還要大碗。