金色不如帰

营业中

休息中

今日有幸目擊金色不如帰在south side 開張及剪綵儀式，金色不如婦靈魂人物山本先生(左⼀)親自坐鎮金色不如帰採用開放式廚房，客人可以近距離目擊一碗拉麵的誕生。座位闊度，沒有壓迫感。室內裝修柔和為主，樓底非常高，舖頭內光明亮。餐前小食我地叫左涼拌黑松露甲紋墨魚，墨魚爽脆，煮得啱啱好，黑松露完全冇冚過墨魚本身嘅味道，強烈推介。另一款小食我哋試咗豚肉煎餃，外皮薄，餡多汁。嚟到梗係要試米芝蓮一星嘅拉麵。今日係第一日開張，現場有山本先生親自下廚嘅貝汁醬油拉麵試食。米芝蓮一星好評，貝汁醬油拉麵，味道平衡得非常好，必食！因為試左貝汁醬油拉麵，所以今次另外叫貝汁鹽味拉麵。味道令人眼前一亮，先飲一啖未加黑松露嘅湯，味道濃郁，飲完一陣之後，冇好鹹好油嘅感覺，慢慢生出一浸淡淡嘅海鮮味。加入咗黑松露之後成個湯又昇華到去另一個層次。一碗拉麵兩種享受！另一份我哋試咗個季節限定，天婦羅盛合冷麥麵，天婦羅脆薄但不油膩，特別炸蠔，鮮甜。面爽口，汁由山本先生親手調配，味道有水果香味真係值得去⼀試再試。

自從開左southside食飯開心左🥰因為好多選擇！今日揀左食拉麵，試過牡蠣不如㷌好鍾意佢個蠔湯😋拉麵可以單點或者叫套餐，套餐包左小食同飲品，都幾抵👍🏻牛肝菌醬油鵝肝雞湯拉麵｜呢款係近期新品！第一次食有鵝肝既拉麵😍鵝肝好大舊，外層煎到好香脆，入口甘香。雞胸用上慢煮方式烹調，非常嫩滑，仲有啲彈牙！湯底用上雞湯同魚湯燉製七個鐘，味道濃郁，加埋帶有淡淡堅果香氣既牛肝菌，鮮味十足🥰貝汁醬油拉麵｜呢個湯簡直係驚為天人，入口係好鮮甜既蜆味🫶🏻加入左白松露油令味道更有層次👍🏻好難得有拉麵既湯底係完全唔油膩！拉麵韌度剛好，叉燒一咬即化。京蔥味噌豆腐｜嫩豆腐先用高溫油炸，再加埋秘制既京蔥味噌醬🤤豆腐炸衣好薄身，外脆內軟，面層既醬汁同豆腐一濃一淡，互相映襯🥰四季柑氣泡玄米茶｜第一次飲有氣茶又幾得意😂酸酸地，茶味相對無咁濃，但同拉麵配埋又幾夾！#黃竹坑美食#拉麵#日本菜#金色不如㷌#午餐#mindfulsparks#氣泡茶#黃竹坑#香港美食#鵝肝#raman#hkfoodie#hkfoodblogger#hkfoodblog

想黎呢間連續五年有東京米芝蓮星星既「金色不如帰」好耐啦 近來開左間分店係黃竹坑既The Southside 見有新拉麵 就決定放工約埋朋友一齊食牛肝菌醬油鵝肝雞湯拉麵店員介紹呢個新推出拉麵湯底用7小時慢火燉製鮮雞濃湯 加埋天然材料浸泡的魚清湯熬製而成 拉麵送上黎已經聞到好香 飲啖湯好香甜鵝肝煎到表面微脆 咬落入口即溶低溫慢煮雞胸保留左豚肉香味拉麵入口煙韌 加$28 有支Mindful Sparks氣泡烏龍茶或者四季柑氣泡玄米茶我鐘意四季柑的果香和氣泡茶的口感 貝汁醬油拉麵呢個湯底由秘製大蜆湯混合豚骨湯及清魚湯三重湯底 個湯底微鹹帶甜 好有鮮味湯入面加左黑松露醬 牛肝菌粉及牛肝菌油有兩塊醬油蒸煮豚肉片 追加左配料溏心蛋 低溫叉燒 小棠菜低溫叉燒肉質軟嫩

食左個午巿嘅生姜豚肉定食，汁料的味道尚可，但豬肉好羶（還是雪藏味？），總之是不新鮮的味道。隨餐附上的麵豉湯的鹹度係等於放左一撮鹽入口！只係飲左勁細啖但要飲返半杯水！真係好難飲！仲有個好細嘅沙律一樣超鹹！唔知當日嘅師傅做乜事，米芝蓮一星喎，廚師整完出黎自己唔會試味嗎？！成個定食最正常係個白飯同埋漬蘿蔔🫠如果拉麵先係最拿手嘅、就專賣拉麵囉；但如果要賣埋其他日式料理，咁都應該要保持到好似拉麵一樣嘅水準吧。

鹹, 好鹹, 非常鹹, 叫咗個lunch set, 得個白飯係正常味, 湯、餸、沙律都係極鹹, 要不停飲水. 餐牌選擇少, 食物質素一般 , 所有野都煮到勁鹹, 職員態度欠佳, 黑口黑面, 賣單就咁指住門口.

在裏面點了兩碗推介的，然後吃下去感覺跟沒有特別驚喜，跟平常吃的拉麵店一樣，甚至那些更好。最不能接受的是點了100多一碗，竟然只有兩片肉，還是一大一小。永遠不會回頭再吃。而且環境也不好，有一隻蚊飛來飛去，影響用餐體驗。不能想像這間餐廳竟然有米之蓮一星，和我預期的一星不一樣。如果想試伏的可試一試。

拉麵係幾好天婦羅好一般，份量好少又貴職員態度有待改善收錢一句嘢都無講淨係指住部卡機叫我比錢基本嘢多謝晒下次見都無斟水又唔問人使唔使加水淨係用手勢下次唔會再去

早几日经过见到有间新野开左原来特式拉麵店本人好喜歡食拉麵，盐味拉麵淡得来汤底ok虽然叉燒比較薄身但饺子挽回分数服務贴身环周圍環境坐位阔络所以系算有质素拉麵店可以值得再来下次可以试下其他拉麵，豆腐好似好好味甘

工作原因去左黃竹坑做野,之前聽講呢邊都無咩特別野好食，咁行行下見佢有個新開商場咪入去睇下有咩野好食囉，本身見佢有間好似茶餐廳諗住試下點知勁多人排隊，放棄左行行下見到有間食拉麵就入左去試下，入到去店員就上了杯水給我，開頭自己本身點了一份餃子還有拉麵，後生男經理好好人提醒我原來是有套餐加埋飲品連加一185可以接受自己本身鍾意食辣叫左辛豚骨拉麵湯底不錯不會太鹹麵軟硬適中，唯一不足就是份量，最慘係無替玉如果有就會更好

上星期五同朋友行經南岸商場，朋友話想食拉麵就去左金色不如歸，一入去到同朋友經理就好耐心咁介紹餐牌經過佢介紹我地就叫左一個拌麫set,一個天婦羅冷麫到上餐時經理又詳細介紹食法態度友善值得一讚

湯底得個鹹字！麵又無口感！仲衰過我自己屋企煮個公仔麵！員工態度又差，話會處理既事轉頭就當無左件事，做唔做到都完全無交代！拉麵舖周圍都係，求其食一間質素都好過呢間！！！！！！！！！！！！！！！！！！！！！！！！！！！！！！

點了一個拉麪，問店員經理有沒有雪糕？ 他答我沒有雪糕，因為之前我見其他客人叫了雪糕，（當時以為我聽錯），到埋單前，再詢問店員經理，他答我以為我是叫單點，如果叫套餐是有的，我即時答他叫單點同有沒有雪糕有分別嗎？下次不會再幫襯。

之前喺其他商場行街嘅時候都見到呢間拉麵舖但係就覺得冇乜特別，所以就冇試過咁啱開咗喺公司附近同事食過話好食，所以今日就決定lunch time自己偷偷一個人去咗食咁啱佢有個係呢間分店限定嘅冷麵配天婦羅套餐但係同一時間lunch time又有lunch Menu 十五十六咗好耐決定都係食咗lunch Menu先Lunch Menu包括有前菜主食同埋一杯嘢飲前菜揀咗松露魷魚沙律菜有少少松露醬喺面 略嫌沙律有啲細份 真係當開胃菜咁食食完個前菜冇耐主菜拌麵就上場啦第一次試日式嘅拌麵 覺得同台式有啲相似平時如果食拉麵正常都可以食得晒一碗但係可能因為天氣太熱同埋啲醬同埋隻蛋嘅問題，有啲太漏最後尾都係食唔晒 下次再嚟試吓佢個分店限定我諗夏天應該會好啱

貝汁鹽味拉麵（$128）湯底由三款湯（蜆湯、豬骨清湯、魚清湯）混合而成，鹽味唔重，湯清唔算太油膩（因為加咗白松露油），味道可以；肉有兩款，低溫叉燒及三層肉各一片，叉燒未算好軟腍，三層肉少少彈牙，兩款嘅肉質及肉味普通；配料有京蔥、煙肉碎、香草、牛肝菌醬；最後麵嘞，有少少失望，幼身白麵，稍稍偏淋身及糊口，沒有彈性及咬口。貝汁醬油拉麵（$128）湯底同樣由三款湯混合而成，有醬油味，同樣湯清算太油膩（因為加咗牛肝菌油及牛肝菌粉），味道OK；肉同樣有低溫叉燒及三層肉各一片；配料有京蔥、煙肉碎、青蔥、黑松露醬；幼身白麵一樣偏軟淋。另加三層肉三片（$18）分開小碟上，室溫，要浸入碗拉麵嘅湯熱番先食。整體用餐是滿意的，服務不錯，但以食品質素及價格來說，CP值低，試一次就可以了。

🍜🇯🇵🥢拌麵套餐▫️可單點/套餐，以下拌麵套餐$128✅黑醬油叉燒雞肉拌麵上枱好靚，材料排得好整齊，中間有一隻溫泉蛋，旁邊有叉燒粒、紫菜絲、雞肉碎、天婦羅碎、蔥花。麵條係較粗嘅麵條，而個汁份量味道剛好，麵條彈牙掛汁，撈埋一齊都幾好食。✅自家製豚肉煎餃估唔到跟午市套餐嘅煎餃一份都有五隻，剛煎香，個皮仲脆同埋熱辣辣，除咗有豚肉入面仲有唔少蔬菜，口感味道都唔錯。🆗熱檸生薑蜜估唔到除咗可樂同埋烏龍茶，竟然有養生嘅飲品，咁梗係要試吓，唔算太濃薑味，但都幾暖胃。