金蘭花泰國菜館

营业中

休息中

朋友極力推介我去九龍城金蘭花泰國菜館 （我朋友是名嘴，食嘢非常腌尖），金蘭花三十多年歷史，全泰國人班底主理，好多明星、商界及政界人物都會微服去食佢哋泰菜，好多食客都會冠名佢哋「平民米芝連」，一向鐘意食嘅我梗係要試吓啦。成班同事6人放工從港島區過嚟，宋皇台站出口。又真係好有驚喜，高質但價廉，材料新鮮足秤，主㕑功力了得，的確抵讃，又無加一，所以唔好要求環境、情調同服務。店舖比較舊，過去幾年疫情應該都沒有裝修，而泰國姐姐半咸半淡廣東話，我哋講得快啲都聽唔明，都要體諒一下。重點係食物水平的確不錯，每款都遠遠超出你預期。知道佢哋咖喱蟹已經享譽勝名，我哋特別點了泰式辣辣椒高炒蟹，非常夠鑊氣，惹味十足，蟹亦足秤，蟹肉新鮮。 $368泰式鰂魚沙律非常有驚喜，風味十足，醬汁特別。 $168脆炸豬手，炸到恰到好處，味道剛剛好，不會太濃烈，好味 👍🏻👍🏻 仲送兩支啤酒。$228泰式燒牛肉，不得不讚，選用上乘牛肉，廚房只燒到半熟，保存到牛肉味香濃，但仍然嫩口。 $118泰式牛油雞翼，十分有泰式風味，加上大量炒香蒜蓉，超好味。$78魷魚鍋亦係一個非常特別的菜式，個汁好好味，好搶鏡，但要食得辣。 $168咖喱大圓

未必咁多人知道，街坊地膽推薦🔥30年老字號正宗地道泰菜🇹🇭被譽為平民版米芝蓮，由全泰國人班底主理出品水準出色，而且唔少菜式喺其他泰國餐廳比較少食到仲要全日唔收加一 ，CP值高-👍🏻黃咖喱炒蟹 $368必食item！非常足料，重大概一斤左右大大隻多肉食，肉質鮮嫩，啖啖蟹肉鮮味黃咖喱用蛋漿椰汁做，香甜微辣帶濃郁香料味真係連汁都啜埋🤣-👍🏻泰式燒鰂魚沙律 $188係香港比較少見泰國餐廳會做呢道菜大大條鰂魚起骨拆肉，魚片鮮炸到焦脆🔥每片厚切大塊啖啖肉，用泰式特式醬汁撈埋酸辣重口味，非常惹味🤤-👍🏻明爐青檸酸辣魷魚 $168推薦！呢個都係比較少見原條魷魚用明爐火鍋上㷫住食厚肉大條，鮮嫩爽彈，完全唔韌又有鮮味以酸辣汁煮，充滿青檸蒜香味，開胃辣得過癮🤪-👍🏻泰式脆炸豬手 $228 豬手肥瘦適中，肉質軟嫩唔乾柴，帶豬嘅油脂香肉身醃得鹹香，外皮脆卜卜好香口配泰式酸辣汁，豬手點呢個酸辣汁都幾特別嗌豬手仲送啤酒2支，抵玩🤣！-👍🏻泰式燒牛肉 $118安格斯牛燒至七成熟，牛味濃郁好重炭燒香同黑椒辣味🤤配泰式燒肉汁，同樣酸酸辣辣-👍🏻原個椰青鮮蝦焗飯 $108椰奶香甜好突出，仲會食到一片片椰肉份量比想像中多，塞

呢間係童年回憶，估唔到十幾年後再幫襯，入座後未消費先受氣。一行人坐低用水清洗碗筷，洗完有個阿嬸無啦啦行埋嚟好惡話：啲冰水係用嚟飲，唔係用嚟洗碗㗎，我都未拎熱水比你洗碗，你咁快洗碗做咩呀一行人感到莫名奇妙，洗個碗都無啦啦比個阿嬸鬧，佢從來無拎所謂 ‘洗碗專用熱水’ 比我哋，佢擺完碗筷後就走咗去，然後當五分鐘後客人洗哂碗筷佢又突然走出嚟鬧人無端端被鬧即刻無哂mood，唯有快快走人轉場，九龍城大把選擇，不用再貼錢買難受。

好少去九龍城，見呢間金蘭花舊舊地，同老婆入去試吓，食過就知好味，價錢公道，又無加一，我亦罕有寫食評，但吃過這餐感覺良好，執筆讃賞一下，希望多啲呢種良心小店，貨真價實，可以生存落去。但因為到 OpenRice 出此食評，而發覺一些針對性的不實文章，不得不丈義發聲一下，那有人喜歡食燒全熟的牛肉（全熟你又話鞋啦），吃燒雞翼，整隻雞翼全燒，那有可能雞翼肉會滑？本人亦叫了一客燒牛肉，牛肉質素是上乘的，而師傅燒工了得，燒到只有半熟，內裏粉紅色，牛肉入口𡛺軟無根，牛肉味濃，我和老婆非常享受，吃一片讚一次。另外半打串燒，3串雞，雞肉醃得非常入味，雞肉亦很嫩滑。3串豬，亦好味但比較普通。炸蝦餅亦要讃賞，每件都厚厚，大大件，每件都係彈牙的蝦肉，超好食。最精彩不過是他們的咖喱蟹，大大隻肉蟹，蟹肉新鮮，襯托濃濃椰香的咖喱汁，只係 $368，非常抵食，如果咁都話貴，簡直是貪婪。我同老婆作為退休人士，好耐無試過食性價比咁高的一餐，衷心希望呢間小店，可以持續落去，落筆推揚一下，比更多人知道有此良心食店，祝生意興隆！

首先啲食物質素好差，啲串燒牛肉唔熟，雞軟骨有種酸味又係唔熟，濕炒河咸到不得了，濕炒河啲芡汁杰撻撻，喊到不能入口，串燒雞翼肉質非常嚡口，唯獨芒果糯米飯可以，其他食物質素好一般，泰國菜嚟講九龍城有好多好多間好過金蘭花。👎

嚟得香港食泰菜梗係要去九龍城啦，除咗大众点评 及朋友推介，都叫我去九龍城呢間「金蘭花泰國菜館」，佢哋話係平民「米芝蓮」，價錢抵食唔貴，但係食物質素非常超班，聽講話係全泰國班底，泰國廚師之前亦係泰國米之蓮餐廳廚師。  我哋一行5人，先叫咗小食頭盤，木瓜沙律非常正宗，木瓜絲爽口，甜酸辣味道非常平衡，超好味。酸辣去骨鳳爪沙律亦非常唔錯，完全泰式風味。泰式蝦餅好新鮮，師傅把蝦肉打得彈牙爽口，蝦肉鮮味，炸到恰到好處。泰式燒牛肉簡直冇得頂，牛肉香味濃郁，入口軟滑，加埋個點燒牛肉醬汁，一絕。泰式豬頸肉亦叮噹碼頭，一樣咁好味，師傅醃味及燒功恰到好處，豬頸肉邊有微微火炭味，而豬頸肉中心又保持柔軟，簡直一流，正。最精彩都要數「黃咖喱蟹」，隻蟹好大隻起碼有斤半，都只係 $368，黃咖喱汁明顯表現出㕑師功夫超卓，咖喱汁香濃有椰汁味，但又有蛋味，非常鮮甜，我們配上蒜蓉包，又係絕配。不得不提，連蒜蓉包都可以整得咁好味。 冬陰功湯我哋叫咗個中size，都好大好夠飲，非常泰式，用料足夠，有好多隻新鮮蝦。明爐烏頭魚窩，條魚新鮮不在話下，問題就係個魚湯酸酸甜甜師傅調教味道適中，非常開胃好味。 我哋第一次食鯽魚沙律，朋友推

雖然身邊好多朋友鍾意食泰國菜都已經向我推介過九龍城嗰間金蘭花，話真係正宗過正宗嘅泰菜，完全泰國廚師、泰國侍應、全泰班底。但係星期六試完真係覺得超級好食，冇得頂。大力推介佢哋嘅泰國脆炸豬手，好抵食仲送兩支啤酒。豬手好入味，炸到脆口，最啱要來送酒，簡直一流。另外我哋叫咗個泰國芭堤雅燒雞，泰國人嘅醃料的確係另有一手，隻燒雞醃得好有泰國風味之餘，亦係好入味、好惹味、好香口。另外就係我自己嘅至愛，叫咗個咖喱牛腩，個黃咖喱牛腩，咖喱汁簡直一流，師傅好有經驗，有椰香又不失有咖喱味，非常 balance,  而啲牛腩亦都煮到腍晒，送飯餸蒜蓉包都好正。我哋個個都鍾意食黃咖喱，於是我哋再加單，叫咗一個法式大圓咖喱雞包，又係好抵食，黃咖喱超正，麵包質素一流，點啲黃咖喱一齊食，真係冇得輸。 馬拉盞通菜，熱辣辣炒得好好味，明顯廚師功力深厚，啲菜炒得啱啱好，唔會過熟淋晒。我同幾個朋友食得真係好開心，個個都大讚九龍城金蘭花啲嘢食，的確名副其實，好美好食之餘，價錢亦好平又唔加一，的確係一個好去處！ 👍🏻👍🏻

每當想食好嘢，都會諗起九龍城金蘭花。今日細女生日，阿女都自己開口話要去九龍城金蘭花。 我哋先嚟一隻泰式海南雞, 雞肉嫩滑有雞味，但係又去晒骨好食又方便。之前次次嚟都會叫佢嘅咖喱蟹, 次次都食到舔舔脷, 今日專登試吓平時未叫過，但係又好想試吓嘅「泰式鯽魚沙律」，上菜時賣相已經好吸引, 食落又真係好好味，師傅手工精細，先將魚肉起片炸，新鮮嫩滑，再將魚骨炸到脆香，再淋上一個極有泰式風味嘅醬汁，整個餸就變得別具吸引力。佢哋嘅沙嗲真係冇得輸，有佢哋自己嘅獨特腌料方法，啲沙嗲雞翼好香口好惹味，再嚟多一客我同阿女嘅至愛，泰式蝦餅，呢個幾乎係我哋次次嚟金蘭花必點嘅餸，每次都一樣彈牙、鮮味、又厚又大件，好食又抵食。再加多一個炒芥蘭同冬陰功湯。我哋今餐好完美，最緊要乖女滿意，金蘭花水準穩定，好食之餘，又大件夾抵食，值得推介！

九龍城必食泰菜, 高CP值 生蝦必點系列, 擺盤賣相有心思, 生蝦夠彈牙爽口, 配上一片苦瓜, 辣椒及蒜, 一流!  另外蝦頭炸到脆卜卜, 好香口, 非常有心機做泰菜, 要加分! 👍🏻👍🏻青咖喱雜菜一上枱已經非常吸睛, 賣相吸引, 吃落青咖喱味道調配一流，微微辣非常好味.Phad Thai食呢度嘅泰式金邊河粉就會知道佢哋嘅師傅功力非常高班, 炒得啱啱好, 不會太油膩, 但味道調配非常開胃, 蝦球新鮮彈牙. 泰式拼盤呢個非常抵食，可以食到彈牙嘅蝦餅, 惹味嘅雞沙嗲, 濃郁嘅紙包雞同埋齋春卷, 好味抵食.芒果糯米飯最後加一個芒果糯米飯, 非常完美, 糯米飯恰到好處, 煙煙韌韌不會生米, 配上新鮮甜美芒果, 加上充足椰漿, 超級好味! 👍🏻👍🏻金蘭花啲嘢食係好得嘅，咁多年都保持高水準，所以每當我想食泰菜都別無他選！

舊同學聚會，梗係去九龍城金蘭花啦，我哋以前係城大成班同學都已經成日嚟，唔係因為金蘭花啲嘢食平抵食，而係佢哋啲嘢食質素真係好高。好似今晚我哋叫咗炸豬手同幾年前一樣，仍然都係送兩支啤酒，好食唔再講，又真係好抵食。次次都食佢嘅咖喱蟹，今次我哋專登叫咗咖喱大頭蝦。金蘭花一向嘅咖喱都係冇得輸，好香濃、好幼滑，大頭蝦又好好肉，抵食，我哋叫咗抓餅嚟配。以前就成日食佢個烏頭爐魚，貪佢魚湯好清甜，酸酸好開胃，今次我哋專登叫咗個冬陰功明爐烏頭魚鍋嘅，個湯係微辣、酸酸地，更加惹味。好多泰菜餐館都已經冇得食糯米雞翼，佢哋嘅糯米雞翼啲糯米加入冬菇粒同埋蝦米仔，超好食。豬頸肉一向都好食好惹味，食完唔想停，跟住再嚟多個菠蘿炒飯，呢個就見到佢哋師傅嘅真功力，菠蘿炒飯炒得好乾爽，又惹味又有新鮮菠蘿粒，再加少少豬肉鬆，超級好味又大份抵食。我自己嗰杯芒果沙冰都要讚一讚，芒果味好濃，飲落去透心涼。每次黎金蘭花都好響享受佢嘅食物，真係一間好有心做泰國菜嘅泰國餐廳，好味抵食，非常值得推介！

最近九龍城熱，同老婆又去探訪下金蘭花。係九龍城有太多泰菜舖，試過好多間都中伏，但除咗金蘭花，食物質素高、價錢平，不過泰國姐姐服務態度就一般。海南雞滑嫩肥美，冇骨啖啖肉，好正。佢哋嘅冬陰功湯，飲過你就知道乜嘢叫做正宗泰式冬陰功湯啦，味道非常有層次，酸辣平衡，蝦球又新鮮，一流。佢地師傅整嘅濕炒河，都係好泰式風味，好好食。最後來一個芒果糯米飯，芒果甜，糯米飯柔軟，加上濃濃嘅椰汁，又係一道非常出色嘅泰式甜品。 個個都話用泰㕑，唔係泰廚就煑得好食，九龍城好多間泰菜舖都好唔得，但金蘭花嘅泰㕑真係高水準，有時見啲㕑出嚟同班泰國姐姐講嘢，雖然唔知佢哋講乜，好似幾融洽，如果啲泰國姐姐識講廣東話，招呼好啲，我諗佢哋生意會更好。我本人只係鍾情於金蘭花。

今日呀女要求去九龍城金蘭花食泰國菜，收工約埋老公三人行，打電話訂位準時7點到，佢哋出名嘅咖喱蟹，新鮮生蝦，燒牛肉已經食過好幾次，我提議叫啲平時少叫嘅泰菜，呀女同老公都讃成。我哋叫咗泰色燒雞，非常泰式醃法，很惹味，好食。呀女點咗個樣咖喱雞大圓法包，咖喱香濃清甜，麵包焗完，香輭微脆，老實，金蘭花的咖喱好味，無得輸。再加一個馬拉盞炒椰菜苗，他們用的是泰國椰菜苗，菜味比較濃郁，師傅功力深厚，把馬拉盞配搭椰菜苗炒出鑊氣，香口之餘，又突出菜味。另外兩個小食，燒魷魚，食得魷魚生鮮，不是雪藏貨，燒得剛剛好，不會過火，大條抵食。蝦餅之前都食過，蝦肉新鮮，肉質彈牙。總括今日非常好味，大部份餸菜都不是常叫，而價錢實惠，大件抵食，所以一想食泰菜，金蘭花必定係我哋首選！

由細到大屋企人要食泰菜，都會去九龍城金蘭花，疫情過去，咁多人北上消費，但我哋全家人心思思都成日想起金蘭花，日前一行6人再去幫襯，不得不動筆推介一下。叫左黃咖喱蟹，黃咖喱好味不在話下，隻蟹大隻新鮮好肉，都係$368-，另外試咗佢個新菜，明爐鮮魷魚，非常鮮味，亦只係$168-。燒牛肉抵食夾大件，牛肉嫩滑又惹味，個牛肉汁最正，$118-。  其他都保持水準，非常出色。最重要係返到屋企都沒有口渴情況，性價比相當之高！ 👍🏻環境就舊咗少少，但係九龍城食野，都冇所謂啦。

適逢朋友生日，我哋就去咗九龍城間泰國餐廳。首先嚟嘅係生蝦刺身去泰國餐廳點都會點叫呢碟菜。呢碟菜嘅擺盤好特別㗎，佢下邊係有苦瓜嘅，上面就有紅椒。我呢就點佢嘅醬夾埋苦瓜一齊食, 味道唔錯，新鮮。 佢隔離有啲炸蝦頭，我哋就冇曬到嘢，食埋佢！連殼食好好味！（補鈣啊）燒豬頸肉呢個正常發揮，醬汁同肉都好味燒牛肉醬汁同肉都好味清湯邊鱸魚呢個就普通泰國餐廳都食到，正常水準泰式冬陰功啲蝦非常新鮮，啲湯好好飲，好開胃馬拉盞炒通菜熱辣辣食，炒得好香咖喱雞焗法包呢個就雞肉少咗啲，咖喱味唔夠濃，整體普通。 椰汁糕呢個椰汁糕，椰汁味好濃，甜度適中。做甜品啱啱好。芒果糯米飯呢個一定要叫，糯米飯熱上，再淋上椰汁同埋甜嘅芒果。我就好鍾意食。

東南亞料理是誰的愛當然是我的🤤近來發現一家好吃的泰菜了🥳離九龍寨城公園不到1km！而且居然已經創立了30多年了味道就像是在曼谷吃的一樣🥰.🏝️泰式大圓法包黃咖喱🐥要試！濃濃咖喱香 配上鮮嫩的🐥肉尊的好吃😋.🏝️泰式明爐烤魚真的很新鮮魚肉鮮甜很嫩滑配上泰式酸汁好滋味.🏝️泰國鮮椰青🥥一口就到了海邊🌊真的好清爽解膩.🏝️泰式香燒牛肉🥩肉質嫩滑 烤得好香！金兰花泰国菜馆真不錯😊😊