金記冰室 (都會駅) (已結業)

今晚同老婆兩撐枱腳，好失望，75蚊一個海南雞飯，份量小得可憐。明明叫咗油飯，賣晒又唔出聲，上咗枱見到係白飯，問返職員，先話賣晒。碟雞除左份量小，仲唔係海南雞，根本係一碟白切雞。

同朋友去食午餐，等咗勁耐，朋友們都食完曬，都仲未嚟。諗住吹下個餐，點知啲侍應叫極都唔認機，坐係個啲收銀位附近，收銀位有兩位女侍應，明明舉起手眼望眼，都可以唔理我😅😅叫咗幾十次都唔應機，最後要發火經理先嚟，收銀位嘅兩位女侍應都冇俾過任何回覆我，嬲到我要退餐🥰🥰最後想講兩位女侍應加埋成百歲都唔識do ，成件事變到咁，我想要個回覆姐，正正常常冇人想為難邊個，串到喊又反曬白眼咁，搏俾人鬧🙂真心多謝金記冰室嘅良好服務態度。

最近要係呢度開會，要確定快既唔漏單就食金記，如果夠時間就三哥。自助落單幾方便。嚟緊有兩三間新餐廳落成，好期待。兩次，TEA加早餐下午茶叫左個乾炒牛河，都……幾細碟💪女仔食都唔夠飽。早餐就貴👎，差唔多$50／個碗通粉係細size跟餐只得細茄通／凈公仔麵☹️🤮btw呢度太陽蛋,😰……（如圖）我估佢都唔係用日本靚蘭王（能生吃）蛋，所以大家點要避開叫太陽，炒蛋就算。最好食係塊豬扒，薯餅。題外話：冷氣未算夠凍，（我知窗邊仲熱）因為近知專橋位，建議大門再落膠片，或者真係再開大冷氣。門口姐姐service好好，好鬼nice.

早放工同同事嚟食下午茶，見到麵包櫃嘅包好吸引。餐廳又大卡位又多，坐得幾舒服，qr code點餐好方便，每人點咗一款主食，再點咗包同蛋撻，食物有啲唔錯，有啲普通。大大個脹卜卜嘅包。蛋撻其實可以，不過唔新鮮擺得太耐真係唔好食。喺包櫃烘到乾晒，食唔到。生炸雞髀米粉配火腿烚蛋沙律，雞髀大外脆內嫩，一啲都唔乾，好耐無食過呢種沙律喇。金牌乾炒牛河，少少油，不過個味幾好，炒顏色又均勻。白汁濃厚芝士焗魚柳飯，已經要求多汁，我哋唔係大啖大啖咁撈汁嘅人，食到一半已經無晒啲汁，啲飯偏食剩三份一乾我哋食唔到。香滑錫蘭奶茶。好立克。+$10綿滑蛋白杏仁茶，好飲

其實茶記食物大家都差唔多，最緊要出餐快因為大多食茶餐廳都係趕時間，同埋收得咁嘅價錢，呢間金記嘅服務水平真係低！叫個午餐15分鐘未見影，叫咗姐姐追兩次淨係得喇得喇，又唔係人多，差唔多兩點等咗半個鐘，連下午茶都出都未見影！真係要趕返工叫佢同我取消張單，佢仲叫我等多一分鐘，我話真係趕時間叫佢轉外賣，個亞姐仲嘆慢板慢慢來，真係痴晒線！D亞姐全部懶洋洋唔想郁咁，呢間嘢真係超垃圾，請著呢啲伙記真係倒米，下次真係咪攪！

自從金記冰室係屋企樓下開左分店後，我地已經好少係屋企煮飯，經常同老婆放工直接約係金記等，醫飽肚先返歸。😁調景嶺的金記冰室位於都會駅商場1樓，樓底比一般餐廳高，高身玻璃可外望將軍澳市景，加上卡位比例多，整個用餐環境都非常舒適。😙餐廳採用自助電子落餐系統由客人自己落餐，但我見到食客落單遇到問題時，店員亦非常樂於協助。👍🏻今晚我同老婆、表弟一行三人點左兩個餐再加兩款小菜，總共有四款小菜加兩個飯，肯定夠哂食。😆鹹蛋蓮藕蒸肉餅山配白飯 $65餐廳最近推出的肉餅山份量唔算好多，不過老婆好鍾意食，肉餅口感軟淋，賣相吸引，加上原隻鹹蛋同蓮藕，爽口又惹味。😋韮黃蝦球炒滑蛋 $72$72的蝦球炒滑蛋，蝦球又多又大隻，爽口彈牙，炒蛋唔乾，大大碟，性價比非常高。👍🏻無骨海南雞飯（跟油飯）$72晚市來金記我地一定會點呢個海南雞飯餐，跟餐有湯、油飯同飲品，雞肉熟度剛好，口感非常軟滑，沾上薑蔥和醬油，配飯食一流。😍金銀蛋肉碎浸時蔬 $68用大湯碗上的金銀蛋肉碎浸時蔬份量正常，鹹蛋粒都唔少。凍檸檬可樂 $3跟餐只需加$3就可配凍檸樂，可樂原罐上，配上檸檬冰底，我同老婆兩個人share都夠飲。👍🏻紅豆冰 $10紅豆冰椰

夏天那麼熱，不想晚晚煮飯，有時去茶餐廳食一下小菜套餐也不錯。見金記冰室有二人小菜套餐$165，菜式也有很多選擇例如欖菜肉鬆四季豆、椒鹽豬扒、粟米魚攞咕嚕肉等，而且包湯、飯及飲品，便去試試。客家沙薑雞很久沒有吃過砂礓雞在不少茶餐廳只有白切雞少有沙薑鷄，想不到這個家常便飯的二人套餐也有此個菜式XO 醬🦐球西蘭花很喜歡吃西蘭花有益又好味，這個西蘭花炒得熱辣辣，色澤翠綠，份量也不少。蝦球也大大的，而且有豐富的蛋白質，兩款材料都是健康之選。加了$10 要紅豆冰，好消暑好飲！

由於食物差價錢又貴,好耐無去食,熱咖啡永遠都係有陳怪味,次次投訴個經理都話太多奶,換個杯,所以,以後不叫,點知今次仲激死,叫左個午餐,生炒牛肉飯,送到來比佢嚇死,6拾幾元的餐,竟然是大獲飯,先炒定,然後拔比客,街道的三菜飯仲好過佢,當客人老親,以後黑名單

來食早餐，點咗沙爹牛麵同豬膶米。米粉湯完全無味（我地係口味算淡個d）沙爹牛就一般（依家都無幾間係得），份量少應該無下次。。希望快d換第間。。。需要80個字。。麻煩。。。

呢間連鎖餐廳喺調景嶺開咗唔太長時間，經過都總會見到有人排緊隊，今日無咩人排隊，又比大大個菠蘿包吸引，決定喺度食下午茶。餐廳座位係幾好，差唔多全部都係卡座，食物種類都幾多，QR code自助點餐好方便，而食物味道方面有啲唔錯，有啲就有少少失望。酥皮蛋撻，個皮都酥化，唔錯。菠蘿油，好大個好飽滿，不過包烘到太乾。生炸雞髀米粉配火腿烚蛋沙律，雞脾新鮮炸起又唔鞋，成個餐好豐富。白汁濃厚芝士焗魚柳飯，已經叫咗多汁，食到後面無汁，太乾根本食唔到。金牌乾炒牛河，雖然偏油，但個味幾好。熱香滑奶茶熱好立克。綿滑蛋白杏仁茶。

每次經過都见有人在等位，今晚做節，應該好d.又係家留下。就不如去望下！真係揀了適合的日子。個個返嗮屋家食飯。今晚和仔仔叫了四個大餐過節！好厲害！食豪d.先來一個西冷扒又來一個炸雞脾加沙律火腿泡麵餐再來什扒餐最後 encore 薯條先開心分享埋單只需大約$300好！先分享一下今晚叫嘅嘢食先！西冷扒是厚身的，比預期在茶記食的好。如可選擇熟度就更完美！炸脾好crispy又不油。這個什扒不得了，係鐵板上。是薄牛扒。但又有豬同雞。可滿足的食肉狂的我這杯冰圍奶茶简直要試。如喜歡飲奶茶。茶味十足。我影了扒餐作回味之用。特別係深宵時間。另外原來有egg tarts外買或堂食。

週末食個簡單下午茶，餐蛋公仔麵。結果等左大半個鐘都未黎！追左個服生好多次先等到有野食，但係結果好難食，從來未試過咁難食的餐蛋麵。一個餐蛋麵真係好難會唔好食，不過佢做到啦！餐肉超薄，麵底好硬，成碗野又好似凍晒咁。飲品叫左個熱杏霜，杯野係杰撻撻的凝固物體！真係好恐怖，點解咁都可以拎出黎比人飲架！🤢食過其他地方的金記都唔係咁。一定唔會再幫襯呢間，唔使錢都唔食！😡😡😡😡😡😡😡 😡😡😡😡

外賣下午茶$51正價$65的星州炒米用細碗裝都唔緊要！ 一半都裝唔滿！ 小朋友都唔夠食啦大佬！ 下午茶正常都係平d 價錢食到差唔多野而家呢間野，就話下午茶係少d大佬呀， 你而家唔係收$25 收左正價8成既錢， 俾既野就得4成！ 有無咁離譜呀！ 好啦，打去問， 佢又炒多一份出黎幾好野呀， 又係半碗都無既又話公司制度係呢個份量咁你份餐牌唔好影一碟出黎啦而家有商品說明條例架你試下擺返一碟出黎俾我睇真係未試過食野食到咁忟無良餐廳巧立明目….咁樣搵錢都得！？

如果大家想食兒童餐份量 記得食呢間!!! 呢個下午茶50元一碟乾炒牛河 老實講 下午茶價錢已經唔算平 我預左份量係無咁多 但會唔會少成咁 細得可憐 完全唔捨得比人食！！ 一個手掌既份量 基本上三啖食哂 你一係就括住係個menu到寫輕盈或者超迷你 個圖就影到牛龜咁大碟 黎到好似細蚊仔玩泥沙咁 後尾索性同佢講加錢換過碟正餐份量算 點知炒完出黎都係多左少少 大佬 唔好侮辱我好無 下午茶係細都唔會細到咁 你比少d牛肉我都無咁嬲 最慘係河粉都唔捨得比人食 河粉好貴咩 同個職員反映完 佢只係話下次會換過張圖 咁講法佢地係完全無諗過改善個份量 $50 蚊下午茶呢個份量完全可以話差過人地其他冰室走先喇 係咁先喇 唔會有下次

每次放lunch都見勁多人排隊，所以冇機會試，今日因為工作要同同事食個early dinner，終於可以避過人潮試吓啦。佢嘅二人晚餐都幾抵，住附近如果唔想煮，都值得一試。我哋揀咗咕嚕肉同埋XO醬蝦球炒西蘭花，兩個人食分量剛剛好，唔會太多。睇Menu覺得好吸引，所以額外叫咗個金磚風沙炸豆腐，即叫即炸，熱辣辣，重點係豆腐入面勁嫩滑。$200都唔使有湯有餸有飯有嘢飲，其實叫汽水都得，不過同同事都食到好飽，所以叫杯檸茶消消滯。最重要嘅嘢梗係要留返最後，呢個芝士西多士真係超級出色！估唔到芝士同西多士係咁夾，鍾意甜品嘅人一定要試一試。