金記冰室 (香港仔中心3期)

营业中

休息中

其實本身諗住去馬會買張六合彩，點知原來馬會已經執咗，變咗呢間冰室，咁就入去填吓肚。等緊位嘅時候見到佢啲蛋撻好吸引，坐低即刻叫半打孝敬家人，三個牛油、三個酥皮。好彩叫得快，另一枱客人遲我哋5分鐘叫，已經賣晒。佢嘅蛋撻，放咗幾個鐘先食，依然好脆，欣賞佢嘅蛋唔會太甜。包裝得體，買去朋友屋企作客都見得人。呢間冰室好大，夠闊，坐得好舒服。老公叫咗個炸雞髀配迷你西多，佢哋雞髀可能係我暫時食過最欣賞，因為皮脆肉滑！配埋杯檸樂，真係好爽！佢食物嘅選擇真係好多，我哋仲叫咗個鐵板西冷，牛扒厚度適中，肉好嫩，大大塊好抵食，配粉、意粉或薯菜都得！又有幾款汁揀而乾炒牛河都好夠鑊氣，但又唔會太油最後見到佢個特別Menu有個冰鎮豬手，少少麻，唔會太辣，好彈牙。食咁多野，$300有找，超值。

今日同男朋友去左香港仔行下，放假悶悶地揸車入左去行下下午茶時間男朋友提議去食「金記冰室」！下午茶簡單叫左幾樣野食！估唔到平日下午，餐廳竟然都滿座，我地等左一陣先可以入座。我地叫左3樣食物蛋撻男朋友好鐘意食，曲奇餅皮蛋撻，入口鬆化香口，中間好滑溜，撻皮好香牛油味！我地再叫左一隻炸雞脾，雞脾即叫即炸，好香口好juicy我地一人一啖，好快食哂我地再叫左一個干炒牛河。鑊氣重，唔會好油膩，牛肉份量又多，河粉乾身又濃味

至愛茶餐。。。「金記冰室」自從香港仔有「金記冰室」進註後，我已經變咗常客，因為地方大超快有位，加上自助落單，簡單快捷。這裡的茶餐亦都系我心水「沙嗲牛肉麵」「炒蛋配多士」$50 價錢合理，天氣咁熱不能缺凍飲加$3 凍駌鴦「沙嗲牛肉麵」麪質略硬，要等多陣，浸多陣先食得；沙嗲牛肉煮得好食，牛肉夠稔又香，沙嗲醬混有花生醬香，超惹味，份量又足，食完已半飽。「炒蛋配多士」炒蛋鮮黃，蛋香嫩滑，份量亦不少，多士正常水準。「凍鴛鴦」少冰，但係都吾少冰。奶多香滑，茶啡平衡得準確，幾啱我口味。

今日唔想煮飯同屋企人一齊出街食飯，就去附近金記冰室新開左咁耐都未去過😗呢度都幾大間同埋好多卡位，私隱度好高，唔洗等卡位坐👍🏻見到呢一個重慶口水雞套餐已經就叫佢啦流晒口水，例牌來講算係好大碟好多雞肉，口水汁來講唔算好難上面一層嘅花生碎同埋辣醬勁好味！另外在叫咗呢一個黃花魚套餐，原來係一條香煎到好趣卜卜嘅黃花魚，都算幾大條。煎得幾香脆幾乾身唔油膩，啲骨都炸到脆卜卜食到！天氣咁熱梗係照返啲特飲啦呢一杯呢就係鹹檸檬白檸，爽曬！好為食叫咗個白檸豬手，甜甜酸酸辣辣好開胃，呢個係凍食嘅，茶餐廳來講算係唔錯好多選擇！最後最後叫咗個金粒西多士配雪糕，再加埋杯熱奶茶茶走，超級滿足嚟到都可以食埋甜品先走🤣個西多士細細粒一啖一粒，熱辣辣新鮮炸起好香雞蛋味，中間啲麵包都係好軟熟。值得一試下午茶都可以嚟呢度食!

行過見到呢到有間之前食過好食既金記冰室，就再入去食個飯🥰🥰 🥰xo醬蝦球炒西蘭花🥰 呢個整得好鮮味，西蘭花吸收哂個醬既精華😳蝦球好爽口，入面仲有d菇類好好食😋😋  🤗法式小元貝焗魚柳意粉🤗 個醬汁十分香濃，唔會焗到太乾小元貝都有幾多粒，魚柳好鮮甜軟滑😉😉  🙂新鮮菠蘿咕嚕肉🙂 呢個咕嚕肉好入味，但肉質有些微偏乾而菠蘿就好驚喜，十分清甜😋😋  😎抹茶豆腐花特飲😎 呢個好新奇丫，豆腐花放左係底，上面係好香濃既抹茶，估唔到配埋幾match幾好飲💓💓 😆咸牛肉炒蛋軍艦😆  個麵包好鬆軟，炒蛋勁滑，加埋咸牛肉同甜甜既蕃茄醬，口味十分豐富😚 😚金記三文治😚 公司三文治係勁令勁豐富丫，有勁厚午餐肉，厚蛋，火腿同芝士，仲要有雜果沙律😳😳好正丫💓 食咁多野埋單人均$143,如果諗唔到食咩都可以揾下附近既金記食，好食又夠乾淨，性價比高🤗🤗 

呢間金記冰室位處於香港仔馬會投注站嘅舊址，鄰近巴士總站，交通方便，坐位以卡位為主，舒適寬敞。鮮茄濃汁焗豬扒飯：豬扒飯份量頗多，飯底係用上炒飯底，佢哋嘅豬扒夠哂厚，肉質夠哂淋，呢度嘅番茄汁係獨家秘製，番茄味夠哂濃之外，調味得宜，再鋪上滿滿嘅芝士拎去焗，未食都聞到香，食落層次仲好豐富。無骨海南雞飯：佢哋呢度用嘅油飯好香雞件起骨處理，雞肉嫩滑，雞味十足，附上嘅薑蓉同埋酸甜雞醬，兩者同雞肉嘅味道好夾。金磚風沙炸豆腐：份量都幾多，即叫即炸，所以熱辣辣脆卜卜，金黃香脆嘅外皮，內裡係嫩滑無比嘅豆腐，口感獨特。

兩個人來吃下午茶。*番茄焗豬扒飯*上桌熱辣辣，醬汁還在滋滋叫，甚有好感。咬一口豬扒，軟滑無筋，唔錯唔錯。吃一啖飯，嗯！腍啤啤嘅？犯了焗飯最常見的錯誤，可惜可惜。*咖哩雞扒意粉*咖哩汁分開上，汁中有一小塊薯仔。雞扒睇落幾香脆，大小以下午茶來說是適中的，但整體賣相不吸引。意粉煮得腍了少少但還可接受，雞扒都夠味，可惜是那咖哩汁一點香味和辣味都沒有。最好食是那舊薯仔。叫下午茶加$16可加一碟油菜，大大碟，豉油汁清爽，抵食。

金記出名又平又抵食,價錢平民,當然要黎食下野啦!我地今日點左自選小菜二人餐兩個小菜係欖菜肉崧四季豆,栗米魚柳包兩碗靚仔白飯,兩杯熱飲及餐湯,$148$148就有咁多野食…寫係二人餐,四個人食都得麻辣雞片米線$40 (配凍利賓納)微微辣,越食越過癮,又夠大碗客家飯沙薑雞(例牌)$68我地要餐,另加$15,有白飯,餐湯,飲品!我地要紅豆冰$再加$10再加多個炸薯條沙律$32食咁多野都係$319!好抵食!完完全全滿足到我地5個大人,超開心!

好少去香港仔，不過行經過，老公話金記唔貴又好味，所以就入去試下。入到去，平日黎講都算唔少人。坐低之後，侍應俾左2本熱水，再看看，原來每個座位都有自助熱水供應，真係好體貼！老公點了海南雞飯，而我一直都係鐵板fans, 而且價錢又唔貴，阿姐仲話alipay 印花有八折，更系試la!老公話海南雞味道唔錯，我個鐵板d扒同肉全部都好味，只係薯條份量多，不過炸得普通la, 不過呢個價錢黎講已經好好。中湯不過不失，特飲選了綠茶紅豆冰，好好味呀，不過個杯設計差，我要倒哂d冰先拎到d紅豆食。整體抵食好味服務又好！下次會再幫襯！

之前見過人哋食銀芽肉絲炒麵，媽咪就話想去食！難得佢咁有主見話想食，就同佢黎品嚐下喇銀芽肉絲炒麵個麵成個金字搭，好有睇頭炒麵好鬆脆，入口好香又唔油膩而個汁唔會太杰，倒落啲麵度時好快同啲麵融和，但又唔係整淋哂啲麵，仲食到脆口嘅口感無骨海南雞油飯油飯唔算特別香，不過海南雞就幾好食喎雞皮超滑，而且雞味夠香濃！四川重慶口水雞呢個比海南雞多左麻辣香味，岩哂鍾意食辣的呢度嘅麻味比辣味重，唔算好辣！而麻味係剛剛好！如果可以辣多少少會更好。鐵板香煎雞扒拼吉列魚柳哇！塊雞扒好大件雞扒煎得唔錯，金黃色的，肉質都好嫩滑，唔會煎到好乾好老！吉列魚柳亦好有驚喜，炸粉夠薄而且仲係熱辣辣的！酥皮蛋撻好多人都話金記蛋撻好吃，所以我都要食下先！果然，係好食過泰X蛋漿好滑，又唔會好甜，蛋香亦好濃！酥皮夠酥脆

👉香港仔嘅金記冰室用上前馬會投注站舖位 ～ 地方大、卡位多，舖面光線充足又乾淨，坐🉐️好舒服👍，自助落單好方便！.📌鐵板美式雜扒 $98 ～ 好大堆頭嘅美式雜扒，🈶️牛扒、豬扒、雞扒、腸仔、煙肉、自選薯菜黑椒汁，乜都有啲大包圍。👉鐵板淋汁嗰吓滋滋聲超治瘉，啲扒都好夠味，粟米🌽用上鮮貨🈶️驚喜‼️👉羅宋湯用料十足，湯底濃厚，估唔到咁好味😋📌自選二人小菜餐 $158 ～ 小菜、老火湯、白飯、餐茶 全部 x 2👉新鮮菠蘿咕嚕肉 ～ 咕嚕肉外脆內軟，肥瘦適中，脆脆外皮沾上甜酸汁好開胃！👏👉椒鹽豬扒 ～ 啖啖肉又唔會過咸，炒過嘅椒絲蒜蓉成亮點👍📌金粒西多配雪糕 $40 ～ 即炸嘅一口西多士，一啖一粒，點上朱古力醬、雲呢拿雪糕，又冷又熱，好有冰火feel!

呢間金記開左一段時間，終於平日中午時間不用排長龍，招牌菜都食得到。餐廳有卡位，有大圓枱，4人坐沙化卡位岩岩好。先叫一人一件蛋撻做前菜，有餅皮有酥皮，雖然唔夠熱辣辣但蛋黃夠香，皮都夠鬆脆。海南雞飯最先上菜，雞肉多大大舊，可惜飯只係白飯唔係油飯，但午餐7x蚊抵食。炒烏冬選擇配海鮮，有魷魚🦑 ，蟹柳，蛤蜊，多餸之餘味道夠濃有鑊氣。仲有蔥油雞扒大大份，雞皮脆卜卜，共有兩大塊大雞扒添。最後食埋厚豬扒超滿足。

鐵板美式什扒💲98＋凍檸水💲3包括有牛扒、豬扒、雞扒、腸仔、煙肉配蒜蓉汁 和 白飯，跟餐仲有湯送，不過蘿送湯咸左少少。上菜時鐵板熱辣辣、咋咋聲、出曬煙，好好火喉；雞扒肉質超嫩滑，咬落仲好juicy，外皮好香脆可口😋；豬扒超大塊，咬落啖啖肉好肥美👍🏻腸仔都好有心思，開了花紋。 地道霸王雞例牌💲68依例牌比例嚟講，雞嘅份量都算唔錯，雞肉肥瘦分佈平均，有啲位好滑，但有啲位係雞胸，調味非常足夠，食得好滋味。 XO醬蝦球炒西蘭花💲70Xo醬咸咸地又有少少辣，配上西蘭花和蝦球 炒得好惹味，西蘭花爽脆，蝦球好彈牙，食得出食材有質素👍🏼。 唯獨是二人的座位比較窄小， 位置不太足夠 去放食物。

近排与友人行完山，渠地提议去香港仔金记冰室；我才知道渠地又开多一分店。食肆灯火通明；布置简洁，令人有一种闲适感觉。食物方面由于冰室走大众化线路，价钱相宜而食物份量十足；味道整体都唔错。就以今次我们所点的扒餐为例，一百元慨铁板餐有餐汤和饮品，主菜可配饭、意粉或薯菜，算系经济实惠 。罗宋汤热腾腾的浓汤内有很多蔬菜，甜甜酸酸甚为醒胃。西冷牛扒配薯菜配黑椒汁 $102两件厚切牛扒足足有8安士，真材实料。厨师火喉控制得宜，约七成熟；因我不太喜欢血淋淋 ，牛味浓郁。美式杂扒配薯菜配烧汁 $98有簿牛扒、鸡扒、猪扒、肠仔和烟肉，全部大大件；肉质淋滑和味道恰到好处。值得一提的薯条是刚刚炸完，所以外脆内软；食到停唔到口。最后便是餐饮，我们叫左热柠檬茶和热柠水，贪渠能去腻和健康些。岂料当饮品送到我地眼前时竟然见到D柠檬每杯有五片之多，真系货真价实。

金記發展得好快，差唔多十八區都有一間，今日去開香港仔都入金記食翻個晚餐先走自選二人餐 $148兩碗老火湯及白飯再配兩杯熱飲老火湯味精少，我自己好快就飲哂兩碗仲食埋啲渣！魚香茄子魚柳煲茄子先油炸，香口，炸出茄子味！肉碎汁都濃厚，但差少少咸香。魚柳皮薄多肉，面頭沾滿汁，送飯一流新鮮菠蘿咕嚕肉炸過既豬肉外脆內軟，咬落有淡淡汁流出！酸汁洽到好處，菠蘿同三色蕉都新鮮鐵板香煎雞扒配吉列魚柳蒜蓉汁薯菜雞扒永遠係金記必點，雞皮煎到香脆，調味適中。魚柳比茄子煲更香脆！客家砂礓雞底牌雞夠肥美，砂礓汁濃厚，就算雞胸都唔鞋口！