金記冰室 (香港仔中心3期)

营业中

休息中

香港仔間金記愈做愈差，我點餐時明明叫要炒蛋但最後攞到返屋企發現係煎蛋，而且隻蛋好細一块唔知以為攞鵪鶉蛋去整，更過份係餐具係爛晒又污糟收銀態度好差，黑口黑面咁，我都未講要乜嘢佢就自把自為落單，最後同佢講轉炒蛋佢個樣好不滿

而家啲早餐價錢越來越貴，份量又越來越少，想搵間好食嘅又難🤪新開一段時間，途經幾次都大排長龍，難得有一次係見到只有一兩個人排隊，即刻走入去食。排隊時可以係玻璃窗見到師傅喺度整緊新鮮菠蘿包，一路睇一路偷師好快就有位啦！爭札緊食豬潤米定鮮牛米，最後香港仔嘅餐廳好少有機會食，最後都係揀咗豬潤米！好可惜個豬潤上檯好失望...因為乾到不行！由於用新鮮麵包做招徠，所以個多士都不過不失！杯鴛鴦係有水準嘅，唔會話太多咖啡味奶茶味冇定企👍🏻

早餐麵包凍，熱都唔熱！同翠華比真係冇得比！輸成條街！唔知係咪隔夜麵包，鮮牛油菠蘿麵包點會係比凍麵包人食？真係好難食！唔該金記管理層自己食下試下！週圍環境都好唔乾淨！地下污糟到不得了！應該好耐都冇掃地冇拖地！仲要係新開張唔夠二個月！衞生好差！睇唔到嘅厨房會唔會仲差？

香港仔都開左金記冰室，之前已聽人講好食，所以約咗住香港仔嘅細妹一齊食晚餐，座位都好闊落，尤其卡位夠舒服，而且新開不久好乾淨，用 app落單，好方便。見到二人餐好抵食，但係又想食鐵板牛扒餐， 我哋都幾肚餓，所以就決定叫曬。鐵板西冷牛扒配薯菜(燒汁) 牛扒份量足，尚算有肉汁，配菜亦很多，一 壺滿滿嘅燒汁，可以自己選擇淋幾多汁。自選小菜套餐(2人份量) 新鮮菠蘿咕嚕肉用新鮮菠蘿好鮮甜，咕嚕肉外脆內軟，非常有咬口，味道好超水準，見到好多人叫。欖菜肉鬆四季豆四季豆炒得香脆， 肉碎算嫩滑，惹味夠濃味， 送白飯一流。二人餐配上白飯，軟硬適中，例湯是沒有味精的。餐飲叫咗凍檸檬茶及凍檸樂， 特別一提檸檬茶有茶味，檸檬比一般多。

呢幾日天氣熱辣辣，係時候要換季了花了一個中午整理衣櫃，已經餓到筋皮力盡，即刻要去食返個late lunch 先好彩今日唔算好多人有即場烘焙麵包每張檯都有自助熱水供應，好貼心口味可以調節的可以揀少油少鹽下午茶：XO醬豬扒炒烏冬醬油好均勻，好有色澤豬扒一啲都唔吝嗇肉質好軟腍，一啲都唔韌西式四寶飯份量都幾多喎魚香茄子飯茄子切得好有厚度，唔會煮到淋pat pat，食落有啲口感個汁都好惹味，不過美中不足嘅係無咩咸魚香，同埋辣味亦欠奉，如果有少少辣味提味會更好白汁粟米魚柳焗飯即叫即焗，啲飯有炒底的羅宋湯粒粒西多配雪糕呢個作為甜品就最perfect最鍾意呢度嘅花多無花生醬餡西多口感好軟綿綿，相信係用每日新鮮既麵包個西多真係好好食呀！

好耐無同屋企人夜晚出街食飯啦👨‍👩‍👧‍👦香港仔終於開番間金記冰室啦，舖頭地方大，環境光猛又舒服，店員有禮貌；用qrcode落單後，約10分鐘就送到，效率都好快⏱ 去到門口已經有人排隊等位，越夜越多人；入到去即睇餐牌有咩食先📜原來有好多款美食，每樣都好正，仲抵食又大碟🍽 點咗三個套餐 + 兩碟餸菜 + 跟餐配兩碗老火湯 + 跟餐配三杯飲品 新鮮菠蘿咕嚕肉 $68開胃餸當然唔少得呢款，甜甜酸酸咕嚕肉 + 菠蘿 🍍+ 洋蔥🧅 + 紅椒🌶 + 青椒🫑，個醬汁撈飯好好食 蜜桃中式牛柳 $75開胃餸仲要叫埋呢碟，炒到牛柳🐂肉質嫩滑 + 甜到入心嘅蜜桃，🍑個醬汁好正 咸魚雞粒炒飯  $56炒得好有鑊氣，少油少鹽，配料足料：有雞🐓有咸魚🐟有菜🥬仲要好大碟，好味又抵食 無骨海南雞飯(套餐)配白飯 $68無骨嫩滑海南雞🐓配花生、蒜蓉及豉油，跟餐配埋碗老火湯，🍚跟一碗白飯 (可以選油飯)，食到津津有味 什菌雲耳浸勝瓜 (素) 配老火湯 $58叫咗份清清地嘅素食套餐，好多雜菇🍄雲耳，仲有爽口勝瓜🥒配白飯🍚 (如果多幾款素食套餐揀就一定仲正)；個老火湯煲得好靚好好飲🥣 雪山菠蘿冰🍍 $30有個大大個雪糕球 +

金記冰室終於在香港仔有分店啦，之前食過金記冰室都覺得幾好，今次開到黎屋企附近，而且地方幾大，光猛乾淨！晚餐自選小菜非常多選擇，2人套餐只係$148包湯包飲品！老火湯係豬骨蓮藕湯，堅好飲！夠足料無味精，飲完不口乾！中式牛柳，有豐富嘅洋蔥之外牛柳非常大塊，啖啖肉最正！另加咗蜜桃，蜜桃香味滲入咗醬汁入面，真係齒頰留香！牛柳肉質非常嫩滑。鹽焗雞雖然得半隻，但份量都幾多，啖啖肉！鋪滿咗芝麻再加咗濃沃嘅醬汁，令到雞嘅味道提升不少。沙薑既質感幾突出！韮黃叉燒滑蛋，最正就係滑蛋嘅質感幾滑， 韭黃豐富咗滑蛋嘅口感，叉燒個份量都唔少！

香港人新開既金記冰室,當然要入黎食野啦!入到黎燈光好好!夠曬光!而且坐位夠闊...食野都好舒服..價錢方面都好抵,平民價太多野食都唔知價咩好...樣樣都好食...最後我地揀左自選二人小菜餐老火湯X2白飯X2x兩杯熱飲 霸王雞（例牌）欖菜肉四季豆 $148海南雞飯$68 黑牛+$10麻賴佳片米線米線(少辣)$40金粒西多配雪糕 $38食咁多野都係$304!真係超級無敵好食...同埋我最欣賞佢地跟一般茶餐廳唔同!侍應們好有禮貌...完全感覺唔到自己係冰室享受晚餐

近一兩年興起冰室，梗有一間係左近。途經香港仔，發現金記冰室進駐了，好大間，坐位濶落，舒服。鐵板西冷牛扒餐食牛扒，羅宋湯最夾。湯底濃稠，蔬菜料足，好飲。黑椒汁淋上牛扒，吱吱喳喳的，香氣樸鼻而來。牛扒份量大，抵食。肉質鬆軟，牛味濃郁，配以黑椒汁一流。配菜薯條多，吃不完啊！懷舊紅豆冰，紅豆煮得軟綿，好香。好彩不會太甜膩。蛋撻應該是必食之一，可惜酥皮己賣清了，唯有牛油皮啦！牛油皮也不錯啊！牛油味濃，蛋香四溢，滋味。

金記冰室版圖終於擴充到香港仔，擇日去試吓吃晚飯。坊間既金記都係細細間，但香港仔這一間真心大，系勁大間添，又夠光猛 ，座位闊落，比香港仔其他茶餐廳舒服好多，所以當晚人客不少，但防疫都做得吾錯，起碼感覺乾淨。點餐採用自助形式，scan QR code 自己食物自己點，我喜歡。效率亦一流，落單後10分鐘內食物已經到齊。「粟米魚柳 」$65魚柳炸得香脆，唔會咬落一大嚿粉，吃到一梳梳魚肉，栗米汁份量剛夠沾到炸魚柳，所以魚柳入口仍然香脆可口，白飯另加$10「菜膽雞」$128份量十足，足足有半隻雞；鷄香肉嫩，略嫌汁多左啲。「鹹檸七」$30呢杯「熱杏霜」$28 抵讚，夠熱夠熨口，蛋白滑香，好滋潤。金記的少菜水準一向吾錯，這間也沒有例外，是四人飯聚的好地方。

一間食完一次唔會再去既餐廳...因為佢地服務差，無溝通，餐廳有好多員工，但全部人唔知自己做緊咩，無一個做到野話到事！由我地一入餐廳，佢地本身有個自助落單既QR 係可以比我地scan, 但佢地完全無比張QR code 紙比我地scan過，咁無問題既，咁我地自己睇完menu咪舉手落單law, 中途見到3個樓面，個個都話轉頭黎轉頭黎，要叫到第4次先有人幫我地落單！ 落左單後，睇番佢禁出黎既單落錯左杯野飲， fine, 叫佢地幫我改番，跟住唔知佢地cut唔切單定係點， 錯左個杯最後都係黎左，都再算，因為係你地做多樣野者，唔影響到我地最後黎番岩我都好Ok！我地係叫左個二人套餐，叫左雞叫左叉燒炒蛋額外加錢要多個烚茶同特飲， 十五分鐘佢黎齊餐湯，炒蛋同烚菜，一路食住等埋個雞黎，點知佢係我地差唔多食哂炒蛋個時，個度都差唔多過大半個鐘....先同我地講.....唔好意思雞賣哂...........講真我叫你個餐有雞有得配其他野食我地先叫，你落左單5分鐘內同我講既話我都會接受到，但你呢家過左半個鐘先講，好唔make sense! 想搵經理無經理係度，最後有個白恤衫既過左黎了解，但佢地既解釋係話因為佢地新開

新開店应该要去打卡，但每次看到人龍都想唔通裹面有金執？今天终于可以试一下佢嘅早歺，等了15-20分鐘！人流多，ok 好味試了牛奶麥皮，預設冇糖，非常好！最怕加了糖嘅麥皮！蛋治咸道適中有口感蛋夠嫰！煎雙蛋剛剛好，最喜歡配歺包，等鮑魚火腿絲通粉就入座等到食完都未見到！不過味道水準都唔錯！外賣多到做唔切！喜歡等嘅就不妨可以試試！

🎉金記終於開到黎香港仔啦！之前响灣仔、銅鑼灣和數碼港都幫襯過，所以都期待，希望快啲試下！初四時間鬆動啲，諗住等下位都無問題。去到預期要排隊等位，不過都唔駛10分鐘，ok啦！早餐黎黎去去都係果啲選擇啦！不過黎度有鮮豬潤通粉餐，就叫呢個試吓啦！另外就叫個穩陣嘅彷鮑魚火腿麵餐。當然黎金記就要試奶茶啦！唔知係新開關係，定太多客，自助落order後，成十分鐘先有野到。先黎係兩杯熱奶茶，奶茶保持水準！不過一早到，食完野飲已經凍晒唔好飲啦！豬潤通、火腿麵同埋煎蛋都係正常野，唔係有咩驚為天人！食晒啲野，吚⋯仲有碟煎蛋脆豬未黎喎！等呀等... 搵職員幫手跟跟，最後搵咗職員3次，千呼萬喚先出來，由落單到上枱要40分鐘😅但係脆豬唔多脆，又唔係熱辣辣，雙蛋都係微暖咋！快快脆食完，飲埋啖凍冰冰奶茶，終於食完個早餐啦！坦白講，開頭大家會試新嘢，所以排晒長龍，但係熱潮過後，都係要靠食物和服務質量先可以留住啲客，始終價錢唔平，成四十蚊個早餐，香港仔仲有好多選擇！希望金記往後日子做好啲啦！

焗飯等足40分鐘，又俾錯焗意粉，等太耐最後想打包走，佢仲叫我自己轉落外賣盒，我話要返飯，自己俾錯態度又差，返到屋企打開外賣盒仲係意粉，😡之前食過康怡嗰間真係冇得比，冇下次