金鳳大餐廳 (D2 Place TWO)

营业中

休息中

港式懷舊風味西餐廳，每到晚飯時段必定大排長龍最少等候半個鐘或以上..每日客席滿滿..源源不絕的渣渣聲鴛鴦扒餐(豬扒+雞扒）$92+1內有餐湯+餐包+餐飲叫完個餐轉..轉個頭已經有餐湯同餐包食..服務效率一流👍🏻餐包暖粒粒又鬆軟..塗上牛油再沾上忌廉濃湯湯，絕配🤤跟隨步伐..餐飲同扒餐隨之而上鐵板餐上枱已經滋滋咋咋叫過不停🤚🏼店員再淋上黑椒汁..一下子渣一聲冒煙不斷..爽🤟🏼🤟🏼黑椒汁唔會太咸...完美覆蓋每一條曲紋薯條..可惜薯條太少不能再三回味..豬扒同雞扒大塊到吾知從何開始..肉質鮮嫩多汁又爽口.. excellent 店員服務一流..淋汁既時候怕我哋被汁燙傷..所以再三幫我哋調整餐紙角度👍🏻

首先，攞咗一大袋外賣返公司，先發現溜咗嘢無俾，要特登返去攞返。點知第二次返到公司，打開咖啡睇，原來得半杯。另外啲嘢食係凍，8，9月份，幫襯仲係好好味，我仲推薦咗俾同事。10月開始失準，好可惜。#無下次

在Open Rice search D2，見到有金鳳，見係老字號就去試下啦！去到已經有人等緊位，攞了號碼飛，等了大約5分鐘就有得入坐。叫了蘇格蘭牛扒， 蒜蓉汁，大約15分鐘就有啦！塊扒係大塊，但係冇肉味，有啲失望。付款要$100以上才可用信用咭，但當時帶唔夠現金，侍應不情願的過咭，結果又可以喎。

西冷牛扒韌過擦膠。成塊都食唔到，都唔係第一次，次次食都係咁，其他扒都冇事，就係西冷完全唔得，垃圾到爆炸，老闆你正視下啦。好生意都唔係出啲咁嘅嘢比客人食架。唔好將貨就價啦！

金鳳其實總店係喺太子～之前都食過一次！特登慕名而去～因為金鳳最出名就係食「炸炸炸」鐵板餐！！d牛扒係鐵板上慢慢暖熟～熱辣辣夾埋d汁真係一流！今晚係D2 Place Phase 2居然發現佢！！仲要好多人排隊食！但d香味實在太吸引啦！忍5住就決定食佢啦！我地仲發現佢有個特別dinner set都幾抵呢！餐包左餐湯+主菜+餐飲！ （特別dinner set包埋沙律同甜品）我地分別叫左一紅（羅宋湯）一白（忌廉蘑菇湯）好足料！好飲！將啲餐包一啲點湯食一啲搽牛油食！講起都開心！🌟胡麻蟹子沙律（跟餐）蟹子比我想像中多！正常！🌟香燒羊扒餐（$148）我叫左個羊扒餐配黑椒汁！羊扒唔騷！點左啲黑椒汁非常好味！黑椒汁就冇金記咁鹹！🤣🤣剛剛好！好野味！佢仲有啲波浪薯條+翠玉瓜+蘿蔔條吸收d汁好好味😭😭😭我清sai！！🌟芝士焗波士頓龍蝦（半邊）西冷牛扒（$180）男朋友配蒜蓉汁！龍蝦d芝士可以拉絲嫁仲以為好頹！牛扒就不過不失啦！但這餐不是配波浪形薯條㗎～配薯格！可能因為咁所以就好快「淋」🌟甜品（跟餐）朱古力雪糕！太冰得太硬我要成個拎起黎食😂😂😂🌟凍檸茶+凍奶茶（跟餐）欣賞佢5太甜！☀️☀️☀️☀️☀️☀️☀️☀️☀️☀️☀️☀️☀️☀️

四人晚餐三份夠食有剩（細食之人）$52美式雜扒：大塊厚豬扒牛扒、半份司華力腸火腿，肉量足夠2-3人，厚度足但唔會硬，抵食$48咖喱豬扒：豬扒切開一件件方便食，但咖喱唔太香辣，作為咖喱唔太出色$46吉列海鱸魚伴千島醬配白菌忌廉汁：可能外賣關係，只係見到白汁，唔覺有其他醬，魚塊完整似平常快餐香煎龍脷柳，唔係乾身吉列，試咗幾件，食落魚肉有驚喜，感覺唔係無味冰鮮魚塊，調味唔會死咸跟餐羅宋湯，蕃茄味算濃，喉嚨有些微burning 嘅感覺，唔太咸3份餐包飲品包餐湯餐包配牛油仔，飯/意份量足，細食嘅人晚飯餐包慳返個早餐

好耐無行D2 Place最近經過先知尼到有間金鳳，知道佢牛排好出名，不過午餐就當然唔食排啦，食翻d碟頭野。全部餐都跟湯同餐包，佢羅宋湯做得幾好味，唔會太酸，多雜菜。我叫左鐵板牛柳配司華力腸跟沙律，牛柳幾嫩，唔un，佢個汁幾入味，而且有d菇伴碟，另外沙律就係我最愛既雜果薯仔沙律。之後仲有個牛粒焗意粉，個汁有d咸，但意粉又無乜味，勝在夠大盤，份量非常足夠。最後個忌廉帶子天使麵，真心難食，帶子又細粒，佢個忌廉汁配天使麵食落好奇怪，唔會再叫！

抵食夾大件 CP值好高🙂🙂 個扒味道正正常常 唔算特別嫩 配上黑椒汁😋 lunch set $60咁鬼大塊!!!!仲要有兩塊😯 餐包微暖 羅宋湯多菜又好飲 重點係真係好抵 大家快d去食😂😂😂

睇戲前喺呢度醫肚第一次食揀咗金鳳推薦牛扒餐(牛小排) 黑椒汁較得幾好 唔會太鹹太辣鐵板餐有驚喜!以為雞扒會冇牛扒好味結果反而鍾意雞扒多d蒜蓉汁好好味唔知係咪因為牛扒冇揀到鐵板呢🤔下次要試返😄

食了幾次都ok, 因本人對牛排無已經乜太大要求。後來一次試過小朋友明明話要蒜蒜蓉汁，點知落錯黑椒汁，佢話拎入去搞搞，點知原來係整走啲汁再煎過塊牛然後俾你食，咁塊牛咪好熟囉？佢話無辦法喎！ok fine, 我又不是吃貴牛排，算了吧。另一次我就叫靚d嗰個牛排(看menu便知，不是鐡板上的)，我們order了兩set半熟的。出來賣相𣎴錯，以為ok, 點知塊牛排是涼涼哋的！佢哋又話入去攪攪佢。等了一會，出來果然好熱！一刀切塊牛，點解是完全熟晒的牛排？！佢哋話無辦法，叫第二種吧！ok 明白哂！

金鳳經常都係排曬隊，今次就嚟到荔枝角D2 Place試吓午餐餐包暖暖地又軟熟，配上牛油唔錯湯都幾大碗，羅宋湯有唔少菜辣辣地ok，意想不到係忌廉周打魚湯仲好飲，夠濃有魚味，以茶餐廳嚟講質素極高黑椒蒜蓉牛柳個汁太勁黑椒味，變左唔係好食得出牛柳嘅味。牛肉冇問幾多成熟，結果可能得3成熟...至少肉唔會韌茄汁魚柳件魚柳好大塊，但係冇咩魚味，唔腥嘅忌廉芝士吞拿魚汁豬扒，豬扒冇咩煎香味，醃料唔係好夾總括：只可以話平價可以鋸到扒，份量夠大，適合哂食肉獸，但係質素真係普普通通

Happy Friday 放工同👦🏻係D2搵食😛簡左呢間充滿回憶既港式懷舊扒房据扒🇭🇰🍽通常懷舊扒房都唔係主打食高質素既靚牛，而係食回憶😝 所以唔會對佢要求太高～係牛扒上淋上醬汁 鐵板既滋滋聲🥩香氣四散～食慾大增 正到不得了🤤🔥香煎比目魚配西冷牛扒 每個月既特選晚餐都唔同ヾ(*´∀ ˋ*)ﾉ除左有餐包、餐湯仲有沙律同特飲跟🍹🥗羅宋湯酸度適中 配料豐富🍅飲落酸酸甜甜好開胃！餐包黎到都仲係暖🍞好鬆軟 搽埋牛油夠曬正🧈沙律新鮮解膩🥬呢個餐可以簡用木板或者鐵板上💕比目魚肉質鮮嫩細緻🐟魚皮亦煎得非常香脆💯牛扒叫左7成熟 都完全唔會韌😋肉質軟嫩得黎又帶咬口，而且都幾厚同大塊同蒜蓉汁好夾😋但牛味就冇乜，不過呢個價有咁多野食又大塊，合格😆✅帶子牛柳餐 帶子超正！煎得表面金黃焦香😍✨肉質鮮甜肉嫩，生熟度控制得剛好 口感帶點彈牙，十分出色💯而牛柳就夠厚身 肉質亦非常軟稔✨比起西冷牛味更加濃郁突出 咬落Juicy有肉汁呢到既黑椒汁惹味得黎唔會辣/太鹹同時唔會搶走牛肉味，真心唔錯🤤❣️整體黎講呢到定價親民，選擇多，抵食大塊，牛扒肉質唔差，性價比都算好高😝🥩唯獨係薯條得幾條同唔夠脆，同冇雪糕食🤣聽聞呢到貴族牛扒好

午餐想開心，又不傷錢包，來這間餐廳真是佳選。星期四午餐A ： 餐飲+餐湯+主菜+餐包 ，滿足口腹盛惠62元。最正的是一般凍飲不用加錢，夏天再開心D。不過今次的餐包略為失色—》凍且乾，不是微溫軟。

傳說中嘅金鳳鐵板餐，聽咗好耐，今晚終於去食餐牌上面實在有太多選擇，我揀咗個牛柳配帶子粒，仲可以加兩蚊配生蒜，因為我唔鍾意見血嘅關係，要求八成熟😆，再加個紅湯。紅湯都係一貫傳統扒房嘅口味，蕃茄味濃又夠熱👍🏼，到鐵板扒上枱，聽到啲滋滋聲就好興奮，唔好以為八成熟會好靭，每一啖入口都係好嫩好淋，再加埋啲生蒜，非常香口，而且份量夠晒大，一個女仔都食唔晒。原本想加雪糕食，點知冇晒朱古力味，朋友叫咗雲呢拿味(唔記得影相🙈)，個面有pat忌廉，食落都好滑，喜歡甜品嘅朋友可以試埋

以前一想食鐵板扒只會諗起花x餐廳...但隨住時間既洗禮 員工既態度 食物既質素 絕對系吾會再回頭 記得岩岩出黎做野果陣友人系金鳳既常客成日都帶我去食 但自從轉左工再離開左香港好耐都冇再食過 咁岩今日系荔枝角美甲見到附近有金鳳 即管去懷念一下味道由於疫情既關系座位都吾會坐得好迫 左右會有吉位隔一隔 👍🏻做生意得黎又有良心 一心要食鐵板既朋友要睇清楚 ☝🏻有d系木板上 有d系鐵板上基本上每個餐都會包餐包 餐湯 同餐飲餐包夠熱夠鬆軟 餐廳可以選擇 羅宋或 是日餐湯 *staff 好細心 會解釋 羅宋湯系無肉*餐飲我另加18數轉special drink 金牛爆珠系芬達+mango ice cream + 爆爆珠小朋友果陣貪心樣樣都想食 所以一定會叫雜扒 乜都有d🥰 同埋一定會叫多汁🥰鐵板熱辣辣 個汁一冧落去 吱吱咋咋 😍爽丫牛扒雖然吾系咩靚扒但都味濃夠淋豬扒厚實👍🏻火腿一啲都唔薄 但又不至於系扒腸條煎得好均勻 雞翼醃製過好入味$130都吾洗就托住個肚走🤫仲要d staff 好好禮貌 枱上基本上吾會有垃圾 因為佢地每行過見到都會收💃🏻🕺🏻