金鳳大餐廳 (D2 Place TWO)

营业中

休息中

最近茶餐廳風吹起，成功入屋。今日老婆係荔枝角附近收工，特意到D2 place 試試人氣港式茶餐廳之選。套餐配有忌廉同羅宋湯，我倆一人揀一款。羅宋湯不太辣且蔬菜湯料甚多，忌廉蘑菇彈牙，再配上熱辣辣既牛油餐包沾上湯汁的確一絕。鐵板熱度非常，咋咋聲色俱佳。煎比目魚外脆內軟，松露味濃。薯條蔬菜亦頗爽脆牛扒新鮮，肉嫩味濃，份量亦驚喜的多冬日佈置處處，充滿聖誕氣氛，店內霓虹燈為懷舊風帶來新鮮感熱菜蜜同熱奶茶也有一貫茶餐廳質素

今天傍晚我係度食晚餐,點咗一客焗豬跟餐飲。連焗飯都食完,杯飲嘅都未到。三番兩次提過侍應,佢只係叫我等,既冇幫我check, 又冇幫我追, 更對我黑面。我自問態度正常,又冇惡言相向,真係唔知踩親佢哋邊條尾。最㷫嘅係見住隔離枱遲嚟先上岸,我再催,佢哋依然冇理到。我就冇咁好氣,直接出去埋單。埋單嘅時候我已講咗我餐飲一直冇到,條友仲繼續計嗰20蚊餐飲錢。我一再強調我冇飲到餐飲,最終佢先明,唔計我嘅餐飲。一句到尾,永不幫襯!!!

在D2 Place逛街，剛好走到金鳳大餐廳決定來點經濟實惠的扒餐😋這間餐廳給我的印象是一間價錢不貴又好吃的平民扒房羅宋湯餐湯酸酸甜甜，裏面的蔬菜幾多，特別開胃忌廉湯餐包值得一讚他們餐包熱上金鳳貴族牛扒牛扒大塊得黎亦有一定既厚度，美國嘅牛肩扒，牛肉的味道濃郁，點了3成熟的牛扒，入口口感鮮嫩juicy , 配上蒜蓉汁相當滋味，旁邊的配菜亦令人驚喜、薯格炸得好香脆，而分量亦頗多焗豬扒飯芝士番茄醬焗的厚切豬扒，熱辣辣上，味道濃郁之餘，佢哋嘅飯底仲有少少蛋絲， 非常抵吃嘅焗豬扒飯凍檸茶

平時都好多人介紹佢哋嘅鐵板牛，今次就選擇咗去食佢哋嘅午餐。午餐選擇有大概4-5款有機會每日都唔一樣。可以選擇南瓜湯或者係羅宋湯，南瓜湯嘅口感非常綿滑，淡淡的南瓜味道非常不錯。除午市套餐更會附上餐飲，我哋就點左凍檸茶。先係魚柳配上沙律，沙律都幾大份，魚柳份量也不少。另外朋友都叫咗魚柳但係就配上意粉味道同配上沙律都唔同，意粉會有另外一隻醬汁。而另外兩個朋友就點左牛扒，呢隻牛扒都幾大件而且啲肉好林，同平時出邊茶餐廳食嗰啲好硬嘅牛扒唔同。享受午餐時間滋味嘅美食，令人整日都心情愉快

懷舊扒房相信大家都不會覺得陌生，港九新界我差不多也走遍了，最後也只會推介金鳳的貴族牛扒～始終牛扒一分錢一分貨，一般在茶餐廳吃到的牛扒都不可以抱有太大的期望，但金鳳這個50周年特別版有令我驚喜的地方！常言道，魔鬼在細節，連牛油餐包我亦一樣有要求，麵包非常鬆軟而且熱騰騰，加上絕配舊式羅宋湯，ichiban哦而貴族牛扒是牛肩肉扒，竟然沒有雪藏牛肉的味道，絕對意想不到，再加上大量生蒜，特別惹味～另外蕃茄意粉亦別有一番風味，絕對推介額外添加！

早半個鐘拎飛 2個人行左一陣過到黎 岩岩好miss左 即刻行過去同佢講佢西口西面咁話等等 要搭台但係我面前明明就有張 2個人既台好聲問：「可唔可以安排果張台？」「哦 唔好意思 因為你遲左 所以果張安排左俾第個」算 見呢間咁出名 服務態度差少少 我忍好 入到黎兩個人坐低嗌埋野食白湯紅湯即刻上 質素可想而知好啦 半碗湯未飲完 為左快啲趕我地走 馬不停蹄咁搬左沙煲咁大塊扒過黎 大佬 張台已經逼都算啦 一野切落塊扒 好似蛋糕咁鬆軟 都知唔係好妥咬左一啖 口感極度奇怪 塊肉應該用一整盆梳打水溂過黎 似食肉鬆 多過牛扒女朋友食左兩啖就冇食我夠膽話 呢個世界上得番呢一間餐廳有野食 我寧願餓死 都唔會再幫襯 又貴

🎄🎄臨近聖誕節，都想食啲有氣氛嘅餐廳，今日就揀咗食細個嘅童年回憶，每逢聖誕節都會叫爸爸媽媽帶我地去食鋸扒，所以今日就決定去食老牌子金鳳！🥣紅湯 🍞牛油餐包作為羅宋湯粉絲，必叫紅湯🤣 湯帶有微辣後勁，好濃味！加上微暖牛油餐包，正！🥩50週年金鳳貴族牛扒 $168叫咗用木板上嘅六成美國牛肩肉，勁大舊肉，不過火喉控制得幾好，所以都好鮮嫩多汁，肉味都好濃！另外，用木板上食得方便啲之外，無咁熱氣，仲有鐵板冇嘅薯格🤣🍛松露汁繪雞扒飯$76雞扒比想像中出色，外皮煎得脆香，雞肉鮮嫩多汁，唔會煎到好乾！另外松露汁相比牛扒嘅黑椒汁清淡，可以轉換一下口味！☕️🥤餐飲可惜冇晒蘋果汁，就叫咗凍奶茶同熱菜蜜！

lunch time同同事一齊去附近食lunch，見金鳳長期都咁多人食就知好食，我地等左陣好快就有位。佢每個lunch都有餐包，同埋可以揀紅湯或者白湯。我就揀咗白湯，偏鹹但連餐包食都ok。叫咗個炸魚柳飯，個魚柳份量好大，炸得外面好香脆，但入面啲魚肉又唔會太熟，入面仲係好嫩滑，非常高質。點埋醬汁調下味一齊食更加好食。個餐包埋一杯野飲，見佢呢度有比較少見嘅杏仁茶，加少少錢都試左。奶白色，質地結身，好香杏仁味，冬天飲暖苙苙。成個lunch其實份量都好大，幾抵食，唔怪得咁多人食啦。

難得係D2睇戲二人世界 當然要一試金鳳既晚餐！之前就已經試過太子嗰間嘅午餐 味道一流 雖然鋪頭細細氣味濃郁 但係食物質素的而且確係其他地方搵唔到嘅 價錢合理 份量足夠 物超所值星期六晚餐時間7:00到達 二人枱都要等45分鐘差唔多30張枱先至到我哋 不過為咗食佢哋嘅肉...就係要做香港人最鍾意嘅排隊到咗我哋就安排左一張二人枱比我地 枱嘅size同太子差唔多 餐廳雖然算係半開放式但係始終鋸扒嘅鐵板係有氣味嘅 其實未行到去餐廳已經聞到鋸扒嘅味道男朋友就叫咗佢哋出名嘅西冷 我就叫咗羊架！我哋兩個就叫咗一紅一白湯餐飲就因為聖誕節所以就叫咗熱朱古力紅湯白湯裏面都有少量材料 飲得就唔好計卡路里啦餐包當然係軟熟 牛油唔係平時食開嘅牌子 不過都有味道重頭戲黎啦就係呢個羊架真係好。好。味。呀！ （周星星反應肉淋唔乾 香氣撲鼻 份量夠大 價錢合理每次都想試下其他野食但係呢個羊架真係唔洗諗！男朋友就選擇左唔用鐵板 用木板薯條就轉左做薯格 仲有沙律做配菜西冷8成熟 無血水 無雪味男朋友做牛肉審評家都話呢件西冷的確一流最後我地清哂枱賣單都只係$300～ 完全合理

個日同一班同事一齊去食LUNCH見到鐵板燒牛排都係40 50 蚊 好抵食又有餐包同餐湯飲 仲有野飲唔洗加錢好親民價~先講講個牛排 🐮佢整到真係岩岩好唔會太硬又唔會唔熟 🥩係鬆軟的 非常好~仲有個個洋蔥汁 都不錯咁其實佢個牛排可以配意粉, 飯, 沙律既🍝🥗🍚咁我就配左意粉 諗住少D啦原來都好多50蚊內食到咁高質既野食👅抵到爆啦, 平時出去食依D都要60 70 蚊依家50內搞掂一於下次LUNCH都去食先, 平靚正👍🏻

你到間房，不能不點鐵板餐，是次光顧叫了兩份鐵板餐，一份是西冷牛扒，另一份是雞扒，先有湯和麵包，麵包暖暖的配以羅宋湯，份量十足，先說湯料，是傳統羅宋湯的份量和味道，給10分兩份扒賣相不錯，而且份量滿滿的，配以薯條和蔬菜，吃吧10分滿足雞扒配上蒜蓉汁是絕配，西冷牛扒配以黑椒汁也相當惹味，你可選擇牛扒的生熟度，符合每個人的不同口味最後不得不提是凍檸檬茶，茶味十足，檸檬是鮮味，一定要試。總括來說，你到金鳳，一定要是鐵板餐，雖然薯條份量不多，但是肉的份量是足夠，而且食物的味道似回到小時候，有興趣是不妨早點去排隊。

金鳳大餐廳原本係太子係老字號扒房，近年不斷擴充開分店，今次我地就黎左位於D2 Plaza既分店羅宋湯、餐包(美味指數: 😋😋😋😋)大大碗，好足料！味道酸酸甜甜，好開胃。餐包比一般据扒大好多，仲熱辣辣，岩曬鐘意食餐包既朋友。餐包浸落羅宋湯再食，係好夾。個鐵板上枱，待應先再淋汁，咁就可以自己控制要幾多汁，同一淋汁，鐵扒既聲係好治療。待應都有貼心嗌我地用紙巾遮住，避免整污糟上衫。大蝦牛扒餐 $138(美味指數: 😋😋😋😋)一上枱真係有點嚇親，塊扒仲大過張碟，仲勁厚！一開始仲驚會否好硬好難切開，但不單止唔會，好容易切，肉身夠淋，啖啖肉。再加上少量薯菜，食完好飽好滿足蘇格蘭牛扒餐 $98(美味指數: 😋😋😋)嗌左3成熟但黎到差唔多8成熟，但份量都算正常，黎塊就比較薄身，但都夠淋，如果生d能夠保留肉汁就更好最後再嗌埋餐茶檸檬茶解下濟，下次經過D2 place會再去試其他鐵板餐😋整體食物質素：3.5 / 5💰性價比：4 / 5👍推薦指數：4 / 5

今日係星期日，我約咗全家食晚餐，由於四個人都鍾意食牛扒，所以就決定去呢一間喺鬧市中俾到人溫暖感覺嘅餐廳食餐好嘅。餐廳嘅裝修色調柔和溫暖，我嘅食慾都俾呢份溫暖嘅感覺帶動起來，味蕾就有如熱情嘅人群等待着表演嘅開始。我叫咗一份頂級西冷扒，食咗新鮮鬆軟嘅餐包之後，飲咗一碗紅湯，然後見到呢塊西冷扒被店員端到我嘅面前，我見到塊扒好有份量就立刻食指大動。我叫咗全熟，估唔到竟然仲係牛味香濃、肉質鮮甜多汁，口感好好。我爹哋媽咪都係食牛扒，都係話好好味。而我哥哥就叫咗個魚，佢話魚油好香好滑，有入口即溶嘅感覺。最後我哋飲埋餐飲，感覺好滿足。呢間餐廳性價比好高，適合一家大細嚟据下扒，享受下天倫之樂。

今次黎到荔枝角站D2出口既D2 place既金鳳大餐廳分店剧扒～～～太子總店就去過好多次喇，但總店位置較迫，D2 place既分店就闊落得多，店員既紅白格仔襯衫都特別有親切感～先order一份美國安格斯肉眼扒餐，配黑椒汁，7成熟，可以揀木板定鐵板上，肉眼扒juicy，較多脂肪，大大份，好抵食～另一份叫左鐵板餐，帶子拼牛柳，牛柳啲肉又軟又腍，肉質鮮嫩，淋上蒜蓉汁，超香～～帶子厚肉焦香～餐湯，南瓜忌廉湯同羅宋湯，同樣足料～～

難得放到長假，可以兩口子外遊，自然要盡興才返。回港後，第一件事當然就是相約好友出來大派手信。友人是個食肉獸，向來無肉不歡，除了生日和節慶外，有時甚至連晚餐，都喜愛以扒入饌，所以今次就由我作主，選了位於荔枝角 D2 Two Place 的港式扒房「金鳳大餐廳」。其實講起上來都覺得自己頗大鄉里，這個商場開了這麼久，這晚還是首次到訪。餐廳位於 D2 Place 二期 3 樓，設計以長方形格局為主，店內地方不算很大，但佈置感覺很年輕，以牛隻橫切面霓虹燈光管為裝潢，加上開放式門面，令店舖顯得格外開揚。先細心研究一下餐牌，嘩！單係扒類套餐就已經有成 20 款，全部可跟黑椒汁或蒜蓉汁，另外亦有沙律&湯、小食&海鮮、意粉&飯、甜品&飲品等供應。友人對牛扒情有獨鍾，第一時間選了客六成熟的美國德州頂級西冷餐配黑椒汁 ($148)，而我就揀了香煎比目魚配松露汁 ($93)，再加 $20 轉做套餐。先上餐包和餐湯，餐包頗吸引，賣相脹卜卜，入口微暖軟熟，配上牛油，味道不錯。餐湯有羅宋湯同忌廉湯兩款可供選擇，我選了羅宋湯，味道很對辦，內有不少的蔬菜，入口酸香惹味。至於友人點的忌廉湯，據說水準亦不俗，夠熱之餘，亦唔