金龍冰室 (已結業)

平時經過大圍，見到藍色門面嘅金龍冰室人聲鼎沸都好想試，今日終於捉到朋友黎陪我食晚餐。常餐（全日供應）沙嗲鮮牛肉湯麵 $35改脆豬 +$5公仔麵永遠係港人的拿手好戲，但估唔到呢度的沙嗲汁嘅水準竟然可以做到「錦上添花」嘅效果！又香又濃郁，公仔麵麵質仲要爽口彈牙，掂！香蒜牛油帶子意粉 $75配餐湯、沙律始終呢度唔係西餐廳，意粉相對之下係失色左少少，但整體合格。黑松露雜菌玉子燒 $60配炸蝦睇到Menu上嘅照片覺得好吸引，上桌時也沒有令人失望，黑松露芳香馥郁，玉子的生熟程度掌握得剛剛好，蛋香四溢又有流心效果！奶茶紅豆冰 $22雖然客似雲來，但環境都幾舒適，唔會過分逼夾，價錢亦合理，真係推薦大家一試！

同fd一齊去食，一入到去店員已經勁好態度，話比我地知紙巾係邊，餐具係邊，上菜嘅時候仲提我地勁多次焗野嘅盤好熱要小心。叫左個英式全日早餐、雜扒餐、黑松露薯條同黑松露菌奄列。諗住個黑松露薯條會好少當小食食下，來到嚇親，係海量級多，黑松露醬香味十足，仲要只係$40勁抵。而個黑松露菌奄列煎得幾好，有少少流心，好有蛋香味。個雜扒餐有雞扒、牛扒、青口、炸帶子、英式腸，分量幾大，女仔兩個都夠飽。青口都幾新鮮，雞扒嫩口，牛扒係西冷，$100嚟講十分抵。至於個英式全日早餐同一般樓上cafe質素差不多，仲要平一大截，抵食！叫左咁多我地三個女仔食得好飽，佢d野份量都幾大，男仔食都一定夠飽。而且裝修都幾有格調，總括嚟講咁嘅價錢有咁嘅質素，非常抵，一定會再嚟食！

一入到去已經覺得環境好企理👍，乾乾淨淨。之後發現 Menu 都幾大本幾厚，好似都幾多嘢食🤤。不過當日同朋友兩點左右去食，原本想試嘅鐵板餐同焗西蘭花屬於晚市供應，唯有下次再去。蕃茄湯烏冬好濃郁，鮮牛肉同煎雙蛋都好好食。友人亦叫咗個芝士汁撈丁，芝士汁濃得來又不會過膩，芝士味十分出色。下午茶餐亦抵食夾大份，絕對唔會因為係茶餐就大縮水！我同朋友先係一致揀西多士配炸物，朋友喜好鹹食，揀咗流心芝腿西多士配吉列豬扒。流心芝腿西多士雖說係半份，但厚度亦有一定份量，芝士流心程度亦都合格，未至於山洪暴發，但都夠賞心悅目。吉列豬扒炸得香口兼大大件，友人大讚！至於我就叫咗紅豆朱古力西多士配炸雞髀，雞髀大大隻，而且炸得香口，絕對係水準之作！而西多士作為甜品，變成一粒粒一口西多士擺得靚靚，上面淋上朱古力同紅豆，以出面食一份甜品來說，絕對性價比高。飲品方面紅豆冰和奶茶紅豆冰都十分足料，紅豆有半杯咁多！龍鳳檸七都係水準之作。總括而言，係一間會 encore 、性價比高，必定回頭嘅餐廳！👍👍🤤🤤🤤

前幾日同朋友放學經過依間餐廳，見到佢成間藍色好靚就入咗去！嗌咗好多嘢食，全部都好正。首先，它的芝士呑拿魚蛋飯十分出色，芝士和吞拿魚的份量十分多，而且味道也十分香濃，芝士是能夠流出來的那種。吞拿魚則是可以咬到一塊塊的那種，並不是碎碎的。另外，它的蛋是很滑的，入口有很香的蛋味。其次，它的椒鹽雞翼和蜜糖雞翼也是絕對應該一試的，首先份量方面大一份概有5-6隻，而且每一隻雞翼也是很大隻的。兩種雞翼也煎的很香口、美味，但不會乾，反而十分香滑，多汁。蜜糖雞翼是香香甜甜的，十分適合小朋友和年輕人們的口味。而椒鹽雞翼則是有一種孜然粉的味到，味道上十分惹味。再來就是它的焗薯蓉青口，這也是可以一試的。它的份量很多，就算只吃這個也是絕對會飽的。另外，它的薯蓉十分香滑，是很creamy 的那種，很有薯仔香味，而青口方面也十分大隻、新鮮！整體來說，這餐廳的環境舒適，在茶餐廳來說，不是很逼的那種。食物上份量多，價錢平民化，大眾也可接受的。而味道上也有水準的。因此，整體性價比高，如果經過或想不到吃甚麼，這是值得一試的。

今時今日傳統茶餐廳買少見少，好多時生活上為求方便只好將就去連鎖快餐店。今日在大圍如獲至寶般被我們發現一間好有傳統茶餐廳感覺的金龍冰室，設計以藍色為主，內部裝修簡單整潔，有卡位又有枱位，洗手間不是設於後巷而是在店內。 餐牌上有經典嘅傳統茶餐廳美食，又有新穎嘅西餐菜式，懷舊飲品好似檸檬可樂煲薑同埋鹹檸檬七喜都有。看餐牌時望到隔離枱的菜式，絕對好啱大胃王，King Size既份量，輕而易舉就被隔離枱嘅巨扒吸引咗眼球，今晚就決定食鐵板餐。呢度嘅菜式碟碟都好大堆頭，我哋女仔比較細食, 為咗唔食太多肉，決定兩個人share一個至尊海鮮鐵板餐，裏面有龍脷柳、大蝦、帶子、魷魚圈、青口、蜆肉。但係唔好睇小佢嘅份量，畀足料，層疊層堆砌形似座山咁。龍脷柳好滑，軟軟綿綿的。大蝦就真係好大隻蝦，大到可以捲起來那種, 不是細蝦仔，帶子也是大粒的，魷魚圈、青口、蜆肉，咬落也好有口感，配上番茄汁、大塊切片既番茄和薯菜，薯菜有薯條、薯皮配上西蘭花。這個套餐仲有紅湯同埋白湯揀。我哋揀咗羅宋湯，酸酸哋夠開胃。 朋友揀咗個熱檸檬茶，話食完油膩嘢，要清清腸胃。見餐杯上有香港情懷既logo讓人望落很有親切感。我就揀咗菠蘿冰，裡面

本土茶餐廳 特色鐵板餐同朋友啱啱踩完單車喺大圍踩去大尾督回程肚餓想搵啲嘢食見到有間新開嘅冰室 出邊嘅裝修幾靚我哋又好想食鐵板餐於是就走左入去 一坐低我哋已經忍唔住叫咗兩個扒餐分別係鐵板西冷$85同埋鐵板羊架$90 跟餐送咗兩個餐湯 一紅一白 個人覺得佢個紅湯幾好飲濃得來又唔會太油膩扒餐黎講都算大份 兩個餐可以選擇跟飯意粉薯菜 別外仲送兩條香草腸 都幾大條 牛個個扒餐肉量算多 雖然牛唔係厚個隻 但呢個價錢都不能要求太多！反而羊扒有驚喜 雖然肉量唔算多個羊幾有味！呢個價錢兩大塊羊架加飯加湯加野飲真係未必到到做到另外我哋仲叫咗一個黑松露雜菌玉子燒試下 入邊都幾香黑松露味 另外仲可以選擇跟一啲炸物 整體呢到幾適合夜晚平平地又想多的肉落肚又想唔好太頹既選擇！

大圍新開左間冰室，打算入去試下，見晚餐有瑞士汁乾炒牛河，心諗應該冇得輸好好味啦， 點知上菜嗰刻，未食就已經令我好失望， 因為完全冇瑞士汁色水， 諗住賣相唔好都算啦，應該會好好食呱， 點知食落去一啲味都冇，好淡，而且啲牛肉好多筋， 諗住問侍應攞辣椒醬，加重個味會好啲啦， 點知連辣椒醬都冇，以冰室黎講， 雖然環境乾淨 但係都有啲令人失望。

第1日開張就幫襯左個早餐,新開有甩漏有做得唔好可以包容,但時間耐左問題越來越差先講服務質素,侍應反應慢效率低,指住個餐牌點餐,都仲要不斷重覆order,餐飲都可以連續問4次,第二樣唔係帳單出錯,食4次錯2次,搭檯又唔分單,一係就問左幾次同搭檯人士係咪一齊最重要係點完餐連半張餐紙都冇跟再講食物質素,除左早餐叫正常,晚餐都唔使再食,叉燒好似隔夜,奄列乾爭爭根本就係炒蛋,雞翼撈丁得兩注麵4隻雞翼收$45,係完全食唔飽,但俾$55,60一個餐都唔係差得幾多總結,開張未夠2個月,每日經過見到餐廳已經每況越下,周時都坐唔滿,我係咁諗人地都係咁諗,冇進步就係冇進步,希望老闆上黎openrice睇下食客評價,再唔改善執笠不在遠處

服務態度奇差 本來無咩人 場有大量位置見卡坐無咩人 等卡等左大約半小時 見有另兩個人一黎 被要求一齊左等卡位本來就係唔想搭台等左半小時先叫人搭台重要話唔中意可以走... 真係咩態度搭台唔緊要應該一早出聲 就求其坐等左半個中特然出聲 重咁既態度一定係唔想做生意

見到個新開既冰室，梗係要食一食佢啦。餐廳以粉藍為主題，入到去好舒服，俾人好陽光既感覺。冰室員工同出邊好唔同，態度好好同埋上菜唔會亂咁黎。個個都好有笑容，印象好好。叫左個雞扒流心俺列意粉配龍蝦汁。上菜就聞到濃濃既龍蝦味。好開胃。賣相一百分。雞扒煎得夠香，邊邊味整到乾身，咬既時候勁有口感。同埋整得乾身既側邊味更加食到雞扒業得足料既香味。雞肉多汁，雞皮又香，最重要雞扒好大舊，食到好滿足！！！俺列整得好滑，又厚身。加埋龍蝦汁既鮮味，夾得好好。食完已經好飽。叫埋個菠蘿冰。菠蘿冰勁多菠蘿。餐廳俾既份量都好豪爽，飲到飲得好滿足。好清爽既菠蘿冰，食極都仲有，好開心。呢餐真係超抵食，份量大，態度好，環境又舒服，價錢都好合理。

悠悠閒閒，今日相約友人傾談來年的旅行大計，在沙田大圍油站附近，發現這間相對較新穎的茶餐廳。鄰近有街市，馬會，人來人往，熱鬧非常。踏入金龍冰室，職員非常親切友善，安排我們坐在卡位，並遞上menu。一邊翻著menu, 一邊看看有什麼心頭好。這裏竟然有一個自由下午茶配搭，多款選擇之餘，又給人有自由的配搭。我們分別點了焗卡邦尼意粉+ 咖哩角，流心芝腿西多士+ 土匪雞翼，一杯熱檸水和一杯凍檸茶。那個卡邦尼意粉，芝士味十足，份量恰到好處；而個咖哩角，脆卜卜，新鮮熱辣，咖哩味香濃；另外，我最欣賞流心芝腿西多士，配合鮮牛油，與芝士汁混合，熱辣辣的西多士點上去，水乳交融，那種美味，若不是親身去體會，也不能知道當中的奧妙。土匪雞翼，與我們平時食到的又有點不同，但都外脆內嫰，肥而不膩。在這裏，坐上一個多小時，職員完全不會催促你離開，埋單時，他們亦有禮相待，很有賓至如歸的感覺。雖說是一間茶餐廳，但有如此高質素的職員，難得！難得！

今日咁啱喺大圍呢頭收工 經過見到新開嘅呢間餐廳 成間餐廳都用淺藍色做主調 幾新鮮😮今日遲咗食lunch 成兩點鐘先食😿 但依然見到餐廳有好多人 好好生意咁 侍應服務好好 見到佢地對個個客人都笑住講 請慢用 幾窩心☺️我同同事叫咗一個飯餐同一個下午茶餐😋龍蝦汁流心奄列魚柳飯 好少見餐廳有龍蝦汁配飯 決定試試佢😛 結果都幾夾喎 流心奄列裡面有茄醬 本身以為佢係就咁一塊炒蛋 幾有驚喜 魚柳都好熱辣辣 新鮮炸好咁👍🏻下午茶餐可以係英文字母同數字各揀一項 我地揀咗芝士煙肉焗薯蓉配炸雞髀 個芝士好濃郁🧀 配薯蓉好夾 佢入面仲加咗煙肉 煙肉幾有咬口 食落幾有層次 炸髀幾juicy 雞肉炸到啱啱好 唔會好韌🍗總括嚟講 餐廳樣樣都即叫即做 所以好熱辣辣 值得一讚🤤 個人覺得下午茶餐可以自由配搭好正🙊

一直想試王牌冰室，金龍冰室突然殺出，幾次經過都見頗旺場，決定比個機會佢先。餐廳開張一個月唔夠，員工未熟手好正常，落單過程好慢仍然出錯，又分別送錯3-4次野比我地同對面，同要問番我地嗌左咩先黎。多士 - 正常炒蛋 - 特登揀3.6牛乳炒蛋，但完全食唔到奶味，只有好淡既蛋味同外層既油，賣相亦引唔起食慾。茄牛意 - 碗中約有半個蕃茄，湯頭濃度ok，鮮牛肉有9-10片但好韌，都係冇咩牛味。奶茶 - 見餐廳用香港情懷(茶皇奶茶)呢個牌子，沖出黎稀身，濃滑不足，勉強合格。環顧其他客人叫既食物都唔太吸引，回頭既機會好微。

有餐廳關門就會有餐廳開門，呢幾年周街都係新開嘅冰室，仲要係聽都未聽過嘅，話說好耐無經過大圍道，原來又有一間新餐廳了，仲要係冰室，呢間叫金龍冰室，佢寫係分店，但係唔知邊間係總店同響邊？身為窮L，當然係下午茶先去食，都有好多款下午茶餐，我點嘅下午茶餐($34)係可以點A至H嘅其中一款食物再配1至15嘅小食，送熱飲(凍飲加$3)，點了B麻醬凍烏冬及14餐肉三文治(半份)及凍檸茶。都唔算等咗好耐就有得食，麻醬凍烏冬賣相一般，烏冬應該是最普通的一款，好彩不會過淋，麻醬算撈得夠均勻，味道就普普通通；餐肉三文治雖得半份，餐肉夠熱且煎得夠香，麵包夠厚身，都算軟。凍檸茶，較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料用不鏽鋼杯，所以夠凍且夠茶味，合格。