金龍船海鮮酒家 (已結業)

老人家生日,訂不到心水店,便就近選了此店.乳豬 - 皮脆,肉稍厚,都算O.K.,香芹帶子鴛鴦蚌 - 帶子,象拔蚌,桂花蚌都新鮮,加夏威夷果仁來炒,咬的感覺非常好!沙律釀蟹拑 - 熱辣辣炸得夠脆,蝦膠亦彈牙,幾好,雞煲翅 - 原隻光雞燉散翅,湯幾甜;雞另上,雞肉可食,尤以翼和腿為甚.香芹龍躉球 - 肉爽甜,炒的火候和功夫都好,蒸龍躉頭腩 - 好食,但有些部份的皮,仍有很多魚鱗黐著,是最大失著!北菇海蔘玉掌 - 夠腍,入味,炸子雞 - 因已飽,只食皮,夠脆.荷葉飯 - 冇食,不評.伊麵 - 芡汁均勻,幾好.壽包 - 蛋黃蓮蓉餡的超大壽鮑,皮鬆軟幾好食.杏汁燉萬壽果 - 木瓜糖水清甜,加粒芝麻湯丸亦不錯!食物O.K.不如想像中的差,侍應服務亦勤快,但價錢就偏貴,15人埋單近八千,真係幾貴!

在平日同班同事一行十一人訂左圍12人o既團年飯一起食, 睇到評語後都做定心理準備, 6:30pm已準時到達, 因為未人齊所以未上菜, 極肚餓之制, 部長拿了盒蛋卷出來, 原來個餐包的...雖然條蛋卷縮水幼左...但味道都ok等到7:00都未齊人, 所以決定另叫小食先, 叫左個牛展 & 燒火腩, 火腩一般無咩特別...細細舊! 反而牛展就好好食, 好入味一咬就開!! 終於等到齊人可上菜, 第一道係乳豬全体, 成隻乳豬真的都只有層皮食, 想找少少肉食都無, 味道一般! 脆肉瓜炒象拔蚌,象拔蚌幾爽口彈牙, 好食! 個金湯翅, 好勁忌廉味...好似飲緊西湯但有翅..., 亦有好多蝦肉連殼...!! 甜品的蛋撻亦比想像中唔好食, 皮太厚! 但糖水的杏汁燉萬壽果就好潤, 好香的杏汁, 又不會太甜! 其他的菜式亦一般, 不過個餐千幾蚊連甜品糖水總共十二樣又送1枝紅酒又包12罐汽水仲送埋蛋卷, 食物亦不過不失, 食到我地全部人飽都晒已好抵食, 而服務方面...值得一讚係部長跟得好好, 反而d阿姐唔醒目...到尾聲時才過o黎換碟!!可能當晚係平日, 坐唔滿, 但呢間比旺角o個間坐得舒服, 呢間

一家五口黎食大閘蟹宴為老人家賀壽,點左半席(即六人)A餐,五個人分享,預左食唔晒。黎蟹之前先上蟹粉小籠包同埋五式拼盤,蟹粉小籠包雖然多湯,而且全部都係橙黃色,好似好多蟹粉咁,但係個皮好唔掂,趁熱食都略嫌硬,真係麻麻地!五式拼盤方面,豬手,叉燒等等都好求其,反而豆腐同雞肉最好味!呢兩味之後已經係六隻大閘蟹,細細地都ok,不過無乜肉食。經過長時間同蟹搏鬥,侍應先會上其他菜,先係金湯海鮮翅,又幾得意,係橙色,而且味道似西湯,唔似一般食開既翅,我都係第一次食,食落仲有好多料,似魚肉,又有一些膠膠地唔知係咩海鮮,都幾有趣,唯一唔好係成日食到蟹殼碎!之後果d真係普通,只係平日酒席的象拔蚌,炸子雞,蒸魚,生炒糯米飯等等,一般貨色。值得一提係脆炸華盛頓卷,人地果d乜卷物卷通常個餡係海鮮或者沙律,佢竟然係芝士腸同煙肉,實在騎呢兼慳皮,唔怪得個個餐都有呢一味!最後係甜品,包括薑茶湯丸(12粒)同埋脆麻花(6件),前者個薑茶辣到我試左一啖已經無法再入口,好在湯丸係麻蓉,而且完全無薑味,唔係真係唔使食!脆麻花唔掂,唔夠脆,但係加左好多糖漿,勁甜勁膩,不太好!仲有一點,個餐包六罐汽水,佢俾左可樂,雪碧,橙汁汽水

無去金龍船都有5-6個月, 之前係一星期起碼兩三次, 唔去既原因係覺得d食物水準開始唔得, 其實覺得左一段時間架, 不過見佢d service都仲ok, 所以容忍左一段時間, 最後都係決定放棄, 上星期有朋友請食飯, 這位朋友一向都食得幾豪下架(佢一向食飯既人均消費都7-8百架), 唔明佢今次點解會選擇金龍船, anyway....有人請咪一於no pay ok心態去籮唉... 食物質素...一早有左心理準備, 無要求(只是我本人)當日菜色有...1.金湯翅 - 無甚味道, d翅少之又少, 唔好食及唔吸引2. 鮑魚片鵝掌 - 鮑魚好淡, 無鮮味, d鵝掌唔夠火候, 大硬3. 龍虾 - 唉...所謂上湯.... 浪費左隻又貴又新鮮既龍虾其他食品更不想再提唉... 食品唔得咁對侍應招呼...真係有d期望, 最終.... 唉其實在飯局中人,個個都知唔好有太大期望, 但無咩期望都唔可能接受一樣野,就係來消費食飯要睇個侍應面色,應該話係高級侍應(佢著黑衫應該係d高級卦),唔知我們邊個令呢個肥頭侍應不滿, 由坐低開始, 佢一路黑口黑面, 叫又唔多應, 問佢野好似問佢借錢咁, 唔知以為同佢有家仇國恨

朋友叫了個套餐, 簡直要用難受來形容...蝦沙律... 難食!香腸春卷.. 古怪個翅d 色素... 差點以為係哈密瓜糖水鮑魚冬菇菜, 冬菇與小唐菜都尚可接受... 但個鮑魚... 肯定唔係鮑魚, 鮑魚螺唔似鮑魚螺, 素鮑唔係素鮑... 連鮑魚菇都唔似... 都唔知係乜...只有魚, 雞, 燒味拼盤, 伊面係可接受服務就更加唔好講.....最後果幾碟...等到都唔想食, 要吹.... 都要仲要吹幾次先上哂... 一個字慢! 食個飯... 要食三個幾鐘.... 真係滾!

前晚去這間店食飯,去到時本身已經訂左檯的我同公關講時竟然話冇我訂位的資料,我下左一下,但好彩的係裡面仲有唔少位,唔使因為咁而白等講野食方面,今次去到叫個套餐,時間比之前快好多,好多侍應比之前有禮,當我黎一道菜時,佢地都好有效率地跟進每次情況,依次真係算值得一讚,上次去果時火都起的情況今次已經再冇係我的表情出現過,唔夠一小時所有菜色都已經黎晒,唔錯講菜色,隻蝦都好大,佛跳牆的水準都幾好,正所謂真係一分錢一分貨,再加埋最後個布甸,真係very good,我對食方面對求不高,最主要係待應生的服務態度我要求係相當高,所以依次很滿意,加上2個鐘免泊車,下次亦會再考慮黎一次幫襯

因為買咗的餅卡31-12-2007到期，現在已幾乎找不到餅店去換西餅了(好像只剩此店有餅換)，打電話問過可以在旗下酒樓吃飯，所以12月尾找了個星期六去飲茶。一時許去到酒樓，再問門口知客是否可以用餅卡結賬，答可以我們才入座，知客沒帶你入座，只指你往入走，走到中間”頭鱷鱷”之際，部長走來問多少位。點心都幾多選擇，不過價錢並不便宜。兩個人叫了碗叉燒河、炸三文魚粒、乳鴿和幾款點心，叉燒和點心味道都不錯，不過也算不上突出。服務方面，只可唉息三聲。1.雖然張枱夠大，但是否就不用收碟呢？是次午飯，沒有收過一次碟，吃完的碟一個叠一個都沒人收。2.那天是賽馬日，侍應的心和眼都沒離開過電視機，想找個人應你都難。3.乳鴿漏單，上畢所有點心叫侍應去追，再20分鐘都未來，再叫侍應去跟，不久有部長來問我們追甚麼，我們說乳鴿等了很久都未來，他說會幫我們去跟，那知我們又再等了20分鐘，都未來，放棄算了，己等了40分鐘再跟唔知等幾耐。個待應和部長都唔知在跟甚麼。4.埋單時，問部長一張餅卡可兌多少錢，他追然說他是新來的不知，但又對我們說未必可以用餅卡，我們說剛才問過說可以用喎，他再強調說自己是新來的，不知道，要問。你是部

上星期成班同事去左食晚飯, 8個人叫左個套餐再加兩個餸 ,非常神奇地上菜唔跟次序,一時就上條魚一時又上翅,食物本身水準唔差, 就係服務就差到不得了,經常要再三催促先有餸上, 為什麼金龍船會變成咁的> <

小弟幫襯此店已有一定日子。大家必定問, 既有服務問題, 何以繼續幫襯？小弟家有兩老, 居於此處, 行動自如卻不便遠行, 隹多數幫襯此店。話說回來, 此店總似是供集團作訓練之用。員工每隔一段時間, 特別是當小弟覺得服務水準開始有點眉目時, 便會大批更換。幫襯至今, 此店服務水準只有後無前, 進步緩慢。更有習慣將自身錯處推於客人身上以保障收入不減。千萬個不專業！小弟亦試過於品茗時等逾三十分鐘。經催促下才發現並無入單。氣上心頭。算了, 重新入單, 再等十五分鐘。竟須再催！催還未夠, 每一位侍應上前時, 均以「呢張單唔係我跟開…」云云為由, 鬥快推搪責任。這樣下去, 難不成每問一位, 則等一刻, 品茗品至晚市乎？找著經理理論, 料想有所改善, 不料經理更精明, 竟以桌上電腦單之時間為由, 說只入單十五分鐘, 屬正常速度？！兄台！若非你員工不專業, 此單豈只入電腦十五分鐘之理？是否意味著若員工遲遲未入單, 只需電腦時間指示不夠十五分鐘, 小弟就算等足大半天均屬合理？身為經理竟未有事先向員工了解情況, 只務求能推搪甩身, 實屬悲哀！終於到上桌時, 哈！腸粉？！白腸粉喎！竟是半冰半暖的？太過份了吧？

lunch time判頭請食飯走左去呢度品茗。裝修不錯亦見整潔光鮮，不過上點心的速度真係不敢恭唯，點左成半個鐘先得0係咸水角、蝦角等炸野上台，其他蝦鮫燒賣牛肉呢0的普通野要成九個字先有得食﹗味道只屬一般，好味的有叉燒包，皮做得薄而料足，其他都真係普通酒樓貨仔，不過不失﹗等得最耐係甜品用個椰青裝住既西米糕(好似因無食)，等左成個鐘先來到，吹幾次都未得﹗食落同行人說得個甜字無其他味，白等一場﹗

今晚有朋友生日一行六人去食晚飯;我地見個半席$780 比較貴所以散叫;不料叫左7送一湯叫之前我地見到d 湯有d寫住個價錢隔離會寫住一位俾我地見到個紅燒xx翅時就only 寫住$98 我地咪問左個女侍應$98既紅燒xx翅係一窩定一位計, 佢就話一窩ga咁我地又唔知個市價係咩以為咁抵咪叫囉本黎d野都ok 仲有糖水送啦到埋單時我地發現張單貴左咪睇下個detail發現佢寫住有個係$280-但又無講係咩黎既我地咪搵番個女侍應問下佢企起度睇左張單5分鐘之後走左再返黎同埋個部長一齊黎個部長就話:唔好意思$98係一位ga哇我地既反應咪覺得有無搞錯之前明明係話一窩計部長就話:你地出去食都知呢個價一窩無可能ga啦repeat 左n次我地就同佢理論:我地都知係無可能所以食之前都問左你地既staff ;而你地個staff就話一窩既我地咁先叫之嘛,而且你地個餐牌起呢個湯都無寫明係每位計而其他湯係有既部長就問個女侍應有無咁做個女侍應緊係死口唔應有咁講過啦之後個部長就話:唔知係你地聽錯定係個同事寫錯啦我地一人讓一步啦如果唔係個同事好慘要自己俾番d錢俾個機會佢啦我扣少你地2位湯既錢啦.............果時我地

今次第一次來飲茶，在星期日中午一到便有位，不用等位，而這裡地方很乾淨，侍應服務也很好。點心方面，在寫點心紙時要留心全個名，因這裡的點心和出面的有不同，例: 义燒腸粉，出面吃是义燒蒸腸粉+鼓油，但這裡是脆皮义燒腸粉$26，另一款原本是想吃的潮州粉果，但這裡是潮州糯米卷$16，因此如只看名前或後，便會叫錯，而牛肉，出面是很大及有三粒，而這樣是很細及有五粒，而其他點心味道，一般。而於抄粉麵，我們沒有叫，因價錢貴及選擇少。價錢也ok，而於下次會否幫襯，要想下先，因沒有我喜歡吃的點心。

於4月份去吃金龍船的鮑魚撈飯套餐, 非常好味.由於之前看的食評不是太多人推介此餐廳, 本想放棄, 但在比較完幾間有名的"高級"套餐菜單後, 決定一於一試...結果如下:服務員(聽電話): 由於此集團的web-site尚在俢理中, 結果不能在網上搜尋資料, 結果一定要致電電話去問套餐菜單....很不方便!! 而且接線生電話禮貌不夠, 非常不好印象.服務員(餐館內): 非常有禮貌且照顧週到, 仲有經常換碟...非常好.食物質素: 非常好, 鮑魚為真的可以用刀叉切...有口感龍蝦: 好味, 好新鮮翅: 可以用筷子把翅夾起的...我和朋友一致通過冇選擇錯誤, 真的好好味呢...!!!

媽媽又睇到金龍船有個6人的優惠套餐，所以舉家去試。套餐好似7XX，仲包6罐啤酒汽水及送半枝紅酒，大家得食飽飽，真係抵到爛。大蝦沙律-普通的雜果沙律再加了蝦肉，所謂大蝦不是原隻的，是開邊，不過都有好多隻。手抓乳豬-所謂手抓只是一個gimmick，將乳豬件切得好大塊，客人可以帶手套用手食。鮑魚象拔蚌生菜包-鮑魚、象拔蚌加冬菇等材料切粒，味道好濃，淨食都幾膩，但用了生菜包住食，可中和味道。荷葉西施骨-一打開陣陣荷香味，不過排骨肉質唔多得，而且唔夠入味。金湯蟹皇翅-前後來了兩次，因為第一次大家都覺唔妥，鹹味甜味酸味乜未都冇，點可能無味o架，話晒個湯底係金黃色，唔通真係色素?最後向個侍應投訴，佢都好好禮貌的換了俾我o地。再來第二次，勉強合格啦，不過翅就有唔少，當然唔會係靚魚翅啦。炸子雞-皮脆但肉唔嫩。石班兩味油泡石班球及蒸班頭腩，兩款都整得唔錯。我鍾意油泡個味，班球好結實，墊底的蜜糖豆又糖又爽；而老豆就鐘意蒸個款，讚夠新鮮。魚湯米線-有好多海鮮配枓、湯底算有魚湯味，味道幾鮮。生煎窩貼-買相幾特別，上面有層鬆脆的酥皮，而窩貼皮唔算厚，料就一般。甜品係木瓜雪耳糖水及壽包，大家都好欣賞壽包，包皮鬆軟、

團年飯局，聚多人相就的情況下要選擇這裡，沒有投票權的就只有按大隊行事。是晚點了這裡的團年飯宴，價錢都接近三千大圓，食味好不好先不說，份量之豐足是可十四五個人都可足飽。但說到食味，比較好的就是前菜的乳豬全體是了得，其他的如海王翅、海參鵝掌、發財好市、炸鴛鴦海鮮卷、炸子雞等已經不能言論，不能說食味相當差，但跟可以又差點點。奇怪的海參鵝掌和發財好市廚房一早烹妥，有單就大匙一揮，看得出全沒有排碟的程序，賣想差遠矣。當晚其實九時多已經只得半場人客，但仕應還是應付不來，都是人手緊張之故，就連已客人已走的檯仍未見即時清理可見一二。不過將來再來光顧的機會微矣，因主事人已經將這裡打人黑名單，得著得著！