釜之魂釜飯專門店 (淘大商場) (已結業)

人越大越重視養生，嗰排減緊肥又想食好嘢，就揀咗食材比較健康嘅日本野原本好想叫佢個黑豚釜，不過見佢推介限定嘅魚steam rice !另外，仲叫左日式烏冬沙律，大板燒同金菇肥牛串！限定fish rice 一黎到賣相超有誠意，飯蓋將魚嘅鮮香味罩住響飯入面，飯嘅口感軟硬度啱啱好，食落有魚嘅鹹香味，成個感覺好清同埋鮮，推介鍾意食魚鮮味嘅朋友沙律烏冬份量適中，減肥嘅我只係落咗小小醬，凍冰冰啱晒夏天！重頭戲係大阪燒同金菇肥牛串。大阪燒個汁真係無得輸，夠晒味同埋個調味調得啱啱好，加上口感一流，食一舊絕對唔夠喉，下次再去必食！另外金菇肥牛串有種碳香味，當然一樣seasoning is perfect, 有水準最欣賞呢間野就係佢除咗主菜好，有好多有心機整嘅時令小食最怕啲餐廳剩係得主菜好食，個感覺會有啲dry, 好期街下次再試到更多高質appetisers ！

餐廳🍴既門面係好日式🇯🇵既格局🎎內部則走木系簡約風格🥰 感覺好舒適☺️釜飯🍚上菜時仍然充滿溫度♨️有粘糯既口感 聽聞係選用來自🇯🇵德島縣既米🍚所製作 釜飯🍚為1人1鍋, 份量對女士可能有點多如果有即日戲飛🎬可免加一架😉<金魂(極)✨>金魂✨提供3️⃣個選擇, 不同在鰻魚既部位(極)主要係鰻魚魚腩既位置🐟 算幾肥美🤤 滿足我呢個鰻魚控😍 會有少量細魚骨🦴秘製鰻魚醬汁好濃郁😋 份量尚算足夠😃👍🏻 大部份既飯🍚都覆蓋到<原條汁煮🐽豬軟骨🦴釜🍚>豬軟骨🐽超大塊😮 而且肉質好軟腍好易咬開😋 至於「骨🦴」既部份亦超有咬口 🥚流心蛋既蛋漿充滿住口腔👄 味道不錯

上網睇呢間系隱世美食，同男朋友就來試試看。 點左三樣小食髒髒炸香蕉好食😚黑松露玉子燒系上面有黑松露cream 並不是夾雜在玉子燒裏，有點兒失望😞不過吃下去好濃厚既黑松露味 味道唔錯可能我對呢類製品有既定的期望主角是金魂同銀魂金魂系同蒲燒手法 即是一般既做法銀魂就特別小小 用白燒味道比較淡少少不過太多飯 好飽😂不過唔同既鰻魚風味都唔錯 挺好食🥳服務人員好 值得回味美中不足系呢到有兩個入口第一次黎真系唔知佢要攞飛可能門口有指示會清楚些😶

同朋友食生日飯，指定要黎呢間試下釜飯。事前唔記得Book位，估唔到都幾多人食，等左半個鐘先入得去。雖然呢度最出名嘅係鰻魚，見其他枱嘅都份量十足，但由於朋友唔食魚，我地就叫左兩個釜飯同小食。海之幸釜飯（$88）就比較普通，鋪滿蝦乾魚乾，無汁比較乾，撈完一齊食味道唔算突出，少少鹹香，不過極大份，非常飽肚。黑松露玉子燒（$18）少少甜咁，算幾香；套餐嘅湯同小食正常。朋友叫嘅古味塩麴牛舌盛釜（$98，套餐再+$18）非常惹味，又香又多汁，牛舌質感都幾彈牙，下次自己食可以叫呢個或者鰻魚先！

之前去奈良有間出名釜飯無去到食，一直心有餘悸。知道九龍灣有得食，即刻約朋友去邊食邊傾!我地六點幾鐘去到，餐廳半空，唔算多人(之後越坐越full)打開menu，好多嘢揀，有牛、牛舌、豚肉，咁多人介紹金銀魂，梗係試吓佢個鰻魚飯!我自己叫銀魂，即係白燒鰻魚，上菜見到好靚嘅鰻魚放係飯上面。唔好以為無汁會好乾，鰻魚底淋咗啲蒲燒汁係飯面，想要多啲汁可以叫侍應再加~鰻魚肥美，肉好濃味，塊皮油脂好夠，加埋飯同蛋絲，好正! 唔好睇佢細細碗，佢驚死你唔夠飽，飯塞得好實好滿，超飽呀!意猶未盡，嗌多個蕨餅食。有四舊，味道正常發揮，芝麻粉偏甜，蕨餅冧滑唔黐牙，唔係專家唔多講哈哈。好滿足嘅一餐! (小補充:第二朝口有啲乾，可能偏重口味，自己衡量啦~)

和友人來支持黃色經濟圈這間是九龍灣出名的黃店一看門面就知道晚餐時間當然大排長龍我們2人大概等了半小時左右在等待期間店員已經給了餐單讓你先填我當然點了有名的鰻魚飯一來到很大塊的鰻魚 當然飯也很多店員會告訴你可以隨便問他們要更多的鰻魚汁鰻魚燒很好和燒汁很搭配每個坐位附近都有很多pepe打卡因為友人不喜歡鰻魚所以叫了牛肉飯結果牛肉都一大塊 而且口感太老不太好食 還是要主打鰻魚飯最後如果想叫小食不建議叫博多餃子$22只有3小隻感覺性價比太低但非常建議大家叫日式炸雞 $38卻有很多的一碗而且非常好食最後因為見很多人推介髒髒炸香蕉所以我們也來試試超級甜 如果好甜食的人絕對可以一試

今天在九龍灣找緊餐廳食飯時，見到有間餐廳門口好多人排隊，諗住無試過就試下，等左30分鐘到有位，叫左個金釜同牛肉飯，上菜好快手，10分鐘到就有，汁牛好有驚喜，我呢啲食肉菌都覺得好大份，牛肉熟度剛剛好，另外金釜鰻魚飯。。。食左一塊時有5秒空洞享受，最後遺憾係蘋果蜜賣哂。

因為黃所以試汁燒牛肉釜見有個icon 仔向側邊所以叫左牛肉入味 唔特別汁燒豬軟骨釜肉質可以 但偏鹹反而飯係幾好味加18蚊加餐有前菜 - 芽菜泡菜，味道一般麵豉湯 - 淡淡的易入口飲品 - 蘋果蜜，清新宜人

很不錯的日本餐廳，在門口都已等位五花豚夠晒入味同埋肉質好淋，配上日本米飯，煙煙韌韌，好彈牙「金魂燒鰻魚飯」叫左$138的鰻魚飯，鰻魚厚肉「五花朒豚肉飯」五花朒半肥廋 不油膩 配上燒汁，絕配，還有半熟溫泉蛋 perfect「吉列牛舌」好味，不太乾，外脆內軟「甘露甜薯」正

支持同路人，但整體而言味道一般。不食鰻魚試了五花豚肉釜，雖然表面的豬肉够香十分入味，但里面的飯份量很多又較硬身，難以吸收到豬肉的醬汁。而且豬肉份量也不足以配著食完所有的飯。認為若米飯軟身些和份量少些會更好。

成日經過間餐廳排長龍 ，今日下午茶又落雨見冇人就入去試下。雖然店內沒甚麼人，但佢規定我坐一邊唔可坐另一邊，因那邊時通道去另一張枱，但其實係夠位過，或下次可建議坐另一張枱感覺會比較好。餐廳主打係金魂鰻魚飯， 下午茶平過午餐少少就決定order.來到個鰻魚份量都算有些份量，相對飯就唔算好多但都夠我份量，味道正堂的鰻魚味，飯就濕左少少，下午茶包蘋果茶都合格.整體可以一試，下午茶來講偏貴，加埋一要$86. 如要排隊加正價就要想清楚.

請唔起我媽食米芝蓮，噉不如請佢食米豬連小店啦。星期六嘅下晝，好多人等位，等左都有十五分鐘先入得。以為只有釜飯，但原來仲有烏冬。但黎得釜飯專門店，點都試釜飯先啦。原本想食汁煮豬軟骨釜，可惜賣晒，所以叫左個海之幸，雞肉野菜煮配釜飯同榴槤炸彈。榴槤炸彈好快上枱，即炸熱辣辣，咬開湧出好香嘅榴槤味，榴槤粉絲必食👍，但略嫌細粒左啲啲。之後海之幸黎喇，鋪滿晒蝦乾魚乾，多到見唔到啲飯😅，店員提醒呢個飯冇汁，會乾身啲，果然，呢個飯雖然好香蝦味，但真係太乾了，下次應該會試其他。反而個雞肉野菜煮釜飯ok, 個汁撈飯好好味，帶點甜。下次要試埋豬軟骨先得。不過唔知係咪太多人食，啲店員好耐先應人😅。

兩人試了這間，點了個金魂釜飯（極）—— 即是蒲燒鰻魚飯（魚腩位，最多油脂的地方；另外還有兩款選擇，一是最厚肉部位$138，二是魚尾 —— 最焦香部位$88）、鹽麴牛舌盛釜 和 髒髒炸香蕉。18:10左右入座，基於星期天晚市，坐低後不斷見有人入泥食晚飯，好快坐滿咗，好彩早啲去食，如果唔係就要等位了鰻魚啖啖肉，唔夠汁仲可以叫侍應添加！牛舌份量有點少，不太夠送飯，可能食完牛舌同配菜都未食完個飯！另外，略嫌飯唔夠軟。炸香蕉我以為入面會有啲香蕉茸餡料，點知原來只係香蕉麵粉炸完外面撒上朱古力粉，有啲失望⋯⋯同預期有出入題外話：喺門口見到poster有優惠，其中出示戲飛有9折，到收銀處埋單時真係減咗個加一

一心支持黃店，遇著服務態度勁差，食到一肚氣！午市時段，未遇過咁差嘅服務員，好想投訴帶眼鏡個男服務員，佢嘅態度超級差，order時無熱朱古力，轉左蘋果蜜，好似急口令比賽咁講得勁快又吾清楚，好辛苦咁聽左第三次先聽到。然後問佢要杯水，竟然可以大大聲話：而家系繁忙時間，好難拎到杯水比你！最後走都未飲到杯水，真系好可憐！食過比依間繁忙十倍嘅店都未試過想要杯水都無，水都吾比客飲，好過份！聽到隔離台想要menu order 飲品，又系佢大大聲講d飲品要人簡，吾肯拎比人睇！咁嘅服務質數影衰黃店！P.S其他服務員都好好禮貌

又係幫襯黃店既時候💛 呢間店係黃到金!! 首先佢有米豬連認証，其次佢都取消埋港鐵職員証既優惠😆 呢度最岀名係釜飯，叫咗銀魂釜飯 ($108) 係白鰻魚，雖然睇落有啲乾，但食落都幾嫩滑，魚味夠重。炒飯咁既底都好香，用咗珍珠米就更加有口感。黑豚釜飯 ($108) 呢個都係呢度既推介，一大條黑豚腩舖係飯上面，個燒汁好正，甜甜地咸咸地，好惹味，平時唔食咁油膩既肉，但呢個肥肉唔只入口即溶，放係飯上面都已經慢慢溶化，啲汁用黎撈飯係天堂級咁正。見到呢個小食名好得意叫咗黎試下，一公升眼淚 ($55) 真係俾啲wasabi嗆到標眼淚😂 辣到好誇張，大家唔好一次過唧哂落去舊三文魚度😆黑松露玉子燒 ($18) 抵食之餘味道都好正好高質🤟🏻