釜之魂釜飯專門店 (淘大商場) (已結業)

完全同menu 唔同樣...食落乾身，飯汁完全唔夠乾啃白飯咁 食完啲肉，就唔想食飯結果剩一半飯朋友食龍蝦湯烏冬完全無龍蝦味，原來湯係傑身，蝦亦未如圖中去殼，食到好膩真係好麻麻

#肥doi九龍灣.最近都有好多間舖頭食鰻魚飯幾出名，今次就試咗呢間釜飯專門店！-《金魂 - 蒲燒鰻魚釜飯（極）》$108鰻魚飯分咗三個選擇，今次選擇左中間個級：極（餐牌寫：油份最高，魚腩位置少量魚骨！）厚切嘅鰻魚入口甘香，釜飯入面有蛋絲，配合埋秘製鰻魚汁，撈飯食一流！如果唔夠鰻魚汁，可以叫店員講幫你加，飯嘅份量都偏多，一般女仔應該食唔晒，如果男仔食絕對夠飽！.《季節限定釜飯》$138黑椒牛肉粒既釜飯，以為只係得鰻魚出名，但原來呢個黑椒牛肉粒都有驚喜，份量同鰻魚飯一樣都偏多，牛肉味濃，如果咁岩都係當日限定嘅釜飯係牛肉，都可以一試！.《日式炸雞》$38即叫即炸嘅炸雞，食落口感唔會太油，同普通日式餐廳嘅舖頭差唔多。.《榴連炸彈》$22放題必食嘅嘢！榴槤味都幾濃郁，不過個Size都幾細，一口炸彈😂.《塩燒牛舌》$38一串只有兩舊，如果人多去食就要嗌多幾份，不過都係普通鹽燒嘅味道，牛舌唔算太特別。.🏠環境：舖頭入邊有文宣，仲有pepe既props比人打卡用，座位都闊落，就算要坐主席位，走廊都仲有位可以比店員自由行走！ .⭐️總評：超級推介鰻魚釜飯！同日本食既鰻魚飯有得揮～店員服務態度好，會主動幫你

如果黃店都有最佳進步獎，我會頒畀淘大嘅釜之魂釜飯專門店。呢間以食鰻魚飯出名，但係由於我唔好鰻魚，所以雖然開咗有一段時間，我都甚少幫襯。直到舊年十一月，我終於試咗佢哋嘅泡菜牛肉釜飯，質素係中下：餸唔夠味，飯太爛，牛肉仲有一朕雪藏味，總之就絕對唔稱得上好食。今年四月，畀多次機會佢，試咗鯖魚泡菜煮配釜飯，估唔到略有驚喜：鯖魚浸喺泡菜湯中以為會好腥，但食落居然一腥味都冇，肉質亦算嫩滑，唯一係比較多魚骨，食嘅時候要小心。而成個定食最出色嘅肯定係個釜飯，飯粒飽滿，粒粒彈牙，仲有陣陣飯嘅香氣，非常好食。

繼續撐黃店🤝🇭🇰學鼠王芬話濟：「飯好食，pepe好睇🐸🐸🐸」 真心不騙，佢d飯真係一流有咬口到不行了餸份量好足，好抵食而且咁既價位有湯、小食、飲品同大大碗主食🙈可以去邊度找到呢？🤩

黃色經濟圈，九龍灣一定幫襯釜之魂😊。釜之魂最出名嘅就係鰻魚飯，呢度嘅鰻魚入口甘香，而且厚切鰻魚， 非常肥美，入口有濃濃嘅鰻魚味，而且飯上面仲有啲蛋絲，撈飯係絕配。😍

夜晚黎呢間釜飯專門店試下 店員會噴消毒酒精消毒下張枱 睇落都幾放心嗌左金魂極同五花豚肉飯小食就叫左吉列牛舌同黑松露玉子燒個五花豚肉飯好香 食落有小小酒香味鰻魚都好好食 比起上次去京都食左間遊客店抵食好多 雖然都有小小骨 但都算厚身仲可以加汁牛舌就比較乾身一般般黑松露玉子燒好食 好香黑松露味個黑松露沙律醬同玉子好夾 唔怪之得咁多人推介我地加左20蚊轉餐有跟野飲 湯同小食店員服務態度都好好 好有禮貌好nice仲會問有無需要加汁

今日OT食飯都不忘要幫襯黃店！呢間舖黃到黑，一定要罰佢！今次呢個係Lunch set，包前菜、味噌湯同飲品。釜飯係指日本版既煲仔飯，用木魚高湯並放入唔同材料煮熟。今次呢塊鰻魚真係高質，下午茶賣$78就有一大條鰻魚，魚肉相當厚身。鰻魚本身肉質好滑，魚骨都清得乾淨，應該係用左關東做法(即蒸完再蒲燒)，但我覺得燒得唔夠，不過都OK！鰻魚汁係用大量鰻魚骨熬製，食落係甜，之後有一陣少少酸味，比日本食既鰻魚飯相對清身，無咁濃味。舖頭寫明可以免費加鰻魚汁，唔夠就記得叫店員🥰。飯係用日本珍珠米，雖然無心目中煮到咁煙韌，但可接受！ $78一個平民版鰻魚飯已經唔錯！舖頭係自設養殖場，唔係一般交貨嚟既鰻魚！平時係日本名店度食最少都要HKD200，以$100左右既價錢已經做得好好！

以最近嘅市況黎講 哩間舖算係幾多食客除左因為係黃店之外 仲因為佢嘅嘢食真係幾好食😋釜飯係一種日本傳統鍋飯類似係日本人嘅煲仔飯啦但佢同煲仔飯最大嘅分別係比較少加入額外嘅調味會偏向享受到食材本身嘅鮮味所以食材嘅品質係影響釜飯味道嘅關鍵釜飯嘅烹調方式係將米同埋食材放入鍋以明火慢煮所以煮出黎嘅白飯會比平日所食嘅更有飯香㗎☺️古味鹽麴牛舌盛釜 $98牛舌燒得微焦 食落好有焦香鹽麴再加上牛肉燒汁其實有少少鹹但將啲醬汁撈埋底下嘅白飯一齊享用 就啱啱好啦牛舌本來帶有油脂係慢煮嘅過程入面牛舌嘅油脂會滲入底下嘅白飯令米粒食落帶有牛脂嘅香味就算係就咁食白飯 都為舌頭帶黎好好嘅享受😆五花豚肉釜 $78五花肉用米酒醃過食落帶有米酒嘅香味肉片肥瘦相間 脂肪比例恰到好處加上事先烤過 食完唔會有滿口油脂嘅感覺食落都冇咁大罪惡感啦 係咪？hehe🙈黑松露醬玉子燒 $18我對黑松露一向唔係好大興趣但驚喜嘅係 哩間餐廳用嘅係黑松露沙律醬所以食落帶有微酸 推薦比鍾意食酸嘢嘅人！而底下嘅玉子燒外皮微脆內裏非常嫩滑啱啱燒好嘅時候襯熱食配埋黑松露醬嘅香味都幾好味㗎💕大阪燒 $48哩度嘅大阪燒煎得香脆落左好多醬汁同埋柴魚片不過大阪燒嘅

📍九龍灣 Kowloon Bay📍...九龍灣其實分左兩邊， 一邊係淘大， 一邊係德福， 淘大會係貨錢平民d既消費區， 德福就會有大型小小既商場， 今日黎到呢邊探一位朋友同佢一齊食係淘大食lunch. 而且呢間日本餐廳真係好有驚喜！ ...📍招牌鰻魚飯💰HKD 98.00📌味道 7.8 / 10分份量足夠一個成年人食既飯， 面上面有3舊鰻魚同蛋絲！ 首先你地見到既相係無調過顏色🤭🤭🤭而且每一舊既蝦魚都係非常入味， d肉好嫩， 而且奇怪地佢地既鰻魚肉比外面日本餐廳既更厚身 ， 🥺🥺🥺🥺✔️✔️✔️可能品種唔同？？又有另外一個好值風讚既位係， 佢個飯熱辣辣， 熱到會出哂煙😭😭😭🥺加埋上面加左白芝麻， 色香味都齊全！ so good!!!..📍雜菇蔬菜雞排飯💰HKD 58.00📌味道 7.5 / 10分份量同鰻魚飯一樣都大碗， 飯既溫度又係一個大讚既位會新鮮滾熱辣到出哂煙😭✔️另外蔬菜同菇就味道正常， 會cut到個形狀好精緻. 佢呢塊蜜汁燒雞排肉嫩附汁， 撈埋咁熱既飯食真係好滋味. 個人認為外邊其他餐廳都會做到呢個雞排飯既質素， 真心認為好味但同時間都的確比較common.—————————————

經過見到佢嘅木系日式裝修已經覺得好靚，所以要入去試下佢😝去嘅時候啱啱好係佢開門嘅時間，所以店內店外都冇咩人，唔使等位就入得😁哩間係出名食釜飯嘅小店，見有好多人都推介鰻魚同牛肉釜就決定叫哩兩個嚟試下😜其實本身諗住試埋佢嘅黑松露玉子燒，但原來午市得普通玉子燒，唯有留返下次晚市再嚟食嗰陣試啦😣• • • • •🧚🏻‍♀️汁燒牛盛釜🧚🏻‍♂️ [$48]飯上面有好多牛肉，佢嘅汁係有少少甜咁😛釜飯可以保持飯嘅溫度，所以就算影完相𢳂起下面啲飯嘅時候都仲係熱到噴哂煙🔥個底仲有少少飯焦架😆.🧚🏻‍♀️金魂🧚🏻‍♂️ [$98]鰻魚幾大塊又厚肉，肉質唔會好鬆散，雖然有少少骨但完全唔影響佢嘅口感🤓加埋少少甜甜地嘅蛋絲同好香嘅芝麻好夾😆重口味嘅我平時食鰻魚飯最驚就係食食下發現唔夠汁，會食得唔夠盡興😖不過食哩間嘅就唔使驚，因為佢本身已經幾多汁，如果唔夠嘅話仲有得免費加汁，好貼心😚.🧚🏻‍♀️蘋果蜜🧚🏻‍♂️蘋果蜜都幾好味，甜甜地個底仲有好多蘋果粒粒🍎.🧚🏻‍♀️味噌湯🧚🏻‍♂️個湯幾好味，唔會太鹹，但又夠濃味，仲有好多洋蔥🧅• • • • •總括嚟講覺得好抵食，Lunch Set有飯有湯有飲品，兩個Set加埋都唔使$200就

都係為了支持黃店又黎試下下午茶時間一坐底未叫食物,已經放底了味噌湯同花生味噌湯比較淡  花生就似平時煲完花生雞腳湯既煲料 汁燒牛盛釜味道不錯, 牛肉就有D似吉野家個D牛肉 ,汁都夠多  撈埋D珍珠飯食 真幾好味 洋蔥都夠入味紅酒牛舌魂牛舌好淋 好味呀! 件數都多 蘿蔔都夠入味  但味道就唔夠汁燒牛盛釜咁好味  但撈埋珍珠飯 都係好味梅干手羽先冇梅干味  雞亦都較油 但夠晒熱  蘋果蜜 冇特別架 唔算太甜留意 店舖只收現金  臨走仲送了2張yell card

黃店又多一選擇之前曾經食過就覺得佢個飯好淋，但過咗幾個月之後佢哋嘅味道有好大嘅改善，今次叫呢個豬軟骨飯，佢個飯除咗有豬軟骨仲有半隻糖心蛋，豬軟骨已燜到好淋！而個飯亦都好有飯香味同埋好有口感重點係佢個飯超大碗！

#黃幫襯💛👉🏻金魂 - 蒲燒釜飯（極 - 油份最高）Golden Unagi Kamameshi💲108👉🏻五花豚肉釜🐷Pork Belly Kamameshi💲78➕茶漬飯🍵💲18〰️〰️〰️〰️〰️〰️〰️〰️〰️好耐冇食過鰻魚飯😛係日本食過我成世人覺得最好食嘅鰻魚飯之後係香港食過好幾間都搵唔返個種味道 有冇人可以介紹下😞呢間嘅鰻魚係好肥美 但我中意有炭燒味多啲 呢個個汁味好濃（對我呢講有啲膩🙈）但個飯就好少汁 好乾 五花豚肉釜都係得表面好多肉 但個飯冇汁😕不過我其中一個轉咗做茶漬飯 好食好多🥰但飯素味太濃 蓋過咗茶味🤭五花豚超肥😹 我覺得有啲油膩again🤣但轉咗茶漬飯真係差好遠！一定要叫茶漬飯呢到啲staff好好服務同態度😌仲有好多decorations for hk💛🇭🇰〰️〰️〰️〰️〰️〰️〰️〰️〰️釜之魂釜飯專門店 (九龍灣)📍九龍灣牛頭角道77號淘大商場三期地下G286-288號舖

$68午巿套餐 - 湯+小吃+釜飯+飲料真的很划算💛 完全適合上班一族！！🥢湯一點也不馬虎，有很多豆腐粒，適合豆腐控👧🏻豬軟骨味道很濃，而且熬得很軟熟，配上飯非常入味🐖🐖飯的份量慷慨，就算肥豬吃很多也吃不下全部，不過如果飯弄得硬一點會比較好（可能是因為豬軟骨汁滲入飯裡面，讓飯變得太淋🥺）整體而言，沒有到很驚艷的地步，不過以這個價錢，我覺得是值得支持的🌻———$68 lunch set with appetizer+soup+Kamameshi+drink is sooo attractive and affordable🥢 thought the soup will be the one purely with MSG, but no, the soup here surprises me a little bit with loads of tofuuuu (cuz i love tofu soo much😋) the pork cartilage is flavourful and tender - i love the soft tissues so much, which wa

去咗淘大附近，行咗一陣肚餓去咗搵嘢食，見到呢間好似幾出名就決定食呢間！下午茶時間唔算好多人，一入到去就有得坐啦。仲要係黃店呀～入到去坐見到好多pepe同連豬紙牌俾人影相同打卡架！我叫咗個番茄牛肉飯～ 牛肉份量都幾多，不過唔太夠味。蕃茄味就正正常常，冇乜特別。不過飯嘅份量都係比平常多，所以呢個價錢來講我覺得可以接受。朋友叫咗個牛小排飯～個味道似燒汁，牛肉就比較un，咁嘅質素來講價錢有啲貴下次未必會再揀呢個。