釜之魂釜飯專門店 (淘大商場) (已結業)

聖誕節的晚上，同男朋友揀左去食淘大的釜之魂，順便又可以支持下黃色經濟圈。晚上6點幾，不用等位直接可入座，順帶一提，必須人齊先可以入座喔。黃金蕨餅估唔到最快泥係蕨餅，先吃甜品！蕨餅入口煙韌，配上我最愛的黃豆粉，吃到幸福的感覺，不過以$48來講，份量偏少。櫻花蝦炸豆腐很有心思的小食！外層滿滿櫻花蝦，十分慷慨，入口脆咸香，裡面豆腐keep住嫩滑，真心推介！！！黑松露玉子燒4星主要係俾個黑松露醬，超香！同玉子燒好match，都是不錯的選擇。金魂蒲燒釜飯(極)蒲燒鰻魚釜飯分左3個grade，我地就揀左中間個grade泥試下。鰻魚肉身中厚，入口啖啖魚油香，可惜醬汁偏少，下面的珍珠飯就真係好似食緊白飯咁，後期有d難啃。古味塩麴牛舌盛釜牛舌入口淡淡鹽香，醃得入味，質感彈牙(係有1..2塊比較韌)，整體算是不俗。而飯底同鰻魚飯情況一樣，所以我同男朋友最後都食剩好多飯。進餐時發生了一件小插曲，話說有個職員不小心倒瀉了一個釜飯，結果一地都係飯，有些飯粒剛巧彈到了我同男朋友的書包，該職員趕快拎左幾張濕紙巾給我們抹，直至我們準備離開去埋單時，那職員再三跟我們道歉，值得欣賞的服務態度。埋單時還送了幾張postca

之前係銅鑼灣食過「奈良上釜」（可惜已經結業）嘅釜飯就愛上日式釜飯想試下其他餐廳嘅釜飯就搵到「釜之魂釜飯專門店」3個人叫左6樣嘢～吉列牛舌炸得岩岩好，又彈又爽好，配埋個醬唔會太油膩～鰻魚玉子燒玉子燒配搭鰻魚都幾夾，兩個質感食落相近，再配搭鰻魚汁一齊食味道岩岩好～古味鹽麴牛舌盛釜牛舌份量多，加埋隻半熟蛋，撈飯啱啱好～汁煮豬軟骨釜豬軟骨又淋又入味，配埋個飯啱啱好～甘露甜薯不過不失，就係甜嘅番薯～髒髒炸香蕉因為其他人推介必食，係好奇心嘅驅使下都叫咗一碟，食落隻味好似嗰隻香蕉朱古力豆，好唔好食就見仁見智啦講完嘢食就講下環境環境都乾淨闊落坐得幾舒服但可能嗰日比較多人侍應比較忙所以態度有啲唔耐煩不過整體來講都尚算滿意

係九龍灣睇完戲 就揀左呢間都幾多人推薦既餐廳食飯啦個陣未夠7點 人流未算好多 一入去就有位餐廳裝修幾靚幾日式 闊落 同埋都幾大餐牌同落單紙黎講 落單紙清晰好多🤭我地唔係好肚餓 叫左兩個飯就算啦無叫小食首先係黑豚釜飯一上黎就聞到好香！呢個我淨係試左啖豬肉 個人覺得唔錯既🤤呢度出名鰻魚又點會唔試呢今次揀左中間價錢既金魂 話油份較高既雖然我比較唔到😂但整體個鰻魚係好食既！夠香啲肉都岩岩好亦都比我想像中足料同唔會好薄一塊就算呢個價錢絕對係性價比高👍🏻個飯都真係有炭火燒既味 係個高質既釜飯🤤仲要一提叫鰻魚可以可加鰻魚汁其實佢本身啲汁都夠 但我比較中意有汁撈飯所以都加左次😛到埋單啦佢門口有貼有戲飛有九折 學生減$8同埋某職員證優惠暫停🤭😂咁我地出示左戲飛 佢就直接免左加一仲送左張文宣聖誕卡！真係好有心思👍🏻———————————————————總結食物有質素 性價比都高既不過真係好多人😂 要去可能要早啲或者book定我地7點幾走個陣門口好多人等緊了同埋啲staff都好忙 要等一陣先會有人得閒理到有機會會再去的！

首先，真的好抱歉，筆者忘記了拿收據，亦忘記了拍餐牌，原本這情況下，筆者一般是不會出文的，但那個鰻魚飯算是筆者吃過最好吃的一次，所以，資料不全也要開個文來介紹介紹，日後有機會再補完吧～鰻魚入口即溶，飯粒飽滿，黏度硬度剛剛好，鰻魚汁回味無窮，真想再多點一個來吃。餐廳另有不少玩具，可以向店員查詢，筆者的孩子很高興能玩上一玩呢～

淘大商場個位雖然有少少難搵，但因為朋友話見過呢間店之前大排長龍，於是放工特登去試一試。等左幾張枱就有位lu，店內都幾多位，不過要搭枱就有少少迫。餐牌價錢大多都好平民化，我地最後order左似乎係枱枱食客都有嗌嘅鰻魚飯，仲有牛舌飯。落完單後等左好耐，大概都有二十分鐘先有得食，呢點係唯一對餐廳失望之處，不過都體諒是晚人客真係好多嘅。至於野食絕對冇令我失望，飯係用窩上，所以好夠熱，飯用上珍珠米，煮得好香。鰻魚同牛舌份量正常，鰻魚夠厚但比較多骨，牛舌亦夠冧，兩款飯淋上份量恰好同味道唔錯嘅汁，令我地呢餐晚飯都食得好開胃

見到呢間成日門口成日大排長龍問返朋友原來係好出名食鰻魚飯一坐低就二話不說嗌咗個饅魚飯 金魂 厚肉 其實本身我都唔太鍾意食鰻魚飯，係見到呢間出名先嗌 個飯係金黃色唔同一般食嘅飯 估唔到真係有意外驚喜。

早排去九龍灣睇展覽，睇之前就去淘大商場果邊搵下有咩美食🤩🤩我地睇左好幾間，最後揀左呢間門口好日式風格嘅釜之魂專門店🏠午餐最抵$48就有得食啦🤩🤩💁🏻‍♀️餐前小食：麵豉湯，花生人氣推薦‼️💁🏻‍♀️汁燒牛盛釜個汁偏甜一啲，係日式果陣風味牛肉份量爆滿，重肉味而又唔乾身😋😋人氣推薦‼️💁🏻‍♀️五花叉燒盛釜首先，俾大家估下，對比張餐牌呢個飯有無發覺少左啲咩？3，2，1～開估係少左隻蛋🥚居然無左最愛的糖心蛋🤧🤧好啦，換過第二兜啦然後店員話無晒糖心蛋，補番隻溫泉蛋😭😭我地發覺叫呢個飯嘅，唔止我地漏左隻蛋，幾乎隔離枱有叫呢兜飯都漏左隻蛋😣😣可能店員太忙碌了！💁🏻‍♀️餐飲：凍檸茶🥤凍奶茶🥤

屋企人去左旅行，就要靠自己，如其自己煮不如出去食仲好啦~ 又唔洗洗碗同煩要煮啲咩~ 我就同朋友約左去九龍灣到覓食，基本動作，當然亦要搵個機會懲罰一下黃店啦~認住呢隻「米豬連」就知道要食邊間! 出面排左好多人，都知道有機會要等，但為左呢股精神同食到好食嘅野，等多陣都唔會唔耐煩。呢到出名係食釜飯，所以我地兩個都不約而同叫左兩款釜飯同一啲小食食，我地兩個都加左$18升級套餐，有前菜、麵豉湯、飲品。麵豉湯+前菜好快手就上左麵豉湯同前菜，麵豉湯啲料都幾豐富，有海帶、豆腐等。味道岩岩好，天氣咁凍，飲番碗暖笠笠嘅湯暖下胃，成個人舒服哂~而前菜就係辣芽菜(涼菜)，好爽口，食落有少少辣味，又幾香口，唔錯。凍檸茶+熱蘋果蜜熱蘋果蜜暖笠笠，有淡淡嘅蘋果味，底下仲有一粒粒蘋果肉，飲落又潤喉又暖胃。凍檸茶同出面一樣味道，茶味好濃古味鹽麴牛舌盛釜我就點左個牛舌釜飯，釜飯上面放滿左牛舌，牛舌燒得幾好，份量都幾多牛舌加左鹽麴醬，食落幾惹味，好好食。釜飯係用個鐵碗盛載住，所以食酊最後都仲係熱，食到最後邊邊會有飯焦，係以外驚喜，好脆好食。另外，飯量真係唔少，男仔食都一定夠飽，女仔食就有機會成唔哂。金魂極蒲燒鰻魚釜飯呢到就

近幾年淘大商場地下開左好多不同的餐廳，花多眼亂選擇太多了，下午五時多經過繞一圈考慮為晚飯選個好地方，走到最盡頭有一家中段時間落場的釜飯食店，主打日本釜飯的釜之魂釜飯專門店，未夠六時開外已經有幾個人等緊，我地都等埋一份。搭正六時開門，店員安排各人入座，店內裝潢簡潔頗多卡座，卡座背後放滿皮皮和連豬的牌子給客人拍照，還有很多美美的文宣海報，原來我入對了黃店實在食得放心。此店出名釜飯主打金魂和銀魂，金魂為蒲燒鰻魚釜飯，銀魂為白燒鰻魚釜飯，我們選了金魂，兩款分別有油份最高、最厚肉和最焦香，今次先試最焦香鰻魚，每款釜飯更可升級套餐，包括前菜、麵豉湯及飲品，仲叫左古味塩麴牛舌盛釜，梅干手羽先。金魂-最焦香 ($88) 嚴選日本珍珠米，配特製蒸鍋飯香四溢，蒲燒鰻魚汁香味濃，如果唔夠汁仲可以免費添加，實在貼心古味塩麴牛舌盛釜 ($98)塩燒牛舌一向係我的最愛，厚度適中的牛舌燒得微脆，入口少少煙韌好有口感，咬落啖啖牛味香濃，回味無窮梅干手羽先 ($28/2隻)雞中翼和翼尖香脆可口，外皮加芝麻夠脆入口卜卜聲，內裡肉汁夠多又滑嫩，要拎定紙巾放在咀邊，以免啲汁流晒出黎升級套餐 ($18)前菜：鰻魚青瓜粒湯：麵豉

正呀喂！可以儲the club分！！！(為食評分：6/10) (整體評分：6/10)。每一個飯都係獨立蒸🔥我好喜歡釜之魂飯粒的口感，一粒粒很分明☺️另外就是每個飯都會配野菜，飲食均勻很重要👍🏻。這裡主吃鰻魚，不過我今次order了雞扒食物來說，只可以用一般來形容不過這個價錢已經算是不錯👌🏻。小食牛舌好吃，每次來都會order炆得夠淋，份量亦不算太少。🍓士多啤梨特飲就無下次，靚就幾靚，但太甜，而且唔夠奶，後其糖水同cream分離得好緊要，飲左一半已經唔想再飲👋如果好甜人士可以order😆環境乾淨舒服，員工都好nice😄👍🏻。鉄板燒雞魂$68紅酒牛舌$38士多啤梨特飲$48。下次再試試鰻魚吧😌

釜之魂釜飯專門店 鐵板燒雞塊釜飯 $58、五花豚肉釜$78，要加一五花豚肉釜$78鐵板燒雞塊釜飯 $58因為有位所以食，呢間店比隔離左右少人咁多真係有原因。一邊食一邊話鳳爪排骨飯仲好食，見到隔離檯嘅老爺爺老奶奶亦食到一臉厭世食剩好多，i know that feel bro。🤷🏻‍♂️🤷🏻‍♂️#鶏肉 #鶏もも肉 #豚肉 #釜飯 #厭世

下晝2:30門口已經排咗好多人，原來咁啱2:30係下午茶時段👍🏾今次叫咗鰻魚飯同埋滑蛋豬扒飯，鰻魚口感彈牙，又肥美🤤可惜汁比較少，食到後面得返啲飯😞不過下午茶$78仲要包埋嘢飲，好抵食！滑蛋吉列豬扒飯，汁比較少，有點乾身。下次想試吓佢個牛舌飯好似好吸引☺️不過呢個價錢係可以再encore！！！

前兩日去淘大商場睇完戲，商場有不同款式食店，見到有間門面裝修得幾有日式感覺既釜飯專門店，佢地主打鰻魚飯，而豬牛雞都亦有。鰻魚飯有兩隻，一個叫金魂，另外係銀魂，主要分別在於鰻魚醬汁，而每種亦有三款鰻魚size分別不同價錢。我個人比較重口味，所以選擇金魂，兩大塊鰻魚，魚肉夠厚，醬汁燒鰻魚非常香，而鰻魚醬汁仲可以免費添加，啱曬我。而飯係用日本珍珠米，軟硬適中有咬口，熱辣辣但無飯蕉，非常好味。另外點左五花豚肉釜，尼個飯有驚喜，一片片豚肉舖滿整個碗，份量十分多，豚肉肥瘦適中，啖啖肉，味道鹹淡適中，而且有半隻温泉蛋，流心蛋黃非常好味。小食方面好多選擇，黑松露玉子燒又香又帶點蛋甜味，黑松露夠曬香，整體唔錯。另外櫻花蝦炸豆腐香脆又可口，外面表面一層厚厚既櫻花蝦，包住中間既豆腐，外脆內軟，啱我口味。最後必食推介既髒髒炸香蕉，一碟兩條香蕉，外表沾滿朱古力粉，口感特別而且非常好味，作為飯後甜品一流。

釜飯尼講係日本食過一次係由布院一間都頗出名既店家佢地既釜飯係上菜個陣係用日式瓷鍋咁樣上有啲似日本版既煲仔飯 食落有啲焦香食過一次感覺唔錯但之前一路唔覺香港都有得食尼樣料理點知遠在天邊近在眼前 竟然屋企附近有一間專門以釜飯做招徠店家釜飯既品項都算非常多樣化單係佢地定番既鰻魚釜飯 都有分6種金魂係蒲燒 銀魂係白燒 仲有得揀鰻魚部份係頭中尾另外仲有豬 牛 雞 海鮮 野菜 任君選擇我同朋友分別嗌左金魂鰻魚 同 炙燒牛舌發現鰻魚雖然係揀尾部 但都多肉少骨鰻魚亦燒到入口即溶 唔會太燶太柴配上鰹魚高湯煮過既飯 味道相得益彰炙燒牛舌亦係燒得媲美日本 惹味juicy而且份量好多 Cp值超高！我同朋友因為想飲野各加左HKD 18級做升級做set 會有前菜 飲品同麵豉湯結果佢既前菜 令我地都超驚喜通常尼啲所謂前菜都會係啲漬物就算但佢既前菜竟然係切粒鰻魚 落重本啊麵豉湯亦夠曬大湯 仲有唔少菜同豆腐小食方面我地仲嗌左個大學芋其實姐係日本版拔絲地瓜好耐冇係香港食過 味道超懷念最後店家仲突然話送左一小杯杏仁露Service 一番我見佢地其他小食種類超多同唔常見例如有黑松露玉子燒 沖繩苦瓜餃子個啲好似都幾吸引 下次

成日食加滕屋食到厭？釜之魂會係一個好選擇！同frd 喺淘大行行下見到間幾抵食嘅黃店，就入左去食左個下午茶。😆 一入到就見到餐廳環境舒適，裝修精美。仲有pepe the frog 同連豬打卡!💛嗌完嘢食，就會有待應送上小食同湯。之後都要等幾耐先有嘢食到，中間有追過單， 原來啲主菜都係即叫即整，出到黎啲餸熱辣辣，仲出緊煙，等咁耐都值得。我地每人嗌左個lunch set，哩個係日式咖喱吉列豬排釡，兩大塊豬排超鬆脆🤩，同時亦唔會炸得太老。咖喱味好香，見到佢咁金黃都知佢好食啦!😋之後係芝士汁雞排釡，芝士味唔重，鐘意食芝士嘅你可能會失望。但芝士汁唔膩，啲雞仲好嫩滑!🐥最後到招牌菜 -- 「金魂」🐟🐟。雖然無原條鰻魚，但都叫好肥美! 😍條鰻魚超香，配埋佢地嘅照燒汁，簡單係絕配! 但條魚有少量魚骨。食嘅時候要小心啲。啲食物份量十足，五十幾蚊可以食到飽哂，又有湯、小食、嘢飲，真係好抵食!