釣魚翁 燒鵝．海鮮飯店 (已結業)

朝早送完亞女返學搵個地方飲早茶，位於迎海嘅釣魚翁之前食過幾次，都不過不失。為咗方便泊車，今次你試吓個早茶。店內都算大，但早上九點幾都要等位。可以揀搭枱或者唔搭枱。兩個人點左4碟點心，埋單$105算係幾抵。鹹肉糭令人驚喜，裏面嘅餡料都幾多，葉左五香粉嘅肥豬膏非常香口，對於我鍾意食肥膩野嘅人講真係好吸引。菠蘿叉燒酥一上枱我有啲surprise，點解冇菠蘿皮嘅？原來叉燒餡入面混咗菠蘿肉，呢個配搭都幾特別。而且酥皮層次好豐富，入口鬆脆。燒賣同埋潮州粉果就屬於正常水準，不過不失。唯一有啲失望嘅係水唔夠熱，飲茶最緊要水滾茶靚，呢方面可以改善一下。

馬鞍山是美食沙漠，人人皆知，但昨天早上和朋友去了馬鞍山迎海商場內的釣魚翁酒樓，享用了早晨孖寶，包括(鳳爪排骨飯+陳皮牛肉球)丶(鳳爪排骨飯+時菜鯪魚球)、(鳳爪排骨飯+蠔皇鮮竹卷)和叉燒腸，估不到這麼美味！首先鳳爪排骨飯的飯非軟綿和鳳爪排骨非常鮮味，另外牛肉球場份量十足，美味可口，時菜鯪魚球好味來又沒有腥味，同時蠔皇鮮竹卷的味道適中可口，义燒腸的腸粉非常煙銀好味！最緊要就係價錢好平！10個讚！回味無窮🤗💕✨✨

星期六傍晚，雖然天氣麻麻，但又想帶爸媽遊車河，不要整天留在家中。幸好出門時已停了雨。決定開車去烏溪沙迎海薈吃飯。商場白天光線充足，人流也不太多，感覺舒適，但晚上去感覺光線暗了些。我們選擇了中式餐廳釣魚翁。叫了太多，吃唔唒！

話說今日去之前 專登打去問，如果帶細狗有車仔 可唔可以坐最外面既枱，聽電話果個知客仲問我幾多隻，我話一隻 佢話一隻就冇問題，我地有位可以俾你坐。專登山長水遠嚟到，去到櫃檯諗住拎飛，再問下係咪有位可以俾帶狗人士，我話因為今朝打電話嚟問過，個位知客態度極差話下，今朝冇聽過任何電話喎，我地不嬲都唔俾帶！ 下！？我話我今朝專登打過嚟問，你同事仲答我得，我先過嚟，佢死都話冇聽過任何電話！我即刻show 個電話記錄俾佢睇，佢先話我哋呢度係唔俾帶，我唔知我邊位同事點同你講！然後就冇再理過我。非常惡劣同無言，你地同一間酒家 難道制度係唔一樣既？一個話帶得 一個話唔得？姐係點？我依家唔係帶到過嚟先問，我係一早已經打過嚟問定！唔會再過嚟飲茶！！

周末晚揾個人少又可以坐得耐慢慢食嘅地方真係唔容易，有朋友建議去完西貢行山去馬鞍山打邊爐。呢個釣魚翁平時燒鵝最出名，但今次我地食任食打邊爐。加28蚊先來個麻辣雞煲，味道當然夠麻又辣，以為普通港式打邊爐啦，點知錯哂！跟住侍應上埋靚牛脊肉，成個兵乓波咁大有兩隻蝦嘅水餃皇，跟住...有中蝦、蟶子、蜆同鮑魚，好鬼新鮮，其他火鍋料當然多選擇同新鮮啦。同場汽水沙律小吃任攞。服務又好，環境又舒服，由7點坐到11點，做街坊生意，可以慢慢嘆！

同區都係大型連鎖酒樓，咁樣可能顯得釣魚翁特別突出，但的而且確釣魚翁嘅水準係非常平均，亦高出一般酒樓水平，一個星期我大概都會食一次。今次先講晚飯，雖然都係一啲家常小菜，但係可以感受到佢哋有用心製作，咕嚕肉，燒鵝都較為出色。而今次呢個龍蝦蒸飯亦係一個有驚喜之作，味道好之餘，佢嘅食材一向都係非常新鮮，呢個亦係佢哋比同區優勝之處。而價錢方面，釣魚翁比同區價錢偏貴一啲，但性價比來講，釣魚翁算係非常高的。希望水平可以一直維持落去！

本來日日亞媽煮麥皮比我同老豆做早餐，老豆昨晚話今天不想食麥皮，要去飲茶，所以就同爸媽去呢度飲茶，早上11點前有特價點心，蝦腸只是$14.8，非常掋食，而且更沒有因價就貨，一碟有6件一而且件件有隻大蝦，皮薄餡靚，所以叫左2碟，再加左燒賣、粉果、粥、沙律蝦筒、樣樣都幾好食，而且服務都幾好，加水快，收碟快。笑容好又有禮。之後，亞爸話不如食埋晏就飯啦，就叫了一個叉燒飯、一個燒鵝飯，好快飯到了，份量好足夠，叉燒夠味又淋，非常好，但燒鵝就好差，一碟只有二件好些，另外幾件鵝都肥到不得了，跟本肥到吃不到，不過呢度最好係有2小時免費泊車，不過要10:00後入場才有。

媽媽生日近近地就喺屋企附近搵嘢食，今次選擇了釣魚翁，叫咗個12人餐，味道很好材料亦新鮮，燒鵝非常好味。但枱與枱之間嘅距離很小，有些較擠迫感覺，見佢都有火鍋套餐下次都會再嚟試下。

今早飲茶，叫了一個清湯牛腩，來的是：清湯白蘿蔔，當問服務員的時候，他說：我們會有六粒牛肉，你自己數下啦！這是什麼服務質素？但我們將它數來數去，都是只得五小粒牛肉，再叫來部長，他說：不如取消啦。但是當我們埋單結數的時候，這清湯牛坑腩並沒有取消，再找經理理論，她才把這清湯蘿蔔快取消。

終於黎尼度試下飲茶 冇咩系統 服務啲人似大陸人 不過我向著重食物質素多啲腸粉唔係幾好咪 又太油招牌燒鵝勁好味！一碗五細舊炸 不過下午茶$22.8 encore想蒸蘿蔔糕岩我食 雖然成本好抵 但唔緊要 清清地幾開心$18.8但勁多囉！不過soda味太重麻麻好食 又細粒豬肚雞燒賣幾特別$24.8

閒來與家人嘆吓早茶，呢間酒家見平時冇乜人，唔知做乜今天咁多人，到門口取飛要等三張枱，等了大約廿分鐘，有位了。11點前仍有特價點心，蝦腸粉只是十多元/碟，一碟有六件，件件有一整隻大蝦，非常掋食，味道亦不差，還叫了叉燒腸、蘿蔔糕、金錢肚，懷舊馬拉糕、粉果、燒賣、薑汁糕、燒腩卷，韭菜角及山竹牛肉球大致所有點都好好味，但未飽，再叫了兩碗叉燒飯一同分享，叉燒夠林，味足！飯亦大碗，三十元一碗，超值，呢間酒家，服務好，價錢平，五個人吃了十碟點心加兩碗叉燒飯，埋單只是三佰多元，非常掋食，味道亦唔差。

記得一年幾之前曾經在烏溪沙迎海商場的「釣魚翁」食晚飯，印象不錯，今日入烏溪沙探朋友並一齊食晚飯，當然首選這間中菜餐館。朋友今早才訂晚上7:45 pm ，仍有4人枱，而我們到時也不用等，立即有枱，很難得。今次我們被安排入最尾的一間細房，只有三張枱，無咁嘈，反而可以傾計。釣魚翁裝修唔錯，一邊用玻璃櫃展示名貴海鮮如乾鮑及魚翅，很有氣勢（註：可惜忘記影相），餐具也乾淨，符合我的最低要求。雖然佢以海鮮及燒鹅出名，但菜式選擇也多，亦可食火煱，我見超過30%枱客食火煱。由於我們有2位不到10歲的小朋友，叫小菜比較適合。小朋友首先選了义燒（即蜜汁义燒皇），我選了自家製雜菌豆腐，朋友見乳鴿做緊特價（@$28）叫了2隻，並加一個蒜蓉炒菜心。最先上的菜是义燒，顏色不錯，吃第一件時，覺得夠林亦有义燒香甜。但由第二件開始，味道完全不一樣，變得又咸又硬。我估因為另一半的义燒太瘦（圖中下面的那一件）兼可能是雪豬肉，並义燒汁過咸，所以义燒浸在汁浸了一會亦變咸。接著是乳鴿，一看便知太乾身及似翻炸，食落果然是皮硬兼索然無味，可惜！最後上的2道菜：蒜蓉炒菜心及自家制雜菌豆腐。蒜蓉炒菜心略嫌油多了一點，但仍可以接受。最好味的

星期日(5 Aug)想飲茶，到迎海薈商場，問"翁宴"門口位知客攞張點心紙睇，怎料呢位女知客無反應，當時樓面不繁忙，環境也不嘈吵，沒有可能聽不到，於是我繼續站在她面前望著她，她竟不發一言木無表情的把點心紙"拍"一聲擺出枱前……這是甚麼態度？？難道看看你茶樓有甚麼吃也不可？？真真莫名其妙！！！知客是酒樓的接待員，她的態度代表了酒樓對客人的第一個印象，如此這般的表現令人覺得酒樓待客質素也不會好到那裡去了。

今日下午3時正釣魚翁見好多人客正用餐，見又有吉檯我就拎票等位， 門前支客話： 過隔離丫！ 同一個廚房架咋！ 未有解釋咩事咁我估你係無做下午茶時段， 就走到隔離醉翁亭門口位支客話： 過隔離丫我地無下午茶！ 我當然有話係隔離叫我過來， 支客就大聲問隔離支客： 你果邊下午茶無位咩？ 我氣沖沖就話唔食走了。連基本既尊重同禮貌都無， 不論你有幾好食賣幾多廣告， 長遠都唔會有人讚賞。

We got off to a bumpy start as nobody seemed to speak any English. Reminded us of the first time we visited the New Territories 30 years ago. Not for the first time then did we order blind from the menu. We ordered 5 dishes costing about $20 each.The first to arrive was a crispy savoury pancake, great start. 2, a thick rolled up rice pancake with sugar and coconut inside. Yummy 😋. Next came a big plate of rice rolls with sesame seeds. Beautifully cooked and three delicious sauces. 4th we struck