銀咖哩

营业中

休息中

今日食評✍🏻銀咖哩@元朗廣場·好地道嘅咖哩飯店🍛點形容好呢🙂‍↔️佢會俾你有地道茶餐廳嘅感覺望住牆上面啲posters又會有啲日本地道餐廳感覺·講返餐廳環境及食物水準自助點餐同付款攞住張飛仔到枱面有員工會送餐送餐速度有啲慢出品唔夠熱·枱枱之間距離感好細但我都明白冇辦法租金高、成本高、人工高·我哋叫咗咖喱雞芝士蛋包飯招牌吉列豬扒咖喱飯另加炸薯角同埋兩杯嘢飲味道ok配合價錢（唔貴）二人113·無論大鋪小店我哋都會盡試盡講Follow我哋bw.foodie

今日入元朗，途經元朗廣場，商場內很多食肆的午飯都唔平，平均計$60過外，唯獨呢間，最平$30有交易，我叫咗個咖喱炸魚飯，配薯角及汽水，共$51。間舖細細，裝修簡單，只有十多個坐位，午市後段時間，只有三數人入座，相比其他食肆仍要輪候，兩者差距甚遠。沒關係，反正都是試味，而且有點趕時間，匆匆點餐付款後，等候食物和飲品端上。快餐嘅格局，但係採用即叫即做方式，所以要等約10分鐘才見食物及飲品上枱。薯角配上茄汁，但不多，於是部份薯角我是蘸咖喱汁食嘅，味道方面，我會掛住KFC嘅薯格，以及老麥原先嘅薯皇多好多。炸魚有切件，而且見到有黑色嘅魚皮，有魚味，唔太差，但既然叫得做吉列魚，係唔係應該有麵包糠起面呢？而呢碟飯望落好似唔錯，但飯太腍，唔好食，更唔好食嘅係咖喱，實在太稀啦！而且一啲辣味都無，即使日本咖喱都有少少辣味，但佢完全無，試過一次就算啦！

挑戰富士山🤣#元朗#銀咖哩聲稱成碟飯有1.5kg 既份量叫完行過既路人都眼望望真係好大碟😅可以兩至三人share 咖哩配咩都好食 泰式既就辣底 日式偏甜🍛因為好耐無食咖哩 一次過番哂黎🔥超大碟抵食✨#foodporn#curry#foodie#yuenlong#foodphotography #foodism#18區搵食#銀咖哩#美食日記#慳精日常

用app叫咗個芝士豬扒蛋包咖喱飯夾埋七喜同薯角$85著角嚟到變咗薯條啲芝士都幾好味，咖喱就略嫌鹹咗少少仲多到淹沒左個飯豬扒好熱氣食完個喉嚨痛咗好耐到而家仲痛緊好想喊༼;´༎ຶ ۝ ༎ຶ༽

不好食。唔建議去食味道好普通汁好淡，最好唔好去食啦味道同快餐仲差過快餐，求其搵間快餐舖都好食過佢，見個樣以為OK嘅當快餐嘅點知道仲食過難食過屎，元朗廣場嗰間都係普普通通

有朋友想同我鬥大食，但係又受budget限制，所以就決定去食銀咖哩嘅富士山咖喱飯，平得嚟，份量又夠大。富士山咖喱飯聲稱有1.5 Kilogrammes，係係兩到三個人食。佢足唔足磅我就唔知了，但係佢嘅配料就真係好多。腸仔，吉列豬扒，蛋，芝士……仲有最重要嘅飯！加加埋埋又幾大碟！咖喱係偏甜啲啲嘅日式咖喱，咖喱入面仲要有啲煮到好細同好淋嘅蘿蔔，撈飯食係一流！佢佢吉列豬都好脆，腸仔又煎到微焦，香啊！！如果兩到三個share食，應該到可以慳到啲錢；不過我最後都用咗二十分鐘，食曬成個。好飽！

主要都係食咖喱，我同男朋友叫咗個釜山咖喱飯，有豬扒有漢堡又長其實都幾豐富兩個人食都可能有啲到因為都幾多犯下加咖喱味都好濃郁嘅輕嘅可以三個人食都得加埋杯嘢飲都唔會好貴

由讀書時代食到而家，都叫有啲感情，又見佢個下午茶只係$29，加多6蚊有埋咖哩飯咁抵，本身都想介紹下，但店舖防疫既意識實在令人大感失望😅話說因為工作關係行到已經好攰，經過銀咖哩就想坐低食啲野先見到門口寫咗有關武漢肺炎既防疫措施，但門口未有店員咁就照入去坐低先店員之後見到，就一定要已經坐低咗既我起返身行返去門口先幫我探熱😓，其實我覺得就咁過黎探都得，有少少唔識變通，但呢個都係小問題，我行返去門口就算最大問題係本身個舖位已經好細，我見得中間嗰張枱附近係冇人就坐咗落去，但店員唔比，話呢張唔坐得，要我坐隔離嗰張二人枱但嗰張二人枱同另一張有人坐緊食緊野既枱距離係不足10cm😨😨😨啫係你同我講你為咗防疫要我同隔離枱坐得再近啲？成件事會唔會好唔make sense?😨😨😨我當刻就同店員表示「兩張枱好近喎😨」，店員只係話「唔近唔近」，再問「唔係要起碼1.5m咩？😨」，店員都只係答「得架喇」咁小編當下真係太攰行唔郁，又見隔離枱就快食完，就算隔離枱位媽媽見到都即醒水，叫佢個女快啲食，小編等到佢地走咗先敢除返個口罩點知問題又黎喇，我地食到中途，店員又安排咗個男人坐咗係我地隔離嗰張距離10cm都冇既枱😨啫係如果

2020/03/24 9pm 剪完頭髮去食夜飯，見店內冇人堂食，拿拿林係門口買完就入坐叫左招牌吉列豬扒咖喱飯、大辣、鬼盛（即係加飯）唔洗2分鐘食物就送上快到咁，吉列豬扒唔洗炸架，快過食麥記、大X樂、大X活，好在件吉列豬扒都係脆及有溫度沒有買飲料，隨飯有杯溫水唔洗開聲都有水飲，真好原來大辣只係在咖喱汁上耍少少辣椒粉碟邊，飯的旁邊的吉位，有好多水漬，感覺不大好，為免去投訴換飯被加料，唯有是避免掂到水漬及快快食完即刻走不過都希望銀咖哩安排員工抹乾餐具先至給客人會好些

下午茶HK$29起，可自選一款餸+薯角+腸仔+汽水。加HK$6仲可以配迷你咖喱飯，非常抵食，好適合我呢種鍾意將下午茶當Lunch食嘅人。😜講返食物先，原本以為下午茶塊吉列豬排會細啲，結果係正常Size，炸粉唔厚，炸得唔錯，啲肉唔會炸到好似某些開到成巷成市嘅連鎖快餐店咁乾身，塊肉又薄咁。吉列豬排的豬排醬如不夠，可叫店員加，店員都好Nice。薯角熱辣辣脆口，腸仔唔係廚師牌，係正常雞肉腸。咖喱係唔辣嘅日式咖喱，枱面有醃菜可以加埋落咖喱一齊食👈我特別鍾意加，鍾意加左酸酸地同啲醃菜口感好好。🤗其實個下午茶唔加咖喱飯個份量都好夠我食，加咗咖喱飯後反而有啲食唔晒…🙈總括而言，HK$35有咁多嘢食，仲可以食到咁飽，性價比高。👍

突然間想食咖喱，就諗起元朗廣場三樓有呢間銀咖哩！好彩地唔使等就有位。睇見餐牌，二話不說即刻揀左呢個芝士蟹柳咖喱飯，實物同圖片一樣，都係有勁多蟹柳，感覺好抵食。咖哩香而不辣，加上芝士即口感，撈埋蟹柳食，好新奇既口感，絕對值得一試。

太遲先起身，出到黎已經係下午茶時間，只係想有野食，快d填飽個肚。我叫左份吉列豬扒配腸仔薯角汽水，另外再加左碗細嘅咖哩飯。落單冇耐，好快就有得食。薯角炸過龍，偏硬，份量亦比較少。但係塊炸豬扒夠曬大份，冇因為係下午茶就比細份左。豬扒炸得幾好，熱熱地，外層脆，裡面吾會太乾。咖哩汁都比好多，撈暈d飯一齊食就最好食，可以令每一粒飯都充滿咖哩嘅香味。其實成個餐份量吾細，咁樣食曬都好飽，而且仲平d，抵食過午餐同晚餐。

依家銀咖喱比較小惠，但一個人嚟食，都好快搵到位嘅。用學生優惠仲可以有汽水飲，連星期六日都用得，呢點真係要讚一讚啦！$37嘅飯來講我覺得豬扒相當唔錯，咖喱都幾惹味，但飯真係太軟啦

一直都好鍾意食日本嘅咖喱，相信屯元天嘅人都唔會對呢一間銀咖喱有任何陌生嘅地方，特別叻到大比我就係中學嘅回憶，一人一碟咖喱飯，每次嚟到都好嬲係我中學時光，所以今次特登返嚟食返個咖喱富士山，$88。但係我覺得宜家煮得好似差咗，因為個咖哩唔知點解凍凍地唔夠熱，炸物有少少唔夠脆，好似擺耐左咁。但整體來講都還算唔錯，鍾意食日式咖喱嘅朋友可以黎試吓，價錢唔貴地點又好方便，不過舖位就窄左少少。希望大家滿意今次嘅推介。

服務態度還好，送餐速度雖然快，但係Ｄ汁係凍既，Ｄ芝士都唔溶，隻蛋冇味，都係凍既，成個餐唯一熱既係Ｄ飯衛生方面，先唔講張枱痴立立，食到一半牆上出現細細粒活生生既小強，已經即刻食慾減半，成身痕。食左半碟之後眼角見到個盤同我之間有Ｄ野，冇錯，係小強！嚇到我成個人退後，但Ｄ店員對Ｄ小強視若無睹，我唯有立刻用紙巾殺左隻小強，同時胃口已經冇晒。個餐食到一半已冇晒胃口，走人。服務態度唔差，但基於衛生問題，從此blacklist!