鋿晶館 (上水匯) (裝修中)

上水特色小館《鋿晶館》，第一次黎到就試下佢地嘅招牌野食先🥢沙嗲穀飼牛仔肉麵$48首先，畀啲麵一個大讚，佢地煮得啱啱好，唔會過軟亦唔會過硬，而且夠有嚼感。食落牛仔肉肉質鮮嫩，唔會覺得柴，特別係佢哋嘅調味汁更係獨具特色，有種微微嘅辣香同煙燻嘅沙嗲味，搭配麵條一齊食真係幾過癮🥢椒鹽厚切18cm黑毛豬扒炒飯$78飯炒得香口，唔會太油膩，啲米粒都係一粒粒分明，好入味，而最吸引嘅係個黑毛豬扒，厚切又多汁，煎得啱啱好，肉質鮮嫩，椒鹽味道亦都夠濃郁，夾雜埋啲香脆嘅椒鹽碎粒，帶出咗濃厚嘅香氣同風味，呢個椒鹽厚切18cm黑毛豬扒炒飯係一個驚喜🥢豉蒜帶子籠仔蒸飯$98飯嘅質地好啱，每一粒飯粒都係蓬鬆分明，唔會太濕唔會太乾，豉蒜嘅調味汁令帶子更加美味，醬汁濃郁鹹香，蒜味都掌握得當，唔會太濃

上水開左間新餐廳，去開上水就同屋企人去試下。本來以為係中菜館，但原來沙律、日式、西式等等都有，滿足唔同人口味😋雞蛋沙律$78我地叫左個雞蛋沙律，真係好多雞蛋，每一口都充滿著濃郁既蛋香，岩晒鍾意食蛋既朋友😂鰻魚汁干炒牛河$78如果你鍾意有鑊氣嘅菜式，絕對唔可以錯過鰻魚汁干炒牛河！鰻魚汁好惹味，配上彈牙既牛河，每一口都係一個驚喜！👍🏻蕃茄穀飼牛仔肉泡飯（碗）$68另外，我地仲試左個泡飯，蕃茄既鮮味同牛仔肉既香濃完美結合，每一口都有咁多層次嘅味道，真係鮮味開胃！而且只需$68，真係物超所值！😋

今日因為工作原因入到上水，由於真係好少過嚟呢邊，所以真係唔知用咩好食，然後剛剛經過呢間餐廳覺得裝修都幾靚，燈光又夠光猛，所以就入咗嚟坐，然後發覺呢度啲食物質素都唔錯！餐牌第一樣引我注意嘅就係麻辣小變蛋$38，個麻辣味好足夠，再加上用咗鵪鶉蛋，一啖一粒，超好味！挪威比目魚蛋包飯$138 上枱嗰一刻我有嚇咗一跳，擺盤好靚，有種去咗西餐廳嘅感覺！塊魚煎得好好，唔會話太乾。蔥油霸王雞（半隻）$88 都唔錯，雞肉唔會好鞋，份量都幾大碟，最緊要個蔥油味夠突出。