鋿晶館

营业中

休息中

百花炸釀蟹箝外皮炸得好香脆唔會油淋淋，入面嘅肉脹卜卜好彈牙，仲會食到一絲絲蟹肉。雪山叉燒包入面的叉燒甜甜地再夾埋出面脆的外層，而且份量岩岩好，唔會太大個之後試唔到其他。川芎白芷天麻魚頭湯燉得好夠火候又足料，入口甘而不苦，好重藥材味，感覺好養生。蒜香蝦春卷兩條春卷對半切成三角形，用料好足，每一條都有蝦肉，蒜香味濃郁香脆可口。粉絲中蝦煲用熱辣辣的煲仔，粉絲吸盡蝦油的油香及鮮美，雖然味道偏鹹，但真係啖啖蝦鮮味，勁惹味好好食。豉汁豆卜蒸鱔片豉汁味濃，但不會搶去白鱔的鮮味，鮮味更突出，鱔蒸得岩岩好，肉質鮮嫩。蝦乾浸響鈴時蔬清清地上湯浸菜心，蝦乾味突出。椒鹽一口豆腐豆腐內軟滑，豆味濃，表面炸得金黃酥脆，完全冇油份，加上面頭香口的椒鹽粒，非常有層次感。經過見到個鋪頭名咁熟，原來有好多分店係食手工點心，係自家製品牌，下次試下先，師傅曾經喺日本東京富麗華專為高管達人同明星工作，返港後喺多間米芝蓮酒店同大型連鎖集團做主管，服務唔錯，座位舒服好闊落。

鋿晶館 (旺角).係旺角發掘到一間有點心，烤魚以及中菜嘅好食餐廳！啱曬我地乜都想食下，食個烤魚同時又可以叫籠蝦餃一人一粒你都咪話唔爽呀！.鮮蝦菜苖餃.菜苖餃非常大粒，入面嘅蝦超多，而且好爽口，點少少辣椒油就一流.老壇酸菜煮烤魚加寬粉.酸菜烤魚入面仲有豆卜，萵筍，娃娃菜等配料，條魚已經炸得香透外脆內軟，滲透左酸菜湯嘅味道！.蝦乾浸響鈴時蔬.呢個十分推薦！ 蝦乾惹味再加上高湯浸響鈴同菜心，索曬啲湯，非常入味！.鋿晶館 (旺角)旺角彌敦道726號地舖

呢個餐廳係新式酒樓感覺，夜晚都有齊點心同小菜食，又係自家製品牌，好多選擇呀!呢度點心現場即點即做，我私心點既整得好味。脆皮炸乳鴿， 皮真係超脆，肉量適中唔會太肥太油。黑椒醬皇金錢肚，爽口唔會硬，大大條好滋味。花膠螺頭燉赤肉湯，足料又補身，自家製冇味精既靚湯，唔油係重點! 粉絲中蝦鍋，8隻大蝦大大隻啖啖肉，彈牙鮮嫩，粉絲吸晒醬汁，送飯食一流。紅燒乾貝豆腐，好難想像可以煮得咁滑溜溜，加埋滿滿既瑤柱同埋個芡調味好正。翡翠炒安格斯牛肉，豉椒牛河，兩樣牛既份量都幾多，菜芯粗莊翠綠好新鮮又多，牛河又係大大碟。師傅曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，餐廳好多客人，都要少少時間等上菜但真係樣樣都係新鮮!!

位於旺角彌敦道的鋿晶館，是香港人最愛的粵式茶樓之一。餐廳氣氛悠閒舒適,裝潢富有特色,讓人有回到過去的感覺。首推姬松茸雪耳燉雞湯,湯頭濃郁鮮甜,姬松茸與雪耳的滋味融合,令人難忘。脆皮炸乳鴿酥脆多汁,肉質鮮嫩,是粵菜的經典之作。另外,豉汁豆卜蒸鱔片順滑鮮嫩入味。飛天唐生菜煲是一道創意菜式,配以蝦乾增添鮮甜氣息,肉質柔軟,上面的生菜點綴其中,增添清新感。蒜香虎蝦蒸飯香氣四溢,蝦肉飽滿多汁,與香噴噴的白飯十分搭配。師傅干炒牛河Q彈有勁,醬汁恰到好處。作為甜品,傳統芝麻糕細緻綿密,入口即化,帶有芝麻的香氣,為餐後完美收尾。

其實小編真係好鍾意飲茶食點心🧆今次夜麻麻 心血來潮想飲夜茶所以第二次黎鋿晶館😝 🔻脆皮炸乳鴿乳鴿皮脆肉嫩滑，都幾好食 🔻馳名南洋小籠包外皮厚薄得宜，一咬落去勁多肉汁誇張啲講句，差啲俾啲汁濁親🤣 🔻月半彎晶瑩鮮蝦餃上次都有食過真係超多蝦 每隻都又大又夾彈 🔻黑松露北菇燒賣皇次次飲茶必叫好足料，好多蝦同香茹，食落爽口又入味而且黑松露味突出 🔻鮮蝦菜苗餃水晶餃皮夠煙靭，唔會過厚入面好多菜苗同鮮蝦粒😋 🔻半肥不瘦叉燒腸腸粉好滑，叉燒又夠足👍🏻 🔻香煎鮮蝦腐皮卷外皮超級香脆 而且入面同樣塞滿蝦同翠玉瓜食落口感豐富 🔻咱家脆皮蝦多士多士好脆，面頭有啲芝麻，食落更香再配上沙律醬，味道都幾夾 不過蝦膠多啲就好啦 🔻蒜香虎蝦蒸飯冇諗過有咁多隻虎蝦而且虎蝦既鮮甜同荷葉嘅清香味融入左係啲蒸飯到，幾好食🤤 .__. .__. .__.🐥🐥🐥.__. .__. .__. 總結: 推薦👍🏻想飲茶既呢間真係唔錯，點心都好高質同好足料 環境：🐥🐥🐥🐥/5服務態度：🐥🐥🐥🐥🐣/5食物質素：🐥🐥🐥🐥🐣/5 性價比：🐥🐥🐥🐥/5 回頭率：🐥🐥🐥🐥🐥/5

晚上想飲茶🫖就同阿媽嚟咗呢間試試，留意到係餐廳是自家製品牌，點心現場即點即做，覺得出品應該唔錯。另外餐廳個師傅係日本東京富麗華多年，係香港都係多間米芝蓮酒店及大型連鎖酒樓集團做主管，點樣都要嚟食下打卡。🥣蟲草花螺片燉雞湯 $48湯水清甜，用料都好豐富，隨便一匙羹都係料，而且調味剛剛好，不會覺得太鹹，好讚😋🥣川弓白芷天麻燉斑骨湯 $58平時好少係屋企煲補湯，天麻呢料嘅湯都少飲，難得見到餐湯有提供，肯定要試試。藥材煲的好出味，用料好足，可以吃到好多肉骨，👍🏻鮑魚北菇燒賣皇 $42飲茶點可以少咗燒賣，而且有鮑魚啊😍鮑魚好飽滿，燒賣幾乎全部都係蝦肉，好鮮美黑椒醬皇金錢肚 $32金錢肚都係飲茶必嗌，處理的好乾淨而且醬汁好入味，推薦🦑椒鹽魷魚鬚 $138新鮮炸起，非常酥脆，而且表面嘅酥皮不會太厚，魷魚都食的出係新鮮嘅，好惹味🍲沙茶安格斯牛肉粉絲煲 $138新鮮出爐，端上桌嘅時候仲係熱辣辣冒緊蒸汽。牛肉好入味，而且一啲都唔柴。粉絲舖係底，仲有金針菇等配料，可以撈埋醬汁一齊食😋

呢度有多款點心餐廳自家製既品牌出品，所有點心現場即點即做，手作點心，新鮮好味，點心師傅曾經響日本東京富麗華工作多年，回港後在多間米芝蓮酒店及大型連鎖酒樓集團做主管，經驗相當豐富嫁。呢度既花膠響螺湯好足料啖啖肉，仲有冬菇龍眼等材料，飲落好鮮味。點心，小菜，烤魚都有得叫，小菜叫左碟生炒咕嚕肉有菠蘿，生炒骨青紅椒等等，酸酸甜甜幾惹味。烤魚大大條，即開爐即煮，仲有牛肉配料都幾大碟有20片左右，小菜生炒骨好惹味。

鋿晶館 (旺角).今次喺繁華嘅旺角發現咗呢一間可以食點心之餘，仲可以食烤魚同埋中菜！店員大力咁推薦表示點心係師傅手工製作，師傅仲要喺日本東京富麗華工作多年.▪️ 金牌蝦餃皇•金錢肚▪️.呢度嘅點心上菜好快，蝦餃王有四粒，皮薄餡大另外醬香金錢肚勁惹味同濃味，充滿着醬汁，有蘿蔔做底.▪️脆皮蝦多士·蒜香蝦春卷▪️.脆皮蝦多士，充滿芝麻，沾沙律醬食另外蒜香蝦春卷勁大條，好多餡！.▪️豉汁蒸活斑片▪️.難得知道想食點心又得，中菜又得，就叫咗個豉汁蒸活斑，充滿膠原蛋白嘅魚皮有菜心做底！.📌 鋿晶館 (旺角)旺角彌敦道726號地舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

旺角鋿晶館，好多招牌菜式，都新鮮熱辣 ，人手製作，即叫即整蒜香蝦春卷,外皮酥脆金黃,咬落去即時噴發出濃濃嘅蒜香,鮮甜多汁嘅蝦肉喺口中溶化花膠螺頭燉赤肉湯，湯頭深濃醇厚,花膠滑溜細緻,而螺頭更帶有一啲Q彈嘅口感,加埋香濃嘅赤肉,層次豐富蒜香石斑片蒸飯，石斑肉質鮮嫩有彈性,加埋蒜香， 同埋新鮮嘅荷葉白飯百花炸釀蟹鉗，酥脆入味,一口咬落立即噴發出鮮甜嘅蟹肉香,加埋特別嘅醬汁,味道獨特。招牌鮑汁鳳爪，鳳爪Q彈多汁,鮮味十足,淋上濃郁嘅鮑汁更添風味, 唔會整得太淋有口感月半彎晶瑩鮮蝦餃，餡料飽滿多汁,味道清鮮四寶雞扎， 多肉新鮮 腐皮薄 不油活拆生剝鮮蝦腸，做工都唔錯， 鮮蝦新鮮大麻原隻大粒，喺啲即叫即做嘅點心嚟講水準高。

五福臨門 $50有蝦餃、燒賣、菜苗餃、粉果同薑汁千層糕蝦餃、菜苗餃同粉果外皮厚薄適中🥧口感彈牙餡料十足薑汁千層糕煙韌👍🏻有淡淡既薑味🫚哩個點心拼盤啱曬咩都想試但又眼闊肚窄既人貼心之選💖 雪山叉燒包 $36熱辣辣♨️餐包軟綿唔痴牙叉燒醬調味適中🥠唔會過於甜膩配搭帶牛油香既餐包🍞鹹鹹甜甜幾好食🫶🏻 傳統芝麻糕 $32食到芝麻顆粒有淡淡既芝麻香氣芝麻糕入口綿中帶少許彈牙👍🏻 大良薑汁雙皮奶 $26雙皮奶燉得嫩滑🍮薑味突出🫚唔會好甜食完暖笠笠♨️ 生炒骨 $128份量十足有十幾舊😻味道酸甜平衡得恰到好處排骨瘦多肥少👍🏻 粉絲中蝦煲 $168蝦有六隻🍤大隻厚肉粉絲好好味🍜用左大量蝦米仔同雞蛋去炒鹹淡適中就算食到好飽都仲係想夾黎食 老壇酸菜魚 $228魚肉鮮嫩帶少許彈牙🐠無腥味、泥味湯底小辣帶麻🌶️麻勁後出味道正宗💯唔會太油配菜有芽菜、娃娃菜、水晶粉、木耳、芹菜等全部好入味👅 XO醬爆魷魚鬚 $148魷魚鬚爽彈🦑唔會韌到咬唔開配上大量XO醬🧉仲有爽口既芽菜同金針菇墊底增加口感增次👄 整體而言，餐廳係自家製品牌✅點心現場手工即叫即製上到枱仲熱辣辣♨️唔好以為食點心既地方小菜會唔得小菜都炒得好惹味😋地點方便值

難得約媽咪👩🏼飲茶🫖 帶媽咪嚟食呢間茶樓鄰近旺角地鐵站，午飯時間都好多人，好彩早少少到咋🙈脆皮炸乳鴿 $58乳鴿肉質鮮嫩💯，炸得香脆，不錯！月半彎晶瑩鮮蝦餃 $22 水晶皮包住滿滿的餡料,咬落去都蝦肉蝦彈牙😋必食！小欖蒸粉果 $24粉果餡料滿滿，好食到停唔到🍴。蒸排骨 $30每次飲茶一定要點嘅「蒸排骨」👍，排骨肥瘦相間,肉質香嫩,一試難忘!雪山叉燒包 $36唔可以錯過「雪山叉燒包」🥖,叉燒味香濃,包皮酥脆,密密實實嘅包住咗一大塊叉燒肉，媽咪都話好食😆師傅乾炒牛河 $108🥘牛河係值得一試！牛肉勁足料，夠鑊氣，好食🤤。呢間食肆嘅銷量好唔錯,想Order一定要提早,食得開心又熱鬧!快啲帶屋企人呢試吓啦!#旺角美食 #必食清單 #hkfood #飲茶 #點心

呢一間位於旺角鬧市嘅舖頭，主打自家製手作點心，全部點心都係現場即點即做，聽聞佢哋嘅點心師傅仲曾經喺米芝蓮酒店同埋大型連鎖酒樓做主管，難怪佢哋嘅嘢食咁有質素保證！佢哋有超多點心選擇，小朋友先做選擇，我就決定全部想食嘅都叫晒🙈🙈，試咗咁多款唔同嘅點心，我特別推介半月灣晶瑩鮮蝦餃 🦐$22、黑松露北菇燒賣皇 $20、煎釀虎皮尖椒 🫑$39、雪山叉燒包 🐽$36 、香噴噴流沙包 $30💫，佢哋嘅黑松露北菇燒賣皇，黑松露味超足，後續仲會食到好香嘅北菇同埋豬肉味～ 虎皮尖椒舊魚肉超大嚿，落重本架！除咗食點心之外好推介大家嚟到一定要人頭嗌返一個燉湯，我哋當日揀咗黑蒜螺片燉唐排湯🧄 $48 同埋 川芎白芷天麻燉班骨湯🐷 $58，呢度嘅燉湯好足料，特別推介黑蒜螺片燉湯，黑蒜味真係好濃郁，好味道又有營養！🫶🏻🫶🏻

鋿晶館地址: 旺角彌敦道726號地舖電話: =====================我真係好鍾意食點心架，一籠籠放在面前，點心都是做到1-2口大細，若以女生食量來計，就可以一次叫6籠點心，如果人多仲可以點多幾款。大氣$50 有齊必食蝦餃燒賣菜苗餃，粉果同甜糕，必點超正！雪山叉燒包私 最愛吃，面層酥香甜，中間叉燒餡也是甜甜的令人回味無窮。嫩菜心，簡單食個菜，不用花巧姖松茸雪耳雞湯，燉到出曬味，養生滋潤，同有雞肉食煎釀虎皮尖椒，如果是喜歡魚肉釀青椒，呢個是好朋友系列。芝麻糕，凍糕軟軟粉糯上湯鮮竹卷，吸了個湯，餡料份量足又實在。薑蔥焗雞球煲，香噴噴砂煲上，熱辣辣醬汁濃味。

最近同啲朋友去左旺角食點心小菜嘅餐廳，夜晚時段真係好熱鬧，呢度有點心、小菜、烤魚、水煮魚打邊爐，真係應有盡有。XO醬爆魷魚鬚 $148份量多到爆，真係勁多條魷魚鬚，每條都超入味，底下仲有金菇，非常惹味。馳名南翔小籠包 $34廚師好貼心喺小籠包底下放咗青瓜片，令到小籠包冇咁容易穿，保留住入面嘅湯汁，每一啖都充滿爆汁嘅快感。月半彎晶瑩鮮蝦餃 $42鮮蝦非常彈牙大粒，每一口都感覺到蝦肉嘅鮮甜。蟲草花螺片燉雞湯 $48湯底清甜，蟲草花同螺片嘅配搭非常滋補。春風得意腸$40春卷炸得好香脆，外皮金黃酥脆，搭配腸粉嘅嫩滑口感，真係一絕。招牌鮑汁鳳爪 $58鳳爪燉得非常入味，鮑汁嘅香味滲透每一寸鳳爪，食落口感軟糯，非常滿足。喜灼鮮嫩菜心 $35菜心燙得啱啱好，保持住鮮嫩嘅口感，簡單得嚟又健康。法蘭西焦糖燉蛋（凍） $26燉蛋嘅質地非常嫩滑，焦糖嘅香甜味道與燉蛋完美結合，每一啖都係享受。

今日去咗旺角同朋友飲茶，餐廳係朋友介紹，賣點係點心全手工製作，每一個小品都有米芝蓮師傅們精心製作。活拆生剝鮮蝦腸蝦肉飽滿彈牙，腸粉又滑，超級好味。雪山叉燒包叉燒肉厚實多汁，包餡剛好，鬆軟微甜。四寶雞札內餡豐腴，每一口都能感受到雞肉的鮮美。鮮蝦菜苗餃餡料非常飽滿，皮薄餡多，汁水充盈，果然啲點心係即叫即整！煎釀茄子茄子外皮微焦，內裡軟嫩滑溜。師傅乾炒牛河牛肉入味鮮嫩，配料豐富，夠鑊氣。蝦多士酥脆誘人，蝦仁飽滿鮮香，加少少沙律醬一同進食更加美味。花膠螺頭燉赤肉湯花膠軟嫩彈牙，螺頭肉質肥美，入口回甘，非常滋補。唔講唔知原來餐廳係自家品牌，有分店，下次再飲茶可以搵吓附近有冇鋿晶館。