錦麗 (又一城)

营业中

休息中

朋友介紹過嚟食牛肉粉， 喺九龍塘呢又一城可以食到一個咁有質素嘅牛肉粉我都覺得唔錯中， 牛肉好靚，湯底淡咗少少。 炸物拼盤都好ok。餐廳環境都好光猛，職員服務態度都勤快。

一個人喺又一城行完街，去錦麗嘆返個下午茶😚掃QR code點餐都好方便，今次叫左個下午茶餐，有生牛肉河粉、越式魚餅、熱清甜甘蔗汁！每樣野上枱都熱辣辣，牛肉河粉的湯底好好味😋，甘蔗汁不太甜，美中不足之處就係份量偏小。

行完商場求其搵啲嘢食，好耐無食生牛肉河好想食🐂🦥錦麗生牛肉粉錦麗始終係連鎖集團，比一般牛肉河貴，但係質素就比較好，晚市設有一人餐，可以選埋小食我正係選咗牛肉粉，驚食唔灑🤣湯底牛肉味濃，每啖都食到牛肉香，將一碗簡單嘅河粉整得好好食🍜雖然性價比唔高，但偶然都會想食😂🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 錦麗 (九龍塘)九龍塘達之路80號又一城2樓28號舖

記得幾年前錦麗引入黎香港時，我專登襯佢新開張去APM試，試完覺得佢嘅胡志明綜合湯河好正宗，湯底好鮮甜而且冇乜味精，而牛丸係勁彈牙多汁，所以間中就去食事隔一兩年，原來佢多咗咁多間分店，而又買咗“賞你食”coupon，所以諗住去食番當日嘅味道點知湯底已經俾我感覺重咗味精，而且餐廳冇再主動俾芽菜同九層塔，呢兩樣配菜冇咗真係唔配叫做胡志明嘅pho咁我唯有主動問，點知送上枱嘅芽菜差唔多全部都爛嘅，真係好失望。。。雖然牛肉同牛丸依然唔錯，但下次唔會再黎呢間分店食了，希望其他分店可以保持到水準

又一城行街行到攰上foodcourt揾下野食抖下foodcourt隔離有連續三間餐廳未試過錦麗menu個蟹肉餅湯粉又好吸引，試下啦越色蟹. 肉餅蕃茄湯粉蕃茄味濃 仲有蟹味 就咁飲個湯都得蟹肉餅幾大塊 啖啖蟹肉仲有扎肉 豆卜索哂d湯 推薦胡志明綜合粉湯底牛骨味濃 牛肋條煮得剛剛好 一d都唔韌牛丸同生牛肉都好好味可以跟餐 包一杯風味飲品另外加錢可以配埋小食$22/1款 $40/2款 $54/3款加左庶蝦 普普通通 無兩款粉麵咁出色

星期日下晝3:30諗住去食個晏，小弟因為唔食澱粉質，所以嗌咗一碗粉，咁我就要求將個粉另上，可以分俾我老婆同個仔(已經每人叫一碗）。嗰度啲侍應如果唔講我以為我爭佢錢，我好聲好氣同佢講，佢話唔得㗎喎，我想你你自己夾起佢。咁我覺得真係好搞笑，如果我叫外賣咁點算？我純粹係想飲啖湯，想啲粉另上係因為唔想啲碳水入落渴入邊。再加上嗰度啲侍應唔知係咪未出糧，黑口黑面。雖然佢個湯係吾錯，但係咁樣嘅服務態度我真係接受唔到！

今次第二次幫襯,今早叫左豬扒早餐,內容有牛角包,炒蛋同豬扒金邊粉,加一杯凍咖啡少甜。首先炒蛋同牛角包到左,炒蛋幾特別,放左香葉炒,食落去幾好,牛角包一般,最後豬扒金邊粉到左,豬扒厚切,賣相可以,跟住問樓面取青檸芽菜,早餐冇提供,大佬我黎食越南早餐,你地冇提供,有少少失望,跟,住試下豬扒,一般唔好食,比我去銅鑼灣蘭芳道X色,差好遠。最後凍咖啡少甜比左一杯凍咖啡少少少少少甜。

🇻🇳🇻🇳高級越南菜🇻🇳🇻🇳果日好早就肚餓所以決定去食early dinner去到嘅時候仲有lunch set 同下午茶餐，不過呢啲咁大食嘅女仔，都係叫返lunch set hahaha叫咗一碗胡志明河粉同埋一杯三色冰😋😋個河粉有生牛肉，熟牛肉同埋牛丸三個配菜都有surprise到我!生牛肉好滑，熟牛肉應該係用咗牛腩位，超級淋，牛丸有勁重牛味同彈牙！食到我個人好開心🥳因為前一日食咗碗好難食嘅拌麵！今日可以補償番佢個三色冰又係好出色！甜度偏低，但係佢啲椰汁落得好重手！超級濃！

老公一直說帶我去嚐嚐越南米粉，所以晚餐去嚐嚐這家店怎麼樣，沒有等位，店內人還蠻多，環境還不錯，乾淨衛生，服務也算周到，我們點了一份小火鍋還有一份米粉，有點小失望，口味一般

正宗越南餐廳😊錦麗好似成日見到，但食就真係第一次食，發現原來都幾好味😋火車頭飯，$82食越南嘢通常都係食火車頭飯，因為夠豐富，乜都食到，呢度都係呀，好正。最好味係魚餅，少少辣，好正。香茅豬扒都好味，仲有扎肉同雞翼，好似食緊小食拼盤咁，好豐富。火車頭河粉，$98安格斯牛小排、牛丸、牛筋、牛腩、黑柏葉，真係勁足料，成碗都係肉🤣啱晒牛魔王。佢嘅湯好味，大大條牛腩好入味，有嚼勁，而牛小排就有牛味又易入口，都好味，粉都好滑好入味。越式清保涼，$34原來清保涼都有越式，入面有紅棗、海帶同桂圓，甜甜地但係好清，有啲似飲綠豆湯嘅味，唔錯。羅望酸梅冰，$34呢杯同平時飲嘅酸梅汁差唔多，酸酸甜甜，消暑解渴又開胃。以咁嘅價錢可以係九龍塘食到咁足料嘅飯，真係好抵。

又一城舊麥記個位而家開左我平時都會幫襯食Pho嘅越南餐廳，諗住食越南粉嘅時候，睇到佢有火鍋推介，好岩今日呢個凍凍地嘅天氣食呢～帽子火鍋用嘅湯底同平時牛肉粉比較，少咗d香料味，但牛味依然重。餸料係肉眼、牛筋、熟牛肉、牛丸、魚丸、札肉、生菜同金邊粉，設計上係好似個環咁加上火鍋上面黎放餸料，形成頂帽咁。食嘅時候我推哂d餸落鍋到，一時唔為意湯嘅高度高過帽嘅部分，濺左d湯出黎，原來係唔可以太心急，要分次落料架～肉眼同生熟牛肉當然係最好味，話哂都係佢招牌菜喎，加埋其他餸料真係好豐富，而價錢又同食碗粉差不多，冬天絕對值得encore 呀～老公話要食飯先飽，叫左個火車頭飯，有香茅炸豬扒、蔥油雞翼、札肉、魚餅、煎蛋、香蔥。個飯可以加錢要咖哩汁，但老公話蔥同豉油都夠，食哂成碟飯，仲有勁多餸，香茅豬扒同雞翼都好香口惹味，而我就最鍾意呢度嘅魚餅。仲有特飲係好味的，羅望酸梅冰，真係有羅望子同酸梅，酸酸甜甜咁；越式清保涼，有龍眼、海帶、蓮子、薏米、加左少少蜜糖，清甜潤喉，唔錯嘅冬天晚飯～

去又一城睇完戲出嚟好肚餓，見到以前麥當勞位置換上其他餐廳，見係錦麗仲有得打邊爐，就衝左入去。呢間店舖設計幾特別，除咗同其他兩間餐廳造成店中店嘅感覺之外，仲有天花大大小小唔同嘅波波燈，出嚟感覺又幾靚！我叫嘅帽子火鍋造型真係好似一頂帽咁，同平時食開嘅唔太一樣，所有食材已經好喺爐邊，方便夾落爐中，又唔阻太多地方擺放食物，用餐感覺更加闊落！火鍋配料有好多，牛丸魚蛋生菜呢啲基本不缺，仲有牛肉片、牛筋、同埋牛腩！當中一定要讚一讚炆得又淋又入味嘅牛腩，食落有咬口但唔會韌，入口鬆化又超有牛味，牛肉片都有幾多塊，而且牛味唔錯，另外都鍾意佢個超甜嘅粟米，食落爆汁又甜！朋友食火車頭飯，夠晒大堆頭，有香茅豬扒、扎肉、泰式魚餅、雞翼等等，仲有隻靚靚太陽蛋，佢就話個扎肉最正，香料十足！天氣凍凍地叫杯龍眼玫瑰花茶舒舒喉嚨，飲落有花香又清清地甜甜地，個人好鍾意！

講起食越南野，相信大家都會第一時間諗起錦麗，見咁耐冇食過，今晚於是去食下。😏〈越式帽子火鍋〉🍲🇻🇳真係第一次食越南火鍋,原來係咁有特色嘅,首先會將唔同嘅配料放喺火鍋邊,用生菜鋪墊,而配料就有扎肉🫓、牛筋、牛腩🐮、粟米🌽、蕃茄🍅、牛丸🍢、墨魚丸同生牛肉🥓等等,好有食一人火鍋嘅感覺。〈火車頭飯〉🚂🍚呢款主食係店員誠意推介，顧名思義即係有好多唔同嘅配料拼成，包括有炸豬扒🐷、泰式魚餅、扎肉、越南雞翼🍖，同埋唔少得嘅燶邊太陽蛋🍳，啱晒想試多幾款唔同種類小食嘅朋友試吓。〈羅望酸梅冰〉🧉呢杯酸酸甜甜嘅飲品就最啱我口味，就好似酸梅湯咁，食完啲油膩野就最啱飲呢杯嘢就夠晒開胃啦。〈凍越式清補涼〉🍹呢杯飲品嘅材料非常之多，有海帶、龍眼肉、紅棗、薏米等等，非常清熱解毒，好有清新紓解熱氣嘅感覺。

今日去九龍塘上堂，落左堂之後好鬼肚餓，直接走去又瑋城搵食，原來錦麗有新野食，有個火鍋好似幾吸引，見咁岩唔使點等位就入去食。火車頭飯 $82有香茅炸豬排、扎肉、家鄉魚餅、蔥油雞翼及煎蛋，全部新鮮炸起十分之香肥，招牌豬排同雞翼好入味，配上特製蔥油送飯一流帽子火鍋 $88呢個一人邊爐有牛肉眼、牛筋、熟牛肉、牛丸、魚丸、扎肉、菜蔬、金邊粉，份量超多，牛肉好新鮮有牛味，湯底都唔錯，冬天暖笠笠羅望酸梅冰 $34越式清補涼 $34仲叫左新出既呢兩杯飲品，的確有驚喜

九龍塘錦麗的位置是跟隨太興其下的敏華及亞參餐廳連繫著的。去錦麗，多數都是食生牛肉金邊粉，但今日見到個新餐牌頗為吸引便即管試一下。帽子火鍋（$88), 在越式菜館都比較少見，是用上一頂越南帽子外型的鍋身來打邊爐，鍋身用來煮湯，鍋邊放著跟火車頭相似的食材，有牛肉眼，牛筋，熟牛肉，牛丸，魚丸，扎肉，蔬菜及金邊粉。湯底牛香清甜。熟牛肉夠淋身，牛肉眼嫩滑。份量都足夠2人食。火車頭飯（$82)跟火車頭河粉的配料是完全不同的。火車頭河粉以牛為主，而飯就有香茅炸豬扒，肉質鬆軟入味。扎肉及家鄉魚餅味道微辣惹味。蔥油雞翼，蔥油可以用黎撈飯更好味。蛋是脆邊蛋。連飲品都有新攪作，有越式清保涼及羅望酸梅冰。清保涼選用龍眼、海帶、蓮子，薏米等材料沖調而成，清甜潤喉。而羅望酸梅冰就酸酸甜甜很開胃。兩杯的材料都十分豐富。