錦麗 (又一城)

营业中

休息中

望住之前去越南旅行d相就令我好想食越南野！😋我一直都好鍾意食越南野，一黎係好鍾意食越南粉個種湯底，甜得黎又會令人好想一直食落去；二黎就係佢成個口味好岩，二黎就係感覺冇咁油膩，次次食都好有胃口。😛搵搵下先知錦麗原來係越南一間好岀名食pho嘅餐廳～我叫左個安格斯火車頭金邊粉（貪佢咩都有齊曬)綜合粉有黑柏葉 (好surprise)、生熟牛肉、牛丸、安格斯牛楠仲有牛根 ！份量不得了。出面食pho 真係未試過有黑柏葉，仲要有好多塊～雖然個質地係比較硬，但就好有咬感。金邊粉都好出色，佢煮得好煙韌，唔會太淋！湯底有牛味而且都濃，飲完唔覺口渴。另外仲叫左個生牛肉湯河～鍾意食牛叫呢碗其實得好岩，因為佢有好多塊生牛肉！最後仲叫咗個椰汁紅豆冰，紅豆好綿好食！今晚呢餐有令我回想起去越南嘅味道。 😚

又一城都開咗錦麗啦，以後行街又有新選擇！❤坐低第一時間點咗個椰青先，解渴一流👍，而杯香茅青檸薄荷梳打就非常refreshing，不失為炎熱夏天嘅恩物😆。必食嘅當然係我最愛嘅火車頭越南河，配料充足，樣樣都可以試d，最正系個好彈牙嘅爆汁牛丸，真系好爆汁，唔為意咬一大啖，差d噴到成身都係😂😂。另外生牛肉正常發揮，而牛腩就軟腍，咬落啖啖肉。最後不得不提係哩碗粉嘅靈魂牛肉湯底，真正令碗粉"升呢"👍。咖喱鷄鎚飯個咖喱真系幾辣架，有d料到😂。裡面係滿滿嘅炸薯角，心諗死啦又要增肥，不過唔食邊有力減肥wor，食咗先算😂😂😂。而個鷄錘我就覺得炸得太過，令個雞肉稍硬，但系連個咖喱濕濕地一齊食又ok wor！

第一次食，位於又一城food court位置。座位偏小，可能因為佢一個地方分開做三間嘢。但係因為佢係卡位，坐落就非常舒服。咁去得錦麗，梗係要試下佢個牛肉粉。叫咗個錦麗生牛肉粉，同埋一個香茅煎蛋豬扒飯。因為我唔食太生嘅牛肉所以放咗喺個湯度浸咗浸，浸到變左色就食。依然係入口即溶，牛肉味就爭少少。但係連埋啲粉一齊食，再加埋鮮甜嘅湯汁，成個味道同感覺非常夾。會令你一啖又一啖咁食落去。至於個香茅煎蛋豬扒飯，感覺個香茅差少少，唔夠香。然後個豬扒好似炸太耐，啲肉有少少實。Overall感覺差少少。總括嚟講，佢個牛肉粉值得大家去試一試。香茅煎蛋豬扒飯就唔係太推薦。

#越南PHO一向鍾意食粉麵 特別喺夏天 濕濕地嘅麵食 感覺輕盈冇咁油膩 胃口都好啲 今日去咗食越南粉-🍜胡志明綜合粉 $70一碗粉有牛筋丸 生牛肉同厚切熟牛肉 實在抵食 特別係生牛肉片 浸喺熱湯裏面直至七成熟 嫩滑無比 芽莱清脆爽口 湯底因為吸收牛肉汁 鮮甜到極 千祈唔好錯過-🍳煎蛋香茅豬扒飯 $66白飯份量滿滿一碗 食唔晒又唔想嘥 可以要求少飯 豬扒烤焗到金黃色 肉質鬆軟而且保留肉汁 再用蔥油撈飯 香口又好食-🥤🥥椰汁三色冰 $30🥤🥥椰汁紅豆冰 $30每次喺度食嘢 一定叫杯椰汁凍飲 椰奶俾得好慷慨 甜度好夠 冰凍消暑 紅豆粒軟綿綿起沙 直頭係一個飲得嘅甜品😜-📍錦麗九龍塘達之路80號又一城2樓28號舖

夏天最適合食越南料理，而越南料理之中一定會諗起錦麗火車頭，配料非常之足。湯底簡直係越南湯河嘅靈魂，而且湯底唔會只有浸鹹味，仲有其他香料同藥材香味。豬扒煎蛋飯，豬扒炸得好鬆脆，蛋味十足亦都係即叫即煎嘅。份量 for 一個男仔食都非常之夠！最驚喜係杯香茅青檸特飲。感覺好啱夏天飲之餘，非常之有越南風情。反而會越南咖啡就麻麻地，唔值得加試。總括嚟講：都係值得推介畀大家食嘢越南料理！下次去又一城行街嘅時候可以諗諗佢。

夏天食越南嘢好似好啱數喎，再嘆個椰青好東南亞feel喎，鬼叫呢幾個天氣又幾似喺東南亞咩。朋友帶領下來到又一城嘅『錦麗』，位於food court隔離的『錦麗』比出邊坐得舒服好多，有卡位，有sofa坐。坐低，朋友叫咗碗『越南咖喱牛腩飯』而我叫嘅就係『胡志明綜合粉』，咖喱味好濃香，牛腩好多又够腍，吸晒咖喱汁，好食。綜合粉就見到粉紅色生牛肉，有牛腩，又有牛丸，試咗啖湯先，够鮮甜，咁就係有好嘅開始，飲咗D湯食咗彈牙牛丸後先至加埋另上的豆芽，辣椒等配菜，又多一層味道。『火炙香茅豬頸肉』係見人點又跟住點，好香，好大舊，勁有口感，而唔少得嘅就係椰青，這是個充滿東南亞風情的午餐。

又一城真係都幾多嘢食除咗個food court之外旁邊開咗幾間餐廳貼地啲大把選擇 比較多街坊價錢嘅food court旁邊嘅越南菜裝修都好新淨咁就試下啦 同朋友兩個人食 試咗個胡志明綜合分牛丸好彈牙 湯底青潛 冇乜味精 湯嘅河粉新鮮 夏天食起嚟都幾開胃 我就嗌咗個香茅豬扒飯咖哩味好香囊有椰汁味送飯一流 豬扒雖然 炸過但係都好juicy 飯比較乾係我鍾意食嘅 飲品方面梗係有我最愛最 解熱氣嘅新鮮椰青啦 椰青新鮮清甜 另外朋友嗌咗個椰汁三色冰 幾特別有黃豆咬口豐富 有層次 店員服務都好好地方乾淨 光猛 坐得幾舒服 價錢都唔係太貴又一城又多個好選擇啦

又一城商場內原來有錦麗，前身係麥當勞個位置。原來餐廳舖位都幾大，所以而家分拆成同一集團三間餐廳。餐廳採取QR code落單：胡志明綜合粉（$70）有生熟牛肉同牛丸嘅越南河粉，湯底清甜有驚喜。火炙香茅豬頸肉（$58）豬頸肉燒得焦香，邊位有微微甜味，係一個唔錯嘅小食選擇。煎蛋香茅豬扒飯（$66）豬扒入味，煎蛋加醬油配白飯，蛋黃汁加肉汁、醬油，令我以為平平無奇嘅豬扒飯即刻變得好吸引。原個椰青（$48）香茅青檸薄荷梳打（$32）

咁你嚟咗香港幾年，一直都冇機會食，以為連鎖餐廳水準都係麻麻地啦。今次朋友帶我去食，又幾有驚喜喎，食物質素唔錯，侍應嘅服務態度亦都非常之好。胡志明綜合粉 $70湯底好好飲，飲得出冇味精而且用上好多嘅牛骨去牛仔，淡淡都有香濃嘅牛肉濃湯味道。裏面有生牛肉、牛腩、牛丸；牛丸最出色，入口非常彈牙多汁，好似食緊瀨尿牛丸咁，而且牛肉味道亦都好突出。生牛肉正常發揮，偏薄，味道都算唔錯，生熟控制得幾好。牛腩就普普通通，入口比較硬。香茅咖喱豬扒飯 $68豬扒係即叫即炸，上到枱非常之熱，香茅咖喱濃度適中，唔會杰撻撻好難入口，用嚟送飯一流！咖喱偏甜，大人小朋友都啱食凍香茅薄荷青檸梳打 $32好飲！原條香茅放落青檸梳打度，令到味道多咗一個層次，而且非常配合，夏天飲解暑一流熱越南滴滴咖啡 $35

又一城都有錦麗啦！唔洗去樂富咁密，哈哈！香茅咖喱豬扒飯香茅加咖喱重味level up，咖喱味濃濃過香茅，咖喱帶甜！香茅豬扒都大件厚肉，但食佢就香茅味都出，加咖喱味就重啲！啲咖喱薯仔嘅咖喱炸過，硬企身d，少少似食薯條！胡志明粽合粉我次次都一定叫，9成機會叫！粗荳芽浸湯好正，就係個湯次次飲完唔口喝，令我成日嚟都叫！生牛肉嫩肉，份量多！牛味比熟重。我覺得，不過熟牛肉就好夾住飲湯食。因為有咬口d外，有d荳芽同蔥就香口d！牛丸係最欣賞，爆汁！係丸類嚟講牛味好出，次次留一粒到最後食，哈哈哈！凍鹹檸檬青檸梳打清爽解熱，酸中爽喉！凍椰汁紅豆冰紅豆好大粒好軟綿綿，加上椰汁好厚(好肥呀)，好飽肚！

越南粉真係食極都唔會厭, 今日同朋友係又一城行完街, 去左呢間係foodcourt 隔離既錦麗食晚餐呢間餐廳, 環境相當好, 因為係又一城商場入面, 地方好大, 仲好乾淨食物方面有多款既越式湯粉同撈檬, 仲有飯類可以揀我就揀左胡志明綜合金邊粉, 貪佢樣樣牛都有, 可以一次過試晒咁多款牛, 佢有牛丸, 生牛肉同熟牛肉, 牛丸相當好味, 爽口得黎仲食到入面既肉汁, 熟牛肉好似係咁崩沙腩, 有筯同腩肉, 咬落去口感十足, 生牛肉夠晒粉嫩, 入口嫩滑煎蛋香茅豬扒飯: 呢個豬扒超有水準, 外皮香口得黎又保留到肉既質感, 唔會好乾身, 配合佢既甜豉油同蔥油汁, 真係可以食晒成碟飯佢既三色冰都好足料, 甜度岩岩好, 味道相當正

今日去開九龍塘行街，咁呢中午要去搵嘢食 見到以前麥當勞喺food court嗰個位置轉左三間舖頭，最多人排嘅就係錦麗，我地就去排隊啦。等左一陣就安排咗我哋坐低喺個卡位，睇個Menu主要就食湯粉，小食同埋有啲特色飲品。我哋就揀咗兩碗，一碗係胡志朋綜合金邊粉，一碗係魚餅扎肉香濃雞湯金邊粉，另外加多咗個新出嘅火炙香茅豬頸肉，同埋兩杯飲品分別係椰青同埋三色冰。好快兩杯嘢飲就上枱，個椰青呢佢寫明係泰國出品，飲落都好凍同埋好新鮮，啲肉起出嚟都好鮮甜。另外嗰個三色冰呢都好足料，尤其係紅豆真係好甜，椰汁都好開胃。之後綜合金邊粉就上枱啦，個綜合就有齊生牛肉，熟牛肉同牛丸。我特別推介牛丸，佢入邊唔係淨係死實實咁，入邊有真係feel到真係手打嘅。另外個雞湯金邊粉都好食，個魚餅會有小小辣，札肉就好厚身，個湯都好清甜，好好飲。雖然睇落唔係好大碗，但食完都好飽。最後仲有個豬頸肉，啲肉切到好厚身，燒得好脆好香口，配埋甜酸醬點好快就俾我哋食晒。因為餐廳都比較多人，等食物同等侍應都要俾啲耐性，不過都啲野都好好食！

第一次接觸錦麗， 是當年去越南慕名而去，一嚐當地著名的牛肉粉，銷魂的美味至今依然難忘， 還記得那些任落的青檸、香菜和芽菜， 錦上添花，深深感受到當地地道的飲食文化有了這一次體驗，之後吃越南河總會認為多加一些香菜會更好吃，更地道， 錦麗嚟咗香港一段時間，今次都係第一次去食， 充滿了期望，亦沒有令我失望胡志明綜合粉($70)顧名思義綜合了牛丸、生牛肉和熟牛肉， 清澈而帶牛肉味道的湯頭，標榜沒有味精，軟熟的牛肉，彈牙的牛丸，加上肥美爽口的芽菜和檸檬葉，想起了當年令人難忘的味道， 好食魚丸扎肉香濃雞湯金邊粉($66) 即用了自家煮的香甜雞湯，湯底都唔錯，魚丸也是自家製，用真魚肉製成，吃得出真材實料飲品點了熱清甜甘蔗汁($25)和椰汁三色冰 ($30)

It have been a long while since we went to Festival Walk and since we were free today, we planned to go there for lunch and window shopping. We went to the top floor and hunted for food and was attracted by the Vietnamese food. Pho Le was located at Festival Walk, just above Kowloon Tong MTR.Their shop was very busy when we reached, and heard that the brand was brought over all the way from Ho Chi Minh, Vietnam. They offered pho, rice, chicken soup rice noodle, cold vermicelli, vegetable, snack,

晚飯時間去又一城搵食，行到最頂果層發現原來開左錦麗，仲啱啱唔使排隊， lucky 基本上每次去錦麗都係食佢嘅 signature — 胡志明綜合粉，因為真係好好味，從未令人失望過。簡簡單單，一人一碗綜合牛河，入面有齊生熟牛肉同牛丸，正呀！胡志明綜合粉 $70湯底靚，有香濃的牛骨味，飲得出好鮮甜。河粉上舖滿了生熟牛肉同牛丸，D餸真係滿晒架，見到都滿足。生牛肉略浸成半生熟，夠滑而且好濃嘅牛脂味。熟牛肉口感似牛𦟌，有咬口得來又唔會韌，牛味濃。而牛丸就夠彈牙，中間食到有少少牛油味，好過癮。除咗牛河，今次我哋仲食左豬頸肉。製作時間比平常耐，大約要二十分鐘。但一上檯就明白，原來係即燒架即燒豬頸肉真係好香，好熱好熱。食落半肥瘦，醃得好入味，多香茅，而且大份，五十幾蚊真心抵食。如果唔趕時間，推介一定要食吓。火炙香茅豬頸肉 $58椰青 $48有牌子 （貼子）的椰青，來自泰國，夠凍又清甜。椰青肉亦好嫩滑凍青檸梳打 $30甜酸度控制得唔錯又夠凍，水準之上。只係飲品要散叫就唔太抵，建議可以考慮set 下套餐，咁就好啦