錵の工房 (已結業)

休閑的庭園咖啡店的風格，門口有一束束花。餐廳來米白色調為食客帶來清新且放鬆的感覺，價錢非常合宜，放工放學、假日來聊天是一個不錯選擇。鰻魚定食 （$70）鰻魚肉烤得軟軟，皮脆脆有的口感，明顯是自製的。從外觀可見，燒製的鰻魚色澤偏深色，魚肉味鮮富彈性，且魚皮被燒至卜卜脆，醬汁入味而且偏濃。和其它飯比起來有小貴一些些，但鰻魚厚肉肥美，份量好多，所以依然接受到。和牛漢堡 （$60）首先就要一提，＄60和牛漢堡其實非常抵。上而下分別是酸瓜、鮮蕃茄、生菜、芝士及和牛漢堡。另有脆香薯條相伴大大份和牛漢堡被半溶的芝士緊緊包裹著，豐厚滋味。但食感上肉汁量不算豐盈。而菜蔬新鮮，予以一份酸爽的食感，開胃且平衡整個包品的味道。麵包，是最值得讚賞。麵包，有馮鬆嘅感覺、有完美嘅弧度，且中間烤過香脆可口，再搽上適量牛油。整體非常不錯，且只需$60，其實抵過好多漢堡包店多多聲！蜜糖芝麻雞翼（$28）雞皮燒得香脆、加上香甜嘅蜜糖醬汁，伴隨著薯條。在這，需要一讚餐廳的心思。這個薯條，跟和牛漢堡薯條不同。味道比較淡，雖然脆但沒有油炸，原因是蜜糖漿非常香甜濃郁，如果薯條是油炸，味道會太膩。將薯條，每一條都點上餐廳配製的蜜糖汁

今日冇野做去咗朋友公司探班，見下佢順便一齊食lunch近近地就去咗佢公司樓上一間餐廳食，原來係新餐廳，門口仲放咗好多花，影下相厄下都幾好餐廳環境唔錯，座位都幾闊落，有時間坐下傾下計都唔錯，而且食物種類都幾多，不過有時未必有提供，本身想叫海鮮湯麵，不過今日冇唯有下次再試日式海鮮濃湯 $35 味道超級濃郁，而且好足料e.g.青口、蝦肉，依個價錢好抵飲丫，飲完都有小小飽榛子朱古力 $25 依度既野飲係幾出色濃郁榛子味，朱古力又唔會太甜，味道啱啱好，而且夠曬大杯，超值抹茶鮮奶 $30抹茶味香濃又唔會過甜，夠滑夠香照燒西冷扁意粉 $88份量正常，西冷都算嫩，不過有根，味道都唔錯意粉冇汁，有小小乾，而且冇咩味.....如果加汁味道應該會好好多明太子千層麵 $70上枱既時間已經嗅到好香份量都幾多，每層千層面中間再有薯蓉，所以夠曬飽肚，面頭有好多明太子，連埋超濃味既麵一齊食，口感唔錯

一年一度又到公司annual dinner，年年公司到加人工季節，總會放風「今年業績不好」之類，給你無限心理準備人工加很少，請笑納。今年是第一年真正感受到生意有多差，沒有往年的載歌載舞，我不知道高層在打什麼算盤，我覺得不如不要搞annual dinner，勞民傷財又感受到不到快樂氣氛嘛。明知吃不飽，我和同事決定先去附近打打底！錵之工房是某舊同事推介，上到來果然如她所言鳥語花香！轉了敵家公司工作後，我看她是挺爽的，不過對於夕陽行業，我覺得還是他朝君體也相同，唉！還是吃一餐飽的最實際！工廈餐廳經常給人別有洞天的感覺，錵の工房走簡約路線，四周掛滿乾花，木系卡座長枱，開放式水吧，是精緻版大眾飯堂。下午茶價錢合理，朋友的鰻魚飯，原條上，味道意外地好，通常平價鰻魚都會很腥，又或是以厚厚個燒汁蓋過其味，但這裡沒有，實屬驚喜。不得不提，這個定食附兩款前菜，其中這一款麻辣雲耳挺特別的，辣勁適中很對胃，而我可是第一次吃白雲耳！炸蝦多士，切得像「多士」，但其實一整塊是蝦餅，帶點泰國風味，如果可以配泰式酸辣醬就好了。和牛漢堡我覺得挺有驚喜的！超級大份，還附有餐湯，誠意之作。和牛扒自家製，非常厚，感覺是牛 &#

今日和太太往錵之工房食日式下午茶, 我們點了油淋豚拉面配前菜, 浦燒鰻魚定食配味噌湯、北海道吉列大蝦配黑松露醬、朱古力咖啡和洛神花茶。油淋豚拉面朱骨湯底香濃而不油膩, 蔥油食落爽口, 豚肉食落肉質味美, 拉面食落爽口；前菜和沙律菜食落新鮮爽口配上醋汁食落開胃, 口感豐富的油淋豚拉面配前菜；浦燒鰻魚定食配味噌湯鰻魚好大條, 鰻魚食落夠熱, 但如果鰻魚軟身一點會更佳, 因為咬落去硬了一點, 飯食落軟綿, 略嫌醬汁少了一點, 如多一點更佳；味噌湯味道清甜而不會飲落太鹹而感到口乾；北海道吉列大蝦配黑松露醬賣相吸引, 北海道吉列大蝦食落乾身香脆, 蝦食落彈牙鮮甜味美, 配上黑松露醬令吉列大蝦食落層次更豐富, 大蝦配菜很有特色, 有煮熟蕃茄, 紫薯蓉和熱西蘭花；紫薯和牛油混合一起製成紫薯蓉, 食落香滑, 紫薯味道好腍, 食落醒胃；煮熟蕃茄和西蘭花食落新鮮開胃, 整份北海道吉列大蝦美味足料；朱古力咖啡賣相一流, 咖啡味道香滑, 朱古力味道香濃；最後洛神花茶味道適中, 味道清甜。餐廳座位舒適, 食物有水準, 尤其是北海道吉列大蝦配黑松露醬很好美, 食了一頓美味日式下午茶。

前嗰排去咗一間喺工廈入邊既日式餐廳，一去到見到有勁多人排隊就知應該幾抵食！我同友人當日叫咗咖喱牛肋肉定食同自家製和牛芝士漢堡，見到兩個餐都係＄60以為會好細分/好頹，點知黎到真係嚇咗一嚇！個和牛漢堡嘅份量同平時出邊食百幾蚊個都差唔多，牛肉漢堡好厚份量好足，芝士熔熔把真係唔錯， 仲有大量粗薯，一般女仔基本上冇可能食得晒！仲要有飲品同西湯，真係好誇張！而家咖喱牛肋肉定食都幾多嘢食，有兩款前菜同湯， 牛肋肉都幾淋， 但個驚喜會係個薯仔，勁入味而且起沙，好味！總括來講，呢個價錢喺九龍灣來講都算係幾超值！

位於九龍灣常悅道環球工商大廈8樓的錵の工房 （Hana Japanese Eatery）,主打日式西餐。餐廳的位置頗為闊落，用膳當天為星期六下午，所以餐廳不算太多人。餐廳的燈光感覺溫暖，在這裡用餐也頗為舒適。這餐廳主要提供日式套餐，而價錢約為五十至七十元，包餐湯、前菜及一杯熱飲。點了一客蒲燒鰻魚定食，約十五分鐘後，食物便來到了。定食用上木製的盤子送到，感覺精緻。鰻魚飯的質素頗為出色，鰻魚大大塊，一點也不吝嗇，不用擔心鰻魚會不夠送飯。而且鰻魚下的幼蛋絲也十分足料。鰻魚的肉質偏軟，醬汁頗香濃。米粒則採用圓身的珍珠米，口感較為軟漏。餐廳還可以免費加飯呢，男士們吃也會夠飽。是日餐湯為味噌湯，味道也頗鹹香，夠熱騰騰。醃菜是醃紅蘿蔔及酸瓜片，小食則是日式芝麻醬拌青瓜豆角條。兩款蔬菜小吃的味道也是頗清新的，但略嫌有少許過生。熱飲方面，除了有較為常見的咖啡奶茶檸檬茶外，今次則點了特飲水果花茶。花茶上桌時用了透明的茶壺，感覺精緻。花茶的味道頗為清香，聞到有士多啤梨、荔枝和玫瑰的香味。花茶的味道微甜，茶葉足夠所以味道不會太淡，吃完飯後正可以消消滯。

朋友帶左我黎試下新開嘅工廈食店，店名……不會唸，是花吧？哈哈，因為日文係Hana工廈中大堂可算是十分光猛乾淨，而且地點也不難找，沒有很隱世。蒲燒鰻魚定食（$80）朋友點了午餐set，感覺不錯呢，有前菜同麵豉湯附送。鰻魚大大塊，肥美厚身，下層蛋絲軟腍，珍珠米軟硬適中，加埋甜甜地嘅鰻魚汁好好下飯呀。明太子千層麵（$70）午餐無乜心水，散點了呢款千層麵，因為即叫即焗嘅關係，需時40分鐘千呼萬喚下熱騰騰的來了，天氣咁凍食真係好正呀，個兜望落正正常常，但其實份量好大，面層已經係滿滿的芝士，中間一層麵一層明太子，仲有茄醬，加上額外的芝士夾中間，超級飽肚，熱量極高，需同朋友合力完成。凍抹茶鮮奶（$32）朋友要了抹茶鮮奶，大大杯，雖然綠茶味不太濃，但甜度適中，幾好飲吖。午餐包熱飲一杯，或加15蚊轉25蚊以下特飲，超額就沒有優惠了，要留意啦～伯爵茶（$25）自己散點沒有跟餐飲，就叫了一杯伯爵茶，好大個杯，茶味好香好正，但一個茶包一杯還是濃了點，可添一次熱水就好了。食物還不錯，價錢也合理，小店加油

新開張的樓上餐廳，所以就同事去試試午餐，門口好多好似乾花的花做擺設一點未到就坐滿人，厲害，里面感覺好有花園感，可惜太多人，令環境變失色我選蒲燒鰻魚定食HKD70成個餐幾抵食，乜都有，有湯，前菜小食配一杯熱飲如果要選特飲需要另加HKD15，可選HKD28以下的特飲鰻魚飯超大份量鰻魚好香，飯大大碗配上麵豉湯，味道十足另外有前菜最鍾意呢碟黑白木耳，爽口好味道另外點左個熱玫瑰咖啡，好香，拉花好靚，入口香滑味道討好，雖然繁忙時段，但質素不錯，只是稍微要等等，但值得再去！

小清新 cafe@九龍灣餐廳叫 HANA，就係花嘅意思。門口都真係放咗好多大熱嘅乾花，名乎其實！掛牆嘅植物相框令餐廳感覺清新～lunch set 嘅蒲燒鰻魚定食，有麵豉湯、前菜同餐飲。前菜係啲漬物，個木耳整得好好食，酸酸哋又爽。鰻魚切開咗，而且無骨，食落好綿軟。蒲燒汁嘅調味唔錯，唔會太濃好好味。紫菜絲同蛋絲都好多，撈飯食一流！散叫咗個日式海鮮濃湯，湯頭果然好濃郁，應該係龍蝦湯嚟嘅。海鮮非常豐富呀，有蝦、青口、魷魚等等，應有盡有嗰隻。😂都係散叫嘅明太子千層麵，即叫即焗好新鮮滾熱辣！每層都有大量明太子同芝士，明太子多得嚟又唔會過鹹喎，好食～最後響應返餐廳名叫咗個花茶，好悠閑嘅一餐。🙂

最近朋友SEND左呢間餐廳既MENU比我睇，話想試，一睇，咦？係新餐廳喎，個樣都幾靚，決定去試！我哋12點半去到啱啱好有位，我哋坐完之後就冇晒位要等位啦。咁坐低就睇餐牌啦，大概都係＄6-70左右嘅價位。朋友叫咗個茄子和風豬扒飯，我叫左個和風牛肉定食。定食包括一啲漬物同湯。可能人太多上菜比較慢，同埋會有少少甩漏。但新餐廳好多都會咁，所以都唔會奇怪。漬物同配菜好食，肉既份量都唔少，整體配合得幾出色。呢個價錢配呢個食物質素，值得再黎！

因為喺附近返工，所以今日就同朋友黎試吓。估唔到午餐嘅時間竟然會係由11點到五點,咁樣晏啲嚟食都唔使驚冇晒午餐供應。我哋大概12點半嚟到超級多人，而且都有少少混亂。唔緊要啦，我哋都等左一陣。呢個係香煎西冷扒，鍾意食濃味嘅人應該都幾啱。而西冷份量都唔算少，食完都幾飽㗎。而且個賣相都叫做幾吸引。我哋有叫咗個鰻魚飯，鰻魚肉都幾厚身，口感唔錯。另外牛油果海鮮意粉雖然唔係好靚，但牛油果味幾出色，加埋意粉都好夾。

係大廈樓下已經見到大大張廣告，有早餐同埋lunch set 。由地鐵行過工商區落天橋就望到，係翻新工廈8樓我都幾鍾意食鰻魚飯，所以叫左鰻魚飯lunch set 薯仔沙律+湯。感覺係性價比最高。鰻魚算入味，反而比較驚喜係薯仔沙律！有蔬菜同餐肉粒-另外仲同朋友叫左廚師發板意粉lunch set。咁就係 牛油果海鮮意大利麵+粟米忌廉湯 。都幾鍾意個意粉架，因為用左牛油果，所以creamy得黎口感唔heavy 。同埋set分量好足。 所以午餐嚟呢度食都唔錯

星期六在德福廣場看完戲後，商場裡面人山人海，所以就來到附近工廈的錵の工房醫肚。一入門口就已是花團錦簇，田園風的裝修清新淡雅又不失溫暖感。餐廳面積頗大，環境寬敞舒服。除了散叫款式外，週末亦有提供午餐，價錢經濟實惠。自家製和牛芝士漢堡 $60一客漢堡set lunch 包括羅宋湯、漢堡包和薯條，包身疊得高高，相當具份量，以這個價錢來說可說是抵食。漢堡扒口感扎實，不過因為所用的牛肉似乎比較瘦，肉汁未算十分飽滿，油香不多，所以不會太滯膩。薯條是舊式的粗條波浪狀，炸得乾爽， 不會油淋淋，只是可能是一早炸好的關係，所以不太夠熱，也未算很脆身。蒲燒鰻魚定食 $70鰻魚定食包括一客味噌湯，醃製青瓜和沙律，十分豐富，飯量更是極多，一個正常食量的女生未必可以吃得完。蒲燒鰻魚肉質軟嫩肥美，沒甚麼細骨，油香四溢，而米飯就煮得略為硬了點，如果可以下多點燒汁用來撈飯會更開胃吧！明太子千層麵 $70假如你是芝士控，必定會愛上這碟鋪滿厚厚芝士的千層麵，芝味極濃郁。千層麵利用多層的麵皮堆疊，內層夾上明太子醬、肉醬及芝士，雖然明太子味不太突出，但全碟仍有著多重的口感和豐富的味道。青檸薄荷梳打 $15青檸與薄荷清香絲絲滲透

今日黎搵個人頭豬食午餐，係九龍瀏其實都好難搵到好西食，周圍都係商業大廈，真係頭都痛埋，據朋友新鮮情報，知道某工業大廈開左間新 cafe，以後食 lunch 都有個新選擇 🤤 一入到去，環境佈置好靚呀，周圍都係花花同草草嘅佈置，將我地包圍，氣氛好舒服，而食物方面就揀左一個 set lunch 赤料理長味噌烏冬，包一杯熱飲，有個紫薯沙律，非常抵食，烏冬份量大大碗，入面有雞蛋、日式魚片、木耳絲、粟米、豬軟骨等等，味道都唔錯架，另外亦散叫左呢到嘅特色，日式海鮮濃湯，好強嘅海鮮龍蝦味，一定要叫呀！主食就叫左西冷扁意粉，份量就小左小小，但係塊扒都幾靚嘅，飲品方面就揀左茉莉茶同水果茶，都不錯的 😊

星期六來到九龍灣搵食，德福淘大，又有Mega Box，餐廳選擇非常多。所以今次就揀他們以外的新嘗試，來到工業區搵食。來到環球工商大廈，意想不到餐廳會藏在這裡。餐廳室內地方頗大，可能是新開業及星期六的關係，餐廳只坐了大半食客，相信平時上班日子應該人頭湧湧。餐牌上食物選擇多，而種類是日式fusion菜。蒲燒鰻魚定食 $70上枱時熱辣辣，鰻魚也夠份量，加上紫菜絲做點綴，賣相吸引。鰻魚入口香腍，配上適量的鰻魚汁，不會過咸。定食還跟有麵豉湯，沙律菜及前菜，非常豐富。自家製和牛芝士漢堡 $60漢堡都幾有份量，因為除了厚厚的牛肉，還有芝士，青瓜，菜等。入口有牛肉的juicy，芝士的香味和各種蔬菜的清新感覺。而各種食材亦令漢堡口感變得豐富。伴碟還有薯條，沙律菜和羅宋湯，都幾抵食。藍橘菠蘿梳打這次尋寶發現九龍灣的工業區果然臥虎藏龍，在這裡的上班族有福了。