錵の工房 (已結業)

九龍灣工廈一向多野食，只係唔知咩野好食。咁啱去環球工商大廈搵朋友食飯，見到八樓有間日式餐廳，所以就試下啦。這裡似乎係新裝修，好有日式cafe既感覺。聽聞日日餐牌都有少少唔同，不過午餐都有十款左右！點了兩個餐，我見隔離枱個漢堡包超大，所以點了，哈哈！友人的雞翼餐先上，係六件單骨炸雞翼，即係只有三隻雞中翼，份量不多。除左雞翼仲有碟苦瓜做前菜，味道一般，好似生生地⋯等左一陣漢堡包到，嘩左一聲，真係超巨型，和牛排有2cm厚，而且好多汁，仲有幾片蕃茄同菜。最特別係有日式酸蘿蔔在包內，不過味道不太夾。湯係西蘭花湯，不錯。食完真係超飽超滿足。

約好閨蜜食午飯餐廳內座位多 食物選擇都有日式 有西式任何中午餐都有餐飲、餐湯閨蜜叫的是鯖魚定食鯖魚很鮮甜 而我叫的是芝士漢堡、薯條當中配上蔬菜餐湯是打碎了的蔬菜西餐湯很入味價格很平民 地點方便打工仔

今時今日幾十蚊想食餐好少少嘅飯，都真係唔係易事!呢度無論質素抑或環境裝潢，都屬於幾唔錯吓，價錢仲好實惠，不過一去到午飯時間，都係一位難求，建議有興趣嘅人士，選擇返1230或1400後呢啲時間，如果唔係都幾大機會趕唔切食!由於今日工作激心，唯有用食物發洩，我決定唔理咁多，鐘意食乜就食乜!所以無叫set lunch,改為散叫!呢個海鮮湯非常濃郁鮮味，仲有大大隻蜆、青口、魚等等材料，唔錯!和牛漢堡非常厚肉，而且香濃有口感，加埋芝士等都係六十幾蚊，比好多大品牌漢堡嚟得更滋味!係咪好吸引呢？煙三文魚沙律價錢同starxxxz差唔多，但論實在同份量，就完全係呢度取勝。最後叫咗杯玫瑰咖啡，好香玫瑰味但又無咖啡果陣酸，令人想再試杯!

平時係九龍灣番pt，每日最大嘅煩惱就係唔知食咩好。今日無意中比我發現公司附近有呢間非常唔錯嘅餐廳，價錢唔貴食物亦都ok，值得推薦。由於我比較遲先放lunch,去到嘅時候人流唔算多，一入就有位。餐牌每星期都會轉，成日黎都唔怕食厭喇😆。我就叫左個辣牛肉便當，食落係韓式辣醬嘅味道，但都唔算好辣，非常惹味，送飯一流。除左主菜，仲有沙律、湯等配菜，成個午餐非常豐富。我仲加左少少錢叫左杯咖啡，呢度嘅咖啡非常唔錯，咖啡味香濃，值得一試。

今日喺附近打波打波前先黎食個lunch可能因為係weekend 12:30黎到都唔多人得大概1/5既檯有人同個friend一人叫左一個lunch set我叫左雞扒烏冬佢包埋沙律 芝麻豆腐同埋飲品雞扒烏冬份量唔細雞扒嫩口 而且用左適量既黑椒去整令到佢更加惹味烏冬好彈牙 煮既時間適中湯底就係普通豬骨湯底 冇咩特別如果可以加d麻油就仲正啦個friend叫左個和牛漢堡set佢個set係包埋湯既係唔係真係和牛就真係食唔出但一上台見到超大分別配料都好足夠食左一啖覺得好juicy漢堡軟硬度適中唔會有根大讚d薯條 係超級脆仲要食到後尾都仲係脆既五十幾至六十幾蚊有個咁豐富既lunch set覺得唔貴而且都有成十幾款選擇

今日約左舊同時食lunch,因為要就佢返工既地點,所以揀左係九龍灣商業區食! 其實我地呢頭都唔陌生既,但就好少平日lunch過黎呢頭食飯! 心諗咪又係得茶記可以選擇…不過朋友仔今次比左另一個option我,佢話近幾個月新開左間日式西餐,好似幾好食咁,所以決定去試試!估唔到工廠大廈樓上都有間咁別緻既cafe喎好surprise! 不過呢度lunch勁多人,我地兩個女仔都等左15min先入到去,坐低見到呢度有個open kitchen,裝修得都幾靚!好肚餓啊…我地決定食set lunch之前先叫個餐湯飲,呢度既羅宋湯幾夠酸,有少少辣,唔錯!Set lunch, 我地決定叫2個share食! 朋友仔叫左個香煎西冷,初先以為係呢度食扒應該會係普通野,但上碟果下發覺有驚喜,塊西冷扒好大塊! 望落去好juicy咁…流晒口水咁以前配菜有我最愛既薯條,炸得剛剛好,好脆啊!講返塊扒,雖然我地無叫到幾成熟,不過呢度都煎得剛剛好…好淋好好食,lunch食到塊咁正既扒,性價比都幾高!另一個set,我地叫左白酒蜆肉意粉! 呢度既意粉好有咬口，一定唔係普通茶記式既意粉。白酒汁好濃…仲有好氣既牛油味,加埋彈牙既蜆

啱啱同女友上完畫班堂，正好係LUNCH時間就同佢黎左樓下嘅錵之工房食晏。呢度主打係日式家庭料理，所以環境都同日本嘅食堂有幾分相似。先睇睇大MENU，飯/意粉/漢堡及各種小食都一應俱全。而LUNCHSET嘅選擇更多，拉麵/烏冬及定食都有，所以就同女友各點左個，大家SHARE黎食。首先係我馬鈴薯燉豚肉定食，跟餐仲有麵豉湯/沙律同埋腌青瓜，份量十分豐富。豚肉燉煮得好入味，咸甜中帶點蘋果微香，咁嘅做法就同日式咖喱一樣以生果嘅酵素軟化豚肉嘅質感，令佢更入味同香口。而薯仔同蘿白同樣好腍，輕輕一夾就鬆開，入口即化。女友因為唔太餓，就點左個吉列厚切豬三文治。但真係唔講得笑兩件三文治十分巨型，起碼兩吋厚。大食女友都話食一個就飽了，要我包底。三文治用料十足，而且有誠意嘅地方係佢先切開塊豬扒，再釀入大量芝士後才攞去炸，所以食時拉絲同爆漿效果十足。同時令豬肉KEEP住嫩身，食落無咁乾口。飲品方面，UPGRADE左SET LUNCH嘅跟餐飲品做水果花茶，味道係荔枝/玫瑰及草莓三者混合，香味濃郁又解渴。個茶包浸耐啲都無苦澀味，放半包砂糖去平衡返個味道啱啱好，幾好飲。

星期六下晝行德福，想醫肚，但對商場嘢食冇乜興趣，不如行落去工廈區搵搵。呢間日式上樓cafe喺樓下已經有廣告，就上去睇下先。門口黑板手繪幾靚幾開心。只開日頭，應該主要做呢頭返工嘅人生意，入夜後工廈區就冇乜人了。通常工廈食肆地方都大，呢度都唔例外。據講平日人多到要排隊，不過今日星期六就少咗好多人。白酒牛油汁蜆肉意粉，配個藍橘菠蘿梳打。意粉不比出面啲意粉連鎖店差呀，杯梳打清涼可口。蒲燒鰻魚飯，鰻魚肉好大塊，調味都做得好。呢度嚟個輕食午餐或下午茶，真係唔錯呀。

係九龍灣返工，有時都會約同事出去食Lunch，但食來食去都係果幾間，有時都想試下新野。上星期放工時見到一張大poster，比佢地既食物照片吸引，價錢算ok，於是約定大家下次lunch time食呢間。間店空間ok，但人多坐滿時冷氣不足而且射燈照住覺得非常焗同熱。食物方面，同事點了唐揚雞排定食、鯖魚定食，所有定食配了一碗麵豉湯、沙律、前菜，同埋飲品。她們覺得味道唔錯。而我點了自家制和牛漢堡:自從大肚後，就愛上食burger&chips，所以我必點呢個餐。呢個餐配洋蔥湯同飲品，湯就普通。但個burger不得了，切開一半後，發現和牛漢堡非常之厚，再加上生菜同蕃茄，係非常之豐滿既burger。果塊和牛漢堡係好juice同好香牛味，真係好正。再加埋薯條，呢餐係非常滿足😍😍最後份量太大，我要打包一半burger拎返公司做下午茶。

今日過左九龍灣同客食飯,都好耐無係午飯時間過商業區果面啦,原來呢家唔只得Megabox多野食,附近都開多左好多餐廳,有d仲係樓上餐廳添,好多選擇啊!今次我地去左"錵の工房", 係樓上cafe, 聽講新開左無耐,去到好多人等位，午飯時間都真係要等15mins先有位,好旺場坐底都見到menu有好多選擇,西式日式都有,我地叫左兩個set再加左salad!Salad - 我地叫左個凱撒沙律,野菜上面有塊好大既煙肉,無太多cheese, 但多左好多果仁,幾fresh, 好開胃!蒲燒鰻魚定食我最愛既日式定食,每次見到厚厚既鰻魚就覺得好正! 呢度既鰻魚都好有水準, $70/set可以食到咁大塊鰻魚,有麵豉湯+沙律+漬物,不錯喎! 飯上面仲有好多蛋絲,燒汁甜甜地,好惹味! 不過最重要既始終係塊又大又厚既鰻魚,質感一流,正啊芝麻炸魚柳麵豉 - 另一個定食我地叫左炸魚,初先以為好似fish & chips咁,但原來唔同喎,魚柳好薄,炸起好脆,差唔多一口食到一件,而且上面有多芝麻,幾香口! 不過最特別既係個麵豉汁,配埋個炸魚柳幾過隱! 配菜有醃黃瓜同薯菜,日式西式都有齊晒…食鮑飽之後,當然要飲返比野啦,睇落

有舊同事返嚟同我地食飯，提議食日本野就揀咗呢一間，據聞呢間日本野成日都要等位，所以就去睇下有乜咁好食先，不過又真係多人喺度等位塞住晒係個門口，好彩有舊同事嚟攞位先啫我叫咗個芝士明太子撈烏冬，真心講唔係太特別，明太子得好少，個芝士醬又奶味過重，而且我覺得食完一啲都唔飽🙈🙈🙈好似食咗一陣風咁🙈不過佢啲前菜嗰個沙律菇，同埋青瓜，仲有佢嘅麵豉湯可以拉番高D分嘅😅我見其他同事又冇話佢地個餐覺得好好食，所以我晤打算再幫襯

步過芸芸工廈，到達這家位於樓上八樓的餐廳。一步入餐廳，餐廳樓底很高，十分開揚，四週還有許多綠色植物點綴，感覺舒適。這兒的餐點種類唔少，有多士、三文治、沙律，意粉$58-$88，仲有十二款優惠午餐$55-$70，而主食也只是$55-$98，定價十分親民。蒲燒鰻魚定食$70面鼓湯味道順喉，唔會過鹹；沙律菜清爽。鰻魚都幾大片，有大半條蓋在飯面上。這鰻魚不是瘦奀奀的，是大大片帶點厚度，口感鬆軟無細骨，味道香甜，配上雞旦絲同紫菜碎，拌以香甜的鰻汁米飯，和風味道十足，不錯！宮崎海鮮炒飯$55這炒飯性價比好高。炒飯炒得很香，飯粒帶點濕潤，粒粒分明，唔油膩。炒飯材料豐富可口，有蝦、鰻魚、魷魚等等：蝦肉爽彈、鰻魚同魷魚都十分惹味。味道方面是日式燒汁風味，加埋紫菜和黑芝麻，真是既香口又滋味。北海道大蝦吉列配黑松露菌醬$70這道主菜有大蝦、薯條和去皮蕃茄。炸蝦有四隻，炸得香脆爽口，沾上黑松露菌醬，滲著松露香氣，又沒有蓋過蝦的味道。薯條脆卜卜，薯仔味十足，沒有半點油膩；吃過炸物，正好吃下蔬菜，這個蕃茄肥大肉厚，可以清一清味蕾。Cappuccino 原價$28（跟餐$15）這泡沫咖啡大大杯，是用厚杯上，保持咖啡

朋友在九龍灣工作因為好耐冇見決定星期六接他收工一起食個 lunch 吹吹水，朋友介紹在九龍灣的工廈有一間叫「錵の工房」味道唔錯而且價錢合理,既然朋友極力推介一於試一試。軟殼蟹蟹子沙律 $52軟殼蟹蟹子沙律分量十足而且是即叫即做，青瓜絲、蟹柳絲、蟹子的比例配合得近乎完美軟殼蟹新鮮炸出來，蟹味十足較為大隻和有蟹膏的。自家製和牛芝士漢堡 $60自家製和牛芝士漢堡材料豐富有生菜、蕃茄、芝士、和牛漢堡扒比較特別是用日式蘿蔔片再加上炸薯條和沙律菜真的份量十足，一口咬落味道豐富，再加上選用了兩款不同的芝士，層次豐富，雖然沒有放其他醬汁但因為生菜和番茄的關係食落 Juicy 絕對好味。玫瑰黃金桂（青蘋果味熱飲) +$5玫瑰黃金桂（青蘋果味熱飲) 因為加上青蘋果的關係味道清新略帶酸甜十分醒神開胃。

來了這裡幾次，只因為在附近返工，無乜idea就去呢度食，但真係覺得個lunch好貴但一點也不好吃。上次吃豚肉生薑燒只是一堆肥膏，無肉的，所以吃不飽；今次吃大根咖哩牛肉，沒有白蘿蔔，只有紅蘿蔔及薯仔，而牛肉只有一舊，其餘全是牛筋，加上只有半碟是主菜，半碟是沙律生菜，但本身個定食已經有一小碟菜沙律，所以只是慳成本的問題。而每次定食的漬物都超難食，只是吃一口或完全不吃，一係太鹹，一係味道怪怪的，咁不如唔整收平d好過，亦不會浪費食物！

又一次係MEGABOX溜完冰，體力透支過後梗係食返個下午茶補返一下能量先啦。商場入面嘅餐廰都無咩咁吸引，就行返過地鐵站嗰邊睇下有咩好食，行行下就發現呢間係工廠大廈入面嘅和式小館。先黎係三文魚沙津，魚片都多同埋肥美。沙津雖然菜類唔多只有羅生菜及火箭菜，但用上花生/合桃及杏仁增加口感，味道提升不少。配上的伴食醬汁有紅酒醋呢個就較甜及香口及橄欖油，可隨喜好添加。手打和牛漢堡，超級厚身調味都夠但乾左少少。不過配上紅椒汁一齊食可以彌補返濕潤同時降低油膩感。而麵包都鬆軟唔會一壓就偏晒，整體黎講幾唔錯。跟餐有個羅宋湯，味道好濃同杰身。茄味同香茅西芹都夠而且牛肉炆煮得好腍溶化晒入個湯度。綠茶鮮奶嘅綠茶味都夠濃不過覺得遮左啲啲奶味就偏淡咗少少。飲落都滑身唔澀唔錯。整體環境同食物都有日式家庭手作店嘅味道，食嘅時候又有幾家大小同場感覺幾温馨。