鍋心粥底火鍋 (積存街) (已結業)

今年母親節，因為疫情關係，我地又一行10人👨‍👩‍👧‍👦👨‍👩‍👧‍👦👫，所以都唔想出去食。故此，我哥建議我地不如試下鍋心粥底火鍋啦，有外賣自取，佢食過又覺得ok（但係另一間分店）,所以我地今次就試下，以屋企位置最近就係大圍分店，所以我就喺母親節前幾日就打去訂啦！打到去，職員好有禮貌咁叫我留低電話號碼，話稍後會whatsapp 返d菜單比我揀。喺幾日嘅whatsapp過程中，佢地嘅回覆都算快，夠晒方便，讚👍但可惜嘅係，我哥之前訂係有鍋送的，今次佢地就回覆話優惠期已過，依家無啦😌到取餐嗰日，我地原本話約6：15去取，但因為行程早左，我5:00就立即whatsapp 問下佢地可否早d去拎，佢地好快就覆返無問題，可以立即取😁去到啦，餐廳嘅位置對於我地駕車去取餐嘅嚟講係好方便的，因爲門口就可以停車，下車比錢，取餐上車，全程唔洗2分鐘😉我地10人餐，佢地只係用左一個中型紙箱加2個膠袋裝有4枝湯和4碗粥的，所以都幾方便拎🙂食物方面，講下包裝先，全部都pack得好好，整整齊齊（有相）🤩，有晒調味配料🤗而海鮮都算新鮮🦀🦐其他配菜都不錯，最後個粥底好好味，雖大家都話好飽，但最尾都食多2碗粥🤣到價錢方面，

來鍋心食粥底火鍋要注意事項⚠️😃最好四人或以上，粥底夠鮮味，一試難忘！🤫盡量唔好加粥水，粥水太多影響最後粥底味道😯食完海鮮後覺飽，是正常的！🤨粥的配料可以分開上，每人喜好不盡同😋海鮮粥先不加配料嘗其味，後再加入品嘗🧐要跟住最佳時間起海鮮，有30秒就起的第一步：七款海鮮蟹：睇彩數，我食的是飽肉，但蟹味唔夠我地一碟中，也有不同的鮑魚：大大隻聖子：新鮮爽口海蝦：可以再新鮮一點，這次沒有跳貝類：不過不失第二步：開始打邊爐肥牛：新鮮，好吃😋粟米：一般，非超甜粟第三步，就落粥飯，店員會問想食稀還是濃的。 以$200全包來講係抵食，飲品另計。不是大胃王的，可準備打包回家支持環保，不要浪費！⭕️進店前量度體溫

火煱都可以外賣粥底火煱都可以外賣除了個煲和餐具，全部堂食有的，外賣也有！前一天電話預訂Whatsapp選好海鮮，火煱料，到時到候到分店自取就可以了。由粥底，火煱料，醬汁至粥底配料，全部準備好！海鮮類已全部洗切好！但經過運送時間，建議魚類有需要可再沖水這里是二人份海鮮蝦一如以往既生猛，會跳的！小心蝦會彈出粥水！危險⚠️鮑魚十分彈牙！新鮮！雞軟骨丸只有煱心供應必食之選！略厭醬料不足二人份我太鐘意食葱了灼既時候，記得參考返個時間啊！二人份外賣自取同堂食一樣價今時今日在家里慢慢食得安心又放心😀😀

呢個餐可以揀5款海鮮，我就揀咗聖子、鮑魚、龍蝦、多寶魚同埋蝦。同埋8款打邊爐嘅配料。我好鍾意食蜆全部海鮮都好新鮮，要比個like👍🏿 隔離枱揀食蟹都好吸引其實食到尾聲都飽飽地，加咗啲配料就成為海鮮粥。煮完嘅粥其實無想像中咁鮮甜，但就算淨係食海鮮咁計都抵。

一向都鍾意粥底火鍋，但就一直都未食到呢間，難得book到位，就一行七人食A段！啲海鮮好新鮮，份量都好多，真係淨食海鮮都好飽～ 美中不足係啲花甲有小小沙，好彩唔算嚴重～之後黎埋啲配菜，大家努力下都係食唔晒，加左$1外賣盒攞走～～而期待左勁耐既粥底就有啲失望，可能太多水，所以啲粥唔夠綿，太稀。 但總括黎講都係推薦，好抵食！

之前成日聽朋友講鍋心好好食，終於約齊腳，book好枱去試。記得一定要預約，如果唔係就冇得食😏特別係節日日子就要預更加早book定。以下四人份量，掛住食冇影曬所有相。👇🏻要自選多個食材，不過唔難揀，揀曬至正、至抵既海鮮就冇錯。海鮮好新鮮，飽魚好味道😋👇🏻✅蝦係必叫，超級新鮮，生猛到會跳出黎。一人半隻蟹，有唔少蟹膏。👇🏻超足份量，唔怕唔夠食👇🏻叫左豬肉。冇諗過肉丸咁好食，覺得鍋心出名得黎，食物唔差，甚至超越我本身既期望。所以good啊！會再黎食第二次。最後啲粥食唔曬，打包帶走左

開始涼涼地，又係時候打邊爐喇！早排貼Honey去大圍食麵時見到鍋心粥底火鍋好似好正咁，嗰時Honey已經話下次要試吓，所以今次一講打邊爐就二話不說嚟呢到試吓。由於係即慶關係，所以我地無訂枱，原來無訂枱嘅話係有風險架，事關呢到嘅枱唔算多，而每一段嘅時間都好爆，因為有食過嘅食客都一定會預先訂枱，所以一路等一路都擔心之前訂咗枱嘅人都到齊，咁我地就食唔到...不過好彩我地係後補第一個，所以最終都有得安排我地入去食。呢到個就唔使諗要選擇咩湯底，因為只有粥底一款，而海鮮就可以自選五款，其他火鍋配料就可以選擇八款，以$200仲要唔加一嚟講，真係好豐富。肉蟹、北寄貝好鮮甜大尾魷好爽口蝦夠新鮮彈牙自家製嘅手打雞軟骨丸好好味蠔就細咗些少食完哂所有火鍋料後，就有職員幫我地整個粥，粥底吸收哂之前嘅海鮮精華，好好味叫埋野飲埋單都係$438兩個人，真係抵食過好多所謂任食火鍋呀！

食物好新鮮，蝦同龍蝦仲郁緊，差d跳出黎，份量都足夠，人均$200食到飽，都幾抵食！最後加左粥底，好甜好棉。服務都唔錯，適合朋友同家庭聚會。唯一係位比較逼，要坐得比較親密。

好耐無食過粥底火鍋，尋晚約朋友食飯黎左大圍呢間窩心食。價錢唔算特別貴，合理又食得飽就ok。首先佢呢度有提供海鮮，例如有蟶子，花甲，海蝦等等，可以自己選擇。見到佢menu有蟹又有鮑魚，我地2樣都有點，畢竟唔係度度都有蟹食。店員話一開始食就要食左海鮮先，之後先開始煮配菜。配菜唔太多講，都係平時有得點既餸。開頭以為呢度提供既海鮮都係不過不失既質素，點知食落原來都有驚喜。海鮮好新鮮，食落唔會覺得d肉會梅。如果想食粥底火鍋就推介黎呢間!

好耐冇再幫襯過， 因為好難book位， 今日打嚟book位竟然有位 ， 梗係約埋一家大細嚟食， 因為次次都食唔哂，份量超級十足。今次見餐牌加$20可以由蟹轉龍蝦，於是一試，果然一試難忘，因為即叫即開邊， 鮮甜到不得了， 鮑魚十分生猛 ，仲識喐，聖子亦十分鮮甜，咁嘅價錢可以選5款海鮮，8款打邊爐食才，最尾就梗係食唔哂，要打包，最難得係小朋友由頭帶到尾，見到都開心

今日同朋友慶祝生日，我地10人要舒舒服服食個飯,實在唔多地方選擇, 朋友提議鍋心打邊爐,知道鋪頭地方比較窄,於是我哋就選擇外賣, 喺朋友家中可以舒舒服服慢慢食！唔好以為外賣質素就會差咗, 估唔到鍋心係外賣都做得好窩心！啲包裝每份配料都搵膠盒包得好好,有6-7枝粥水， 又有成支豉油,辣椒,蒜茸提供，另外個粥底有提供已經煲好嘅粥及食粥d配料例如菜脯，豬油干等等!基本上你只需要準備一個煲及電磁爐就可以開餐啦!我哋10個人提前order咗8set粥抵火鍋，每set可以選8種配料，5種海鮮, 海鮮當日話俾我哋知有咩揀;Set 1-4:1. 雞骨丸2. 黑毛豬梅頭片3. 黑毛豬腩片4. 雞滑5. 芝士豆腐6. 雞件 7. 肥牛8. 魚腐Set 5-8:1. 雞骨丸2. 黑毛豬梅頭片3. 黑毛豬腩片4. 肥牛5. 菠菜豬肉餃6. 汕頭牛丸7. 萵筍8. 竹笙自選5款海鮮1.鮑魚2.海蝦3.花甲4.貴妃蚌5. 元貝啲海鮮外賣拎到屋企時都仲好新鮮，啲蝦仲會識跳出來！同埋佢哋都洗得好乾淨，食落都冇乜沙！結果我哋10個人8set 都食唔晒!平均每人消費唔使$200. 如果想安坐家中輕鬆打邊爐，鍋心係懶人因物

呢排腸胃有啲差，所以就揀咗食粥底火鍋，諗住冇咁油膩。 食呢款粥底火鍋要覆follow 佢哋嘅procedures嚟食。首先就要食曬啲海鮮，跟住落 芋頭，粟米，南瓜，然後同時再煮埋啲餸嚟食。海鮮方面就有七款可以揀，餸就有廿幾款可以揀。 啲海鮮畀我想像中大隻好多，而且非常新鮮，尤其係啲蝦，佢地仲係會跳跳下，所以店員都會提醒我哋一定要用個夾夾住佢直至佢熟為之止。 啲海鮮都好乾淨，因為偷望入去廚房佢哋成個工作環境都非常清爽，所以我都食得好安心。 講番個粥底火鍋先，煮完海鮮之後嗰個粥水已經係超級正同甜， 我都忍唔住偷飲咗幾碗。 煮完所有配菜之後就可以叫職員攞啲粥過嚟撈埋一齊食！ 個粥底軟綿綿又鮮甜， 再加埋啲芫茜、蔥 、菜譜 ,真係冇得輸！

今日同朋友打算去食佢地既粥底火鍋，見價錢算合理，就諗住試一試。點知去到門口想入去既時候，有位男店員全程西口西面兼態度差：有咩可以幫到你？我地：吾該3位！：你無睇到出面咩？張野寫住左，要食就1130先有位！（然後男店員即山門）我地：喔........（店舖出面張紙只表明3個不同的時段，並沒有其他資訊）最後我地一肚氣走左，吾明大圍多數都係做街坊生意，點解店員態度可以甘差！

呢間鍋心食左好多次，每次都好滿足！ 啲海鮮好新鮮，特別係個粥真係好好食！ 最鐘意食就係呢間既粥底。 除左海鮮好食之外， 呢到既員工都好有禮貌， 特別係高大既白髮伯伯員工， 佢態度好好， 又好好服務 一流👍🏻

久仰鍋心的大名，冬天時試過即興想吃，但晚飯時間訂不到位，最早要晚上11時，結果放棄了。日前窩夫與蝦子餅終於光顧了鍋心粥底火鍋的大圍總店。鍋心滋味五重奏每位收費200元，不設醬油費或加一服務費，取價相當公道，難怪持續人氣高企。醬料選擇有蔥粒、生蒜、辣椒和沙薑，其中的沙薑不算常見，窩夫很喜歡它的味道，特別推介。開始之前，先學習一下粥底火鍋該怎麼吃。飲品方面，點了一支土耳其蘋果汽水($18)，其他選擇有啤酒、汽水和酸梅湯等。粥底大滾了，可以先放海鮮。肉蟹及沙白為兩款特選海鮮。肉蟹要煮13分鐘，桌上有計時器，不怕忘了時間。在七款時令海鮮中可選五款，鮑魚、油貝和黃金蚌是其中三款，鮑魚上桌時還會動的，非常生猛。海蝦比鮑魚更生猛，要小心牠們跳走呢。大尾魷十分雪白，彈牙有鮮味，絶非雪藏貨色可比。第一款要品嚐的海鮮是肉蟹，邪惡的蟹膏在向窩夫揮手，不過窩夫個人比較喜歡膏蟹的膏，但蟹肉真的「無得輸」，實肉鮮甜，非常好吃。很快沙白也可以吃了，脹卜卜又無沙。自家製黑毛豬肉丸很有水準，十分彈牙，蝦子餅十分滿意。窩夫則較喜歡自家製手打雞骨丸，加入了雞骨粒令口感更豐富。吃完海鮮後，便將南瓜、芋頭和粟米放進粥底。芋頭很