鍋心粥底火鍋 (積存街) (已結業)

當晚卜左位, 去到已經坐滿人。服務員隨即比左個鍋同蟹&花甲先。隻蟹都幾大隻, 有手掌咁大, 重身。真心覺得隻蟹好食, 又有好多膏, 肉又鮮甜。花甲都洗得乾淨冇乜沙, 亦都係新鮮唔腥嘅。自選海鮮其中3樣, 除咗話好鮮甜之外, 就係好爽口。自選海鮮第4樣, 新鮮。自選海鮮第5樣, 啲蝦超生猛係咁跳, 啲肉好爽唔係"梅"。5款海鮮都真係好新鮮, 好好食。而其他自選配料都唔錯, 總之食得好飽好飽。到最後煲粥喇, 真心覺得好甜好味, 南瓜加粟米配搭完全係一流。不過有啲小風波, 食粥時要留意下有冇一點點黑色。扣分嘅原因係, 係粥到搵到芝麻咁大粒嘅昆蟲, 可惜太細粒影相都對唔到焦。而且又食到最後, 冇可能換湯底啦～所以衛生會扣分。而且服務員太忙, 嗌左4,5次先聽到。但呢個價錢物有所值嘅。

味道不錯，海鮮都新鮮！但可惜一入舖有個長頭髮阿姐態度奇差明明自己個同事帶錯位仲惡人先告狀話我地坐錯佢張枱本來一早2星期前就book左位提早慶祝父親節飯，搞到爸爸食得勁無mood之後轉左枱，隔離舖位個肥叔叔反而態度好勁多D野食亦算新鮮，特別推介食蟹同北寄貝，反而鮑魚質素一般，可有可無。我地一家6人連埋嘢飲食咗$13XX，雖然只係二百幾蚊一位，但係大家去食前真係要三思，食飯食到一肚火真係好無癮同埋做得大圍食肆生意都係做街坊，啲員工咁嘅態度真係趕客！

食過大圍食過佐敦果間，最後都係返黎大圍食，同同事放工去食，8點果場岩岩好，每位二百蚊就食到海鮮大餐，飽到要打包帶走d午餐肉，是日海鮮有蟹有蜆有蟶子有蝦有蠔有鮑魚有帶子，希望冇數漏， 食食下已經掛住食唔記得影相， 除咗啲蟹當日唔夠新鮮外，其他都好滿意，蝦係超甜又爆膏， 同埋勸大家千祈唔好著白色衫，我當日就係唔記得，著左白色衫去食，爆到成件衫報銷左，都懶得洗，就算你幾小心，你都控制唔到你朋友唔會爆到你除左海鮮你仲要揀其他火鍋配料，之前食好似揀5款，點知今次黎已經加到8款，上次已經食唔晒，今次4個女仔已經叫定午餐肉打算食唔晒拎走，個人超推介佢個雞軟骨丸，係咁多款入面最好味，必食之選，其次我地揀返肥牛響鈴菜之類常菜，就算幾飽都好，個午餐肉無人郁過都好! 我地最後都清左個粥先走，摸住個肚直投話自己打大肚都有人信

200蚊位免加一有5款海鮮，8款配料，新鮮又好味，性價比勁高，海鮮方面每人有半隻膏蟹，鮑魚強烈推薦，新鮮到識郁，鮮甜又大粒，蟶子雖然得一隻，不過係蟶子王黎，都好鮮甜。配料方面，推薦手打雞骨丸，同花膠仔，有口感得黎又好味相信不久後會再度幫襯。

第二次食，菜單改左少少,無左蕃茄沙律價錢方面由$198加左$2, $200/人，不包飲品需預先book位，準時入座今次有得自選5款海鮮，但無左大蚌海鮮整體新鮮，蜆無沙，亦可全煮開鮑魚大隻，爽口除左流浮山蠔稍有失望配料方面推介黑毛豬梅頭肉，肥牛，雞骨丸油炸鬼留返最後送粥食滿足的一餐

昨天晚上同老公二人book左鍋心粥底火鍋既大圍分店，不得不讚店員服務態度好，套餐超值抵食，先黎鍋底係稀粥水，第一part一隻蟹&沙白，跟住就有7款海鮮俾你任揀5款，有 象拔蚌，大隻花甲，魷魚，大隻聖子，多寶魚，鮑魚同海蝦。海鮮全部都好新鮮，特別係海蝦，全部都好生猛，不停跳出黎。跟住店員再拎左南瓜，芋頭栗加入粥鍋到，之後再揀8款其他食物，例如:肥牛 ,黑豚豬，響鈴……等。食完所以有食物後，最後店員就會拎個粥膽，豬油渣，菜莆，冬菜黎幫你加落鍋到，攪拌好，到粥滾起就食得個粥超好咪，粥充滿鮮甜海鮮味，再加埋豬油渣(啲豬油渣炸到金黃香脆))即使放落粥到一起煮，都依然香脆。而且價錢十分抵食$200一位，不用加一。

之前已經聽過好多朋友介紹呢間粥底火鍋 終於約到人黎試一試 三個人食 海鮮份量都係跟人頭計 啲海鮮真係幾鮮甜 第一次食唔識點整仲有人教你 比埋計時器計時唔會over cook 呢點幾好 同朋友都覺得啲侍應超好又醒目！唔會望實你食之餘仲好似計好晒時間咁出現幫你收野加湯 最後底粥食晒啲精華再落埋啲菜甫粟米真係好好味 本來啲粟米無人食😂不過真係好甜 最後個個爭住食 本來仲覺得食餐飯點解個timeslot咁長 但原來準時六點入最後都要搞到八點半先走到 有機會一定會再去!!!

我地約六點正，準時入坐，如果無約真係唔會有位食。食材得新鮮，蟹及蜆仲識郁，喜歡海鮮嘅真係唔好錯過。海鮮之後仲可選擇五款食物打邊爐，好飽，最後食唔晒，仲打左一碗粥，一盒食物走！

Heehee 小妹第一次食粥底火鍋呀😍🤩之前已經聽過哩間好好食 今日終於有機會去食下 記得去之前係要book位呀 如果唔係可能會無位的 價錢方面係咁嘅 每人$198 每人一份 膏蟹🦀大蝦🦐大蜆 花甲 皇蜆🐚魚🐟 共七款海鮮 湯底會有南瓜粒🎃芋頭粒同埋粟米🌽 另外可以揀五款食物 如果想再加就要跟返價錢了😊☺️鮑魚 大蜆 小妹最喜歡這兩樣海鮮😍🤩而家睇到都流哂口水🐷🤤食之前望下牆身 會有提示大家淥幾耐 好貼心喔👍🏽☺️鮑魚淥5-6分鐘 大蜆淥20秒便可 當然我都有跟足提示啦 可以真係剛剛好 好爽口好彈牙 正呀👍🏽👍🏽花甲 黃蜆 淥2分鐘 見到開口便可以了 我比較喜歡花甲 肉粒比較大粒 無沙 爽甜啲 而黃蜆的肉粒較細粒 質感一般 食落我麻麻地 仲有少少沙喔大蝦🦐每人兩隻 好大隻呀 淥個時要小心 用食物夾 夾住蝦背 待蝦身變橙色才可放手呢😊🙂蝦肉口感好爽口彈牙 好👌🏽！膏蟹🦀每人半隻 都好多膏下😍😍嘿嘿 肉質都好新鮮 蟹拑都好大隻好多肉👍🏽👍🏽值得一食湯底有南瓜粒🎃芋頭粒 粟米🌽全部都係我喜歡的哈哈 所以好開心😄😃等食哂所有食物後 會有待應拎碟爛飯出嚟加落去 變成粥👍🏽👍🏽真係幾飽都會食得落🤣😆雞

已經係第3次黎呢間啦，唔洗加一，海鮮又新鮮一定要訂位，佢會早一日wtsapp你confirm booking. 晚上6點開始喺門口叫名（好似老師點名咁）安排入座。一入座佢就送上沙律同醬料。每次都忍唔住調戲鮑魚用筷子掂佢地 佢地會不停郁。蝦就更加生猛，侍應教我地一定要夾實d蝦逐隻放落去，千其唔好全部蝦倒入去啊，會漂親！蟹好鮮甜，又多膏！每人半隻！蚌又大隻又甜，好食。食完海鮮就到包埋嘅熟食，有牛有豬，次次都食到捧住個肚走。飲品需要自費，$15一支支裝飲品有d貴，不過加埋飲品先二百蚊多d,好抵啊

話說我第一次幫襯係堂食，一行6人每位$198免加一服務費，老闆仲落手落腳幫我地整海鮮，仲好有耐性去講解每樣海鮮需要煮既時間同進食次序，服務真係好到不得了，兩個鐘內不停咁食，完全無機會停落黎，6個女仔食到好飽又滿足咁走，唯一唔好既真係食得有啲趕，因為女仔都係食得比較慢。而今年同屋企人一齊食團年飯，往年都係媽咪煮九餸一湯，但因為唔想媽咪咁辛苦去煮飯，所以決定打邊爐，考慮到有7大3小，如果喺舖頭食會好趕，而且又要照顧小朋友，所以最後決定外賣返屋企舒舒服服咁食，而且有咁多海鮮，真係有機會會平過喺街市買。外賣自取都係每位$198免加一服務費，最近做緊優惠送陶瓷煲，4位送24cm細煲、6位送28cm大煲，我地買左6位所以送左個28cm大煲。講返食物：外賣有4支好濃密既粥水做邊爐底﹔7款時令海鮮：海鮮數量係跟人頭計，海鮮包括蟹、蝦、皇蜆、花甲、鮑魚、多寶魚同貴妃蚌。蟹每人半隻，蟹有好多蟹膏，肉質鮮甜；蝦每人2隻，拎到返屋企都仲好生猛，蝦肉爽口彈牙﹔皇蜆同花甲肉質鮮甜無沙，仲見到佢地擘大口透氣﹔多寶魚每人約2件，魚肉好嫩滑有鮮味﹔鮑魚每人一隻，大隻又新鮮﹔貴妃蚌每人一隻，肉厚又鮮甜﹔海鮮真係樣樣都好新

原本想去九龍區分店但都訂滿，不知是否因為天氣較涼了！最後打去沙田店試試，終於有位好似頗受歡迎按預訂分段時間到步後，店員開始續一叫名，好似番學報到一樣，叫了名的乖乖入座。如果無訂位，去到恐怕只可以睇住別人嘆了！入座前每枱食具、爐已準備好。店員便奉上海鮮，可以開始滾滾滾解釋很清楚，那種先落，那種在後，所需時間的不同，有埋計時器就不會過熟喇！抵讚食物質數方便，7種海鮮整體都算新鮮，特別很喜歡大蚌，入口後感覺很鮮甜其他可選項目選了雞骨丸"也不錯"，不是一般火鍋店常見的。值得一試！食完以上基本上飽了9成，其後還有南瓜、竽頭、稀飯、海鮮精華煮成的粥底。大滿足的一餐有機會再試

7款海鲜，八種自選配料，劃一$198(飲品另計，但冇加一），真心抵食。店鋪分三輪做生意，分別是6-8:30， 8:30-11，11-1:30。初初以為坐第二輪一定唔駛俾人趕，因為之後是宵夜時段再加上是平日，應該冇咁旺,點知一樣係待應在身旁不斷為你服務，以務求準時交枱俾下一場，所以一定要book枱，walk in諗都唔駛諗。成餐飯好有節奏，加上係先食🦐蟹等海鮮，所以好忙😂至於味道，海鮮係新鮮既，不過個多寶魚麻麻，因為太薄，好易滾到爛矖。其他配料，推介雞軟骨丸，每一口都有粒粒軟骨，口感特別。最後，尾聲待應會放埋粥瞻，食埋個海鮮粥，真係飽到反艇

週五晚同朋友去食鍋心～已經係第四次食啦，每次都好滿意～餐廳根本唔需要點餐，只需要嗌自己既飲品同其他配料；至於海鮮等材料店鋪已經準備好曬～服務周到！一開頭就落蟹先，因為需要煮既時間比較長；等食期間都可以食住沙律先～每款海鮮都有特定煮既時間，每張台都有指示～仲附上timer俾你計時我地食既步驟係蟹～蝦～魚～貝殼類～再落配料～最後食粥海鮮好新鮮，啲🦐每隻都好新鮮會郁！而且份量剛剛好～食完仲有粥食！啲粥有曬所有海鮮既精華～好鮮甜！最後食唔曬都堅持要打包返屋企延續美味

店員好主動幫你落海鮮我又解釋比你 唔同海鮮要煮幾耐海鮮非常新鮮 蟹有好多羔花甲好鮮甜美中不足就係個粥冇乜鮮味反而有啲怪味 好似係海鮮嘅殼嘅味順帶一題 個雞軟骨丸非常好味