鍋心粥底火鍋 (積存街) (已結業)

其實本身我個人就唔係太喜歡打邊爐，不過同啲朋友一齊聚下就無乜所謂啦，而且啲邊爐精話呢間野好好食，仲要一個月前訂位，所以我都試吓啦結果我覺得好食之餘仲覺得好抵，冇諗過呢一個價錢食到啲咁新鮮嘅海鮮，而且啲海鮮都已經好飽，唔使再加其他嘢，不過重點係個粥底，未食之前以為真係用D白粥打邊爐，原來佢係會留起啲粥，淨係比D粥水我哋打邊爐，到咗尾聲，侍應見到你差唔多食完，就會幫你將啲粥放返落個鍋度再煮，重點就係嗰D粥啦，又鮮甜又好味，本身諗住打邊爐已經食到好飽，已經食唔落啲粥，點知啲粥好食到我再食多一碗，但其實我已經飽到爆炸

大圍好多好野食又聽得多，但當中又五少伏店我都試過曬！不過今次五係介紹伏店，係隱世好店！ 海鮮粥底火鍋聽個朵絕對係未夠吸引咖！真係聞名不如見面，見過實物就知佢d海鮮新鮮到一個點係隻隻都係會郁，五係冰鮮貨，仲要6:30-8:30pm呢d時段係排長龍好誇張咖！ 第一次去見到佢地寫個牌出黎叫人地煮蝦要小心d夾實，仲以為佢地搞笑點知原來係認真！真係新鮮到放落去會跳出黎（小心整親自己哦！） $198/位仲要免加一免收乜費乜費，其實都已經好良心小店，以我呢個大食妹黎睇，我都填得飽之餘仲要帶多兩碗粥翻屋企都真係五小野！我同我fd頭一次食完後連埋一星期食左三晚，你都咪話五驚上癮呀！廢話少講，有圖有真相！

成班朋友—齊行完夜山後，就嚟到煱心食好嘢！首先靚女waiteress招呼我地入座，分為三段時間入座。我地訂左晚上八時至十一時。每位一百九十八元可以食到新鮮又好味海鮮粥，可算是超值。一入座，就有新鮮沙律食。靚粥底成檯海鮮北寄貝和鮑魚大蜆生猛海蝦大功告成的蟹，味道好清甜！每一樣海鮮落入煱時間唔同，侍應好細心同我地講清楚，時间控制和先後次序。首先食埋海鮮，而鮑魚大约十分鐘至十三分鐘，而海蝦睇到變橙色就可以食得。自選五樣食物，肥牛同黑毛豬，黑毛豬肉丸同金菇同埋豆腐。飲野另計，有滴叫藍妹同汽水。最後埋單每位二百二十元。十元兩只扇貝多寶魚

偶然見到大圍有粥底火鍋 見食評都好好 就預早兩星期book左位 知道分粥底火鍋同蒸氣鍋 所以book位時再三確定點知當日到左 接待話冇依個booking 得另一位同姓又係兩位既 問我係唔係 咁電話都唔係我既 點會話係呀 佢死都問我係唔係有另一個電話係依個號碼。。。我地再話唔係 佢就叫我自己去蒸氣鍋果邊問下 就唔再理我們 我們話book位時講明粥底的 請佢睇睇會唔會有多兩位比到我地啦 點知佢勁惡劣勁大聲話無 我知你生意好 唔在乎有多一兩個客 但係你咁既態度 我個人就唔會再黎囉

其實.... 第一次打粥底火鍋，可能自己唔多識欣賞粥底火鍋，所以平常心去幫襯，無咩記望反而有驚喜！首先講講環境，鋪頭真係窄咗d，坐得比較迫。粥底黎到，𠵱！原來唔係齋白粥喎，有兩隻膏蟹係入面喎，驚喜！配料花甲同帶子都好新鮮，食落好鮮甜，哩樣無難度，驚喜係鮑魚比較大隻之餘，食落去好冧，一d都唔硬同唔靭，難忘嘅驚喜！最後，d伙記幫我地整散d南瓜同芋頭去煮個粥，又通常提點我地邊d配料煮幾耐，邊d配料夠煮食得，服務態度滿分！最後食到超飽埋單！

想同大家分享一下我今晚的遭遇！我一星期前電話訂好位今晚8:30食呢間鍋心，我8:41pm到，門前嘅小姐話我地遲到，訂位已取消給了別人，我望一望錶話只是8:41，佢話hold枱十分鐘，再話打左好多次電話同whatsapp 畀我，話我無人聽。而其實我呢段時間正與我朋友以whatsapp聯絡。點解只係佢聯絡唔到我？又點解你一分鐘內何來可以不停打畀我同whatsapp 我，跟住放埋我張枱畀人？其實我遲到你唔畀枱我ok，但唔好作d大話出來話我唔聽你電話，將d責任推去個客度囉😡😡😡呢間野好唔好食，我評唔到！但佢嘅服務一定係九流都不如！😡😡😡

同樹樹打完波搵地方食宵夜(晚餐)。11點來到, 咁啱等多5分鐘左右就有枱, 平時呢度太好生意長期無位, 今日當然唔可以錯過！店舖唔大但係唔多枱, 坐得好舒服每位$198免加一包7款海鮮+粟米、芋頭粒、南瓜粒+5款自選火煱配料+粥。今日海鮮係鮑魚、蝦、蟹、多寶魚、大蚌、皇蜆同沙白，咁啱無哂多寶魚, 店主比我地揀要多份貝殻類海鮮或兩款火煱配料, 由於唔係特別喜歡貝類所以揀左火煱料先上海鮮！非常新鮮 好多海鮮喺枱都仲郁緊, 而海鮮size及份量都唔細，滿意滿意枱上貼左每款海鮮的烹調時間, 跟著黎煮真係啱啱好！所有都很鮮味！最欣賞鮑魚！完全唔會韌，好食過西貢蟹好多肉每人有半隻食完海鮮就啡落南瓜芋頭同粟米, 應該用黎淆粥底。火煱配料質素都好高最欣賞西班牙豬腩肉，肉質完全唔老，豬肉味很細膩極好味極推介較特別的是雞骨丸，軟骨大大增加左口感芝士獅子狗都係大堆嘅至愛喜歡芝心丸的不要錯過食完配料都已經飽, 主角要出場了！店員幫忙煮開粥膽, 再加入豬油渣、莞茜、菜甫、大頭菜同冬菜，連我呢個平時唔喜歡食粥嘅人都要Encore不過最後都係食唔哂打包總結：呢一餐好滿意！一定會再黎！

好抵食！！！本身諗住唔去的，但朋友講左幾次係5星推介，極度推薦我去。咁好啦，反正二百蚊左右唔係貴，試下無壞朋友幫手畫野食，我無留意點樣野食，但好似198包晒所有野食，唔包酒水。嘩，蟹！勁新鮮，每人有半隻食！蝦係仲跳緊既！仲有超鮮既蜆！多寶魚！蚌！鮑魚仲識郁同埋刷得算係幾亁淨！全部都好鮮甜！我前排去過某間潮x度食蒸海鮮，食任食餐（所謂任食，係海鮮份量已定好左，任點只係啲類似點心既野）啲海鮮係死既，勁腥，仲要貴過呢間好多。所以試呢間我都冇抱啲乜期望！但平野竟然有好野！好驚喜！我不斷推介俾啲同事食，好似好hardsell咁，但好野齊分享，真心推介！

今年冬天雖然唔凍，但係都好自然習慣左想食下啲暖笠笠嘅嘢。除左之前介紹過嘅芝士雞煲，呢間海鮮粥都好值得食！希望佢唔好因爲多人食，遲下會質素下降啦！有七種是日海鮮，佢會跟據你有幾多個人比個適合同特定嘅分量比你，另外五款就自己揀。海鮮先彈後贊啦，蟹就彈嘅。蟹就每人半隻。分開左一半其實無睇相咁多膏，但係都真係幾大隻。食落係無咩甜味嘅蟹，肉係就係多，但係只係「擺得落口」嘅質素。好喇，其他6樣都好抵贊！蝦好好食，夠大隻，又唔係好假嗰種「橡膠肉」蝦。鮑魚、蚌同北寄貝超好食！同台灣水產市場嗰啲差唔多咁甜。蜆都大隻同有好多。最後個粥當然超好食。成餐又抵又好食。係啲野飲就賺你多啲，同坐得衰。但係總括來說都好值得試！

經朋友極力推介，終於一試，果然沒有介紹錯。所有海鮮都係非常新鮮生猛，簡直係美味的海鮮餐。除了海鮮外，一坐低就每人一盅老火足料靚湯，最後仲有8寶飯及糖水，8寶飯嘅材料仲係自己揀，每位$268及免加一，真係超值,加埋服務真係一流。其實8款海鮮都係新鮮好味，唯獨花甲就比較遜色，因為有沙............

本來訂位係想試蒸氣鍋，但原來有分粥底火鍋兩種，結果我係訂咗粥底火鍋，不過朋友話無所謂就試下喇！服務態度一流，海鮮十分新鮮同分量十足，我哋仲加多轉4隻鮑魚超正！蟹大隻又多蟹黃，蝦來到仲跳下跳下超新鮮！店主推介蝦丸386粒，真係用新鮮蝦整，食落好似食一隻大蝦嘅感覺，美味！最後嘅粥底加入豬油渣，芫茜，菜脯！好好味！已經約好知心好友下個月再去嚟！！

我個人好中意食粥底火鍋因為打完一輪肥牛 蝦 海鮮既粥係鮮甜至飛超～見大圍近近地有間即管試試點知無得walk in 要一早book所以唯有之後食Book左一星期後終於有得食舖頭好細 只係做分時段3輪$198唔加一包哂所有海鮮 五款配料我地揀左全肉 所有牛豬雞肉丸全殺為左一煲鮮味十足既粥一坐底 有一碗沙津頂下肚 幾貼心之後海鮮就慢慢來嚕先煮海鮮～有蟹 鮑魚 花甲 魚 蝦 蛽 Omg!!!! 所有海鮮都超新鮮 超甜尤其個蟹 勁多膏我同男朋友食到Lum lum 脷而家已經掛住隻蟹！啲配料肉丸還好 不過不失可以叫其他野代替反曾而牛肉豬雞都好味 唔係一般放題貨色最後個精髓係個粥侍應好細心幫我地lao起粥既渣之後放南瓜 戶頭滾 再加粥膽甜甜既粥可以食啦！！本身其實已經飽到飛起但係個粥實在太好味我食左三大碗其實仲想食 不過實在太飽撐不下了

聽人講之前訂一個月枱先食到😍而我就個兩星期前訂星期五四位鍋心會為我地提供: 7款新鮮時令海鮮、5款自款食材、3款配料蔬菜好似得好少，會唔會唔夠食格？唔洗擔心，收得你$198佢唔單止選材新鮮，碟碟大份，份量full到大家食唔哂入座之前，大家可留意下門口餐牌，因為餐牌上既海鮮，都係時令，日日新鮮，日日唔同。傳說中既At the very beginning 粥水一煲雖然店面有火鍋教程，但店員都係會走過來一步一步教大家滾咩先滾咩先，同海鮮要滾幾耐。打邊爐其間侍應會為大家添粥水，令到原先粥底要煲愈濃愈入味！先滾海鮮類今日既7款時令海鮮：沙白、聖子仔、鮑魚、膏蟹、多寶魚、海蝦、黃金蚌仔。膏蟹一人半隻，半隻蟹都有蝶咁大份，又多膏😍海蝦品種好多，我不懂分，但好大隻囉，肉厚，頭部仲有D膏添!!!鮑魚、黃金蚌仔都有瓷湯匙咁大格!滾完一D都唔腥!食到咁上下職員會問加唔加當日新鮮特價海鮮。今日就係$20一隻象拔蚌仔。之後，再滾自選配料我地簡佐：西班牙黑毛豬梅頭肉、西班牙黑毛豬腩片、花膠仔、自家製手打雞骨丸、嚮鈴卷如果你覺得唔夠食，係可以追加的！不過，我極度建議大家打哂5款配料再作決定！因為份量真係幾多下😚淨

一坐低就一碟麻醬沙律食 六個人坐卡位係坐得迫少少 袋都無地方擺不過香港寸金尺土 租貴 無辦法😂手震濛左 多寶魚 每人都有3舊 好滑每人半隻蟹 好多膏好實肉👍蟶子鮑魚好大條 前者彈牙 後者好軟熟 👍👍👍分唔到哩2種蜆 細隻既雖然肉少 但細細粒都好飽滿既感覺 係有少少沙咁解🙊海蝦非常新鮮 要用隻碟cum住廢事跳出黎 😂蠔係另外加錢嗌既完全唔腥 連我爸勁怕腥既都有讚無彈👍麻麻地花膠 無嘜點試但同行既都話唔錯花枝丸 唔係得粉 食到墨魚粒 係靚料既丸黎😀食唔哂 要打包😂黑毛豬梅頭片 望落好粉嫩 食落好滑好好食👍另外仲有嗌左黑毛豬腩片 都好好食 不過我鐘意梅頭多啲😂😝最後要左菜甫 芫荽 同埋新炸起既豬油渣煮粥幾惹味☺份量超足 屋企人都幾大食但都飽到攤攤腰😂係坐得無咁舒服不過服務員都幾好客見你有咩唔明有問題都會幫你😉

位於大圍嘅鍋心粥底火鍋，佐敦都有分店，人氣旺盛，好評如潮。主打海鮮火鍋，最後配上粥底。口碑咁好係因為佢啲海鮮新鮮，味道鮮甜，而且價錢唔貴，又有得book位。七款特選海鮮＋五款自選新鮮食材＋三款時蔬＋粥底都只係每位$198，仲免收加一。依個套餐最少要兩位起，然之後會根據你嘅人數安排食物份量俾你。海鮮有花甲丶皇蜆丶鮑魚丶蟹丶魚丶蝦及蚌或北寄貝。樣樣海鮮唔止食得出新鮮仲睇得出，海鮮好似蝦丶鮑魚上到枱都好生猛。自選新鮮食材方面都一樣新鮮，份量冇呃人，非常推介嘅係自家製手打雞骨丸，超過好味，口感真係幾彈牙。餐廳店員服務態度都好好，會好細心咁成日幫我地留意有冇"痴"底，亦有時會咁幫我地放食材同教下我地落個陣嘅技巧。環境氣氛： ★★★☆☆食物質素： ★★★★★服務態度： ★★★★★