鍋心粥底火鍋 (積存街) (已結業)

$198/人 海鮮粥底火鍋海鮮蟹： 半隻， 新鮮， 多肉鮮甜， 蟹膏一般多。 如果可以有一把食蟹剪刀提供會更好。蝦： 2 隻， 新鮮會跳， 好食飽魚，蚌， 皇蜆， 花甲： 鮮甜， 無沙(95%)， juicy魚： 味道可以， 小肉多骨其他肥牛： 肥肉分明， 質素可以黑毛豬： 爽口彈牙， 推薦！菜： 超甜， 充滿蟹膏甜味， 一流雞： 滑， 充滿雞同海鮮既香味粥底： 集合以上食物精華， 好味整體：材料新鮮， 價錢不算太貴， 無加一， 每人兩罐飲料， 合共$222/人。 侍應態度非常好， 逐一講解煮食次序， 烹調時間！ 朋友說很好的介紹！

今日同班frd踩完單車去食呢間，地方好細，有上下2層，每層得幾張台，但冷氣都夠凍！有幾款指定海鮮同7款配料可以簡…全部拎上台仲識郁架！！蟹勁多膏，蝦又大隻鮮甜，仲有鮑魚同花甲～我同frd都覺得超抵食啊！打完邊爐，食埋個粥好有鮮味啊！！！下次會再黎！

今天是老朋友生日，經大家商議後決定一試粥底火鍋，這也上網查找後發現朋友家附近有一粥底火鍋店，決定一試。我們一行人準時到達，店家己準備好坐位，店面雖有點狹窄（鬼叫香港租金太貴 店家無能為力吧），但傭內算整潔和舒適。安坐後侍應們一分快上菜，魚蝦蟹聖旨十分新鮮，而由於我們一行人是第一次品嘗粥底火鍋，所以不懂材料下鍋是有次序要求，侍應們十分親切的提醒我們食法，而且全程帶著笑容，對顧客要求也十分快速應對，服務絕對值五星！回正題火鍋材料，雖則整人不是食家，但吃得出材料十分新鮮，（不即只魚有魚咪 蝦有蝦味那種），也十分鮮甜，湯底清淡不會蓋過海鮮的味道，配搭一流。除了海鮮還有附贈的牛肉等非海鮮類火鍋材料，不消說不比海鮮遜色。最後精華粥底....一個字，正！最後結賬220，雖則不算便宜，但能品嘗多味海鮮 鮮牛肉和精華粥底，還算貴麼？

當聽到是以海鮮鍋煮成粥的介紹，就已經跟了朋友去大圍試！我們一行六人，三女三男，當中三男食量都頗大，但大家吃到最後都已經撐住肚皮吃不下去了，可見這店提供的食物份量是超強勁。我們選擇了最普遍的菜單，每人$198，當中已經包括七道海鮮，另外有五道菜可選蔬菜或其他肉類。而海鮮是慢慢遞上枱，讓食客慢慢吃用，而且桌面的空間不多，慢慢遞上枱都是不錯的做法。而每枱旁邊寫明每種海鮮煮熟時間，更有計時器，可讓食客吃到最嫩滑的海鮮。先來大蟹，初時覺得蟹只要夠大隻都已經滿足，猜不到這些蟹仍有蟹膏，心想$198真是很抵..蟹肉肉味雖然不夠濃郁，但勝在夠嫩滑，而且容易咬開，加上蟹膏味道濃郁又多，吃蟹蓋時超滿足呀。皇蜆，蜆肉就偏向細隻，但沒有含沙石，而且蜆肉夠滑及有嚼勁，送酒真是一流呀。如果蜆肉鮮味可以再濃郁一點就好了。大蟶子，它的份量真是很強勁，蟶子夠長又厚身，口感彈牙有嚼勁，計算好時間再撈上來，就可以吃到鮮甜的蟶子了。可能蟶子比較貴，我們一行六人只分得四隻蟶子咋><大蝦，這些蝦是超新鮮，而且更是生蝦。建議大家先待大蝦變得較少反應才放下去，因為蝦在熱水中掙扎時就會令熱水都濺出來。我們就這樣糟蹋了，

7款時令海鮮如下: 還有遲來的多寶魚沒能單獨照一張。我們一行7人，份量是人頭計，每位一口價$198，海鮮也足料。店員很細心教我們落海鮮的先後次序，是由易熟的如蜆、蚌和花甲，海蝦和多寶魚，最後才下鮑魚和膏蟹。海鮮新鮮，沒加甚麽調味，只用粥水烚熟也夠鮮甜。吃過海鮮後再包五款自選配料，我們選了西班牙黑毛豬五花腩、豬頸肉、雞件、自家制手打雞骨丸和響鈴。用料也是很新鮮，沒有雪味。特別的是雞骨丸，真的第一次吃，是鮮雞肉和雞軟骨剁碎再搓成小球，有咬口得來也很夠鮮味。最後店員加南瓜粒、芋頭粒和粟米件，並把前兩者用匙羹壓碎，為煮成的粥加添濃郁度。但可能在吃海鮮後再烚了許多肉類，粥的海鮮味被蓋過了，反而最令人期待的精華粥卻有點失望。如要改良，可能次序應該是海鮮、海鮮粥、最後再吃肉類。

最近粥底火鍋吃上癮，係屋企附近又搵左間黎吃。唯獨地圖標錯位，行左D冤枉路，即使係自己屋企附近😂😂！夜晚11點去到都好忙，人地剛剛做完一輪，要等距執台。環境：感覺距樓上環境好過樓下，乾淨D。作為一間火鍋，空調足夠凍，有足夠吃火鍋噶動力。味道：食材非常新鮮，魚係多寶魚感覺好有誠意，比我吃噶上一間好。蟹新鮮有膏，其他噶普通火鍋料選擇都好多。但係唔建議落太多多油分噶野，因為最後你要吃個粥底🙄🙄！服務：侍應服務唔錯，全程都有幫手。

呢間我妹子常常來，是常客，覺得好食又抵食，今晚就找來我們一家人來食番餐。原來大圍呢間在佐敦有分店，嗰間我食過，覺得都好食，不過店面太細，book位有難道，呢間大啲，叫做有兩層，如果想兩星期後嘅都book到，好好多！呢度分三個時段，聽說晚上11-2去到零晨都要book位先有得食㗎。都幾誇張！人頭198元一位，無加一，收費抵！抵係因為食完覺得材料新鮮，而且份量十足，真心好食同夠曬飽肚！今時今日，在香港要食到海鮮仲要夠飽，無500元應該出唔到門口！真正做到價廉物美，抵俾個like佢！6人位算幾寛敞，三個大男人坐一邊都可以。醬料自己混，有蒜蓉、蔥、辣椒和生薑，款式不算多，叫夠用，起碼唔會另收15元一位先。主角海鮮好快就上桌，因為一早預定了人數，而海鮮是“特選時令“的，即是一曰未出場，其實都唔知有咩食的~~今日好似幾豐富下，有還會撐手撐腳的蟹，蟹算幾大隻，而且每人有半隻，店家算大方，我還見到蟹蓋內有膏，正！食落亦十分鮮甜，始終生猛，零調味只用粥水煮都已經好好味！啲蝦仲會跳下跳下，所以要用夾，夾住條尾，再放入鍋，等10秒左右，等到隻蝦暈左，又再兩隻兩隻咁放，花功夫，不過怕佢彈出來，咁食新鮮得鮮繃活

第一次試粥底火鍋(這間很多人試)難book 位先食海鲜(好新鲜)蟹，蝦仲(郁)好鲜甜！好新鲜<不過貝殼類海鲜，有砂……失色左少少>魚鲜甜，牛肉新鲜粥底配料足個粥底吸左海鲜的甜味，真的好好食！(完全唔油)推介個粥而且每人份量分好，不似出面d餐廳，3人餐得2人分量(不用爭食)這個價錢和味道值得再試(不過好難book 位)

香港人喜愛打邊爐，推出的火鍋種類更是林林總總，粥底火鍋成為很多追求相對健康不太油膩人士的喜愛，就如這間鍋心一樣，不時滿座。以不用$200的價錢、沒有味精作招徠，基本7款時令海鮮、南瓜、芋頭粒、粟米件 、5款自選配料加上最後的粥 ，聽起來都算實惠。這個套餐之前還提供芝麻醬雜菜沙律，總體上可算是火鍋店近來少有了。這裹主要是按人數分配份量，基本上多人來看起來多一些，其實大致每款一隻或兩隻，有些海鮮大致3-4隻左右。海鮮是按時期而定，配合不會大變，因為店主都要看著成本及供應去決定什麼食材。海鮮有大蝦、羔蟹、花甲、螄蚶、蜆、鮑魚及多寶魚。海鮮確實新鮮，即使不沾醬料都很有本身的鮮味。蝦拿出來是還是很生猛而且很大隻；蟹亦很足份量而且蟹膏很多；鮑魚都大如手掌心，肉質不韌彈牙；貝類除了蜆肉及螄蚶 較細之餘，花甲都不小，食起來清淡卻有海鮮的味道。 多寶魚肉質鮮美、細膩滑爽、有彈性。自選配料方面是一臺5款而不是一人選5款，本身看起來最吸引相信是寫西班牙黑毛豬五花腩或豬頸肉，可是成本較高，開業初期才有，平常絕少供應。較特別的是手打雞骨丸，全部人手製，食下去有雞骨軟粒，口感特別，軟骨跟豬軟骨一樣可以食。另外花膠

網上有人推介, 熱愛火鍋同海鮮既我當然要黎打下卡啦 首先, 講下佢每台固定既幾樣海鮮, 我估計佢係食時令既, 所有先可以做得咁平有魚有蝦有蟹有鮑魚有大隻蜆有細隻蜆同蛤(其實我唔識分細隻個2兜, 就此帶過)蟹好好肉, 都幾多膏啲膏甜, 滾到個粥都好鮮味 魚聽講都好食, 我唔好魚, 所有冇掂過蝦~ 好實肉, 都有啲膏如果係屋企食, 我唔排除我會搣返啲蝦頭落去滾粥 不過, 可惜我唔係屋企呢堆貝殼類全部都正, 好新鮮, 無沙其實我有啲怕滾貝殼類, 因為好易滾太熟, 無肉食或者變得好“un” 好彩啲店員姐姐見到我迷惘既樣, 話挺身而出, 話比我知每樣野我應該煮幾耐 全部滾完之後都好鮮嫩, 係滾晒啲海鮮既時候~我偷偷地試左啖粥 嘩 鮮甜到呀 繼續努力滾滾滾除左海鮮, 佢有5樣野比你點既, 每樣上一碟 我們叫左蘿蔔 冬瓜 海帶結 肥牛 黑柏葉小妹我比較好蔬果類 肥牛係一個吸收晒海水味既湯底度滾左一輪.....原來真係好.好.味!! 肉類既甜味+海鮮既甜味  最後 呢煲粥先係精華...肥死但又真係好好食~呀... 其實佢一開始都有上一個前菜呢個sal

見到好多雜誌及報章介紹，決定早一星期Book臺同阿爸阿媽慶生日。當日下午仲收到確認電話，細心地問明人數，我估係為左要準備生猛海鮮掛，但呢個舉動都令我覺得好受重視呢！我地5:45就黎左，係門口等左5分鐘就比我地一家5口入去坐啦。老闆同員工都好親切，不斷介紹食材同食法。仲提我地小朋友可選兒童餐，平100蚊，不過我地最後都係要左5個大人餐，因為想食多d海鮮丫！上黎就落大大隻膏蟹，好多膏好重手，食落啖啖肉。期間有個好熱心又好人既女員工，會過黎望下熟未，又幫我地落蜆同分海鮮~~真係好sweet。跟住就食大細蜆同北寄貝了，一人分到好多，好似食極都有咁，d蜆同北寄貝好新鮮~~唔好意思影漏左兩碟，上面個煲旁邊白色個碟就係，而北寄貝掛住食完全唔記得左影。然後梗係食大大隻鮑魚啦，爸爸讚鮑魚好滑好林~然後食大大隻既蝦，每人兩隻，新鮮到成日跳出黎頂開個蓋~大家真係小心d唔好走蝦丫。最後係食多寶魚，好滑丫。熱心既店員時不時提我地唔好煮太耐，驚d骨會散落窩粥度。食完，就幫我地落南瓜、芋頭同粟米去熬粥了！我地叫左黑柏葉、花膠、豬腩肉、雞軟骨丸同埋響鈴卷~個雞軟骨丸真係必食，甜甜地又有雞軟骨既口感，真係好好食！不過個

友人說要帶我食好野, 他說在居住地方附近, 發現一間新開的粥底海鮮火鍋小店, 海鮮從來是我的最愛, 完全沒法抵抗, 而且友人一向對食物有講究, 對他的介紹, 我從不用懷疑, 放心去吃就好了。不過, 我提議約多點朋友一起去, 早前食過蒸海鮮的粥底, 由於二人份蒸的海鮮很少, 所以粥底也很淡, 多點海鮮才能品嚐富有海鮮精華的美味粥底呢, 所以今晚約了一行六人為食之友, 食粥底火鍋去。在大圍站一直走到尾就會去到積存街, 從大圍站行過來要10-15分鐘時間, 在同一條街, 也有大圍出名的雞粥呢。15款食材, 當中有7款是時令海鮮, 是日海鮮有: 鮑魚、活海蝦 、膏蟹、海魚、花甲皇、貴妃蚌 、蜆仔, 另有粥底料3款: 南瓜粒、芋頭料、粟米件, 加5款自選配料, 我們選了: 花膠仔、午餐肉、金菇、黃芽白菜、黑毛豬腩片。座位牆上有教大家先吃海鮮, 再煮加煮粥的3款料, 再食自選配料, 最後加入煮膽來吃。不過這步驟只供參考就好, 店員會提供很大的協助, 一點不用擔心不會吃。餐廳提供磨到很幼滑的蒜蓉, 炸蒜, 蔥粒及紅椒加豉油作打邊爐之用, 友人提示不用拿太多, 因為大部分時間都用不著, 我們還是貪得意

上禮拜日,同同事即興飯局,無意中搵到呢間粥底火鍋,咁啱天氣涼涼地,打邊爐啱曬~果日book咗8點半3位,去到大概8點左右,可能糸過咗第一輪飯市冇咁忙,所以好快分到去坐卡位,啲座位大致上都幾鬆動,仲有2樓,因為糸第一次去幫襯,所以唔太知點樣Order,舖頭嘅人都好詳細好耐心咁講解翻~ 墙上更貼咗紙,教人食粥鍋嘅次序,都真糸幾貼心~每人$200有找,除咗有新鮮海鮮之外,仲可以選擇5款肉類或其他,肉類我地揀咗肥牛同豬頸肉...首先上嘅糸粥水鍋底,然後上海鮮(貴妃蚌,大蜆,花蟹,鮑魚,海蝦,蜆仔,魚)問過啲海鮮糸因應當日嘅來貨而定,我地果晚好幸運,有老闆周到嘅照顧~ 老闆除咗一步步咁教我地按次序落食材入鍋,可能見我地雞手鴨腳,所以都索性幫我地整埋~食曬啲海鮮,店員安排咗2碗南瓜粒粒同香芋粒粒落鍋,由得佢慢慢煲至溶,其間,我地享用埋剩餘嘅肉類,老闆見我地食得7788,就吩咐店員攞咗大碗隔水嘅粥嚟,按我地嘅喜愛落鍋煮成粥,仲細心咁將未煲溶嘅南瓜攪溶,重頭戲就糸鍋粥,仲特別配埋菜甫粒,豬油渣,芫荽俾你自己加落去... 未食之前,我同事仲猛話唔夠食,但其實食埋個肉類,已經夠皮~其實与其食啲平價任

今日去到大圍，諗住搵d好野食，行下行下就見到呢間粥底火鍋，見未食過就試下，我地係一行三人，開頭係唔知點食法情況下，店員幫我地介紹食法同埋幫我地整埋頭轉野食，點知.....我地頭15分鐘無人講過野，因為.... 太好食啦，根本停唔到口，d海鮮好新鮮，隻蟹真係無得輸，之後食埋黑毛豬，嘩，呢餐每人兩舊水都覺得好抵，好好味

一向吃火鍋都只喜歡吃清湯底，莞茜皮蛋，冬瓜瑤柱，胡椒豬肚都可以，沙嗲麻辣等看不透的嘛，通通耍手拎頭，很怕吃濃稠的湯底，粥底嘛，怕易燶。接到宣傳單張，試一試，感覺良好。1.小小店舖，竟然有follow up call去confirm booking。2.真係大鄉里，原來粥底鍋係用粥水，所以一坐下已經解除了易燶的顧慮。3.上材料有次序，先吃海鮮，再來是雞和牛，丸類。不像一般assorted火鍋餐，一來全碟一籃子上。4.每一種食材按每個人份量上,不足二百元一位嘅價錢，包括多樣食材，滿足到眼闊肚窄之眾，樣樣食少少，但種類就多多。5.食材處理見心機，先後有序，海鮮分門別類上，貝殼類乾淨企理。6.當晚明顯侍應不足，但仍然能夠照顧到每一枱的客人，介紹食材食法和次序。7.中途想額外追加材料，但侍應都特別提醒，還有粥底未吃，以免浪費食物。8.待所有火鍋料吃畢，侍應加入芋頭，蕃薯，莞茜，葱…再加入綿綿白粥，完美句號。