鎔記潮州飯店

营业中

休息中

嚟九龍城好多時都會食泰國嘢，但係今次就同屋企人嚟咗呢間餐廳食潮州菜🥰嚟呢間餐廳一定要預早book定位，如果唔係都好難Walk in ，晚飯時間餐廳已經坐滿晒人😆呢間老字號潮州鋪，基本上你想像得到嘅潮州菜呢度都可以揀到淨係睇佢個餐牌菜式超級多，超級豐富❤️我哋就叫咗：春菜腩肉：老闆話呢個係傳統潮州菜，佢嘅腩肉肥瘦分明，食落仲有爽口嘅感覺😊椒鹽豆腐：豆腐外皮炸得好脆，入面嘅豆腐相當嫩滑，用嚟送啤酒真係一流👍🏻楊氏元朗烏頭魚：非常鮮味，一啲腥味都冇，呢種獨有嘅煮法，真係呢啲潮州傳統鋪頭先食到😆滷水鳳爪：鳳爪滷得超級入味同夠淋，忍唔住一隻接一隻咁樣食晒，仲有記住叫佢比辣椒油，辣椒香味超級出色😋

九龍城也不是只有泰國菜可選的，今天吃的這間潮州飯店也是挺有驚喜的，從我入座以後，一直有客人來買外賣和堂吃，真的很熱鬧呢！豉汁蒸白鱔（１６８元）這裡的蒸白鱔不會加上大量的醬油和其他調味料，主要是吃食材的鮮美，所以顏色是比較淺的，但吃起來味道剛好，白鱔爽滑多汁，吃起來又有油香，淡淡的鹹味更突出白鱔的香！而且白鱔挺厚肉的！滷水掌翼（９８元）掌翼牌斬得滿滿的一碟了，掌翼都滷得非常入味，味道鹹香，鵝掌爽滑彈牙，鵝翼肉嫩，底下還附有綿香的花生！韭菜豬紅（６８元）用上新鮮的豬紅，吃起來質感非常滑嫩，而且湯底本身就帶點辣，而且味道比較濃郁，而且豬紅都非常入味了！韭菜吃起來脆嫩多汁！啫啫芥蘭煲（８８元）煲是新鮮弄好的，來到還是滾燙的狀態，吃起來味道非常香，加了蝦乾，豬肉碎，辣椒，蒜蓉等去炒，再配上脆爽的芥蘭，吃起來十分惹味，而且芥蘭香甜，完成不會有苦澀！

一直都好鐘意去九龍城食飯，因為出左名係美食天堂，基本上各國各地菜式都集齊係九龍城區🥳因為太耐冇食潮州菜，所以今日決定來食這間鎔記潮州飯店一入到去餐廳道見到傳統潮州大排檔的裝潢，環境坐得亦闊落舒適。我晚上七點左右來到已經坐滿不少枱的客人，一大班人舉杯暢飲，同職員有傾有講，氣氛幾好👏🏻一坐低好快已經諗到心水菜式，期待味覺上的驚喜滷水鵝片 $138第一眼已經看得出師傅刀功有相當豐富的入行經驗，能夠將嫩滑的鵝肉均勻切成薄片。每一片鵝肉薄而甘香軟腍，肉味突出。底層鋪滿薄切的滷水豆腐作點綴，味道豐富啫啫通菜煲$88食飯點可以冇菜，咁先夠健康原本這道菜有辣椒，但我對辣椒有敏感，所以落單時候叫店員幫忙走辣椒店員姐姐的態度亦相當有善～ 通菜煲一上，鑊氣十足！通菜用爆香的蒜、肉碎、蝦乾一齊炒，鮮香味十足送飯一流 🥰還點了滷水拼盤（細） $118 當然要試哂所有滷水先叫滿足～ 這一碟滷水拼盤相當有誠意，性價比高，每一款滷水都有齊！墨魚夠冧、生腸夠爽、豬腸夠乾淨有油香、仲有紅腸、鵝腎、鵝腸..等等，細拼盤已經分量十足潮州炸蠔餅 $88食潮州菜點可以唔食埋蠔餅呢？食埋先叫做完滿🥰仲要上枱時候啱啱炸起，超級香欣賞

九龍城除咗多泰國菜外，另一多一定係潮州菜館💕有時收工食返個打冷、飲下啤酒，係好麻甩但又真係好正😆位於城南道嘅「鎔記潮州飯店」，絕對係平靚正打冷之選👍🏻.餐館裝潢充滿懷舊味道，從牆身至地板都係六七十年代嗰種設計🇭🇰半開放式廚房，喺店舖外已經睇到當日有咩打冷款式，傳統打冷菜館風格🤓.🍴滷水鵝片💰$138打冷又點少得鵝片🤩滷水清香淡雅，鵝肉羶味恰到好處😚鵝肉肉質嫩滑，鵝皮晶瑩油潤同事入口唔會好肥膩😋蘸埋白醋食真係無得輸😍底下仲有滷豆腐，份量十足😛.🍴滷水掌翼💰$98就掌翼放滿整整一碟🤪滷水超入味，入口充滿五香八角味，送酒一流🍻肉質軟熟，唔會好難先‘損’到😌.🍴鹹菜豬肚湯💰68（細）飲完酒想醒醒胃，呢碗湯就啱晒啦👍🏻胡椒味夠重，鹹菜味又夠出，一入口好強勁咸辛鮮味😋豬肚好彈牙😙.🍴糖醋麵💰$98雙面黃聽就聽得多，食就真係第一次🤪麵餅一面煎得金黃香脆，蘸埋香醋&砂糖食，呢種酸甜味道有幾特別😆完全零油膩感😚

九龍城除了有泰國菜，也有很多其他很棒的地方菜。這次去了吃久違了的潮州打冷，這間在城南道夠晒地道，價格也很親民。除了供應各式各樣的潮州菜式，另外也有多款港式小菜，晚間還有打邊爐。🔶椒鹽鳳尾魚 $88剛剛炸好熱騰騰，十分香口，鹹香酥脆，配上喼汁好惹味，忍唔住吃完一條又一條。🔶 韭菜豬紅 $68如果喜歡吃豬紅，這個必點喔。一大碗分量超多，豬紅Q彈滑嫩，很有口感，湯汁香濃有層次，十分入味。🔶滷水拼盤 $118當日拼盤有紅腸丶豬大腸丶墨魚，最喜歡墨魚夠晒彈牙，滿有滷水香，底部仲有好索汁嘅芽菜。🔶四喜豆腐煲 $98感覺好夠鑊氣。紅燒豆腐超嫩滑，另外還有肉片丶雞件丶豬潤丶魷魚等等的配料，好豐富。

開枱時很好人問是否不喝茶，喝啤酒，我回覆不用茶，叫左支大啤，叫啫啫通菜，餐牌標88元。結果：埋單茶位照計，通菜收98,個魚頭煲得4件魚頭收138，水汪汪，難食到一個點，仲要加一。不能再幫襯！

九龍城最好食的潮州飯店，價錢親民，潮州師傅的滷水和打冷做得傳統又好味。今晚和朋友去飲啤酒，所以叫了幾款送酒小菜，把酒談歡。🧡香煎牙帶魚 ~ 不知幾時開始牙帶魚成為童年回憶，近幾年難以買或食到牙帶魚了。這碟牙帶魚外觀一流，師傅煎得完美無瑕。這段牙帶魚相當大條，因而魚肉厚，肉質細膩，沒有泥腥味。🧡豉油王美極蝦 ~ 原隻中蝦有八大隻，肉質爽彈惹味，煎得乾身，醬汁鮮甜不過鹹，連殼都入味。🔶滷水拼盤🔶滷水牛𦟌 ~ 墨魚、鵝腎、鵝腸、生腸、紅腸、大腸、豬頸肉、腩肉等，加埋牛𦟌，全都香嫩可口，而不會感覺老和韌，可說是飲酒佐膳的佳餚。滷水鹹淡適中，放在碟底浸着滷水的芽菜同樣惹味。🔶潮州白粥 ~ 不得不提，這兒的潮州粥軟綿香甜，非常好食。

剛過了潑水節💦，又令我哋想起去泰國街入貨買零食，入完貨後平時我哋會去食泰菜，但今次我哋係有預謀及有目的咁去試呢間潮州菜館😋舖面窗廚掛滿滷水食品及擺放咗好多煎魚及熟食，見到都流哂口水🥢韭菜豬紅$68豬紅滑身得嚟又爽口，醬汁味道啱啱好，配埋個辣椒油好正🥢滷水掌翼$98掌翼軟硬度剛好，最怕食到好梅好腍嘅掌翼，滷水汁香溢味美🥢椒鹽九肚魚$88炸得熱辣辣，粉漿薄身輕巧，外面鬆脆可口，裡面肉質嫰滑juicy，無渣無骨🥢啫啫通菜煲$88好有鑊氣，通菜爽口無渣，配合蝦乾及肉碎一齊炒，非常惹味，濃而不鹹，亦唔會太油膩今次太飽嘅關係叫唔到蠔餅，睇嚟下次去九龍城入貨都要翻啅再試😋

每次嚟九龍城，唔係食泰菜就係打邊爐，今日想食下潮州菜，朋友推介城南道呢間「鎔記潮州飯店」，聽講店舖開業多年，口碑一直唔錯。餐廳佔地兩層，裝修好傳統，環境同一般嘅潮州菜館差唔多，櫥窗掛滿了滷水鵝，而檯面亦擺放了各式各樣嘅打冷食品，滷水鵝隻隻都肥嘟嘟，賣相好吸引。先整碗韭菜豬紅 ($68)  過下口癮，濃濃醬汁滲入一磚磚豬紅中，豬紅夠滑，入味又有咬口；韭菜新鮮，食落完全無渣，配埋個潮州辣椒油，真係令人難以抗拒。另外呢碟春菜腩肉 ($68)  亦屬水準之作，春菜味道獨特，帶有微微甘澀味，剛好平衡五花腩嘅油潤感，加上腩肉肥瘦適中，配白粥或佐飯皆宜。食潮州菜又點可以無炸蠔餅 ($88)，蠔餅大大碟，炸至金黃色，熱辣辣上檯，賣相十分誘人。蠔仔夠大粒，漿粉炸得薄而脆，入口鬆化又唔油膩，美味。最後上桌嘅潮州魚飯亦係必吃之選，馬友用鹽醃製再煮熟放涼而食，魚肉十分細嫩，有鮮魚嘅彈性，入口咸度亦啱啱好，配埋普寧豆醬吃，味道更精妙。

介紹返💁🏻‍♀️。。🇨🇳 潮州菜 在九龍城 🇨🇳。鎔記潮州飯店。九龍城城南道33號地下。滷水拼盤。HKD118涼瓜炆倉魚。HKD198 潮州炸蠔餅。HKD88🤫 啱啱嗰個星期六日飯腳仔去咗參加100K..星期一就攞咗日假休息吓..差唔多下午茶時間..佢突然之間走咗過嚟..我意思係由佢屋企嚟咗我屋企..話帶我出去食好嘢..咁我哋呢啲嫁雞隨雞嫁狗隨狗..嫁着隻馬騮通山走嘅就梗係即刻換衫跟佢出去啦🤫 事沿係早排我同佢講過話突然好想嘆吓潮州打冷嗰啲滷水鵝..然後佢周圍打聽..收到風話九龍城有間鎔記啲鵝好好食..所以即刻帶我去喎🤫 我哋去到九龍城三點半左右..人哋鎔記先至啱啱開門..(我諗冇人會好似我哋咁樣呢個時間過嚟食打冷囉😂) 正因為呢個時間半唥鯁..我哋都唔敢叫咁多嘢食..一於叫一份滷水雙拼..一份蠔餅同一條魚當下午茶🤫 首先上枱嘅就係我非常之期待嘅滷水鵝片拼鵝腸..真係不得了呀～師傅手勢真係好好..鵝片切得夠薄..滷水味香濃..肉質彈牙可口..然後鵝腸就更加香濃好味..有口感之餘並唔會靭..最正嘅就係底下墊住一大嚿滷水豆腐..同埋平時好少見到有嘅滷水花生..就連飯腳仔呢個腌尖大少都讚不絕口

平時去九龍城除左食泰菜，潮州打冷都好多選擇。今次同朋友揀左呢間，見都幾多好評，好似唔錯。店外玻璃窗見到掛住好多滷味，色水都幾吸引🤤 2個人嗌左d 傳統潮州嘢同埋好耐冇食菜炒咗個菜 🤓🙂🐙紅腸墨魚📋7/10-墨魚爽口彈牙唔韌-紅腸正常-份量好足，另外用黎沾既辣椒油好味！如果可以買都想買走😂🦪潮州炸蠔餅📋8/10-超巨大炸蠔餅，勁多蠔-炸得好香脆，但無厚粉-蠔都新鮮-唔會一pat油🦢滷水鵝片📋7/10-鵝片滷得好夠味-肉質都不錯 ,唔老-鵝片下面既豆腐同花生都好食🥗欖菜肉崧四季豆📋8/10-四季豆好入味，欖菜唔會好咸-炒得好夠鑊氣，食得唔油-肉崧同四季豆份量都好多-呢碟都好夠送兩碗飯😍食物質素唔錯呀，而且份量亦都好多，惜才新鮮。除左有傳統潮州打冷食品仲有好多鑊氣小炒可以嗌。店員都好熱情同我哋介紹有咩好食推介。會再黎幫襯，下次多人嚟可以試多啲唔同嘅款式☺️

呢間位於城南道嘅潮州菜館我同朋友都經常過嚟幫襯，佢嘅打冷菜式同鑊氣小炒都一樣咁出色，而且價錢又唔貴，仲可以一邊享受美食一邊飲啤酒傾下計，真係幾爽㗎！辣酒煮花螺香辣惹味，酒香撲鼻，夠晒滋味。涼瓜炆䱽魚大大碟，䱽魚香脆可口，肉質鮮味，涼瓜炒得甘味翠綠。酸甜咕嚕肉啖啖肉，酸甜度適中好醒胃，有我最鍾意嘅菠蘿，洋蔥及青椒炒得好香，鑊氣十足。春菜腩肉係潮汕人嘅家鄉菜，春菜生炒至軟身，味道好清甜，腩肉肥瘦度適中，值得一試。

今日許生帶生日的許太去九龍城食潮州菜，順便買年貨。這間在「泰國街-城南道」的潮州菜館價錢親民，不怕被劏，而且由潮州師傅掌廚，潮州佬許生都話好食又正宗。🔶韭菜豬紅（$68）我和許生都是韭菜豬紅的的愛好者，打冷必叫。鎔記的韭菜豬紅大大碗，每磚豬紅都方正完整，濃濃的醬汁滲入一磚磚香滑軟腍豬紅中，醬汁少辣不鹹，空口都可以食曬。🔶潮洲鹹雞半隻（$138）阿媽話生日要食雞。鎔記每日限量供應三隻鹹雞和三隻鵝，賣曬就無喇。鹹雞雖然細細隻，但嫩滑脂肪少，鹹香鮮美。餐廳有普寧豆醬和薑蔥蓉來蘸雞，不過唔蘸都夠味了。🔶魚香茄子煲（$88）煲仔上桌滾熱辣。茄子軟滑，香辣惹味，連與茄子同煨的蔥白也好好食。即刻加碗軟綿綿的潮州粥！🔶糖醋麵（$98）許生話生日要食糖醋麵。表面焦脆，內層柔軟的糖醋麵雙面黃，外型好像一塊 pizza，切成小塊後，無論是灑上砂糖和香醋，或是什麼也不加的原味，都非常滋味。

餐廳：鎔記潮州飯店 @yungkeechiuchow 地址：九龍城城南道33號地下突然好想食蠔仔粥🦪，見呢間店個門面都幾乾淨，好似有係度食過，唔理咁多，衝入去食咗先講😜🎀韮菜豬紅 豬紅非常入味，又香又滑🤤韮菜亦食得出好新鮮😊🎀墨魚拼紅腸招牌潮州嘢點會唔好食呀🤭🤭🎀蠔仔粥🦪嘩…..粒粒蠔仔都脹卜卜，又大粒，一咬落去食到蠔既鮮味🤤🤤，真係要夠大粒既蠔仔先會食到蠔味👍🏻👍🏻👍🏻🎀豉椒炒蜆大大蝶，味道偏甜，好岩我好味😋 蜆洗得好乾淨，完全食唔到有沙整體來講得幾好👍🏻👍🏻👍🏻見到隔離枱食兩大碟獅蚶好似好正，等我下次黎又試吓先🤭🤭

今年年初在這裏吃過一個很好的糖醋麵，於是今晚翻兜這潮州飯店。先來個有鵝片的“鹵水拼盤”，但鹵水鵝鹹了點，其它如 紅腸、鵝腸、墨魚、豬頸肉、腩肉、大腸等還好，但下面的大豆芽和韭菜已煮得幾乎爛透，像在外邊那些煮好一盤盤的一樣，一點都不吸引，且口感欠奉，合格而已。但這晚的驚喜是這“煎封馬友”，廚師做得特別出色，炸得透，連骨頭、翅、鰭也炸到香脆可口，調過的香蔥豉油很鮮甜，薄薄一層，魚肉份外鮮、甜、嫩、滑，下次一定要翻兜這個。