鐵板超

营业中

休息中

好中意食鐵板燒,但價位通常都有d貴,唔係特別既日子都唔會去食。呢排幫朋友慶生,見佢午市66折,加埋佢既海鮮都好豪華,價錢又冇其他鐵板燒咁貴,就帶左朋友黎慶生。我地叫左u餐,有龍蝦、銀雪魚、日本豚。首先食左前菜先,沙律都好正,有士多啤梨,賣相可觀。跟著師傳就係我地面前燒半隻澳洲龍蝦。拆肉,切成一口一口,仲有龍蝦膏,肥美可口,大滿足。師傳真係神乎奇技,處理龍蝦一板一眼,好似好簡單,但有好多年既功力。切完個龍蝦頭後,一d都唔浪費,拎左去bowl龍蝦湯比我地飲,食到濃濃既龍蝦味,個龍蝦頭仲有d肉可以食添呀!個銀雪魚師傳都煎得好靚,肉皮煎到好香脆用黎做裝飾,最後我都有食到。鵝肝多士煎到恰到好處,好香好惹味。日本豚包住香蔥、各款配料,蔬菜加蔥,一d都唔油膩。櫻花蝦飯炒到好香,師傅打蛋仲好勁添!粒粒分明既飯加埋配料,真好食!甜品係雪糕,有lychee同埋芝麻選,我食既係lychee,好清新,加埋薄荷葉,靚。最驚喜係師傅用麵粉整左個tinkerbell比我朋友,佢比我地選圖案同埋字,師傅倒轉都寫到happy birthday既英文字。勁!最後仲比我地入去同幅藝術品影相添。朋友係度過左個難忘既生日!

朋友生日當然要食好 D,平時吾捨得食，留番有特別日子慶祝才會去，尖沙咀“鐵板超”Lunch - 6：30前食 N-V 套餐,都有66折優惠，任君選擇喜歡自己的套餐，呢度有幾間獨立包廂，私隱度高，抽氣都幾好，食完都唔會成身味今次食佢哋嘅 V 二人餐一開始已經比南非鮑魚同西澳龍蝦震撼咗，2隻鮑魚活生生咁跳舞🤣龍蝦大隻長度超過對筷子,2款都是刺身級勁新鮮,鮑魚燒好之後有厚切薄切，入口保持鮑魚汁鮮甜彈牙，🦞龍蝦頭燒完會煮湯，龍蝦肉質感鮮嫩彈牙，另外龍蝦汁是用龍蝦膏製成，原汁原味，鵝肝多士好厚身煎到外脆食完會念念不忘😍配搭新鮮菠蘿一流🥩另一樣好推介就是厚身 A4 日本黑毛和牛煎得4成熟啱啱好，每一口都感受到嗰種油香肉質嫩滑，旁邊的炸蒜片,是自家新鮮炸超級好味😋最後仲有龍蝦頭魚湯，炒菜，炒飯同雪糕，根本唔需要再介紹，睇相已知道材料新鮮，色香味俱全，呢個份量真係好足夠好滿足🥰🥰

今日同朋友慶祝考到車牌，食豪 D 去尖沙咀食鐵板燒，餐廳日系裝修，有多間高級獨立廂房，可容納 6 - 20人，還擺設好多日本超人模型，鍾意打卡嘅人係好選擇，午餐時段直到六點半前，叫 N - Z 套餐都有六六折優惠，一個二人前 V 套餐.南非直送活鮑魚：鮑魚非常生猛，放在鐵板燒嘅時候仲會旭動，師傅純熟嘅烹調技巧，配上特別嘅海草醬汁，鮑魚外表焦香，內質軟滑彈牙特別鮮味.西澳龍蝦：龍蝦頭煎香後才煮魚湯，龍蝦身烹調七成熟，而龍蝦膏煮成醬汁，加上清酒火燒龍蝦肉，食落龍蝦肉彈牙焦香，師傅控制時間，同烹調技巧非常之好.法國鵝肝：厚身鵝肝煎至焦香，再配上法國麵包，加上意大利12年黑醋，鵝肝入口非常油香，配上黑醋同菠蘿，令人不會太油膩感覺.A4 日本黑毛和牛:和牛燒至五成熟將油香迫出，和牛配上蒜片，令人食落回味無窮.最後有龍蝦魚湯/櫻花蝦炒雜菜/煙肉洋蔥蟹子炒飯,份量非常飽足雪糕作完美句號😍

係尖沙咀旺區食鐵板燒，加上用上新鮮食材，仲要有66折優惠，仲要2人套餐，仲要座位大，服務好，係呢度先有！我地揀左V餐。首先首先，來個餐前小菜，分別係芥末八爪魚同魚乾核桃同沙律，好開胃！重頭戲開始啦，第一道係鐵板燒活龍蝦。呢道菜以新鮮嘅活龍蝦為主要食材，喺鐵板上燒烤而成。龍蝦嘅肉質鮮嫩彈牙，燒烤之後散發出濃郁嘅海鮮香氣。燒烤嘅過程令龍蝦保持住原汁原味，每一口都帶來滿足嘅口感。接下嚟係鮮活南非大鮑魚同大扇貝，以佢豐富嘅鮮味同緊實嘅肉質而聞名。佢經過細心嘅烹調，保持住鮑魚同大扇貝嘅鮮嫩口感同獨特風味。呢道菜展示咗高級海鮮嘅豪華同精緻。蒜香日本A4和牛厚燒係另一道精選菜品。A4等級嘅和牛肉質非常優良，有濃厚嘅脂肪紋理同滑順嘅口感。呢道菜以厚切嘅牛肉燒烤，散發出蒜香香氣，令牛肉更加美味。每一口都帶嚟舌頭上嘅絕妙享受。蝦乾蟹子炒飯係一道經典嘅中式炒飯。呢道菜以蝦乾同蟹肉為主要配料，同米飯一齊炒製而成。蝦乾同蟹肉嘅鮮味同炒飯嘅香氣相互融合，帶嚟豐富嘅口感同美味嘅味道。呢道炒飯可以當作主食，滿足你對美味嘅渴望。鮮龍蝦蜆肉湯係一道清爽嘅湯品。新鮮嘅龍蝦同蜆肉同湯汁完美結合，散發出鮮美嘅海鮮風味。湯汁濃郁

最近有開心事要慶祝下，今次就來個高質鐵板燒喇。搵到尖沙咀尼間鋪。午餐有66折優惠，而且無論服務環境都好似omakase。我地叫個v套餐。首先有d沙律，核桃魚仔，同芥末八爪魚來醒下胃。跟住就進入正題，先來隻活南非鮑魚，餐廳用嘅係刺身級別，肉質鮮嫩彈牙，每一口都能品嚐到鮑魚的豐富海味，口感十分滿足。配料的搭配也十分精湛，加入左木魚湯，令到鮑魚的鮮甜更加突出。跟住就係帆立貝，都係刺身級，經過鐵板燒製，再加上獨特嘅湯汁令帆立貝更加鮮味，烤到表面金黃仍然保留內部肉質柔軟。再來就係重頭戲，活龍蝦，龍蝦新鮮彈牙，肉質鮮美，係鐵板上，散發出誘人的香氣。師傅搭配左加入龍蝦膏嘅湯，融化奶油等香料去提鮮，口感更加豐富。這道菜絕對是海鮮愛好者的最佳選擇，絕對讓人回味無窮！而個龍蝦頭就會拎去煲湯。煲出來個湯啖啖龍蝦味，加埋蜆肉，海帶同豆腐簡直係昇華，飲完回味無窮。再來就係日本A4和牛厚燒，牛肉睇來好優質，肉質嘅脂肪分佈好均勻，師傅採用最簡單嘅烤方式，保留牛肉嘅鮮嫩口感和豐富嘅肉汁，再加左d檸檬汁等調味品，以提升牛肉的風味。一牛入口即刻融化，油脂分布口腔每一角落，簡直係享受。搭配埋店鋪自己炸嘅蒜片又係另一番味道。

最近食左個高質鐵板燒，食到意猶未盡😋一定要同大家分享！鐵板燒價錢吾平，平時都吾捨得食🥹 但呢間鉄板燒晏就時段做緊優惠，有66折😮即刻抵食左不少，而且餐廳位置仲好方便，系尖東出口果邊！有折扣緊系嗌個豐富嘅套餐啦😍我揀左V set, 有海鮮&和牛，正正啊❤️呢個set 有龍蝦，南非鮑魚，法國鵝肝多士，日本A4和牛，食材全部都十分高質💯南非鮑魚 x 燒海苔汁 ✨鮑魚十分彈牙啊，廚師已經落好調味，就咁食原味已經好好食，不過廚師仲配左個好特別嘅燒海苔汁，加埋黎食又有另一番風味！燒龍蝦✨每人有成半隻龍蝦，廚師席前烹調，龍蝦肉質彈牙，煮到岩岩好～而個汁就系用返龍蝦頭嘅膏黎煮，好濃郁啊😍喺烹調過程，廚師仲會表演大火燒龍蝦，即刻哇左聲🔥好有氣氛！鵝肝多士✨鵝肝入口即融，加左意大利黑醋去烹調，中和鵝肝嘅油份，仲配埋燒菠蘿，即時有fresh 嘅感覺！日本A4和牛✨和牛肉質好淋啊，入口即溶化，一咬落去D肉汁爆哂出黎，果然系A4嘅和牛啊🥹難怪咁好食！海鮮湯✨燒龍蝦時起左肉後，個龍蝦頭會拎去煮成湯🦞所以龍蝦嘅鮮甜味出哂黎，太美味啦！炒雜菜✨食完D海鮮，肉類，食返份菜可以中和下～不過廚師都有心思地落左蝦乾去炒，所以都

戰友打贏一場勝將，又適逢生日，決定要食好「西」，大家當然支持。選了Y款套餐 - 活龍蝦、南非鮑魚餐配法國鵝肝、帆立貝及A4和牛厚燒，5人份$6220，網上預訂晚市有88折優惠。有朋相伴壽星做東請大家喝酒。雖然我是茶客不是劉伶，但750 ml 的吟釀確實提升了整體氣氛，令用餐更為輕鬆。前菜是非常少的漬魷魚及琥珀合桃，只足夠「攝牙罅」，沙律份量正常也很新鮮。套餐可加配刺身，而刺身很新鮮和鮮甜，可惜魚品卻不是我喜愛的種類，歡喜度自然減半。帆立貝以紫菜湯汁伴煮奉客，南非鮑魚則簡單的以黑椒及鹽提味，可口美味。龍蝦十分鮮活，雖然猛火活燒有點殘忍，但味道的確上佳。肥厚的鵝肝豐腴富脂香，配燒菠蘿恰到好處，解膩之餘，亦為同樣肥美的和牛作好準備。和牛不像龍蝦和鮑魚般鮮活蹦跳，卻不輸任何海鮮，美味大概源自大廚的巧手把和牛燒得粉嫩富肉汁，伴食的蒜片也應記一功。季節野菜是雞髀菇、番薯及蓮藕，簡單燒焗的時令蔬菜充滿各自的甜香。炒飯加入了不少材料，當中最美味的是炙得脆口的櫻花蝦，金黃的飯粒混入滿滿的食材，色香味俱全。海鮮湯是以龍蝦頭烹調的味噌汁，賣相比味道佳，整體而言味道過鹹。甜品可選抹茶或芝麻雪糕，此時大家已吃得

快要過農曆年，2023年將真真正正過去，決定要在終結之前吃餐好，作為獎勵自己2023年的努力。餐廳環境寬敞闊落，裝潢優雅，平實而不花巧，感覺舒適。分有些幾區，每區有一張大鐵板燒台，可坐約十位客人，全部座位都是圍住鐵板燒台，能讓食客與師傅交流。共有十款套餐，選了U號活龍蝦餐（$1094/1人），12:30-4:45入座，1830前離座就有66折($832)，共十一道菜，超滿足！******************************前菜是芥末八爪魚及合桃小魚乾，八爪魚爽口加了芥末醃漬，鮮中帶辣，好夾！合桃小魚乾甜甜地，鮮中帶甜，加埋合桃的甘香，同樣好夾。前菜沙律有新鮮爽脆的雜沙律菜和蓮芋，加了酸甜爆汁的車厘茄，配上芝麻醋汁，清新怡人，夠fresh!******************************四選二：法國鵝肝/銀鱈魚/帆立貝/蟶子皇中，我揀了來自加拿大銀鱈魚，見師傅起皮壓燒，令魚皮脆卜卜，香脆可口！魚肉燒至金黃，魚肉一片片，肉質極之鮮嫩，油潤滑溜，吃至啖啖魚油香，蘸上酸汁更適合。帆立貝是屬於北海道刺身級，肉厚肥大，極之爽嫩，優質！把其放在日本海苔湯上，相當鮮味，我連湯也

首次光顧感覺唔錯職員非常有禮與及提供合適食物選擇，有散叫或套餐，選擇衆多。我們三人被安排在一個六人房間與另一家庭同房，房間算是寬敞，食物新鮮。廚師亦都態度很好，專業，有問必答最滿意是我提早告知女兒下個月往外國讀書，當天是她生日正日想較往年難忘。廚師可以即場繪畫一幅很美麗及她很滿意的卡通公仔與及給予生日祝福，10分讚，另外餐聽沒有切餅費，很貼心及人性，必定會再光顧基本上每道菜也十分美味，當中最回味是龍蝦、帶子與及鮑魚

海鮮一流，服務態度到家，嬌小女部長介紹食材清晰， 鉄板師傅手勢一流，價錢公道！值得推介👍，伙記有講有笑，給你不一般的美食體驗，食完一次有再食衝動，絕對係舌尖上的享受

朋友介紹呢間鐵板燒，生日朋友請食飯就去試下，又真係唔錯喎👏🏻👏🏻因為帶埋小朋友去，細細粒嘅侍應姐姐又好細心拎d玩具比我嘅小朋友玩，D海鮮新鮮，鐵板哥哥又風趣，煮野食又好好味，中午去食又抵有66折，所以下次一定會再去食過👍🏻😋🍶

由我哋落單叫嘢食嗰一刻我就已經唔高興，我哋本身約同朋友食生日飯，嗰個時段係有六六折，落單嗰個阿姐不停係咁叫我哋加呢樣加嗰樣六六折好平，不停重複講六六折好平，圍返都唔係好貴，重複講令人10分反感！其實你成$3000.1個套餐你六六折，我哋埋單都2400啦，其實都唔緊要，重點係啲嘢都唔好食，食材又唔新鮮，我未食過一間鐵板燒係咁難食，質素咁收呢個價！啲嘢食難食到我去到後尾都唔想影！每一碟都煮到好敷衍！真心唔值呢個價，講真我2000幾出邊有大靚選擇，使咩喺度受氣？

又想食鐵板燒啦~ 見到鐵板超lunch set有66折（1645之前入座，然後6:30之前離座），即刻約朋友去食！😍餐廳提供海鮮、和牛等高級食材，設有二人或三人的套餐，當中包括前菜、沙律、甜品，及一整碟海鮮或肉類等，我地叫左2人前R餐，有南非活鮑魚和大海蝦，中意食龍蝦都可以揀龍蝦餐~如果特別日子慶祝，師傅仲會畫鐵板蛋糕/公仔，打卡一流~🥰2人前R餐 （原價 $2,088，有66折）✨沙律✨前菜前菜有合桃小魚乾、芥末八爪魚同沙律，好開胃😝✨南非活鮑魚: 鮑魚勁生猛係咁郁，師傅整到外層微焦，口感煙靭爽口🤤✨大海蝦: 海蝦大大隻，好新鮮，厚肉彈牙😍✨法國鵝肝: 次次鐵板燒都會食~油脂豐富，外脆內軟, 配埋焦糖菠蘿減低油膩感😋✨日本A4和牛厚燒: 睇個油花都覺得好正！入口即溶，好juicy☺️✨蝦乾蟹子炒飯✨季節野菜及炒雜菜✨海鮮湯✨甜品

鐵板超2人前R餐🌟沙律🌟前菜🌟南非活鮑魚🌟大海蝦🌟法國鵝肝多士🌟日本A4和牛厚燒🌟蝦幹蟹籽炒飯🌟季節野菜及炒雜菜🌟蛤蜊海鮮湯🌟甜品好鐘意食鐵板燒, 覺得有得睇表演又有得食。咁啱上星期有3日假期, 就搵左日去食鐵板燒lunch｡D set 都幾豐富, 前菜芥末八爪魚同沙律好fresh｡ 南非鮑魚口感好煙靭, 大海蝦厚肉彈牙, 係好新鮮嘅食材。鵝肝多士外脆內嫩, 配埋焦糖菠蘿食落唔會太油膩。和牛厚燒order 左5 成熟啱啱好, 燒野菜入面嘅南瓜超級好食, 夠曬軟糯香甜。食到最後見到隔離枱生日, 師傅幫佢地畫左個好靚嘅鐵板蛋糕。 d waitress 仲話如果想要其他公仔同佢地講都可以畫埋, 真係幾唔錯嘅service, lunch仲有66折真係好抵。

公司今日出咗獎金，一於去豪下揀呢間舖頭係因為佢個名幾得意鐵板超，入到去先知原來佢個超字係超人嘅超咁解，唔係我亂吹，有相為證架食物超新鮮，我點咗龍蝦、鮑魚、鵝肝&和牛鮑魚廚師幫我切開咗，每一面都微微焦香，好正有鑊氣，但又唔會乾噌噌和牛好肥美龍蝦同鵝肝都係超曬班，食物質素一流。鵝肝好肥美，而且佢個size同麵包相若，食落一啖鵝肝一啖包，配搭一流。龍蝦新鮮就不在話下，仲要係生猛鮮活的龍蝦每一個部位都冇浪費到，成隻龍蝦比廚師運用到極致。龍蝦肉就梗係拎嚟食，佢嘅蝦殼都比廚師拎出去煲湯再加埋其他配料，好鮮甜其實食到依度個人都已經飽飽地，但係有返啲米飯落肚都仲係實在啲嘅。一陣如果真係出咗門口冇幾耐就肚餓咁就唔抵啦。😆😆😆金黃嘅炒飯配埋咁多櫻花蝦，鹹香鹹香最後嚟個雪糕收尾❤️