長洲張記

营业中

休息中

同朋友入長洲玩行行下街覺得有D肚餓個時咁岩見到呢間野 決定入去試下我叫左個墨魚丸河粉 等左10分鐘左右先送到黎覺得有D耐 都可能係因為個時實在太肚餓啦河粉幾好味首先唔會話太散完全夾唔到其次係雖然係清湯 不過都唔會話淡而無味雖然我食唔出既咩湯底 不過都幾正同幾香而且河粉份量都幾多 幾飽肚再講下墨魚丸 個人覺得無乜特別細粒之餘 覺得唔係好彈牙爽口覺得怪怪地 唔係平時食開既味道但都叫入到口啦都醫到肚既價錢係25蚊 唔連野飲個人覺得都幾抵 份量好足好飽味道又唔差 算係咁啦

一間好出名嘅老店對上一次食已經係三年前見咁耐冇食我都忍唔住要入去試下一碗牛腩河盛惠25蚊價錢都算合理牛腩唔會太un 幾好咬口但可惜河粉真係唔夠多如果要預由肚餓食到飽真係要食兩碗先夠值得一提係枱面上面嘅辣椒油真係幾勁中意食辣嘅朋友都不妨去試下

長洲之旅，好似最多食丸，剛到長洲大家仲肚餓朋友話呢間啲墨丸牛腩好味，所以一班人就衝入去試，人太多，要分枱坐，普通簡陋麵店裝修，懷舊紙皮石加上摺枱膠櫈！不銹鋼筒插筷子！好平實，乾淨企理！因為唔想食咁飽，我同肥髀叫一碗墨丸河分享，食物好快到，闊口膠碗盛麵，河粉幾滑，墨丸彈牙，裡面有墨魚肉，增加咬口，加上清甜湯底，配冬菜青蔥，整體配搭好好！店員好親切，唔會嫌我哋人多細路多煩，反而好好咁幫我哋安排！食物唔使複雜！做得好簡單食物已經唔簡單！

六日呢間張記都排長龍，今日閒日無咩人一於去試下，叫左個魚旦麵，是手打魚旦不規則形狀，味道ok彈牙，最出乎意料之外係d麵質很有口感，彈牙，本身抱住一般o既心態入去，但我覺得真係幾好味，湯底ok，雖份量少細細碗，但反而可滿足專誠到長洲掃街小食人士。會再黎

同fd去長洲玩，玩到又攰又肚餓，就求其搵間茶記坐低，呢間叫張記。叫左碗雲吞魚片河粉，d雲吞好正!!肥瘦豬肉份量岩岩好，唔食得肥肉既我都覺得好正!同埋又大粒，好似好抵咁!d魚片又唔太薄，好新鮮既口感，d河粉都好滑，好似香港仔果d咁。我d fd叫左魚蛋粉、水餃麵，魚蛋好彈牙，又係大大粒既!水餃就比雲吞多d料(唔識形容@@)係呢到食野，又唔多人，食tea既好地方!

入到長洲除左勁大粒魚旦，炸雪糕，紅豆餅，刨冰外都要食下正餐醫下肚。奶奶話好耐冇食過張記於是便入去醫下肚，點知中伏了！我點魚旦牛腩河，魚旦外表並不討好，入口尚算OK但太勁胡椒粉味，牛腩超瘦。牛腩撈粗，個粗麵好似真係滾一滾就上碟咁好彩奶奶有牙食到啫！老公嘅魚片頭豬手麫反而好好味，可能魚片頭炸過而且比魚旦大舊兼彈牙！炸魚皮冇驚喜只屬一般豆漿就甜度剛好，且好香豆味。不過今次比起以前已大不如前，而且份量好像小了一點。

If you go to Cheung Chau, this is a must go place. It was  for more than 50 years. The most popular food is fish ball rice noodles. I went there with my friends from Spain. We ordered 4 different things, fish ball rice noodles, cuttlefish ball rice noodles, fish ball seasoned noodles and fried fish ball rice noodles. Their fish balls are so chewy and I love this springy texture so much. I have added the chili oil on my noodles. This chili oil is very famous. It was very popular sauce for Hong Ko

青蛙閒時到長洲, 主攻小食, 很少會坐定定吃個午餐,今次跟豬大人倒是第一次。我倆是日路過,眼見平時在門外非常多食客等候的《長洲張記》,竟然有空檯, 於是我倆快步入內進食~人家出名魚蛋, 我倆偏偏反其道而行,青蛙的牛筋河粉: 牛筋太韌, 沒有入口即溶的感覺, 失望; 幸好湯底夠濃,                       配上滑滑的河粉, 可以挽回一點點分數;豬大人的豬手麵: 青蛙只試了豬手, 但豬手同樣不夠腍..... 如果下次, 應該要試試它出名的魚蛋呢~   

上次去長州已經是11月中的事,經過呢間店.心想是老字號.但在任何飲食平台,也得不到讚賞.因為呢點.吸引到我光顧一次.淨雲吞22元:湯底,其實好淡.而雲呑是適中SIZE,皮薄,蝦肉味道不突出.反而豬肉餡料比較鹹,但可接受.總括而言只屬不過不失.魚旦米22元:魚旦林身只有薄弱的魚味.完全不覺得有什麼過人之處,湯同樣是淡.而賣相亦不是出眾.值得一提這裏的辣椒油,辣度十足.在飲食字典中老字號,不代表好食.新晉食店不代表難食.飲食口味,人人不同.人最好就是信自己.要知道飲食平台食評是否屬實.就要靠大家去找答案.

每次去到長洲都習慣會去食哩間老字號今次也不例外 是要等位的但今次都算快 所以ok的哈哈今次食左魚片頭河粉魚片頭應該有炸過 所以口感都幾好不過我朋友話墨魚丸好好味下次要再試下但可惜的是 其實碗粉係好細碗所以點都要加單叫其他野.

今日我哋一家三口入咗長洲, 由於我哋未食嘢入去, 落船後就去搵嘢食. 行過見到好聞名嘅張記, 朋友成日話入長洲必食嘅魚蛋粉, 應該好正啦. 門口有人啱啱走有三個吉位, 是但啦, 唔使諗入去囉. 好在我哋坐得快, 跟住竟然要等位喎.炸魚皮 $22.00--夠脆嘅, 但唔夠鬆!魚蛋牛肚河 $26.00--魚蛋好咸, 牛肚都夠林, 河粉有啲鞋口.魚蛋米 $22.00--都係魚蛋偏咸, 而且唔夠彈牙.片頭撈麵 $30.00--片頭比魚蛋略為彈牙, 但都係咸咗啲. 麵夠爽口, 略嫌鹼水味多咗啲油菜一碟$17.00埋單$117.00總括來說, 價錢偏貴, 但份量成反比(偏少), 大食嘅一定唔夠食. 我哋係冒名嚟試, 但感覺都係不外如是啫, 有點失望!

長洲張記應該是一間具爭議性的餐廳。自小去長洲，很多時候都會去長洲一遊，在那個時候甘永泰和大魚蛋沒有那麼盛行的時候，張記魚蛋粉可以說是最有名的一間。那個年代，故鄉茶寮的壽司，香雪海早茶，又平又味道不俗的海鮮檔和張記是我心中的長洲四寶。時移世易，甘永泰近來越來越有名，長洲街頭也紛紛開大魚蛋鋪頭，而張記名聲也越來越息微。特別在這個場地，評級很兩極化，原因不得而之。很多評論都說這裡的魚蛋沒有什麼特別，特別是因為甘永泰珠玉在前，而且這裡的姐姐全是有性格之極致，多劣評也是正常的。這個離開長洲前的上午，由於地理環境優勝，太接近碼頭，因此我來到與他聚一下舊。坐得半滿的張記，好像什麼都褪色了般。坐位，天花，圓枱，感覺不是從前古色古香那種老，而係好像一種時不及我，追不上潮流的那種愁懷。剛剛去完甘永泰看到車水馬龍人群，這裡只得零星散落的食客，更顯滄桑。因為之前也吃過魚蛋，今天就試試牛腩撈麵。賣相絕對不俗，牛腩尚算入味，軟硬適中。粗麵由腩汁撈，每條都滲透腩汁香，最好是那碗魚湯，魚味濃郁不腥，是生記以外喝過最好魚湯。吃完麵後，喝完湯，份量剛好。朋友叫的撈麵是雲呑，雲呑就很差了，是典型的廣東雲呑，但是雲呑裡我只吃

這天的長洲浪蕩自由行，轉眼已到了尾聲，在坐船回香港島之前，先行在長洲這個難得一到的小島上吃個遲來的午餐。就在碼頭附近，見到這間門面寫著開業於1959年的老店「長洲張記」，心想這老店能夠屹立多年，出品應該不會差吧！一時懶得做功課看看這間老店在「開飯網」中的評價如何，便貿貿然地進了去吃東西，結果便是要付出代價，令自己大失所望，吃了一頓不滿意的午餐。叫來簡單的「魚蛋牛腩雙拼撈麵」做午餐，因為飲品並不便宜的關係，就沒有叫了。平心而論，這「魚蛋牛腩雙拼撈麵」是不及格的，撈麵湯是有點大地魚的味道的，但不濃，湯味也偏鹹，使我只呷了兩口便沒有繼續了。相對來說，麵條是較佳的，都算爽彈而沒有鹼水味，但份量偏少，作為午餐是不夠吃的。三粒應該不是機打，外觀較為粗糙的魚蛋欠缺了好魚蛋應有的魚味，那些切得偏細碎的牛腩也不夠靚，質素與真正的靚牛腩相距一段距離。而這撈麵雖然沒有腩汁，幸好也下了少許蠔油讓顧客用來撈麵吃呢！這店子號稱真材實料享譽五十年，屈指一算，從店子開業的1959年起計，五十年後便2009年，莫非從2009年開始，這間店舖的食物便水準大降，經過四年的光景，到了今天2013年，落到現在平平無奇的田地？

之前睇過食評，見大家都對張記嘅評價都不是太好，但係見老爸之前睇電視話想試下，所以難得來到長洲都去試下啦！我地試左魚片頭河，魚蛋河，雲吞河同炸魚皮~魚片頭河：魚片頭偏咸，不太夠彈牙，河粉唔夠滑魚蛋河：魚蛋不夠彈牙雲吞河：一般，無特別炸魚皮：唔太脆，偏硬總括來說，招牌食物也不是我柸茶，唯一可讚的是湯底夠鮮味~希望店家可以改良一下食物質素，再佩合現有湯底去將小店發揚光大~

呢日係男友生日, 原本一早plan左要同佢入長洲漫步. 但前一日先知道佢果日黃昏有野做, 所以只係有半日玩.當日十二點先出門, 去到都成差不多兩點. 我地應該只有時間坐低食餐飯. 結果就照原定計劃, 黎到張記食飯.人唔多, 好彩可以坐到二人位. 我地就即刻叫野食.我地都係叫左呢個牛筋魚旦河. 牛筋係招牌貨, 真係好味道, 筋位煮得淋甜入味, 而且又足料. 出奇既係原來手打魚旦都係好讚既! 大大粒好彈牙, 而且撲鼻而來有魚香! 呢碗河粉仲有成4粒, 非常抵食!但係我地一路食, d人一路湧入...見有咁多人等位, 我地都唔敢久留, 兩個人一食完就埋單走人...好味既野都唔係咁易食既. 香港人, 預備好連食飯都要快啦!