長發麵家 (已結業)

長發熱賣手打墨丸同手打魚蛋，只可揀一樣，墨丸少機會食，就食墨丸啦。好好彩落單後再賣多一碗墨丸麵，店員就大叫墨丸沽清！落咗單，要等一段時間先有得食。留意返，碗麵份量真係唔大，千萬唔好期望一碗夠飽。現場所見，男食客一般都會叫兩碗麵。粗麵鹼水味少，湯底夠熱，味精唔算落得太重手。墨丸每粒大細唔同，有嚼頭。見枱面有辣椒油，加少少入湯，成碗麵即時生猛晒，辣椒油唔係死辣，有一朕吸引你食的香味。嗜辣的，必食。嚟食麵，相信都係鍾情坐街邊開飯的風味，仲可以睇到店家點樣準備食物。今日撞正店家在處理門鱔，一邊仲同街坊閒話家常添。

唔好睇佢係大排檔，但價錢一D都唔平，仲有大家對環境唔好咁高要求！咁你會食得開心D!平時最鍾意食佢手打魚蛋同墨丸！尤其食淨魚蛋，唔係死實，係軟彈，出面無呢D質素！但～我第一口是飲啖湯先！唔係魚蛋因是大地魚湯底！正呀墨丸今天調味偏鹹，麻麻地豬手夠淋同入咪，食落口盡是骨膠原佢地d辣椒油都好正㗎！真正香辣是日二人叫了淨魚蛋、墨丸麵、豬手麵&韭菜花！埋單$13X 佢地有舖位，不過好多時見客人都是坐出去大排檔位，有風味D!但自己好懷念以前啲火水爐味（依家改用石油氣）必食魚蛋時令韭菜花美味豬手

久聞石硤尾有間出名嘅魚蛋粉，星期日嚟到鋪頭冇開，只可以坐側邊位，應該係大排檔位，老實講周遭環境真係好麻麻，咁一場嚟到都要食架，於是我就叫左碗魚蛋河粉（$33）試試佢嘅真功夫吧。呢度碗魚蛋粉的的式式，唔係好大碗，好在河粉都幾滑，魚蛋同魚片有魚味，唔腥。呢碗魚蛋粉質素幾高，不過用餐環境就真係好差，食完即走果隻，如果唔介意的話可以去食下嘅。介意的話，我會建議外賣魚蛋返屋企，煮麵時落幾粒，或者做打邊爐配料都唔錯。

香港現存二十幾間鐵皮屋大牌檔中，長發麵家是我幫襯最多的一間。儘管它入了鋪後，多少失去了昔日在街邊吃麵的風情，但至少其出品味道不變。呢間店以魚蛋出名，不是好彈牙那種，但卻十分有魚味。長發麵家還有一味老饕才知道的殺手鐧：豉油王撈麵。我愛配粗麵，麵條夠晒爽、彈牙及豉油香，更重要的是應該有下豬油，否則做唔到呢個咁油潤有香味的效果。今天再次重溫這道只是麵加葱加豉油加豬油的「簡單麵食」，依然咁好味。其實廣東麵食的傳統，就是要在撈麵時下豬油。雖然現代人以健康為由怕吃豬油，但老實說若非日日食，偶爾吃一次也不用太緊張吧。

這間麵家在區內也是小有名氣，最喜歡是它的魚蛋和墨魚丸，下午茶時間經過附近；當然要吃一碗以解饞蟲。之前是街邊檔，現因維修關係，已經入舖了，衛生環境當然比之前好，但風味就減少了一點。一心來這裡就是要吃墨丸、魚蛋，當然不作他想了；另加一支忌廉汽水。墨丸魚蛋河～墨魚丸細細粒，一口一粒剛剛好，墨魚味香濃，咬下去還吃到一粒粒爽甜的馬蹄呢。；魚蛋彈牙且富魚香，形神俱備。每款只有三粒卻唔多夠喉😋

好高興能做第一位食評家長發以前係街邊檔已經有好多人幫襯，不乏名星名人等（可能個老闆都唔知）最愛猪手麵，麵質爽夾彈相信用鸭蛋打，正到爆~另外豬手不太淋及有咬口，腩汁也是其精髓，加埋真係一絕。雖然牛腩就未試過~但可以肯定唔會差得去邊。