長發麵家 (已結業)

天氣開始轉涼，我就一定會去長發，嗰度嘅佈局、裝修入到去就好似返咗去雷洛豬油仔時代，最重要嘅係呢間雲吞麵舖係少有仲用緊豬油嘅其中一間，我就比較鍾意食舊式版本，豬肉餡料比例比較多再加上豬油，所以完全啱我口味，好多人都話豬油好唔健康，其實同牛油芝士咪一樣，唔好成日食咪得囉（笑）舊式做法，你要求爽麵就有爽麵，你要多青就多青，唔會好似某某麥X記多青要加$5咁市儈，價錢雖然感覺上都係有點貴，但係份量，味道都交足功課，唔係只有雲吞麵你揀，仲有好多其他款式不能盡錄

今日生日食完tea行去深水埗，醒起依到有間好出名嘅麵檔，咁就試下啦份量少之餘味道仲要好普通（同埋有少少咸）如果38食個麵咁我倒不如行過隔離大街食牛腩面，又平過你地方又明亮d如果淨對比豬手的話，長沙灣保安道個邊嘅興發仲好食過你，人地仲要30蚊。所以值唔值大家嚟試依間真係三思。同場有個客嘈話琴日買左魚蛋話唔熟係到嘈左兩句，開頭老闆話佢做左幾十年生意唔會賣生野比人，咁個客繼續嘈後老闆懶得同個客嘈比番39蚊個客（外賣），依個值得讚，琴日出品死無對証，與其煩到自己或其他客，不如比錢佢打發佢走😂

食物和味道:三個人食叫咗四個麵，再加汽水豉油撈幼$38:店家唔俾加餸，淨係可以單點豉油撈麵。呢個麵加左豬油，甜豉油。味道偏甜唔使再加其他醋，辣椒油，就咁食已經好好味，麵質爽口，而且唔會食到鹼水味，豬油味好香，呢個一定要再叫🤤🤤🤤其他餐廳食唔到呢種味道👍🏽👍🏽👍🏽牛腩撈粗$50, 豬手撈幼$50:麵質都係爽口，但呢個有鹼水味要加醋，我係叫牛腩撈，個汁係牛腩汁，汁嘅味道適中，有八角嘅香味，而且唔會好傑，撈埋落麵食啱啱好。啲牛腩就一半牛腩，一半牛筋。因為係炆牛腩所以好多時都會比較上柴口，但我嗰啲大部份都有少少肥係中間而且炆得淋(不過都有一舊硬啲，可接受） 牛筋就唔使講，好軟熟，又唔會太張口🤤🤤🤤🤤豬手每一件都炆好適中，唔會太淋，都唔會太硬，味道係南乳，不最食豬手最唔想嘅係有毛，而佢係有嘅😅😅小小啦，唔係好多🧐魚蛋河$38:魚蛋同魚片都係彈牙，唔會腥味，市面上嘅粉面攤檔河粉都係實色，而佢係透透地，通常都會好滑，我冇食過不過就咁睇都覺得好出色，而且屋企人好喜歡👍🏽👍🏽👍🏽👍🏽清湯嘅味道係淡淡嘅大地魚味唔會太濃，叫任何撈麵都會附送一碗Cp 值及夠飽: 食左大約$200，相比起其他粉麵檔，佢係貴啲嘅

✨豬手麵豬手 豬手夠腍 入味但調味偏淡 食唔到南乳味 另外略嫌毛清得唔夠乾淨麵普通 麵質爽身 但好重鹼水味份量細 豬手得兩件 麵底亦唔多食物普通環境始終係大排檔 所以唔好太高要求 但枱都算乾淨 服務正常 價錢普通以食物質素份量同地區環境黎講偏貴完全唔值呢個價

深水埗大排檔麵家，忽然想起還未試過另一家更有名的大排檔，於是向石峽尾街市方向走，來到中央飯店附近，長發就在南昌街及耀東街交界。短短的一條耀東街，就有好幾家鐵皮屋式大排檔，其中人氣最旺盛者，就是長發麵家。傳聞此店的豉油撈麵最出名，麵條比較帶筋度，份量也算多，胃口大的都會夠飽，豉油偏向甜撈起來汁面適中。聽說魚蛋及墨魚丸都出色，就要了碗雙拼。墨丸车外面的特別，內裡加入芹菜攪拌，也好彈牙，但墨魚肉不夠香。魚蛋令人失望，入口鬆散兼無魚味。

算是有名氣的一間老字號，其實已經聽過劣評不少，今次咁啱經過，真係聞名不如見面。我唔係一個會介意坐得唔舒服嘅人。你俾到好嘅食物我我就會好滿足，可惜……牛筋腩撈粗擺出嚟個賣相認真唔錯，不過明顯份量好小，都唔緊要好食就得，可惜……如果鍾意食堿水嘅朋友不妨幫襯。粗麵夠爽滑不過堿水味亦十足。牛筋牛腩算是入味的，但有啲死鹹唔夠清香。碗湯係普通麵水，大地魚？咪玩啦！可惜……牛筋是夠腍夠軟滑的，但牛肉就似湯渣。50蚊碟，唔係啩！雖然我未窮到畀唔起，但係相信唔鍾意俾人呃亦係人嘅天性。老字號？十分可惜……

偶爾來到石峽尾區覓食，原本一心想找家「茶記」歇息下，估不到老公帶我去了大排檔，無心插柳二選底下，在魚旦粉和煎旦公仔麵之間，選擇了魚旦檔。眼見地方很窄，幾乎都是自助形式，就是完全很「土炮」的感覺，心裡沒有寄望些什麼。老公點了招牌豉油撈麵，我點了雙併炸醬米和墨魚丸，我一吃進口便心知不妙…「超好味」，果真是臥虎藏龍之地。炸醬米沒有做得過酸或過甜，味道是我懷念的老味道。天呀!早一個星期在紅磡找到家不錯的做炸醬米，估不到今天已被長發超越了。墨丸是店家手打的，跟外邊吃到的不同，比較細粒，但就是夠爽夠真材實料，可以一試。滿心歡喜下偷吃了老公的豉油撈麵，不得了!!!!!!超好食，比炸醬米更勝好幾條街，我從來都不主動吃撈麵的，偏好河粉、米粉、米線之類的，估不到一試難以忘懷，麵質超爽口彈口，完全沒有鹼水味，調味得宜，好食好食!!結果，我們再加點了腩根撈麵，同樣好味。我從未因為食物好食而要馬上ENCORE，這算是第一次了，超讚和超飽的體驗。

睇左Toutube豬手撈面既比較話長發麵家既豬手撈面數一數二，於是前幾日突登去左試一試，但係好失望，豬手口感太硬唔夠唸，味道平平無奇，味精重。講真大把地方好食過左多多聲！

位於石峽尾的長發麵家，屹立多年，聞名已久，今天經朋友帶至品嚐，確實名不虛傳，難怪除了熟客捧場外，還有不少慕名前來的食客。戶外設立的麵檔，單是環境配套，已感覺風味十足，有股懷舊情懷湧現心頭，在今天香港，這些路邊小檔，已經買以復見，因此難能可貴。個人最欣賞是古法豉油王撈麵，雖然只是普通的全蛋麵，但能夠煮至如此彈牙，可以看出師傅的廚藝，再配上調制豉油，加上蔥花，看似簡單，但已經叫人拍案叫絕。還有手打墨魚丸（忘記拍照），也是招牌之一。牛腩與𤆥韮菜，也是美味推介。如果經過附近，一定會再次惠顧。

The first time I had Cheung fat I was astounded by how juicy and plump the dumpling was. This time I went ahead and took away 3 boxes of their dumplings as takeaway to stockpile at home. The dumplings are great because they have a lot of textures: the meat, the crunch from the black fungus, and the bits of shrimp there mixed in with a umami-blast diced mushroom. Absolutely stunning, thin skin after cooking, and perfect to go as a main or with some noodles @Foodfillingthoughts

啱行完SSP 直殺上石硤尾食一間好出名既長發麵家，老字號, 直頭有我細個係金雞門口果D懷舊鐵皮屋粉麵大牌檔 $5碗魚蛋河果隻feel (唔知有無人記得?) 言歸正傳, 叫左個魚蛋河, 雲吞面, 2樣都係佢馳名既。魚蛋夠味, 夠彈牙, 份量唔多, 大食既肯肯定唔夠。雲吞細細粒, 幾好味, 我自己鐘意佢湯底, 夠味得黎唔重味精。下次試埋佢既牛筋腩，見隔離枱食得好滋味。環境就路邊咁囉，無冷氣。幾個麻甩仔吹水飲啤酒就啱晒feel. 影下相呃like啱晒

宵夜，2點左右，飲完酒諗住食碗麵，一坐低態度已極差，好似當正你乞衣咁，大大聲問你食咩，跟住咪點送囉，叫個雙拼麵$46，湯底咸到一個點豬手大件，夠冧，不過不失，牛腩認真麻麻，又乾又柴口，不值一提，講真，呢個價錢有更好選擇，唔滿意都食完算。諗住食完埋單，疑似老細順便問d野好唔好食，我依心直說，comment幾句，點知就黎料，完全接受唔到批評，即black面，聲氣極差，吓吓喝人，大大聲話唔鍾意咪以後唔幫襯，真係無言，就算你大把客唔憂做，都唔駛咁嘅態度掛

網上瘋傳深水埗比併最好食的豬手面，專程去試下，到了該地方，原來店是坐路邊的巷，地方環境不太好，要有心理準備，價錢比起其他麵舖也不是平宜。「秘制辣椒油」辣辣油採用了蝦米仔去做，所以咬落去是有原條蝦米仔，都幾香，有口感「豬手牛肚麵」豬手淋度適中，入味，牛肚淋及正，湯底味噌比較多，食完比較口乾「魚蛋牛朒麵」牛朒同樣炆得入味魚肉就反而比較淋，沒有彈牙

1.牛筋炆得好冧 ,都好滑,麵質彈牙 2.豉油王撈麵散發著蔥油既香味 3.仲有細細粒雲吞出面已經很少食得倒,再加一碟腩汁韮菜花 4. 環境方面就係大排檔風格.5. 下次可以試下魚蛋及 墨魚丸

一碟小小的粗面加上豉油賣$5O，一碗三粒3粒小魚旦三片半片的鱼片和小量的粉賣$35;一碗三小塊瘦牛腩二粒牛根和小小粗面也賣$35坐在吹風的大排擋除左面比較爽，其他一無是處！不知咁多人話好食，言過其實，價錢比其他面店貴，不會再來了！