開心餅店

营业中

休息中

開心餅店，其實都是位於旺角，但是一直沒有發現，當然，在鬧市大商場下一條後街，平常根本沒有經過，不知道有這麼一間舊式麵包店。在店內流撻的時候，看到有一個叫做蓮蓉糯米糍，但是阿姐看看，原來已經賣光了，真是可惜，因為都沒有聽過用蓮蓉餡做糯米糍的。另外，上圖看到有一條好像芋頭魚的模樣的一條魚，但是查問阿姐，她又說那好味呀，但是沒有餡料的🤔。在未有光顧的情況下，都問了幾條問題，但是阿姐都非常之樂意解答，可見小店的親切。第一次來到，店舖都差不多關門，就先試一試熱狗算吧。熱狗，都算比較長身，付款之後拿上手，感覺挺重秤，應該非常足料。翻熱後才吃，感覺相當足料，麵包是實心的，因此吃起上來，口感都覺得豐富，有大大件番茄，熱狗腸亦都大條、沙律醬充足☺️，因為麵包傾向實心，吃來比較飽肚，而且滿足。第次，吞拿魚包的餡料也挺多，而且吞拿魚呈碎茸的狀態，因此旁邊的麵包不會感到太乾旱；而芝士腸包，中間腸仔正常，上面都有少許芝士醬，但是兩邊位置太多，因此難免比較乾。這麵包店在晚上臨收工時，還設有特價時段🆒，兩個會便宜一點。幾名員工或是收銀阿姐，態度友善，有問必答，服務殷勤。

因為有事到旺角街市一帶；剛在隔鄰的順發吃完粥，想吃點甜的，就進去買了一個豆沙燒餅($2)和卷蛋($3)。很少有西餅店有豆沙燒餅出售，難得看見，當然忍不住即買即吃；第一口，還未完全吃到豆沙餡，還未覺特別，並且覺得，豆沙餡會否太薄了一點呢？不過再咬下去，不得了，豆沙餡雖只是薄薄的一層，但香味濃厚；而以糯米粉搓成的外皮，煙煙韌韌得來，又不是很難咬開的那種，配上濃香的豆沙餡，口感好得不得了，甜度也剛好，吃罷，滿足得很。吃了豆沙燒餅已覺飽，卷蛋我留待回公司才吃。卷蛋沒有太甜，蛋糕做得很鬆化，也很有蛋香；夾在中間的忌廉也滑得不得了，美味得很，不經不覺自己原來已用極速將之解決掉。大隱隱於旺角街市內的餅店，店如其名，能讓人吃得開心，值得推介！

上次從中國冰室買過以為係自家製,原來由呢間開心餅店供應既卷蛋後,一直都希望試下其他產品,星期六返歸前專程行黎呢度八卦一下。小小餅店藏身廣東道街市入面,只有一位老闆娘坐陣,麵包櫃入面都有好幾款麵包選擇,但見一座放住好多盤新鮮麵包既鐵架車係度....當自己考慮好唔好夾鐵架車入面既麵包時,其他街坊已經熟悉地拉開每個麵包盤揀包了,我當然都不甘後人lu!以下兩款為大人評語:菠蘿紅豆中紅豆好甜,應該又係舊區麵包店特色之一;大麥包柔軟,比上次鳳香園出品好幾倍。鮮奶球外表似墨西哥包多d,大大個鮮奶球面層鮮奶好香甜,麵包就極有口感,唔係鬆泡泡貨色,食一個真係幾飽肚;火腿卷買時超香,但仍然未試。另加卷蛋一條,味道如上次一樣,軟滑夠蛋香,難怪除左中國冰室係呢度取貨之外,餅店周邊茶餐廳都係一樣,因為我見到有位侍應哥哥拎住兩隻碟過黎取蛋撻。老闆娘一腳踢都對我呢個生客保持應有禮貌,同舊客更加不斷閒話家常,街坊店舖就有呢種人情味。最開心就係第一次自己係麵包架夾新鮮麵包,個焗盤仲熱架,好好玩!

係中國冰室食野時見到好幾位叔叔一入門口就order卷蛋,心諗唔通係好野??? 臨走時外帶兩件試試。卷蛋都幾大件,蛋糕有蛋香味而且夠軟身,因為返到屋企已經變晒樣,醜樣到唔想影相;中間奶油份量足夠,口感幾滑,的確係一件頗有水準卷蛋,難怪受叔叔輩歡迎。本以為係冰室自家製,食完之後研究下塊印有好多心心餅底紙至發覺係呢間心心餅店出品,下次可以移下肉步過黎買下其他麵包、蛋糕=) 中國冰室每件卷蛋賣每件$3,唔知本店價錢是否一樣?

解決o左食既問題，跟住係生日蛋糕既問題。唔係唔可以是是但但買個蛋糕既問題，但要買一個五個人分得o岩o岩好既生日蛋糕係個好大既問題。決定o左地點之後，落o左街前後左右睇o下有乜餅揀：朗豪坊打後幾條街，各大牌子餅舖欠奉；有既，得零零星星既細餅舖（仲要有好多餅舖招牌下既舖位其實係「吉」既）- 有D 仲要細到連蛋糕都無做...。尚餘5 分鐘，點算？撇眼見到呢間舖，好，有細蛋糕，又出得大場面（至起碼靚靚仔仔先啦），包住走人。個蛋糕果真無令人失望：忌廉多過蛋糕，而D 忌廉水得o黎又無溶，OK...除o左俾我見到塊奇異果D 皮無去清之外。其實個蛋糕可有可無：生日都係志在聚聚頭；但呢個快切蛋糕就真係交足功課。