開飯主義

营业中

休息中

聽說大埔區有好多不同的美食，朋友說最近有新餐廳，所以去試試看！我們大約7點到達，當時都人都唔多，見有位就坐下！在門口時看到餐牌已經很吸引，有很多種類的食物我們點了1）芝士炸雞焗麵包餐（包餐湯+餐包）2）蒜燒牛仔粒3）芝士凱撒薯皇芝士炸雞焗麵包，充滿濃郁的芝士，送麵包一流！旁邊的炸雞就遜色一點！蒜燒牛仔粒，味道比較濃及太鹹，份量也比較少，這個吃起來一般！芝士凱撒薯皇，薯皇炸得剛剛好，配上芝士很夾！味道不錯。

大埔美食多係人都知，呢間都唔例外！對於我黎講，男仔每日都要食飯，食呢度就岩哂喇！一睇個MENU，選擇又幾多下！今次叫左軟殼蟹生恙豚肉石窩飯個石窩好熱，可以留到最後食，同出面唔同，其他軟殼蟹會炸到好乾，呢度軟殼蟹炸得好脆，脆得黎仲有汁的，有隻窩蛋撈飯，食完真係好治癒，好正！蒜蓉/芝士燒日本廣島蠔增大號，的確好大，一口食落去食到蠔係新鮮既，有海水味，蒜蓉個味都調得好好！溶岩拉絲龍蝦汁海鮮焗麵包呢個聽個名都已經夠哂特別，真係未食過！本身個包已經有濃郁既蒜味，再加上佢個龍蝦汁，都真係幾MATCH，仲有薯塊做伴菜，真係夠哂邪惡，呢個舔龍蝦汁都別有番風味！荔枝梳打

今日開心星期五，得收工早放工返到大埔就行吓大埔墟睇吓有咩好食，咁岩經過呢間西餐廳，價錢唔係貴同埋好多款式，所以就入去試吓啦。裝修都幾別緻，不過位就唔係話太多大概坐到10零20張枱啦，好彩我哋今日早收工過到嚟冇乜人，如果唔係我哋走嗰時大排長龍有排等。佢哋嘅嘢食款式都幾多，有鐵板嘅扒餐，有啲特色混合菜，仲有啲中國菜同埋細食菜俾你架。兩個人食我哋叫咗兩個主食，一個海鮮炒烏冬，海鮮炒烏冬嘅份量都幾多，有隻原隻軟殻蟹喺面，同埋都有下青口係底。三文魚沙律，啲菜好新鮮，混埋沙律醬一齊食好好食。仲有個豬手焗飯，佢上面鋪左啲燒汁再加埋芝士一齊拎去焗，上枱出嚟嗰下好香， 同埋啲汁都幾多，但落口又唔覺得"溜"，正呀。

好耐冇入嚟大埔啦，對上一次入嚟探朋友嗰陣時經過左呢間餐廳，見到勁多人排隊，今次行過見到冇乜人，所以就黎試吓啦。坐低左都唔係好多人，侍應招呼得好好，動作好快手，當我拎個Menu過嚟睇時，我嚇親，因為佢真係有好多款食物，都唔知點揀好，因為隻隻都好常識。到最後我哋叫咗一個焗飯、一個烏冬同埋幾個小食。首先俾咗個煙三文魚沙律，份量都唔錯，三文魚都幾新鮮。俾咗個餐湯同埋麵包，最驚喜嘅就係佢比嘅係牛角包，而家食晚飯真係冇乜邊間餐廳會比牛角包，大部份都係比普通嘅蒜蓉包，佢呢一個牛角包仲要係熱上，咬落去有少少脆口！呢個係野菜軟殼蟹海鮮烏冬，佢個份量真係好大碟，其實如果一個人食嘅話真係好飽，好彩我哋兩個人share食先大概食得晒，佢有一隻大嘅玄學蟹，再加上有啲蝦同青口，出面食呢啲嘅話肯定勁多油，佢呢度食一啲都唔覺得好肥，油嘅程度啱啱好。而佢啲烏冬好彈口牙。最後我哋叫咗個蒜燒茄子，我見有幾張枱都會叫呢個食，所以我都試吓。個茄子笑得好淋，淋上油同埋蒜蓉好香，不過我覺得可以再濃味少少，因為我食得好濃味，不過整體上都幾好食。

今晚約咗個朋友一齊食飯，咁岩知道附近開咗呢間餐廳一段時間，但都冇食過，所以就諗住過嚟試吓。呢度嘅晚餐好多款式，同埋好多fusion菜，而且價錢都唔貴，初初睇完個Menu之後都諗咗好耐食乜嘢，諗來諗去都諗唔到，到最後我哋決定咗叫一個主食， 之後叫幾款小食啦。啲湯都幾creamy，同埋佢哋都好特別係比牛角包，上枱時係熱辣辣。之後嚟咗個蘑菇燒汁豬手粒焗飯，飯上面除咗有燒汁之外仲有芝士，不過佢啲豬手係豬手粒粒，而唔係一隻隻，啲豬手都幾淋，佢啲燒汁都幾多每一啖都有燒汁味！兩款小食，一個芝士凱旋薯皇同埋辣茄醬焗青口，我朋友讚個青口好好食，辣度啱啱好，而個薯皇就冇乜太大特別，不過佢哋啲食物勝在大份同埋好平。飲品淨係叫咗杯熱柚子茶，佢落嘅柚子蜜都幾多，成杯野嘅甜度都唔錯。推介！不過建議夜晚黎食可能要早少少，我哋六點半嚟到已經坐左幾張枱，七點半基本上有人已經係出面等位，所以早啲嚟會比較好。

今日終於相約到很久沒見的朋友吃頓晚餐。朋友選了這間在大埔墟看似平凡的餐廳，一進去已經感覺到周圍環境氣氛舒適。坐了一會兒和友人聊了一會兒便點菜了。餐牌上食物的款式選擇很多，於是我們便大概的叫了數款來試試。今天叫了羅宋湯，驚喜之處是附上的餐包竟然是牛角包，這已經足夠感受到餐廳的誠意了。然後上枱gei係電擊雞翼沙律。賣相外形的確幾吸引，沙律很有心思的放在樽內，方便我們去吃，因不易瀉出來。驚喜的電擊雞翼是凍食來的，炸雞翼上佈滿了很多的黑白芝麻，而且是單骨雞翼。是一道很有心思和美味的前菜。接著主菜已經來了，分別是芝士炸雞焗麵包: 外形非常討好，麵包大大，內裡卻滿佈著濃濃香滑的芝士，而是香噴噴的，讓人不停的點著芝士汁來吃炸雞。炸雞也是很香口，只是有骨略微影響了大口大口吃的快感，但也好好吃。野菜牛肉石鍋飯: 石鍋飯的份量很多，而且各種配菜和牛肉非常足料，生蛋放面上方便拌飯，飯焦效果也佳。再來了一杯凍啡和一杯巨蜂提子梳打。邊吃邊聊天的時間過得很快。誠意推介各位試試😊👍🏻👍🏻👍🏻👍🏻👍🏻

看見這家餐廳門口挺有格調，而且只是六時半已接近坐滿客人，便再次試試新餐廳。餐廳內的裝修較新潮，與一般茶餐廳不同，而且店內也較新淨，我和友人還碰巧可坐卡位一坐下，店員便放下餐牌，我實在被這厚厚的餐牌嚇呆了，食物款式也太多了吧無論是焗飯，麵包咖哩和鐵板扒類的款式也不少，甚至還有沙律、小食和多款飲品選擇，實在令人花多眼亂由於頁數實在太多，只能隨機拍下兩版餐牌分享給大家。我們在選擇困難的情況下選了一個焗飯和咖哩（跟餐）和一個小食。沒多久，跟餐的麵包和西湯送上。餐包很少是配上牛角包的，而這牛角包能吃出牛油味，蘸著湯品喝，感覺像吃著酥皮湯，不知是否這個原因而選擇牛角包呢？比起蒜蓉包/牛油麵包，個人更喜歡牛角包配西湯我喝的是羅宋湯，酸酸甜甜少少辣味，味道較濃，質地也濃稠，好味！小食一上桌，牛油和蒜蓉香氣撲鼻，熱騰騰的生蠔跟這樣的配搭永遠令人愛不釋手然後，重頭戲來了：印式咖哩羊扒仔溶岩拉絲麵包！先試了個麵包，鬆脆無比，麵包內的芝士與印式咖哩完美配合，把麵包蘸上拉絲芝士和印式咖哩後，味道更上一層樓，非常惹味很久未吃過這麼鬆脆的麵包，對上一次吃到，已經是很多年前在旺角挺有名的農夫包了，但比起那一間餐廳，個

同人嚟到大埔放風箏，開放之前梗係要醫肚先，見呢度都好多野食又唔價就入嚟啦:-D見下午茶好抵就先叫左個T10(溶岩芝士漢堡包餐，42蚊包野飲)，漢堡肉好juicy ，入面嘅芝士仲會拉絲，成個漢堡仲要手掌咁大，一個人係食唔哂嘅^_^ 另外仲叫左個Ta(邪惡溶岩芝士厚西多士, $34) ，上到枱真係嚇一跳，勁大個兼超多cheese!!不過味道有d單調，偏咸，如果係有料會好食d朋友仲嗌左個芝士咖哩牛肋意粉，好多牛肋骨，幾淋，overall都幾辣下野飲推介齋啡，好香又唔會苦！

我去咗大埔探個朋友，上完佢屋企後，我地就一齊落街食晚飯，佢就介紹左一間平民餐廳到食飯，佢話價錢平民，但食物一啲都唔平民👍🏻咁我哋就去試吓啦！一去到仲以為好似茶餐廳feel，點知裝修都幾靚架！座位都幾舒服，員工仲好有禮貌添！介紹下啲嘢食先煙三文魚沙律估唔到份量都幾多，仲以為30幾蚊應該會好少，啲菜都幾新鮮，煙三文魚都幾大塊蒜蓉/芝士燒日本廣島蠔啲蠔都幾又海水味，仲要同手掌一樣咁大隻，我地就試左兩隻味道，芝士好濃，好入味，蒜蓉都好香和風香蒜燒茄子茄子味道都唔錯，燒得幾入味我哋仲叫咗兩個set dinner，仲包左餐包同餐湯！餐包仲要係牛角包黎添日式餃子雞扒炒讚歧烏冬份量都好多，餃子好脆好香口，雞扒都整得錯，烏冬都整得幾入味軟殼蟹石頭鍋飯軟殼蟹都幾大隻架，但係肉燥飯黎嘅，個石頭鍋飯又熱又香口，都唔錯架我哋仲叫咗兩杯特飲，鳳梨沙冰多多同巨峰提子沙冰多多，又冰凍又涼快，仲要咁大杯，真係幾正總括而言，間餐廳價錢平，食物質素高，仲要坐得咁舒服，唔怪得知我個朋友成日食啦！

想食下午茶又見到間餐廳幾靚！就決定係度食下午茶啦！叫左個芝士漢堡扒鬆包！一個set有三樣食物同飲品！有齊食漢堡必要既薯條！仲有個沙律！漢堡雖然同老麥個豬柳包有d似樣！不過係足料好多！個牛肉勁厚身啊！味道都好正！好有牛味！個包又非常鬆軟！口感好好啊！最估唔到係個包入面有酸菜！似係德國豬手個種酸菜！小小酸但好脆！令到成個包清新左！炸薯角好正！件件都熱辣辣！又夠脆！沙律好新鮮啊！睇落細細碟但又夠食！加左胡麻醬同少少芝士粉好惹味！最後飲埋杯凍檸賓！正！

今日的下午茶係特別的。貓貓連午餐都未食，開會開到勁肚餓。雖然天氣熱，但貓貓真係要飲杯熱檸蜜黎滋潤下貓貓既胃。貓貓order左個東京電擊雞翼。好奇心不嬲重，又覺得好得意，一定要試。好靚既雞翼。原來係單骨雞翼，但整到好似成隻雞翼咁。雞翼炸過，但係凍食的。好冰涼消暑既感覺。雞翼上邊有陣脆脆甜甜既粉，食落幾得意。第一次食凍既炸雞翼，味道超好，有創意的美食。貓貓個胃仲吞得落焗黑椒牛柳意粉。上層既芝士真係特別開胃。拉絲咁食，貓貓又食左個嘴。牛柳粒軟兼有水份，好彈牙。黑椒汁唔算太辣，撈埋意粉都味道啱啱好。上埋個脆脆豬，下午茶必食既正野。好多既煉奶加埋好多既牛油，呢個係貓貓鍾意既道地香港美食。

前幾日去咗大埔墟探朋友，好耐無見佢就叫我同佢食埋飯先走 ，仲以為佢會煮番兩味，點知原來佢叫我去樓下附近嘅餐廳度食，咁緊係跟佢搵食啦，佢話呢間餐廳開咗無幾耐幾好食咁就叫我一齊去試吓，個餐有餐包同餐湯送，牛角包係脆口架叫咗個胡麻蕃茄沙律醒胃，清新爽甜蒜蓉燒蠔同芝士燒蠔，芝士燒蠔成隻蠔充滿芝士，真係啱晒我咁鍾意芝士嘅人而且蠔好大隻跟餐可以加錢叫多款嘅小食，我哋點左香蒜燒汁霜降色仔牛同埋呢個蒜香蜜糖雞翼，雞翼好香蒜蓉味同埋蜜糖味而且皮脆肉嫩，色仔牛都好有牛味 軟殼蟹生薑豚肉石鍋飯，分量十足熱辣辣好吸引 電擊雞翼係凍食，但係好入味甜甜地又幾好食草莓果肉檸檬沙冰梳打亦都好創新大膽，大熱天時飲番杯沙冰真係降溫又降火餐廳整體嘅食物都唔錯，而且佢仲有好多新穎嘅菜式，不過我哋人少未必真係食得晒,下次一定要去試埋佢嘅農夫包

上次經過大埔呢頭果時見到呢間餐廳大排長龍，今次又黎到當然要試下點解d人爭住食呢間啦~咖哩羊扒焗麵包，份量好大，羊架完全冇“蘇”味，麵包外皮焗得極脆，沾上小量芝士同咖哩汁食味道一流~五成熟西冷牛扒，有小量筋，但好淋同牛味十足，脂肪分佈平均，整體質素良好龍蝦汁軟殼蟹海鮮焗飯，用料十足，有大大隻軟殼蟹，味道亦相當唔錯~最後有個蒜燒茄子，味道偏淡，我個人幾鐘意~p.s: 餐廳本menu有幾吋厚，有大量菜式提供，真睇到眼都花

之前襯住假期同兩位閨蜜去左踩單車 由大圍踩到大埔 難得去到大埔 當然唔會放過機會係果邊覓食做完運動非常肚餓 係朋友既帶領下 搵左呢間每樣食物都勁大堆頭既開飯主義 無懼脂肪 務求要食到十成飽呢間餐廳款式都幾多 主打fusion西餐焗飯, 鐵板, 石頭鍋飯樣樣都有 仲有好多小食可以追加 價錢亦算抵食東京電擊雞翼沙津雞翼同沙津都係室溫 單骨雞翼有淡淡既芥末同蜜糖味 炸得香脆 卻因為室溫既原固少了熱氣同油膩感 配埋沙津 口感清新餐包好驚喜 竟然係牛角酥黎質地鬆軟主食點左軟殼蟹鐵板烏冬同肉醬意粉 烏冬份量勁大 軟殼蟹係mega size外脆內軟肉醬意粉勁多cheese 味道偏甜 如果咸一點會更好另外追加左和風餃子同和風香蒜燒茄子燒茄子非常美味原隻茄子佈滿炸蒜 茄肉嫩滑 好惹味嘆埋杯沙冰 消暑涼透心

今晚有朋友來我新家吃飯，算是house warming party吧。一大早就跟男友打算去大埔墟新街市買野準備。可肚子又不聽話，不斷打鼓，就先去醫肚子吧。在大埔住的中學同學向我推介過這間餐廳，我又看到他有“溶岩“芝士咁過份，就選你吧。 午餐set都很多選擇，當然我為了溶岩芝士而來，餐set,不了這邊跟餐加$10有6隻電擊雞翼，也太划算 這麽划算當然沒我們的份，已經賣光了店員推薦我們加$6吃鴨胸沙拉6塊這麽大碟，太有良心了，沙律菜都很新鮮，沒有苦味，麻醬也很香男友叫了魯肉牛油雜菇飯，牛油味好香，肉燥也用了半肥瘦的豬肉，食吃來軟綿軟綿的主角來了，有沒有看到芝士都流出來了。我叫的是溶岩芝士咖喱牛肋飯。咖喱是香辣的那種，配著芝士吃真的絕配，牛肋也不會過硬，真心有驚喜叫芝士飯仲有送半個奶油豬，麵包烤得剛剛好，是漂亮的金黃色，牛油煉奶都不吝嗇招牌咖啡，超香咖啡味，喝起來很滑口，因為也有很多奶，不會是平常大牌檔那種酸酸的咖啡這間餐廳CP值超高，我想他應該已經成為我最近的食堂了