開飯主義

营业中

休息中

一間位於大埔墟的日韓餐廳，店內的裝潢充滿新潮的韓國風格，彷彿走進韓國餐廳內。頭盤是牛角包配上羅宋湯，開飯主義用了牛角包，和普通餐廳嘅餐包唔同，牛角包十分鬆軟比較其他餐包更適合配上餐湯，當沾上湯汁時更美味。另外羅宋湯亦十分足料。然後便是沙律，沙律醬十分醒胃，酸酸甜甜，菜已經切碎，因此容易入口唔會食得狼狽。飲品方面：個人特別推薦荔枝梳打，十分大杯，味道亦不錯，價性比一流主菜的韓式芝士炸雞是亮點！濃郁的芝士配上大件和香味的炸雞簡直是天作之合。大量的芝士鋪在蒜蓉麪包上，即使吃完炸雞，芝士配上鬆脆的麵包也有另外一番風味，能夠令人迷上這個配搭。這個套餐還配上薯條，絕對能夠令你捧着肚子離開餐廳。另外一道菜是軟殼蟹西冷牛肉粒焗飯。不得不提那個軟殼蟹，外脆內軟，而且真的吃到蟹肉，令人覺得很滿足！以及牛肉粒十分軟，飯粒配上燒汁及牛肉粒使整道菜層次提升。總括而言，這間餐廳的價錢是十分平宜， 分量十分充足，價性比亦都很好。店內亦有很多不同的小食，適合一些喜歡韓式和日式美食的客人。

早前係大埔墟經過呢間餐廳，見佢裝修得幾新幾靚，菜式又好似幾特別咁，所以有日搵friend黎試左～ 都冇失望～😌餐廳似係走大眾路線，做街坊生意，有不少焗飯同埋意粉等等，想簡簡單單食一餐都可以～我同朋友就揀左好似好邪惡的溶岩拉絲芝士炸雞同埋溶岩拉絲芝士海鮮包😈兩款主食份量都好大，炸雞果個仲要有埋沙律薯條，十分抵食！面包入面有滿滿的芝士，香脆的炸雞沾上芝士真係好好好正！海鮮包都有青口、蝦、魷魚等等，幾豐富！不過個人而言就鐘意炸雞多少少，始終炸野+芝士的魅力沒發擋😉 我地仲另外點左蒜香蜜糖雞翼～呢度炸野真心唔錯，個皮炸得好酥脆💕仲要推介佢地個柚子沙冰！！大家有機會一定要試！佢好香柚子味，仲要有柚子皮，真材實料，唔係死甜架！總括而言，呢餐都幾滿足～姐姐們服務唔錯，啲位都坐得舒服，大家街坊路過不妨一試！

「雞扒+脆豬豬+omelette 」脆豬豬一向係我嘅至愛，脆卜卜，熱辣辣，加埋煉奶、牛油，味道一流！雞扒都煎得好香，冇雪藏味，調味適中，好食！其實這個價錢喺大埔食一個早餐，算是小小貴，但這個水準，令我覺得物超所值。餐飲方面，我選擇了咖啡，原來餐廳點咖啡要另加＄3 ,因為佢哋話咖啡是餐廳嘅特飲，一場黎到，就試吓。可能在好冇預期下，這杯熱咖啡給了我少少驚喜，佢隻咖啡豆啱我口味，唔太苦，又唔太酸。喜歡咖啡的朋友，下次嚟可以試吓。有一點要特別留意，本人是個非吸煙者，亦極度討厭煙味，如有志同道合嘅朋友，記得唔好坐近門口嘅位置，餐廳為咗方便客人出入，長期會開咗隻門，所以任何食煙人士經過，或者公園出面食煙人士嘅煙味，都會全部走晒入嚟。

有日跟朋友還自助單車後，在大埔火車站吃晚飯了。友人帶了芝士控的我到《開飯主義》位於大埔火車站A1出口步行8分鐘。餐廳提供日韓西式多種選擇，可一次過滿足，且各種食物質素很隱定坐位寬闊舒適，還有梳化坐位 價錢很親民溶岩拉絲龍蝦汁海鮮焗麵包 HKD 90 另加 HKD 15 配餐湯、餐飽，柚子檸檬溶岩龍蝦芝士含量達250ml！芝士重重的包圍著，很香，海鮮很多種 - 有墨魚、青口、蟹柳。而龍蝦汁另上。薯條放了一會兒仍是脆脆的羅宋湯夠熱，味道剛好，不太酸柚子檸檬跟水的比例很好，沒有燶得很過份。蒜蓉及芝士燒日本廣島蠔 - HKD48 兩隻蠔非常大及肥美，沒有「星」味，外層用簡單烹調 - 蒜蓉及芝士，更把其鮮味特顯出來。煙三文魚沙津 HKD 36翠綠蔬菜很爽，煙三文魚色澤鮮明，脂肪分佈平均。蒜香蜜糖雞翼 HKD22有驚喜，原來點選東京電擊手羽先可以沒貨了，但更帶來驚喜 - 平平無奇的蜜糖雞翼加上蒜香很好味好夾！ 雞翼外層沒有燶，骨有點點血，剛剛熟。和風餃子 （4隻）HKD 22 皮是脆脆的，但邊沒有燶。內裡的豬肉很棯且沒有脂肪。 藍柑果味檸檬沙冰梳打 HKD 40 推介！ 從外觀及內裡都很好吸引！

<開飯主義 開飯好地方>🍚大埔墟呢間開飯主義 茶餐廳格局 食物種類都幾多下 主要係d日韓fusion野 , 例如會有韓式芝士類食物🧀 石頭窩飯🍚 串燒 韓式飲品等等 仲有牛扒提供 價錢唔貴 食物質素都幾好😍🍴和風五目野菜温泉蛋炒巑岐烏冬(素) 🇯🇵🌿🥚65 蚊鐵板上既烏冬熱辣辣 上面鋪滿紫菜絲同木魚絲 😄 炒烏冬炒得好有鑊氣 煙靭彈牙 🔥 加上椰菜同青椒絲增加口感 而和風汁似嗰d甜醬油甘比較黏稠 最正係加埋温泉蛋 整爛佢d 蛋皇撈埋一齊 🥚十分入味又夠滑 正😃🍴軟殼蟹生薑豚肉石窩飯 75 蚊🦀🐷🍚石窩飯上枱熱辣辣sasa聲 🔥 原隻炸到好脆口既軟殼蟹 🦀 白飯上面鋪滿 薑絲肉碎 豬肉碎既醬都好濃 但撈埋飯就剛剛好🐷 估唔到佢撈飯既濃味同炸軟殼蟹都幾match ! 加上整爛滲哂蛋汁既温泉蛋 🥚令飯更香滑 正！ 😄🍴胡麻蕃茄沙律🍅28 蚊用蕃茄🍅 椰菜 生菜整成既沙律🥗 好新鮮好fresh加上少少麻醬調味 要黎做前菜好適合🍴印式咖喱羊扒仔溶岩拉絲麵包95 蚊🐑好特別既fusion菜 😃 用沙律菜做底 大大個農夫包 包皮香脆🍞 入面放滿住印度咖喱同芝士🧀 咖喱味濃 配有薯

今日黎開大埔墟順便黎食晚餐睇完餐牌就決定入黎開飯主義開餐餐牌有非常多既選擇眼花繚亂今次就叫左野菜軟殼蟹海鮮炒烏冬跟餐+15 有湯同飽同野飲湯微辣估唔到有牛角包食讚歧烏冬十分彈牙個sauce好好味配埋蝦 八爪魚 蟹柳 青口等等既配料仲有一隻炸既軟殼蟹十分脆口軟殼蟹泡菜腩肉焗飯全部都係我鍾意食既配搭泡菜配上芝士辣度只係輕微腩肉份量十足芝士焗蠔十分大隻芝士味香濃青蘋果薄荷檸檬沙冰外觀滿分飲落有淡淡既薄荷味 好清新值得一試既茶餐廳🍴

話說自己好耐都冇入過大埔啦，自從中學去運動會之後相隔都有四年，今次約左朋友一齊喺大埔踩單車重遊舊地真係感覺好似番返去中學運動會咁，踩完單車都天黑喇，我同個朋友就係大埔食埋野先走，呢間餐廳選擇都幾多而且價錢都幾合理同埋侍應嘅服務都幾好，我叫左個香煎A級殼飼西冷套餐，餐湯配牛角包。不得不讚個牛角包真係鬆脆軟熟，比其他餐廳有誠意 。我哋嗌左四隻芝士燒廣島蠔香濃嘅芝士鋪滿喺蠔面見到真係好罪惡，不過我都係好鍾意食芝士 。香煎A級殼飼西冷 實物真係同相片完全吻合，我一個人食真係冇可能食得晒 西冷火候控制得幾好 菠蘿沙冰多多，估唔到真係有菠蘿鋪喺面 清涼解渴 百零蚊有咁多嘢食真心覺得幾抵

踩完單車就嚟到大埔墟食好野，朋友推介呢間餐廳就食下啦先點左出名嘅芝士拉絲咖哩羊排焗麵包($95)😻 好肥真心，但瘋狂芝士真係好吸引！熱辣辣嘅芝士配上香氣撲鼻嘅咖哩再夾脆口包一齊食口感真係好豐富！羊排亦好出色，肉質好淋，食落小小騷味，點d咖哩汁又另一個口感😊 男朋友要左芝士牛柳粒軟殻蟹焗意粉($85)🍤🍤 牛柳粒好易咬，蟹炸得好夠脆！意粉唔會太淋，配上芝士黑椒汁食好惹味！再叫左個salad without dressing 🥗清清淡淡可以解下d肥膩感😍 Strawberry lemonade smoothie ($40)好解渴，但甜左d🍓🍓

今日踩完單車，去到大埔墟搵嘢食，見到「開飯主義」裝修幾靚，又有人排隊等位，應該都唔錯，所以我哋都等埋一份，不過唔駛等好耐就可以入座～ 我哋有得坐卡位，位置都算闊落，幾舒適～ 餐牌食物選擇都算多，沙律、小食、主菜有焗飯、意粉、扒類等，因為我哋好肚餓，所以叫咗六樣嘢食加飲品😂瘋狂炸雞沙律 $36沙律用玻璃瓶載着，賣相精緻，另外旁邊有有三件炸雞，沙律好清新，配上酸酸甜甜嘅沙律醬，好開胃，唔錯～ 炸雞雖然係雞胸，但係都算滑，外皮酥脆，味道唔錯～蒜蓉/芝士燒日本廣島蠔 $48兩隻嘩！好大隻呀！有成隻手掌咁大呀！😵 燒得好靚好香👍🏻 首先試芝士燒，蠔好大隻，好肥美，又新鮮，配芝士簡直正😋 再試蒜蓉燒，一樣咁好味，一樣咁肥美，必點推介😍 蒜香蜜糖雞翼$22本來想試佢嘅電擊雞翼，但係咁岩冇晒，唯有叫另一款雞翼，有三隻，外皮好脆，蒜香同蜜糖味好平衡，唔太油，唔錯～ 軟殼蟹霜降色仔牛焗螺絲粉$85餐牌本身係焗飯，但原來可以揀意粉或者螺絲粉，店員好細心咁問咗我哋，所以我哋揀咗螺絲粉～ 軟殼蟹有一大隻，原隻上，裏邊係有膏嫁！😍 好正👍🏻好脆又好好味～ 牛仔肉細細粒，一口過，肉質唔錯，好腍唔會韌～ 螺絲粉都煮到

趁著週末和男友去遠一點的地方~我倆好少來大埔的，除了逛火車博物館就到處走走。晚上好隨意走進這條街，開飯？好吧！餐廳看起來像茶餐廳，但供應的食物有驚喜，中港西日韓多款都有，選擇非常多。加15元就變餐~羅宋湯酸甜得宜，十分足料，有牛肉味和蔬菜甜味。餐包竟然是牛角包，有香濃牛油味，咬下去看到很多層，如果熱點會更酥脆更好吃啊！廣島蠔即叫即焗，大大隻新鮮肥美，味甜清甜，配蒜蓉蔥末好夾！老實說，我和男友十月尾去廣島旅遊時，在宮島吃的蠔都沒那麼大隻bbq豬仔骨焗意粉是用了大量芝士跟燒烤醬一起焗的，整個意粉表面都是芝士~豬仔脾有三隻~意粉內有菇片，加上意粉煮得爽口有咬感，醬汁緊緊包裹，味道濃郁，好吃酥炸豬仔脾外脆內軟，啖啖肉，肉質軟，味道甜甜的比想像中好吃。農夫包是店員推介的，我們也是看上了溶岩拉絲芝士這一點。配菜的薯角鮮炸，又熱又脆，薯肉量多，點忌廉或茄汁都好吃，超邪惡溶岩拉絲芝士就是這樣~煙三文魚嫩滑香口，包中心是掏空的，裝著大量芝士，雞肉，菇和火腿，非常豐富。包身和頂都非常脆口，包頂充滿牛油香，可另外點附上的忌廉汁吃，口感豐富又滋味。我們太進取了，其實一個農夫包已經好飽每人百多元而已，捧著大肚子

行過見到諗住食個下午茶，諗住食炸雞脾，心諗炸雞脾都好難唔好食啦，點知送到黎個件根本唔係炸雞脾，好啦諗住如果好食都都無所謂炸雞脾又好，炸雞鎚都好，點知炸雞脾變炸雞鎚都算，個炸粉漿勁硬，雞鎚勁咸，入面個雞鎚根本係豉油雞鎚黎，是但整d炸粉漿係面係咁易炸下就出貨，我本身食野都係一個好隨便既人，如果唔係太差我都算，今次真係接受，同個姐姐反映完剩係講係咩係咩，根本唔想理你，如果和位要黎食炸雞脾就小心d全唔值，無下次，搞到我食完即刻去太和三多買返隻炸脾先平衡返個心理

今日放假訓醒落街搵食, 想食荼記野, 見到呢間開飯主義好似幾好咁門口已經有Menu, 見到個邪惡溶岩芝士厚西多士  真係要試下有幾邪惡下午兩點幾唔洗等位, 坐底立即叫野食, 太肚餓想加多東京電擊雞翼, 想知點電擊法. 點知賣晒, 睇黎係名菜wor, 下次要試下, 唯有叫個火腿通啦真係好邪惡呀! 芝士勁多, 仲要真係好溶, 正呀! 啖啖都係芝士就系大明里中心位, 好易搵新派荼記, 位都好坐唔逼勁多野食, 呢度只係冰山一角錯過了的電擊火腿通, 跟餐+$8, 湯濃火腿多又厚跟餐大大杯凍OT最邪惡既"邪惡溶岩芝士厚西多士 ($34)

係大埔舊墟有好多唔同類型ga餐廳唯獨呢間好多人等位睇一睇餐牌Wah,好多唔同種類簡韓式、扒餐、西式都有得簡最緊要係芝士比佢個芝士炸雞吸引住熔岩拉絲麵包芝士炸雞好芝士堅拉到絲本身炸雞已配上醬汁可以就甘食又可以配上芝士食一次滿足兩次願望仲配埋沙律清一清油膩Bbq燒烤汁焗豬仔骨意粉一黎到就覺得擺法好靚一般豬仔骨都以好多醬汁煮成呢間比特別以炸的方式鎖住肉汁再去焗重點都是好芝士香蒜燒茄子燒得好香呢間好多都好芝士今次又肥幾磅說好的減肥又要推遲

上星期放工約左個大埔之友去食野，佢推介我呢間開飯主義，平靚正！首先黎個煙三文魚沙律沙律醬岩岩好，帶有酸甜味 份量又唔會太多，蔬菜新鮮，二人份量小食係香蒜燒汁霜解色仔牛好有牛肉味帶有少少脂肪，食落香口juicy。加埋脆蒜粒口感不錯。主角黎啦！！焗意大利肉醬熔岩炸雞包份量原來都幾多！我地兩個人食到飽晒呀麵包外皮脆卜卜，帶點焦香味，入面係滿滿的肉醬同芝士。炸雞好香脆，點落個肉醬到 好match! 配上薯條同沙律，好豐富嘅感覺呀！我叫左一杯草莓果肉沙冰多多有草莓味，味道唔會覺得假，幾好飲的。但無果肉總括黎講食物有水準，價錢又合理！

又係夜晚係大埔出沒既時間，就黎將大埔既餐廳都食晒咁濟，先發覺有呢間餐廳既存在。其實佢係大埔墟既中心咁濟，但唔知點解就成日都無望過去間店，今次行近，發現原來d款式好多、而且都好特別，配搭係其他餐廳比較少見。佢個menu都幾厚，雖然食物偏貴，但勝在足特別。每個食物可以再+15$，就有前菜、湯、飲品。落左order之後，首先到既係前菜。餐湯份量好細，不過平時大大碗飲唔晒，相比起大，我覺得咁樣都還可以。至於個牛角包，細細隻、空氣感重，但好鬆脆、幾香、好食。如果有睇開我既食評，知道一向都係會叫凍檸茶，呢杯略嫌太多冰，不過味道都唔錯，茶味濃。我叫左個雞扒芝士焗飯 $80+$15，超大份，個雞扒又大塊，不過焗飯食到後期就開始覺得有d漏了。芝士有''極邪惡拉絲''！可以拉到好長架。另外叫左個普通d既飯黎試，$55，不過不失啦。埋單$150，主要係貴在個雞扒套餐了~價格尚可接受呢！