開飯主義

营业中

休息中

這晚到大埔找朋友吃飯走到大明里。看到餐牌，食物價錢相宜餐廳裝飾得挺有趣，小温馨的感覺Dinner Set 最便宜的也只是50$！最貴的dinner set也不超過一百元，當中包括餐包、餐湯、餐飲。性價比很高，很抵食呢！另外還有很多款焗飯、意粉可選！很多款也想試試！很難選擇呢餐包是外層十分鬆脆的牛角包超抵食之選！份量很豐富！一大條鹽燒秋刀魚外，還有三款什扒很喜歡加上的木魚與秋刀魚很配三款什扒的份量也不少的還有薯角性價比很高呢！餐廳不少食物都以溶岩拉絲芝士作賣點我選的這款焗飯也是煙三文魚足足有三大片厚厚的！拉絲！除了主食外，我們也點了款小吃。這款雞翼挺特別的，它是有點凍凍的外層厚厚的糖霜和花生，入口就像花生糖般，挺特別的青蘋果配檸檬，酸酸的，加了薄荷有清涼的感覺很適合夏天呢。很飽，又很抵食的一餐

身為一隻新界牛，唔係咁啱過黎踩單車的話係真係無咩幾何會去到大埔呢頭搵食，今次算係萬中無一。踩到攰就周圍搵下野食醫肚，見到呢條巷呢間野都幾多人排隊，再望下menu 價錢又唔太貴就去試。好在都唔係等得太耐，入面d擺設都幾有藝術氣息，不過入面滿哂座同埋地方淺窄要就住。我份人貪多款，想係有限價錢食最多的野，就揀左羅宋湯通粉加燒汁雞扒脆脆朱(半份）再追加一份煙鴨胸車厘茄salad 同我個frd share。友人係個芝士怪，要左份芝士咖哩牛肋焗意粉。先講自己，通粉不過不失，始終羅宋湯間間的分別唔會太大。雞扒脆脆朱先係主角，豬扒包果隻質地的麵包，新鮮出爐幾脆下，雞扒雖然唔多見燒汁淋係面，但係好香口，係得半份食唔夠喉，加番蕃茄同洋蔥中和下，口感豐富d。友人的意粉，係即場焗真係熱辣辣，芝士份量唔少（至少係面都估左最少1/3），芝士雖香但係食落俾咖哩的辣蓋過唔少，如果無咁辣的話會幾好。至於沙律，加6蚊以為得好少，點知同正餐的size 有得揮，淋上芝麻醬十分惹味。(不過只有跟餐先有SALAD,不設散叫)叫哂上面堆野食都係100蚊到，抵食之選。仲有凍0賓同朋友跟餐既奶油脆脆都好正

俾個裝修引左我男朋友入去，食物唔錯。態度普通，不過其他食客實在太嘈了。個牛腩飯幾牛腩，意粉超芝士。平價之中可以選擇，試下既一間舖。杯嘢飲都還可，份糧十足，唔會餓住走。

芝士焗煙三文魚西蘭花飯 $60呢個餐配埋半個奶油脆脆豬大概等15-20分鐘到有得食 黎到見到面頭有好多芝士😋 係做到拉絲效果 份量都好多 味道唔差 但唯一煙三文魚好唔新鮮 好大陣雪味😖😖常餐比較好🙈

放假同老公入大埔墟買野，咁順便食埋飯先番屋企啦，行下行下見到有間叫開飯主義既西餐廳，睇下門口既餐牌，老公話岩食，所以就決定食哩間位於大埔大埔墟大明里9號寶華樓C座地舖，行到大埔墟大街左近，好方便的地點，店內原來係新裝潢，好舒適的環境而且帶點可愛的風格。真係好多選擇丫，花多眼亂，樣樣都想食d！前菜點左個凱撒沙律，我的最愛，生菜好fresh，好乾淨，個醬汁先最正，又大份！叫左兩個set dinner，有餐湯同牛角酥丫，好少有西餐跟餐包係牛角酥架，真係好正丫，仲要焗熱左架,脆卜卜,好味!老公鍾意食牛排，緊係要點番個排黎比佢開心一下啦，因為我地食全熟，仲要係９成，係出面食煎到九成已經變到好韌,但哩間食煎到九成，肉質仲好嫩，唔會有咬唔開既感覺，好味，高質素又價錢合理的牛排。我鍾意食焗飯，叫左個好特別名字既焗飯＂烏賊極黑豚肉焗飯＂，以為只係豬排飯，點知原來係豬排外面有一層類似墨魚肉咁，真係好特別，仲好好味，個炒飯底真係好正！我最愛茄子，叫左個小食燒茄子，又大份又惹味，d蒜又夠多，下次去我會再點黎食！飲品點左杯柚子蜜，味道清新，唔會太甜，夠適中。老公點左杯沙冰凍飲，青蘋果檸檬沙冰，個造型好似出面個ｄ

今晚約左朋友入大埔食飯，因為明天攞左假，食夜D無所謂。友人話呢間D石鍋飯係推介，試下都好！講環境，不算大，不過好Wood 的裝修，木枱木椅，好田園，也不錯。熱到炸炸聲的石鍋飯來地，是牛肉石鍋飯啊，好多料，牛肉醬汁是燒汁，帶甜可帶到牛肉的肉味，好吃，牛肉也嫩滑。另外配料好多紫菜和木魚絲，又好多菜咁，60蚊食到，抵呀！叫左特色飲品，草莓梳打沙冰和青蘋果梳打沙冰，酸酸甜甜好好飲，夏天飲好正。另外呢個好似叫熔岩芝士包+炸雞，我好鐘意個包烘到好HOT，好多芝士拉晒絲咁，好好食好芝味，個炸雞好香脆，夠肉汁，不過稍為粉漿多左D。沙律也好吃，因為煙三文魚好夠咸香，係好貨色，沙律加左好多麵包粒，香香脆脆混著沙律醬和蔬菜會好吃。芝士焗好大隻，又好多芝士，蠔味也好濃，呢餐真係滿足到我地芝士迷，多多芝味啦! 食咁多野都三百幾，抵呀。

昨晚同朋友出大埔買野但係到咗月中食得太豪月尾捱落去諗住求其搵一間食就算數點知竟然畀我搵到新驚喜!!依家開飯主義有勁多特色嘢食之餘仲要唔貴😄煙三文魚沙律雖然唔係話好特別但係36蚊就有一大碟餐湯我揀咗忌廉湯特別嘅係餐包竟然係牛角包仲要係熱熱地一流🙆叫咗兩隻芝士蠔芝士嘅份量好足而且都好大隻最特別就呢個！叫熔岩拉絲芝士麵包炸雞仲要送薯格睇到餐牌張圖我就知我要忍唔住叫😍啲芝士真係多到喊出嚟咁大份又好食都係85蚊最後叫咗個牛肉石鍋飯好多配料 餸嘅份量又超多整體嚟講幾好食最重要係抵食😂下次路過一定再食👍

難得今日dayoff早起身食個breakfast🍳見到呢間開飯主義開左一排，一直想試下今日就試下個早餐，叫左個脆炸魚柳餐入面有茄汁焗豆，炒旦，muffin，煎腸仔，仲有一塊炸魚柳，跟一杯野飲。成個餐都幾好味，不過不失係個魚柳就overcook 左少少我嗌左杯好立克都好夠味，唔淡👍🏻另外順帶一提，員工都好好服務落雨有提供遮袋俾我入住把遮👍🏻其他餐廳少見呢個服務，值得一讚！下次會試下晚餐，見到menu好似幾吸引😊

餐廳裝飾色彩繽紛，燈光柔和，有唔少超級英雄既裝飾。煙三文魚沙律煙三文魚好靚，好似一朵花咁，煙三文魚係屬於味道較濃個種，同蔬菜清新既味道互相襯托，蔬菜都有好多種，如生菜同火箭菜等等。叫左個晚市套餐，有湯、牛角包、主菜同飲品，加錢仲有跟餐小食。牛角包同白湯都唔錯，牛角包暖暖地，散發著牛油既香味。就咁食尬好香，用黎點湯都唔錯。小食叫左韓式雞翼，雞翼炸到個皮脆脆地，入面仲有水份，表面既韓式醬汁酸酸辣辣好惹味。 由於突然好想食意粉，所以我主菜就叫左拉絲芝士肉醬雞扒焗意粉。最上面有粒三角既炸芝士，炸得好脆，入面有濃濃既芝士流出黎。雞扒好好食，同肉醬味道唔同，有種香草既味道，雞扒好易就切開啦。滿滿既肉醬包住意粉，充滿住蕃茄既甜味，又帶有一點點酸，配上芝士唔會好膩，互相平衡。飲品係草莓果肉冰沙,見到依個粉紅色既沙冰真係好開心，好靚！沙冰打得好細，充滿草莓同乳酸既甜味好好飲。

我地一入到去，一睇就好中意佢個裝修，非常型格，不過有dd暗。我男朋友叫咗個芝士汁雞扒撈面，我就叫咗個茄汁豬扒焗意粉。芝士汁雞扒撈麵嘅芝士汁好正，濃郁嘅芝士汁淋喺熱辣辣嘅面上，好夾，簡直係味蕾嘅享受！跟餐就會有一個奶油豬送嘅，甜甜地好好食。茄汁豬扒焗意粉我以為冇咩芝士傢啦，點知嚟到勁多芝士鋪喺面，好驚喜囉真係，之後食呢，食到底原來仲有好多芝士，勁爆讚，超足料，勁好味！另外，佢地所有員工都係著牛仔布嘅圍裙，好好睇，依個係一個有心思傢地方！我十分推薦大家去食！

晚上忙完，幫同事拎野回家！當然，順便在附近找個地方，食個靚飯，吹個水！大埔人的同事挑了「開飯主意」！門口都幾靚，有別於同一條街的其他食肆！大熱天時，一坐低梗係要整杯凍野飲下先啦！柚子沙冰多多，夠凍夠好味，入口有粒粒柚子，又唔太甜同事老公點左兩個小食，兩款都好香口，仲要價錢好抵，薯皇$17、茄子$28，岩曬我這類心多多的人！芝士滿滿，仲可以拉到絲，岩曬我呢個芝士怪！底下黑松露意粉，好惹味！重點係大大碟，羊扒手掌甘大，正常食量的女孩子兩個，都未必食得曬！我影相技巧不足，影唔到真實成座山的效果！鐵板雜扒嚟到我驚叫：痴鬼線，大碟到呢！薯菜當然有唔少，仲要有一大塊豬扒、一大塊牛扒、一大塊雞扒，仲要加條魚！一個人黎食，都唔會嫌單調，超滿足！唔好以為條秋刀魚得個樣，煎得香脆，三個人爭住食！貫徹大大碟，一大隻軟殻蟹，仲要有唔少正斗海鮮！總評：街坊親民價，份量大大碟，行開附近的一個好選擇！

今晚收工，係呢間cafe食左個好味既晚餐。好肚餓，叫左個紐西蘭西冷。一上菜，黑椒汁淋係鐵板度，炸炸聲，正呀。好大份牛扒，厚切的西冷，煎得幾靚。叫左七成熟，牛肉質感軟滑，食左一啖，好鮮甜。配埋厚厚的薯角，好滿足。鍾意牛肉個口感，咬落啱啱好，整得好味。餐包係牛角包，啱啱焗過，好鬆軟，加埋熱辣辣的忌廉湯食，好耐冇食過好味又抵食既西餐。由於太肚餓，叫左個小食，一口芝士。上菜上得好靚，擺到好似個風車咁，果然知道夏天最需要就係風扇。一咬落去，入邊既芝士滲曬出黎，好香，超好味。其實間野都好多野可以食。好似乜都有，連飲品都有好多種類。叫左個青蘋果薄荷蘇打，正，係韓國好興既飲品。係呢個熱到就快暈既大埔飲呢杯野飲，成個人即刻好涼爽，好幸福呀。下次一定會再黎，實在太多野食野飲可以揀，適合同朋友仔吹水食飯。

這天和朋友放工後去大埔逛街，在一田買個夠後，便走到廣福道看看有甚麼好吃。見Open Rice的評價不錯，就到這間開飯主義試試。 進去後，裝潢也不錯的，燈光稍暗，座位也闊落，甫坐下已覺得頗舒服。 店內提供的食物款式也頗多，我們三人肚子也很餓，所以我們瘋狂地叫了3個晚餐，更叫了兩個小吃，然後就坐下談天了。 我們隨餐加錢所點的特飲很快就來了，我點的是柚子檸檬梳打，份量很多呢！喝下去味道不濃烈，但很天然和舒服，坊間有些類似的特飲總是有些充滿化學物質的感覺，這杯就沒有了。 隨餐也附送餐湯及餐包，餐湯我們點了羅宋湯，湯的味道有點辣，這才正宗呢！材料也算豐富，有些西餐廳下的材料太少了，端出來也是水水的，這兒不會有這樣的情況。另外餐包不是普通餐包，上桌時暖暖的，又酥脆，好吃！ 很快小吃也來了，我們叫了芝士凱撒薯皇和蒜燒茄子。薯皇我挺喜歡，芝士粉很多，薯皇既熱且脆，我不斷一塊接一塊地吃；茄子也下了很多材料，味道不錯的，不過要是再清淡點就更好了！ 吃過小吃後，主菜也很快就到了！我們點的三個主菜都分來吃。第一個我試的是鐵板秋刀魚雜扒，我們都被它嚇呆了！份量超多，我

上一手已出名態度惡劣，轉左名又新裝修咪入黎試下囉。點知服務態度依舊惡劣，啲野好食左都無用。講返野食先，燒牛肉三文治OK 係份牛肉細左啲，咁既價錢不能要求太高另一樣芝士漢堡味道唔錯，味道遍咸但還可以接受。當然四十蚊既價錢不能同一百蚊既和牛漢堡相比，以一個茶記下午茶餐黎講已算不錯，總好過m 記啲漢堡包。如果唔係態度咁差我會比個，但依家只能俾個 OK 了。老闆用左咁多心機裝修同整啲新野食，唔差在培訓下啲員工既工作態度啦

我從未去個一間餐廳啲服務態度可以差成咁，我一入到去我睇待應D樣大部份都兇神惡煞好似得罪你咁，之後我就落單，我講完我要黑嘅嘢但我唔記得講配料之類等等，然之後佢就一句好唔禮貌地話咁即係要咩仲要黑我面，之後另一個我同佢講我要杯水佢就企左係度當聽唔到咁，仲要去咗玩電話，裏面個個都唔係做嘢，根本就冇服務精神。所以我以後都唔會再係呢間野度食。